امهات المنتدى.. ترضون تزوجون ولدكم بنت متعرف عليها ؟؟

[kunkush]

وي بعد قلبي متى جي هاليوم يجيني محمود ويقول يما اخطبيلي والله لسوي 40 يوم افراح وليالي ملاح
المهم نرجع لموضوعنا انا بصراحه اذا يبي وحده وعاجته بس تكون العلاقه من طرف واحد يعني حب نظيف والله هذه الساعه المباركه اخذله اللي يبيها لو يوصل الدم للركب بس الله يكافينا الشر يكون متعرفلي على وحده بطرق ملتويه ’’’’’’’’’ خطيرة طرق ملتويه ههههه ’’’’’’’’’’ و مشت على شوارب ابوها واخوانها وما حشمت اهلها وكلمت من وراهم والله لو يحب السما ما دخلها بيتي وبعدين بنات تكفون لا تشوهون صورت الجيل الحين اللي يقولون الحين عادي وحده تكلم واحد واللي تقول اخوي يقول ياليت اخذ وحده بس مكلمه ليش اعوذ بالله ترى الزين اكثر من الشين و حنا الحمد لله للحين على الرغم من الانفتاح الكبير الا في شباب وااااااااااااااااااااااجد متمسكين بعاداتهم واخلاقهم
"""""""" يسلمو حبوبه على الموضوع الحلو

اي والله هذا الكلام الزين واوافق رايج مليون بالميه مادري ليش الله يهداهم مخلين الوضع انه غصب عادي حسسوني ان مافيه بنت شريفه لاوالله لو خليت خربت وياكثرهم بنات الحمايل اللى امهاتهم راكين عليهم واحسبوا احساب سمعة اهلهم للاسف بدل ما نقرا ردود انها اتعلم ولدها وبنتها على مسؤولية تحمل الشرف والسمعة الطيبه واللى بالاساس ديننا ورسولنا حثنا عليه نقرا ردود صراحه استغرب شلون صاروا امهات؟؟؟ والحين فعلا اثبت ان سبب ضياع الابناء والمناظر اللى انشوفها بالمجمعات وغيره سببها هذا النوع من الامهات الله يهديهم:yaaaaaarb:

 

[زين الوصايا]

انا مو ام

اذا طلعلي ولد وحب عاادي ليش لا يمكن شافها
عمي شاف مرته وكااااان وده يكلمها وقال لامه ابيها شفتها بالسياره وعرف بيتهم وتزوجوا

 

[mf6nt el3lat]

انا مو ام بس بقولكم راي @_@







لا​

 

[kunkush]

كلام ماني من الناس عدل

هذا اللي اقصده الحين انتو شدراكم اللي بتخطبونها خطبه تقليديه مو ماره بتجربه مو حابه من قبل

ظامنين ولدكم بينسى اللي يحبها و ويحب مرته؟؟

ظامنين ماراح يتم يكلمها و يكمل علاقته وياها بس بدال لاتكون علاقتهم بالحلال اتم بالحرام؟؟؟؟

تدرين ليش قلتي الحرام لان اللى سوته غلط فلو اهي تعرف الله وحاطته جدام عينها ماتسوي الحرام الحين عرفتي ليش اغلب الامهات رافضين؟؟؟

 

[kunkush]

انا بضيف شغله


الي تكون متام اطلعت وكلمته من ورا اهلها اشلون بتصونه


ليش هي سوت هالشي علشان منو مو علشان الولد لان اوثقت في وحبته


وضحت بثقت اهلها علشان الولد واخر شي يتخلا عنها



فلازم ارضى على الزواج لان اخاف من الله وعلى البنت

الله وبتمنين علينا عشان حبته والله ماحد طقها على ايدها وقالها تليقفي وحبيه والله زين ردود اتضحك صراحه :krkrkr:

 

[blue ocean]

انا مو ام

بس راح اوافق بشروط اذا كانت علاقتها فيه محترمه

يعني مو سوالف لي انصاف الليالي وحبين واحبك ووو ...

واكيد ولدي بربيه عدل ماراح يحب وحده جذي لول المهم مو هذي السالفه

يعرفها بطريقه محترمه يعني زميلة عمل دراسه وحبها الخ...)

