تجمع لحملة السدر

[ألمـاااس]

مشالله والله يتمم عليكم هالاهتمام

ويعطيكم العافيه بنات

الله يعافيج يا رب ..

بسألكم عن شامبو سورسير شنو فايدته ومن وين احصله

ماعندي خبرة فيه لاني ما عمري استخدمته ..

وبسألكم ابي وحده تساعدني بجدول حق شعري مشالله هني اغلبكم خبره واهتمام .. وتساعدون بعض .. وانشالله ما انسى اللي تساعدني بالدعاء

ابشري يا قلبي وهذا جدولي بالعنايه في شعري والحمدلله فرق كبيييير بين معاي مع ان صارلي بس شهرين ملتزمه..ولا ابي منج غير الدعاء لي بالغفره والجنه..

بالاسبوع الواحد عندي ثلاث ايام..عنايه..

يوم حناء ( خلطه الحناء هي حناء+مطحون الحلبه +مطحون المحلب+ مطحون حبه البركه+آس+اكليل الجبل+ قليل من المسمار ) تعجن في ماء او ماء الشاي..

يوم للزيت ( انا استخدم زيت براشوت ميثرابي خاص لتساقط الشعر انتي بكيفج استخدمي اي زيت تحبين بس المهم استمري على نوع واحد )

يوم للسدر ( اخلط سدر + آس )

باقي ايام الاسبوع راحه

عندي تونك فوركابيل استخدمه على حسب المزاج ابخ على جلده راسي مو على الشعر

وعندج بعد تونيك كومونوتو وايد روعه تستخدمه اختي الي اصغر مني بس نتائجه عجيبه
انا ناويه عليه بس يخلص الوشن حقي الي هو فوركابيل

أخذ حبوب مقويه للشعر الي هي سانتنيل اضن اسمها جذيه( حبه باليوم)
آخذ حبوب مقوي حديد للدم اسمها إيزي إيرون ( حبه باليوم )

انا ابي شي يطول شعري + وشعري بدايته وايد متساقط ابي شي ينبت

عشان جذي ابي استخدم (السدر - الحنه - الكتم بين كل فتره وفتره عشان احب الشعر الاسود- زيت برشوت - زيت دابر املا - جل الصبار والجرجير) و اي شي ثاني تنصحوني فيه يطوّل الشعر ..

البرنامج الي كتبته لج يطول الشعر وينبته وااايد فرق علي شعري للافضل

والسدر شلون استخدمه ومع شنو اخلطه ؟

السدر تخلطين ملعقه او اثنين حسب طول شعرج مع ملعقه من الآس تخلطينهم بالماي عادي تصير عندج عجينه نفس الحناء بالضبط تخلينها تنقع نص ساعه بعدها تحطينها عادي وانا اتركها على شعري بس ساعتين..

ونفس الشي زيت دابر املا شكثر اخليه على شعري ؟ لأن فيه ناس ذموه ويقولون حار على فروة الراس

زيت دابر املا هاليوم اختي حدها منهبله عليه وحده في دوامهم تقول اختي يوم شفت شعرها قمت اذكر ربي من حلاته وسماكه الشعره ولما سالتها لقت السر دابر املا وطبعا اختي طيران على الجمعيه واشترته وباديه فيه صارلها اسبوع وتحطه بس على جلده راسها وشوي مو وايد وباقي شعرها تمسحه مسح خفيف بالزيت مووو تغرقه!!!! لاااا مسح بس تقول لانه حار وكثرته تطيح الشعروتتركه بس ساعتين على شعرها وان شاء الله بعد شهر او اثنين بس اشوف النتائج على شعر اختي راح انزل موضوع بالمنتدى عن الزيت

ويعطيكم الف عافية انتظر مساعدتكم

الله يعافيج يا الغاليه

ومشكورين مقدما

العفو يا قلبي وحياج..

 

[q8ia7]

^^^

حبيبتي

ماقصرتي والله كفيتي ووفيتي

يعطيج الف عافية وياربي يوفقج بالدنيا والآخره لما يحبه ويرضاه ويرزقج من رحمته الواسعه ومغفرته امين رب العالمين ويرزقج ياربي بكل اللي تتمنين ويعطيج على قد نيتج الصافية

حبيبتي ماقصرتي ردج وافي ومن قلب وفوق هذا دزيتي لي رسالة خاصة عن ردج لي

حبيبتي الله ينولج كل اللي تتمنينه يارب

فديتج

 

[ألمـاااس]

^^^

حبيبتي

ماقصرتي والله كفيتي ووفيتي

يعطيج الف عافية وياربي يوفقج بالدنيا والآخره لما يحبه ويرضاه ويرزقج من رحمته الواسعه ومغفرته امين رب العالمين ويرزقج ياربي بكل اللي تتمنين ويعطيج على قد نيتج الصافية

حبيبتي ماقصرتي ردج وافي ومن قلب وفوق هذا دزيتي لي رسالة خاصة عن ردج لي

حبيبتي الله ينولج كل اللي تتمنينه يارب

فديتج

يفداج عداج يا رب

ياعمري ما سويت غير الواجب

واحنا خوات وانا شخصيا اتبع كلام الرسول عليه الصلاه والسلام

لا يؤمن احدكم حتى يحب لاخيه ما يحبه لنفسه

وابيج تستفيدين مثل ما انا استفدت

والدعوة الحلوة الي سمعتها منج تسوى عندي الدنيا والي فيها عسى ربي يتقبلها منج يا رب ولج بالمثل يا الغاليه

