والله تعبت من الوحام ومااقدر اتحمل

[ســـمـــاســـم]

ياويلي عنج وربي حاسه فيج لان صارت معاي بحمالي الاول تعبت بس الاستاذه كانو متعاطفين معاي لان كنت اوريهم تقارير الدكاتره

وفي حبوب للوعه تاخذها رفيجتي من مستشفى السلام حيل تمدحهم اهم 15 حبه بـ 30 دينار ..


والله يسهل عليج حملج .. ويرزقج الذريه الصالحه

ياحياتي مشكووره فديتج والحبوب جربتهم ومافادتني وكنت اكل حبه كامله ولا اكو فايده
وعلى طاري الدكاتره في بعضهم لا الحمدالله متعاطفين معاي بس في دكتوره حسبيالله عليها حتى الطبيه مانفعت معاها وتقول من قالج تحملين حلوه انتو تحملون وانا اللي باكلها والمشكله كويتيه وربي قهرتني والخساره اني مااقدر اسحبها الماده وبعد لانها تفتح مواد ثانيه !!

 

[ســـمـــاســـم]

ومشكوورين لكل وحده ردت ودعتلي بظهر الغيب وعسى الله يوفقكم ان شاء الله وينولكم اللي فبالكم ..
وبجرب التحميله يمكن تفيد معاي

 

[نادره في وجودها]

ما قول غير الله يعينج يا رب بس تــأكدي انا هذا الشي كله اجر وكسبتيه احمدي ربج وماااالج الاااا الصبر

5 شهور وانا اتعذب بفراشي لا ني حيه ولاني ميته بس عيون مفتحه ولا كلمه انطقها ولا حركه

ما خليت مستشفي خاص وحكومه ما رحتلهم كله علاااجي دربات مغذيات هم اللي معيشيني

على طول الحمام ترجيع ولوعه وعوار بالمعده الله لا يوريج شفت الموت بعيوني

حتي المطاوعه قريت عندهم بس ادعي ربي ليل نهار انا يفرجها على

والحمدالله طار من اول الشهر الخامس تقريبا بس شوي شوي والله اني اكل وجبات خفيفه وريجي ناشف بالمره

والماي اكرها ما حب اشربه

وانا اقولج مااالج الاا الصبر والمغذيات ينفعون ويساعدونج والله من كثر ما حطهم تجيني ضيقه مو طبيعيه

 

[نونو المزيونه]

اله يتمم عليج على راي البنات فتره بسيطه و تعدي

 

[noo7a]

حرام لاتقولين كرهت البيبي
كلنا نفس الحال
و كله اجز من الله
عيل شلون الجنه تحت اقدامنا اذا ما تعبنا

الله يسهل عليج و علينا

 

[dhaimo]

حبوب navidexin
من مستشفى الفروانية
يقللون اللوعة بس المشكلة انهم كانوا يدوخوني وايد
بس ما اعتقد في شي يروح اللوعة تماما
تحملي شوي وتهون

 

[جبنة بيضة]

كله أجر و الله يعينج بإذن الله

 

[أبله كويتيه]

حبيبتي اخذي حبوووب توقف اللوعه على طول وماترجعين

موزين لا تستكتين على روحج .. روحي اقرب صيدليه وقولي انا حامل وابي حبوب لوعه وترجيع

لمن ترجعين وايد الياهل مايتغذى ويصير بجسمج جفاف وزلال ويهج يصير اصفر

حبوب حبوب حبوب هذا الحل لا علج ولا بسكوت انا مانفع معاي الا الحبوب

وجربت كذا نوع يالله ظبط معاي واحد والحمدالله استخدمته لي اخر يوم نساة

 

[أبله كويتيه]

حبوب navidexin
من مستشفى الفروانية
يقللون اللوعة بس المشكلة انهم كانوا يدوخوني وايد
بس ما اعتقد في شي يروح اللوعة تماما
تحملي شوي وتهون

