امهات المنتدى.. ترضون تزوجون ولدكم بنت متعرف عليها ؟؟

[اميرة اللافندر]

خوش سؤال
كل الشباب يتعرفون سوا بالجامعه والا بالعمل والا باي مكان ثاني
دام انه ايقولي وايصارحني عن علاقته هذا شي طيب وايريحني موغلط
واذا كان جاد ويبيها على سنه الله ورسوله بالعكس يسعدني اني اسال عنها واشوف اخلاقها
لاني بالنهايه ام وابي لولدي الخير والسعاده
العقد والتخلف ماينفع وماينفع الام انها اتعاند وهي عارفه الوضع بهالزمان اشلون صاير ياخذ برضاج احسن

 

[بحيرةالبجع]

خوش موضوع

بالنسبه لى لا ما ارضى ياخذ وحد متعرف عليها

لان بنات هالزمن وايد مفتحين ويعرفون كل شى

وماتدرين على جم واحد كانت متعرفه وماشيه

والامر بالنسبه لى وايد صعب بصراحه مادرى اشلون

ومن وين احصل بنت امها وابوها من جيل القديم الى

كل شى عندهم عيب

وحتى ولدى من الى يشوفه يقول اشلون احصل بنت

محد لعب بعقلها

وسامحونى هذى وجهة نظرى ​

 

[G!RLooNa]

7
7

حياج

 

[G!RLooNa]

:n2006107:

 

[ليلى اشكناني]

رد : امهات المنتدى.. ترضون تزوجون ولدكم بنت متعرف عليها ؟؟

اذا خوووش بنت نعم ولدي ماكسر فيه

 

[هيوونه@]

والله اذا بنت زينه والاهم تكون من مواخيذنا

ليش لأ الله يباركله

 

[أم حمد =)]

أكيد بالبداية راح اسأل عنها واذا خوش بنت مارح اعارض والي يسعد ولدي اسويه

 

[حظ من عنده انا]

رد : امهات المنتدى.. ترضون تزوجون ولدكم بنت متعرف عليها ؟؟

امممممم

اذا هي تعرفت عليه من ورا اهلها وجريئه معاه ووتطلع من غير مااهلها يدروون

ليش ازووجها ولدي وباجر تسووي بغيره نفسس اللي سووته معاه<< اقصد تكلمه و تطلع وتروح من ورا اهلها



لا ان شالله ازوووجه وحده ثقه تربي عياله وتشيل اسمه

<<<< وجه نظر

 

[أم لسان]

لا ارفض وبشده

اباخذله وحده راعيه دين مابي اخذله وحده تحاجي وتغازل
واذا كل الامهات زوجو اعيالهم بنات مغازلجيات
راح نضلم بنات الناس الدينات

 

[زنقة زنقة]

انا عن نفسى مارضالاكن اذا زنقنى الاهى وش اسوى برضا زنقة زنقة

 

[زيتونه مرت باباي]

مادري شنو تقصدةون بخوش بنيه ؟؟؟

اذا اهي سمحت لنفسها تتعرف على واحد ؟؟ شلون يعني زينة ؟؟



لو عندي ولد لا والله ما ارضى لو شنو

حتى لو يحبها ،، حبتهم القرادة لان احنا في مجتمع عيب هالاشياء وحرام اساسا

شلون يبني حياته على هالشي ؟؟؟



طبعا ارفض وبشدة

عدل كلامج .. وانا معااج باللي تقولينه ..