بهالطريقه بسأل عنها واذا خوش بنت بنتوكل على الله

غير هذا ماعندنا خرابيط

مشكوره حبيبتي عالطرح​

 

[ترانيم القصيم]

ترانيم و رايده احترم وجهه نظركم و انا مو قاعده اشجع ولا الموضوع عن علاقات البنات والشباب بس انا اشوف اذا 2 حبوا بعض و خلصوا و يبون بعض بالحلال حرام افرق بينهم خصوصا اذا سألت عنهم و الكل يمدحهم .. وو هذا رايي ب بساطه

لا يا الغاليـة لا تفكرين إني أدخل في نيتك ,, أنـا ما أطعن بالغرض من نشرك لهذا الموضوع و لا تأييدي لرد الأخت رايدة أقصد فيه كذا

أنا أؤيّد كلامها بالجملة ( لأنها عارضت العلاقات المحرمة ) و رفضتها رفضًا قاطعًا ,,

أنا أخذت زبدة الغرض و منتهى الكلام ,, أما نيتك حاشا و كلا أن أدخل بها ,, و نسلم زمام أمرها لرب الأرباب علّام الغيوم :eh_s(7):

2 حبوا بعض و خلصوا و يبون بعض بالحلال حرام افرق بينه

و ما كان حرام يوم إنهم ارتكبوا علاقة محرّمة و جعلوا الله أهون الناظرين إليهم و أسهل المطّلعين عليهم ؟

الجزاء من جنس العمل ,, ^_^

إحترامي و تقديري

ترانيم القصيم

 

[رايدة وقايدة]

ترانيم و رايده احترم وجهه نظركم و انا مو قاعده اشجع ولا الموضوع عن علاقات البنات والشباب بس انا اشوف اذا 2 حبوا بعض و خلصوا و يبون بعض بالحلال حرام افرق بينهم خصوصا اذا سألت عنهم و الكل يمدحهم .. وو هذا رايي ب بساطه

هلا جيرلونا شلونج! شلون الصيدلة معاج؛)
لا انا ماقلت انج تشجعين؟؟؟؟؟؟ انتي كتبت سؤال والردود لعبة بحسبة الموضوووع!!!!!
تدرين شنو المشكلة؟؟؟
انج تقولين 2 حبوا بعض واخلصوا ويبون بعض بالحلاااال؟؟؟؟؟؟؟؟؟؟
انزين شلوووووون حبوا بعض!!!!!!!
فهميني الطريقة؟؟؟؟؟ عشان مانظلمهم براينا!!!
بس تقولين حبوا بعض واخلصوا!!!!!!!!! اهم شي خلصوا؛))))
اناوضحت وجهة نظري ومامن تراجع!!!
والامر اوله وتاليه بيد ام الولد وابوه؟؟؟؟
بس ماشالله الردود وضحت ان في واجد راح يستانسون ويباركون لهم!!!!!؟ امحق اهل
وماننكر ان شكثر تزوجوا بهالطريقة!!!يعني كل وحدة خذت رفيجهاااااااااا!!!!!!!
اي شكثر ومن كل العوايل.. وعايشين في سبات ونبات ماكو اسعد منهم ماشالله!!!!!!
لكن المبدأ واحد بالنسبة لي..وترا الناس تنقد مو عبالكم بيحترون منكم!!!
ماارضى علا نفسي اني اكون ام داجة يقولي ولدي اخطبيلي رفيجتي احبها!!!!! واشق الضحكة واروح اخطبها؟؟؟ لا ويييييع وين قاعدين!!
على قولة وحدة نسيت اسمها: اللي جايتني من الشارع...........للشاااااااارع!!!!مستحيل تفرض رغبتها علي..
والحمدلله الله مكثر المتربيات الخلوقات لاتقولون شدراكم هالمتربيات ماكلموا؟؟؟ ترا كل من وله طريقته نعرف الناس
وعلا قولة كنكوش: تبين البارع من الحياوية واللي كلمت من اللي ماعمرها كلمت!!
وبس
ترانيم مشكورة على الكلام الحلو والدعوة الحلوة امين يارب
كنكوش حياااااااج انظمي للقائمة؛)))

 

[أنوار العشق]

الزواج بيد الله سبحانه وتعالى

وأعتقد أستحاااله الرجال يتزوج بنت متعرف عليها
ألا أنه فيها شي خله يثق فيها ثقه عمياء ويتقدملها !
أكيد شي زين ولا شلون أقتنع وتزوجها ؟

هذه حياته وبيته وعياله وأسرته .. ماله مني ألا الشورى
غير جذي على راحته

 

[فرزاشيهـ]

