منو ودها تمتن 6-8 كيلو بشهر واحد .. حياكم عصقولات :)

[al39laa]

السلام عليكم


شخباري من زمان مادري عن هالقسم

اول شي ابي اقولكم ترا كنت عصقوله حدي كان وزني 39 وصار 48 ورديت نزلت لظروف نفسيه

وعندي لكم نظام وجم نصيحه ولكم مني 6 كيلو بشهر بس تلتزمون !! :rgewrg:

طبعا النظام ينفع حق الكل دامه نفعني !!

انا دوامي الجامعه من 9 ونص الصبح لي 7 المغرب يعني كلش ماكو وقت اكل بس ركزوا معاي بنظامي

كان نظامي قبل عسل يمني وسبيروفيتا وخميره وخرابيط ثانيه بس الدوام مو مخليني كلش ابلع


والحين النظام الصاروخي اللي بتزيدون عليه :::

حبوب ترايكتين تفتح الشهيه وسعرها ب 480 فلس !!

http://www.q8yat.com/redirector.php?url=http://hh7.net/ تحميل

حبوب خميره جنه ب 6 ونص فايدتها تهضم الاكل عشان تردين تيوعين تلقينه بمحل الفيتامينات مو صيدليه

تحميل


وانا خلص العسل اليمني مالي وبرد اشتريه قولوله يخلط مال عسل الخدود مع عسل الجسم واللي ماتبي خدود بس تقوله مال الجسم سعره جنه 15 او 12 يصفي الويه ويفتح الشهيه واللي ماتحب العسل راح تحبه لانه خفيف وااايد وسوو سيرج عنه اذا خايفين

هذا رقم الريال

97366009


يتبع ....

 

[al39laa]

طبعا مستـحــــــــــــــــيل وحده تمتن على 3 وجبات الاساسيه ( الريوق - الغدا - العشا )

وماكو وقت حق وجبات زياده وبعضنا مالنا نفس !!

انا وحده اموت على شي اسمه عصاير !!

هالعصير القوطي الصغير كلش 200 مل فيه 410 كلوري جنه وجبه


واللي تحب الككاو هذا 300 كالوري جنج ماكله جيس نودلز لووووول

تحميل

 

[دمثة]

طيب هالحبوب تنوم

 

[al39laa]

انييه حق الخلطات اللي تبي تمتن بسرعه

خلطة تفسير احلام

علبه متوسطه حلاوه طحينيه
قلاص ونص مكسرات واللي ماعندها ميزانيه تقدر تحط سمسم
ونص قلاص حلبه او ماش
قفشة خميره

تخلطينه وتحطينها بعلبه انا قبل كنت اخذ 6 قفاش صغار او 3 قفاش كبار مع لبن اول الايام ماكنت مستصيغه الطعم بس عقب حسيت طعمها عجيب

-------------------------

الخلطه الثانيه قفشتين ماش مطحون مع حليب السعوديه

-------------------------

الخلطه الثالثه 4 قفاش قشطه مع قفشتين نوتيلا وقفشة زبدة فول سوداني مع قفشه صغيره سمسم وجوز الهند او مكسرات





الخلطات سهله ومايبيلها شي واتوقع المكونات بكل بيت !!

 

[al39laa]

طيب هالحبوب تنوم

يمكن تنوم بس اول يوم بس ماحسيت انها نومتني

بس من اول يوم راح تيوعين مفعولها وحده بوحده وتقدرين تسوين عنها سيرج اذا خايفه منها

وحياج خيتو :eh_s(7):

 

[Joy close]

يعطيك الف عافيه

 

[al39laa]

والحين نصايحي لكم :::

1 - نفس ما المتان يتعبون على ما يضعفون هم الضعاف صعب عليهم يمتنون !! لحد يقص عليكم ويقولكم بلعوا كل شي وتمتنون

2 - كل وحده لازم باليوم تاكل 2000 كالوري واكثر عشان تمتن !!

3- مو وحده تيلي تقولي شربت 5 من عصير نادك ليش ما متنت :s
لازم تاكلون كربوهيدات ولحوم ونشويات وفيتامينات باليوم وحاولوا تعادلون بأكلكم

4- ولا تشربون ماي بنص الاكل لانها تسوي كرش واحنا نبي متن حلو

 

[al39laa]

يعطيك الف عافيه

يعافيج حبيبتي

وثينكس عالمرور

 

[al39laa]

والمشكله اللي واجهتها لمن متنت " الكرش "

كلما اشوفها يضيق خلقي وارد اضعف !!