 

[اسيل الصمت]

رد : امهات المنتدى.. ترضون تزوجون ولدكم بنت متعرف عليها ؟؟

والله اذا بنت ناس ومتربيه ماتسويها

 

[الينبوعة]

ههههههههه يمة خرعتوني ههههههه في امهات يخوفن الصراحة انا حسيت بالغيرة ههههههه
سؤال يخوف عفية عندي ولدين صبيان الله يحفظهم لي ان شاء الله ​

اكيد راح اوافق وما راح اوكف بطريقهم بس الاهم تكون بنت ناس ومنا وفينا يعني جنسية ثانية لان انا وزوجي اثنينا اخترنا بعض وحبينا بعض وام زوجي الله يهديها وكفت بطريقنا وما حبتني كلش مو طايقتني حست اني اخذت ابنها منها وقالت ما تتزوجها بس تزوجنا الحمدالله وبعدين قالت طلقها ههههههههه وتركنا المكان الي هيا بي وهربنا ولحد الان ما تحجي معانا شفتو القهر والله انا احبها وما عندي شي ضدها جربت اتقرب منها بس فشلت هيا تشبة خالتي قماشة الله يحميها ههههههههههههههه​

 

[ليبراليه]

اي مافيها شي وهالشي قمه سعادتي

 

[رايدة وقايدة]

الحمدلله قريت كل الصفحات
قريتهم لاني بعرف انتي شتقصدين بمتعرف عليها؟؟؟؟!
واكتشفت انج تقصدين سوالف مغازل وتلفونات بانصاص الليالي ومقابلات ووووو.... الخ
اللهم استرنا بسترك...يا ستار
لانج ماوضحتي عدل حدود التعارف وخليتي الردود تمشي بدون لا تنفين او تثبتين تصرفات البنات اللي انذكروا كامثلة!!!!!؟واكتفيتي بكلمة زواج عن حب!!!!؟
اقولج راااايي: طبعا تخسي تدش بيتي ( الصايعة )!!! مو تقولون لاتحطين بذمتج!!! انا ذكرت منو اقصد بالكلمة اقروا السطر اللي فوق!!!!!
والحمدلله انا متخرجة من الجامعة ودارسة تخصص 5 سنين... عشان مو تقولون اني دقة قديمة والزمن تغير!!!!!؟
يعني المبادئ والاخلاق وحدة وثابتة واللي ضفت نفسها ومشت محترمة وسيدة مو صعب ازوجها لولدي...
وبالنسبة للي يقولون ليش نقول البنت مو محترمة ومغازلجية ووولدج مو يغااااازل؟؟؟؟؟؟
حبوووووباتي هالبنت ماتعرف تضف عمرهااا؟؟ وتسفه الولد اللي يتحرش فيها؟؟ شحقه تاخذ رقمه؟؟ لا وتكلم وتطلع وتخربط!!!! يارب استرني ولا تخزني يوم يبعثوووون...
يعني لاخافت من الله! ولاخافت احد يطيح عليها ويبلشها؟ ولا تابت وقطعت هالشي!! ولا استغلت وقت فراغها الزاااايد هذا تصلي فيه ولا تدعي الله يرزقها !!!
لا الحياااة سعيدة لاعبة بالدنيا لعب ويالله زوجوني اللي احبه!!!؟
كييييفكم انتوا احرار كامهات بس انا اوجه كلامي للبنات اللي يدافعون عن هالاشكاااال!!!؟
اي احنا نغلط بحياتنا ونسوي اشياء قد تكون مافيها رحمة... وباب الاستغفار واصلاح الخطأ مفتوح ليحين ليلحين ماتسكر الحمدلله!!!!
اما انج تجين وتساوين تصرفات حياتية غلط بهالتصرف!!!! اسمحيلي؟؟ ماتعرفين الخوف من الله؟؟؟
يعني بنات بالعقل هالموضوع موضوووع ( كراااامة ) لهدرجة ترخصين نفسج لواحد مابينج وبينه شي! ماراح اقول سالفة شرف وشرف اهلها وسمعة اي اكيد بس محد قام يحط لهالاشياء قيمة مجرد كلمات تنقال...
ترا بالنسبة اللي تكون معاه بالدوام وشايف اخلاقها ولا كلمته هذي احطها علا راسي... لاتقولون شدراج ماكلمته؟ يبين سبحان الله وتعرفون

 

[رايدة وقايدة]