اول شي انا كنت مع الزواج عن حب بشده بعد .....بس تبين الصج ماكو شي اسمه حب اهما بس متعودين على بعض اوكي يمكن الولد يحبها و اهي تحبه بس صدقيني يبي له وحده احلى منها راح ينساها و اهي بعد يبي لها واحد فيه كل الصفات اللي تحلم فيها و مو موجوده فيه راح توافق .،،وو كل مابُني على باطل فهو باااااااااااااااااااااطل انا باجر لو ياني ولدي و قالي احب و ابيها راح ارفض مو عشان اوقف بويهه لا ..،لان بعد راح يحس بصحت كلامي له يمكن البنت تكون زينه و ماعليها بس اذا من نطاق العايلة و الاهل و الجيران اوك بس من برا no way احنا بمجتمع يرفض جذي بعدين لاتنسين التفرقات سني و شيعي و بدوي و حضري الواحد لازم ياخذ من ثوبه لان الزواج الناجح التكافئ سوري على الاطاله

 

[مستغانميـة]

رد: رد : امهات المنتدى.. ترضون تزوجون ولدكم بنت متعرف عليها ؟؟

والله اذا يحبها واهي بنت محترمه ومؤدبه

ليش لا

مافيها اي شي

واللي تقول شلون سمحت لنفسها تسوي هالشي

اقولها الحين الجيل اختلف عن زمان اول

زمان اول كان عيب البنت تطلع عند عتبه الباب

الحين البنت تقوم وتداوم .. عيل هذي بنت مو زينه بعد ..؟؟


زمان اول

الاختلاط عيب وياويلها اذا ولد الجيران لمح طرفها بس

الحين الاختلاط بالجامعات والدوامات والسوق وبكل مكان .. عيل كلنا مانستحي وقليلين ادب .؟؟

يا ماما يا حياتي

كل جيل له طبعه

جيل الحين بالنسبه له الحب شي حلو
وبالعكس

اللي تقول ازوج ولدي زواج تقليدي

انتي ضامنه ان هذي البنت اللي على قولتج بنت الجيران وتحت عينج .. ليش نايمه بسريرها مثلا ؟؟ لوول

ضامنه انها ماتكلم ولا لها علاقات ؟؟؟

ضامنه اخلاقها ..

ترى هالزمان الظاهر يختلف اختلاف كلي عن الباطن

وجيل اليوم ذكي يعرف شلون يموه نفسه واكبر دليل اليهال شوفيهم

الياهل مفتح اكثر من الام هههههههههههههههههههههه

وعنيد ويبي يمشي رايه .. غير عن يهال قبل اللي يمشي ورا امه


مثل ماقلت

دام الريال شاري البنت
ليش احرمه منها

عشان جم عقده حاطتها براسي مثلا ؟؟

ومعلومه للجميع

اصلا صبيان هالجيل ماينقص عليهم كللللللللللللللللللللللللشششششش

اهم يقصون عليج ويمشون على راسج وانتي ماتدرين

يعني اذا الصبي وصل لمرحله يقولج يمه انا ابي اخطب وحده احبها فهذا اكبر دليل ان ماقدر يوصل للي يبيه منها وبالاخير استسلم واقتنع فيها وباخلاقها

ولا تحاولون تصيرون افهم من الشباب لانهم يمه منهم والله يعرفون كلشي ومفتحين

لوووووووول


وعلى بركه الله



وهالوقت انا اشوف زواج المعرفه ناجح اكثر من التلقليدي لان فيه تفاهم وموده اكبر من التقليدي طبعا مو الكل لكن الاغلب

يابعد عمري يا غلا على هالرد خوش رد والله بردتي ام جبدي .. والام اللي ترفض هالشي ...!!! شالمشكله اذا تزوج ولدي اللي يحبها .. ليش احرمه وامنعه من سعادته .. عمري ماراح افكر بهالانانيه هذي .. ترا الريال اذا ماتنفذ اللي يبيه راح يخلينا ننفذه غصبا علينا وخصوصا الريال لي حب وطاح بالحب .. وبعدين ولدي ما يأ وقالي بخطبها الا اهو عارفها وفاهمها وعارف اخلاقها .. ودامه فكر بالزواج ومسؤولياته معناته اهو فعلا رجل مو ياهل يتخبط بقراراته . يعني عارف شاللي قاعد يسويه ..