 

[sheraZia_Q8]

اليوم حطيت سدر لساعه ونص بس لاني كنت مستعيله بطلع
وبعدها غسلته بماي وحطيت حمام زيت عشان يطلع البواقي
ولمن نشفته حطيت على اطرافه زيت دابر عشان الاطراف ما تقصف من الجفاف :>

 

[عيون بوظبي]

السلام عليكم


بنات شو شفتوا نتايج حلوه ولا بعدكم

 

[ألمـاااس]

اليوم حطيت سدر لساعه ونص بس لاني كنت مستعيله بطلع
وبعدها غسلته بماي وحطيت حمام زيت عشان يطلع البواقي
ولمن نشفته حطيت على اطرافه زيت دابر عشان الاطراف ما تقصف من الجفاف :>

تمام عليج .. بس دابر ريحته قويه .. عادي تطلعين فيه؟؟؟

اشلون على الريحه؟

بس طريقتج حلوة

 

[ألمـاااس]

السلام عليكم


بنات شو شفتوا نتايج حلوه ولا بعدكم

وعليكم السلام

عن نفسي صارلي شهرين ملتزمه

والنتايج زينه

شعري صار اطول

وطلع لي شعر جديد

 

[عيون بوظبي]

وعليكم السلام

عن نفسي صارلي شهرين ملتزمه

والنتايج زينه

شعري صار اطول

وطلع لي شعر جديد

ماشاء الله زين

ان شاء الله تستمرين اكثر

ويكثف شعرج ويطول

 

[نجلا البحرين]

هلا بنات
شخباركم
انه من زمان ما حطيت سدر على شعري
بس شعري فيه طول شوية وقصيته من تحت الاطراف بس

 

[يتيمه بقلبه]

بصراحه بنات انا معاكم بالحمله بس اول مره اشارك :eh_s(2): صراحه النتيجه معاي روعه ماشالله وقف التساقط وطال شعري:eh_s(9)::wqedqw:

 

[ألمـاااس]

بصراحه بنات انا معاكم بالحمله بس اول مره اشارك :eh_s(2): صراحه النتيجه معاي روعه ماشالله وقف التساقط وطال شعري:eh_s(9)::wqedqw:

حياج يا قلبي معانا

والف مبروك على النتايج... واستمري لا توقفين

 

[ألمـاااس]

اليوم بحط على شعري تونيك فوركابيل

 

[مريم86]

السدر خشششن شعري من زماان كنت استعمله

 

[ألمـاااس]

السدر خشششن شعري من زماان كنت استعمله

المفروض تحطين زيت على شعرج بعد السدر

 

[dll3]

السلام عليكم

انا جديده .. امس اشتريت سدر

واليوم حطيته اول مره بحياتي

شجعتني حملتكم

جزاكم الله خير

وان شاء الله يناسبني السدر

دعواتكم

وربي يبارك لكم بالنتايج ويديم عليكم الخير

 

[ألمـاااس]

السلام عليكم

انا جديده .. امس اشتريت سدر

واليوم حطيته اول مره بحياتي

شجعتني حملتكم

جزاكم الله خير

وان شاء الله يناسبني السدر

دعواتكم

وربي يبارك لكم بالنتايج ويديم عليكم الخير

حياج معانا اختي

ونبي منج التواصل وتعلمينا شنو صار معاج باستخدامج السدر اول باول

 

[dll3]

ربي يحييك ياقلبي

اليوم نقعت ورق سدر وورق آس بماي حار مغلي وخليتهم لما بردووو وصفيتهم بعلبه

ناويه ارطب شعري فيه كل ما مشطته

وحطيت سدر ومحلب مطحووون وملعقة نشاء خلطتهم بماي دافي

لما برد حطيت شوي زيت آس معاهم وحطيتهم على شعري لمدة ساعه

بعد ماغسلت شعري ونشف بللته بالمنقوع اللي جهزته ومشطته

احس شعري صاير طري عن اول مع اني توني باديه

ربي يجزاكم الجنه

 

[tt2tt]

اب اب

 

[ألمـاااس]

ربي يحييك ياقلبي

اليوم نقعت ورق سدر وورق آس بماي حار مغلي وخليتهم لما بردووو وصفيتهم بعلبه

ناويه ارطب شعري فيه كل ما مشطته

وحطيت سدر ومحلب مطحووون وملعقة نشاء خلطتهم بماي دافي

لما برد حطيت شوي زيت آس معاهم وحطيتهم على شعري لمدة ساعه

بعد ماغسلت شعري ونشف بللته بالمنقوع اللي جهزته ومشطته

احس شعري صاير طري عن اول مع اني توني باديه

ربي يجزاكم الجنه

وياج يا قلبي..

مشكوره على الدعوة الحلوة

استمري على السدر بتشوفين الشعر ينبت بكثره ويطول

انا شعري وااايد تغير للاحسن

 

[نهاروليل]

السلام عليكم

عساكم على القوة بنات

بغيت أسألكم شو الأفضل :
السدر المطحون تسوينه عجينه بالحنا ، أو تخلطينه مع ماي دافي ويخمر وتحطينه ، أو بس ماي السدر بروحه كفايه؟

أستخدم شامبو صحت للسدر حاليا بعد ما أحط زيت باراشوت ساعة أو ثنتين

جزاكم الله خير