تحية لماركة مطيرية
واشباه المطر
وصمت المرافئ
وترانيم القصيم
ونسيت اقوولج ترا انا مو متزوجة
ولااااني دينة ومتغشية!!!! لاسفووور
.
.
.
اضحك متحجبة الحمدلله

 

[ترانيم القصيم]

رايدة و قايدة ,, بصراحة ما أقدر أخفي إعجااااابي بسطور ردك الأول

بردتِ قلبي برد الله قلبك بدخول الجنّة و الشرب من خمرها و لبنها قولي آمين يا وخيتي فدييييييت قلبك

رد منطقي و منصف و إن كان لي تحفظ على كلمة ( صايعة ) ما نقول إلا الله يهديهن يا رب و هن آللي جابن لأنفسهن الوصف هذا

مستحيل نساوي البنت العفيفة الخلوقة بآللي رضت تدنس عرضها و تمسح كرامتها يوم إنها قبلت تكلم واحد و تخون الدين و المبادئ و الأخلاق

لا تجي وحدة تقول أنتم تستهزؤون بحكيكم ,, حنـا ما نستهزء حنـا نتكلم عن الواقع و نناقشه

على قولة ( الأخت الحبيبة : دبي العز ) :

إذا كانت البنت آللي تكلم ( خلوقة و عفيفة ) , أجل حنـا يا هاللي ما نكلم وش نطلع ؟ ملاك بشري ؟

ممكن كلامنا يكون قاسي على الأخوات آللي سلكن الطريق الخاطئ و خاضن علاقات محرمة ,, بس هذا هو الواقع ما نقدر نجاملكن

الطريق آللي أنتن تمشن فيه ينافي الشرف .. يناقض الفضيلة .. يئد العفة و يمرّغها في التراب ,

يعني يكفينا من هذا كلّه قول الله سبحانه و تعالى : ( غير مسافحات و لا متخدات أخدان ) ,,

و لي تعليق بسيط على هالجملة :

وبالنسبة للي يقولون ليش نقول البنت مو محترمة ومغازلجية ووولدج مو يغااااازل؟؟؟؟؟؟

ولدي يوم إنوهـ يكلّم ( غلطان ) يعني نعترف و نقر بهذا الشي و تصرفه لا يمت للعفة بصلة و يقارع صرح الفضيلة ما فيها كلام

بس مهوب معناهـ إنوهـ غلط و كلّم بنت أقوم أزوجه ( بنت من طقّته ) تكلّم و تغازل !!

يوم إنّي أبزوجه أبدوّر له على البنت الخلوقة الملتزمة العفيفة الشريفة آللي تكون له زوجة صالحة و تعينه على الصلاح و الإلتزام

و نفس الشي بالنسبة للبنت آللي تكلّم .. الأنسب لها ( الإرتباط برجل متديّن ) حتى يعينها و يصلحها و تهتدي على إيدهـ

إحترامي و تقديري

ترانيم القصيم

 

[G!RLooNa]

ترانيم و رايده احترم وجهه نظركم و انا مو قاعده اشجع ولا الموضوع عن علاقات البنات والشباب بس انا اشوف اذا 2 حبوا بعض و خلصوا و يبون بعض بالحلال حرام افرق بينهم خصوصا اذا سألت عنهم و الكل يمدحهم .. وو هذا رايي ب بساطه

 

[kunkush]

رد: رد : امهات المنتدى.. ترضون تزوجون ولدكم بنت متعرف عليها ؟؟

والله اذا يحبها واهي بنت محترمه ومؤدبه

ليش لا

مافيها اي شي

واللي تقول شلون سمحت لنفسها تسوي هالشي

اقولها الحين الجيل اختلف عن زمان اول

زمان اول كان عيب البنت تطلع عند عتبه الباب

الحين البنت تقوم وتداوم .. عيل هذي بنت مو زينه بعد ..؟؟


زمان اول

الاختلاط عيب وياويلها اذا ولد الجيران لمح طرفها بس

الحين الاختلاط بالجامعات والدوامات والسوق وبكل مكان .. عيل كلنا مانستحي وقليلين ادب .؟؟

يا ماما يا حياتي

كل جيل له طبعه

جيل الحين بالنسبه له الحب شي حلو
وبالعكس

اللي تقول ازوج ولدي زواج تقليدي

انتي ضامنه ان هذي البنت اللي على قولتج بنت الجيران وتحت عينج .. ليش نايمه بسريرها مثلا ؟؟ لوول

ضامنه انها ماتكلم ولا لها علاقات ؟؟؟

ضامنه اخلاقها ..