 

[Dam 3zi]

متعرف عليها ناس تقول مو زينه وماارضى ازوج ولدي

وزواج تقليدي الطرف الاخر يقول شدراج انها بنت ناس وطيبه


صدق لاقالو الناس اجناس

ولولا اختلاف الاذواق لابارت السلع

لاتعليق

 

[Meeesh]

ma bwgf b6rega

 

[sunshine☼]

طيب انتم يا الأمهات الي تقولون عادي ... تظمنون إن البنت ماتكلم غير ولدكم ؟!
إذا هي قاعدة تكلم ولدكم فأكيد إنها تكلم غيره !!
لا تسستبعدون هالشي ... أنا مو متزوجة وماني مالت هالمكالمات والخرابيط هذي الحمدلله ... إذا تزوجت وجبت ولد أقولك

 

[فرااااولة]

الله يبعد ولدي عن الحرام
وان شاء الله ما ايي اليوم اللي اشوفه يقولي يما انا احب فلانة واكلمها ومن هالخرابيط

ان شاء الله يكبر واييني يقول يمه ابي اتزوج انتي دوريلي
فديته والله،يا رب احفظه وبعده عن الحرام وبعد بنات الحرام عنه

 

[شبيهه القمر]

مافيها شي ان كان الولد يحبها وهي تحبه ماراح احرمه من السعاده واسال عنها واعرف وضعها وشنو سمعتها وازوجه اياها احسن من اني احرمه ويتمادي بالغلط وياها ..

 

[ms.balmen]

الحين الحياة تغيرت و المفاهيم تغيرت و نظرة الناس لهالموضوع ايضا تغيرت
يمكن قبل شوي متشددين من هالناحيه ..اما حاليا لا
عن نفسي ..ماراح اوقف بطريج ولدي ..لان هاذي حياته ..وقبل كل شي لازم اسأل عنها و عن اهلها واذا كل شي اوكي اوافق ليش ما اوافق...الحين من الافضل برايي ان الريال يدور زوجته تكون على ذوقه افضل

 

[ايمان_مشرف]

يغمى علي ..
لا بس احس ان الولد ضاحكة عليه ام الحب ..لوو يسويها بدون لا يصارح الام:
ان فيه علاقة حب وعايش الجووو ..
اقصد يقول يمه ابي اتزوووج هالبنت ..ولحد يسأل ليش !احس اريح للام ..
ووووو لكن ..
بالمستقبل عيالنا اتوقع :
البنت اهي اللي تقول انا احبه ياماما وعوزاه ياماما..موو الولد يعيش القصص البنت واشكره .. ويمكن حتن المجتمع يتقبل هالشيء

 

[blondeya-pretty]

آنا مخطووبة وعن حب بعد والحمدلله !!
وام ريلي وافقت لانه تدري انه ولدها يحبني ومايبي غيري مع انها متدينة واايد وماعندها هالسوالف بس اهي بنفسها قالت ولدي يبيها وعارفها عدل ليش اكسر قلبه !!
الله يتمم علي ان شاء الله:yaaaaaarb:
واللي تقول ما ارضى ياخذ وحده يحبها صدقيني بينقهر والله

 

[قطيووه^_^]

شوفي انا مومتزوجة
بس اذا جاني ولدي وقال احب وحدة واكلمها راح اتحططم
لييش لاني راح اكتشف ان ولدي طاح بالحرام كلم وحدة غريبة بغض النظر الى اي مرحلة وصلو حتى لة مكالمات وبسس
المهم انهم طاحو بواحد من المحظورات
بغض النظر عن الجيل او الزمن يبقى الدين نفس ماهوو يعني حرااااااام
لو الموضوع موضوع عادات وتقاليد اوك بس اهو موذوع دين يعني اليوم او بعد 100 سنة نفس الشي
راح اقوله روح اذا تبي اخطبها بس لاعاد اشوف وجهك لانه للاسف ضيع تعبي وتربيتي له >>>على فرض اني ام
يعني انا شلون اثق بوحده خانت اهلها واخوانها شفرقها عن البنات اللي يطلعون مع ربعهم ويسوون الحرام معاهم انها ماسوت حراام بس
لا يبا
بعدين اهي اذا تزوجته راح تربي بنات ولدي نفس التربية
ما اعتقد ولدي بيوافق انه يزوج بنته نفس الطريقة اللي تزوج فيها امها يعني عن حب لانها بنت يعني بيصير في تناقض اهو تزوج عن حب ومايبي بناته يتزوجون عن حب شلووون

الله يبعدنا وعيالنا عن الحرام ويصلحهم