وهاذي التمارين توخر الكرش وتشد البطن اختاري وحده منهم والتزمي فيها حاولي تسوينها 5 مرات عقب 10 مرات ليما توصلين 30 مره باليوم !! وصدقيني مراح تتحسفين لمن تشوفين بطنج مشدود وجسمج متناسق نفس هاذي

وهاذي صور اسهل التمارين ::::

(1)

(2)

(3)

(4)


المشي نص ساعه عشان يشد الجسم

 

[al39laa]

وبس هذا اللي عندي منو انشاءالله بتبلش معاي

واللي عندها سؤال لا تستحي كلنا خوات

وماعندكم عذر عشان ما تمتنون :d

 

[شوقني ياشوق]

يعطيج العافيه والله ماقصرتي عالصور والنصايح
انا معاج 100% بجم شغله جربتها
السبروفيتا والعسل الدوعني اليمني وخلطة حلم بدون تفسير


حاليا انا سبروفيتا والعسل اليمني وخلطة حلم والنتيجه تمااااام الشهيه مفتوحه ربي لك الحمد والشكر
وداشه قروب التجمع الاكبر لزياده الوزن انصحج نصيحه دشي معانا
لان في 3 قروبات حسب اللي تبين تزيدينه والبنات ماشاءالله كثار المشاركين ومسابقه وعقاب
فعلا هالموضوع حيل متفائله منــه لان يوميا راح نشارك ونشجع بعض

 

[ماني من الناس]

أنا اسوي النظام بس بدون حبوب

لأن رفيجتي نفس الشي كانت تاكل الحبوب بس الحبوب تنفخ الجسم نفخ موحقيقي مع مرور الوقت يفش النفخ وتخسر الوزن

الاكل اهو اللي يجيب الصحه والسمنه الطبيعيه ,,,,,,,,,




ويبيله تمارين معده ههههه

 

[كيكه توفي]

موفقين ان شاء الله

 

[al39laa]

تسلمون بنات

وانشاءالله شوقني بدش معاكم ونوصل حق الوزن اللي نبيه

ماني الحبوب اللي تزيد وزن وتفش هذول حبوب تخزن الماي بس في حبوب تكون فيتامينات وبس تفتح الشهيه

سبيروفيتا استخدمتها وهديتها وكلش ما ضعفت انصحج فيهم

 

[فريــدة الوصآيف]

اللهـ موضوع حلو وآآآيد أنآ وزني 52 و أبآ أزيد لـآني صدق ضعيفهـ .. ​

بس أخآف لي متنت مآ أقدر أضعف .. أبآ أمتنـ و يكونـ لي جسمـ متنآسق ..​

تخيلي مآ فيني ( إأإحم آللي ورآ ) مسطوحهـ ..​

و أول ما تزوجت سويت فحوص قآلولي لازمـ امشي و
أزيد في أكلي .. ​

لـأن مآ فيني عضلـآت هع هع تخيلي إنسآنهـ بلـآ عضلـآت ..​

المهمـ أنآ و آلعسل مب صحآب .. ​

يعني لمآ آكل عسل مع أي شي أو روحهـ معدتي تعورني .. ​

و أرجّع عقب عرفت أني أتحسس منهـ في شي بديل آلغآليهـ .. ^^​

 

[al39laa]

حبيبتي العضلات تنبني بالرياضه جربي عضلات كيم نفعت بنات وايد

واكلي خلطة السيرلاك مع حليب الصويا تتفخها بشكل حلو بس يبيلها وقت

وحياج الله

 

[توت1]

انا الله يسلمكم جربت حبوب الخميره نوعين الامريكيه ونوع الثانى نسيته وحبوب الحلبه وحبوب السوريه وحبوب سبروفيتا وحبوب مسيغور السعوديه وغيره كثير وما نفعونى

جربت حبوب صينيه ووجهي انتفخ وصرت اهبل والنفسيه عال العال ثقه تقه ياااه عليها من ايام
بس رديت فشيت ويا فرحه ما تمت

وجربت حبوب سلستون ووجهي انتفخ وردين فشيت



ملييييييييييييييييييييت ابي شي طبيعي واكلهم وانا خايفه منهم لانهم كرتوزون


حاليا قاعده استخدم عسل دوعن يمنى
واستخدم خميره فوريه وحليب بودره واخلطها بعصير ليمون مبرتقال واحطها ع وجهي

والله كريييييييييييييييييييييم

 

[al39laa]

لووووووووول انا نفسج جربت الصينيه واشحلاتي بس فشيت اول ما هديتهم

وجربت السوريه بس قمت كلا اعصب والنفسيه موشي وطلعتلي لقلوقه وعظامي قاموا يعوروني وهديتهم

اخذي الترايكتين على ضمانتي وجربي خلطة حلم بدون تفسير او النوتيلا هذول طبيعين ومافيهم شي

وحياج الله

 

[توت1]

al39laa

اي مثلي عظامى عورتنى لما اكلتهم خصوصا رجولي

بس الله كريم بجرب خلطه حلم بدون تفسير

 

[al39laa]

ايي لان الحبوب تسوي هشاشة عظام

ايي توكلي على الله وجربيها وبتنصدمين باسبوع