ترى هالزمان الظاهر يختلف اختلاف كلي عن الباطن

وجيل اليوم ذكي يعرف شلون يموه نفسه واكبر دليل اليهال شوفيهم

الياهل مفتح اكثر من الام هههههههههههههههههههههه

وعنيد ويبي يمشي رايه .. غير عن يهال قبل اللي يمشي ورا امه


مثل ماقلت

دام الريال شاري البنت
ليش احرمه منها

عشان جم عقده حاطتها براسي مثلا ؟؟

ومعلومه للجميع

اصلا صبيان هالجيل ماينقص عليهم كللللللللللللللللللللللللشششششش

اهم يقصون عليج ويمشون على راسج وانتي ماتدرين

يعني اذا الصبي وصل لمرحله يقولج يمه انا ابي اخطب وحده احبها فهذا اكبر دليل ان ماقدر يوصل للي يبيه منها وبالاخير استسلم واقتنع فيها وباخلاقها

ولا تحاولون تصيرون افهم من الشباب لانهم يمه منهم والله يعرفون كلشي ومفتحين

لوووووووول


وعلى بركه الله



وهالوقت انا اشوف زواج المعرفه ناجح اكثر من التلقليدي لان فيه تفاهم وموده اكبر من التقليدي طبعا مو الكل لكن الاغلب

ترا المسألة مو مسألة زمن اوكي الزمن يتغير بس الدين والشرع لا يا قلبي الدين ثابت ووين الاخق والعادات والتقاليد من هذا كله هذي مو من اخلاقيات الرسول عليه افضل الصلاة والسلام ... وبالعكس ترا نظريتج غلط مو معني انه على قولتج طلبها يعني ماقدر يطول اللى يبيه اهي شكليا صح واعرف حالات طاحوا فيها شباب تكون البنت امخبصه وعليه عليه وهو على نيته تفر راسه وتييبه ولا طلب منها شي قالت له تعال ترا اهلى ناطرينك واعرف بنات تكون مخبصه مع غيره وتقوم تقط بلوتها على الريال عشان يستر على بلوة غيره لالالالالالا والف لا انا ولله الحمد معلمته معني الدين والشرف هذا دين مو لعب والحمدلله اللى بنختارها انعرفها وانعرف اهلها وتربيتهم واللى ياخذ منهم ماتحسف مو لايثه اتكلم مع فلان وووو ولاتخافين ترا اللى مكلمة عشرين اتبين واللى مكلمه واحد هم اتبين واللى مو مكلمه اتبين ... اتبين البارع من الحياويه مايطوفنا الشي وقلب الام دليلها:rerrerek:

 

[kunkush]

اكيد اوفق ليش احسر ولدي


واكيد بتكون بنت محترمه وخلوقه لان ولدي اختارها وعرفها وعاش معاها


وعارف تربيتها واخلاقها لو مو زينه جان ما اختارها


من بد البنات العايله



ولو عندي بنت راح احس بحسرتها وقهرها اذا الي حبته اهلا ارفضوها ليش يعني بنتي مو بنت حموله

صح الحب موجود من ازل ولكن العيب مو فيه العيب السوالف اللى تصير من ورا الحب وبمفهوم الحب يعني تشوهت فكرة الحب يسوون بلاوي مواعد وطلعات ووووو يسترونها ورا الحب ترا في فرق بين الحب وقلة الادب ... حتن بنتج بتعلمينها على سوالف الحب ونعم التربية :eh_s(1):