عجيييييييييه هالحبوب انا اخذهم من الصيدليه الي عند بيتنا

لا تعنين عالحكومه .. موجودين بكل مكان

 

[إستبرق]

كلنا تقريبا جذي انا هم حمالي من الترجيع صار فيني اسيتون وبدال المغذي حطوا لي اثنين وظليت 3 ايام بالمستشفى ومع حبوب الوحام قله شوي لي دخلت اخر الخامس بدت تصير اخف الله يعينج ويسهل عليج

 

[$$king moon$$]

حبيبتي فيه علج بالصيدليه حق اللوعه وفيه حبوب بعد للوعه
والصبح او ماتقعدين اكلي شابوره عالريج اتخفف اللوعه باذن الله
والله يسهل عليج ان شالله

 

[أم الغلا كله]

اصبري واحتسبي ، وتذكري دائما إن هذي نعمة من رب العالمين ، ولد عمي 22 سنه ما عنده عيال _ الله يرزقه _ قولي الحمد لله وحاولي تنسين النساة شوي ، روحي وطلعي وتسوقي وغيري دايما ، وانا سمعت إن توسته تحمصينها عدل وتاكلينها تريحج وايد ، وترا ما بقى شي كلش وتروح النساة عنج إن شاءالله .

 

[yasmeen_q8]

جربي علج chooz وصفتلي اياه دكتوري حق لوعة الجبد سريع المفعول والله اني خليت الدوا مال اللوعه اللي قالتلي اكليه قبل الاكل بنص ساعه وبس اعتمد عالعلج ومو غالي ب1.670 وانشالله اكون فدتج اذا ما نفع قوليلي دكتورتي معطيتني اسم دوا اقوى بس قالتلي لو هذول نفعوا لا تييبينه بكتبلج اياه احتياط لان في ناس لوعتهم تكون اوفر شوي انا الحمدلله هذا واايد زين دكتورتي نزهت ياسمين شاطره ومعروفه عشان بس تتاكدين من اسم الدوا اللي قتلج عنه

 

[عالية الشان]

روحي مستشفى لندن ونامي عندهم 6 ساعات يعطونج دريب وابره للوحام وحبوب رووووووووووووووووعه والله اني ارتحت

 

[Laymo0ona]

مالج الا حبوب onda
على الله ثم عليهم مابقى شي ماجربته ماكو شي فادني الا اهما جربت كل الحبوب مافادوني غير اوندا

 

[فوشية]

عندنا وعندج خير

انا وحااااااااااااااااااااااااااااااااامى تعبني كه نايمه كله مريضه وشهر عند امى

اول حمل لى لايعه جبدي مالى خلق اتحرك تعبانه لايعه جبدي بس ارجع وكارهه زوجي ان شفته ارجع او حتى سمعت صووووته

يارب يهون علينااااااااااا ودى ارجع طبيعيه تعبت حيل تعبت

 

[الغلا*]

انا بعد معاج بآخر الشهر الثالث واول نساتي تعبد حيل وجرب التحاميل وحبوب ومافادوني تعبت بعدين عطاني دكتوري حبوب onda وبصراحة نص النسات راحت واللوعة فيني بس اخف وترجيع مرة في اليوم او مرتين بالكثير طبعا احسن من قبل على الاقل اقدر اتغذى شوي وانشاء الله يفدونج

 

[ملح الدنيا فيني]

د هدى الزكري رقمها بالجريده عيادتها بالجابريهراجعيها تعطيك علاج النساه

 

[سكرررر2008]

هى فتره وتعدى حبيبتى تحملى
كلى بسكويت شاى الصباح واكثرى من اكل الموز بيقلل الاحساس بالغثيان كتير

 

[فيونه المزيونه]

حبيبتي في مياه فواره تلقينها بالجمعيه او سيتي سنتر وبمركزسلطان في عادي وفي بالليمون
حييييل زينه حق اللوعه