مشكلتي مادري شلون احلها شاوروا علي تكفووون آلم فضيع فضيع

[CAT W0MAN]

:eh_s(16)::eh_s(16)::eh_s(16):​

الحمدلله على كل حال بس وربي تعبت تعبت تعبت
قصتي ومافيها قبل سنتين كنت اتوضا تكرمون بالحمام وانا نوعي ماحط ريولي فوق المغسله خوافه درجه اولى مادري شاللي قردني وقلت بغسلها بماي وصابون رفعتها وانا جدا حريصه نزلتها برفع الثانيه جان ازلق واحس اني خلاص بطيح على ظهري وراسي وبموت بالحمام شفت الموت بعيوني تصوروا وانا بطيح كلها جم ثانيه احس شريط حياتي فر جدام عيني وخذيت قرار سريع انه راسي مايطق القااااع وانا وزني ثقيل وايد وانا طايحه على ظهر قوست جسمي صارت الطقه كلها بأخر ظهري ولمه طحت تميت بمكاني اعمض وافتح وانادي واقول اسمي واسم اهلي وكل شي اعرفه اجرب فقد الذاكره او لا او اني ميته او حيا واي شعور يخرع عساكم ماتجربونه يارب
من يومها احس ظهري عورني حييل وعلى طول رحت الطبيب قال ماكو رضه والرضه بتطوووول لانه انتي جسمج متين
وتمر اشهر عوار فضيع ومتا ايي العوار لمه اكون قاعده وايد وبروح انام تالي يعورني حيل ظهري
وبالنومه ماقدر اقلب على ظهري يعني لنفرض نايمه على الجنب مايل للبطن ماقدر اقوم شي يمسكني من ظهري عوار حيل حيل حيل فأضطر اني انام على جنب واقوم
ولمه انام على بطني ماقدر ارفع روحي عرفتوا الطريقه لازم افر واقوم وهذا لين يومكم هذا
مرت سنه ولعين يعشقها السهر ويه لا هذي اغنيه لوووول مرت سنه سنه واشهر وانا على هالحال ايني عوار فضيع وتالي يخف
بس خلال هالسنه انا وسواس كل شوي احن على ابوي الحكومه مايعرفون ودني وابجي يقول لي امشي ويوديني الحكومه يسون اشعه وترا مرتين سولي اشعه غير اول مره من طحت يعني 3 مرات خلال سنه والدكتور يقول لي بالاشعه ماكو شي والعوار طبيعي يتم سنه وفوق؟ رضه هذي وقويه ويبيلها وقت ولازم ترتاحين ووو..الخ
بنات انا متأكده انه فيه شي انا احس لمه احط ايدي على ظهري شي يتحرك فوق وتحت صوب العامود الفقري ويعورني اذا حركته غير جذي الدكتور زفني قال اصلا موزين كل شوي تسوين اشعه موزين للجسم وجذي خلاص اول مره سوينالج بعد الطيحه وبعدها مرتين ولافيج شي؟​

المصيبه وين؟؟؟؟​

انه الحين صارلي سنتين من الطيحه​

العوار بس وقت النوم ماقدر اقووم لمه اكون نايمه على ظهري لازم اقلب يعني بالعربي ماقدر ارفع ظهري او اقوسه لمه فوق فهمتوا ولمه اقعد وايد بالدوام او بالبيت وبنام احس بعوار​

الحين واليوم بالذات
والله ماقدرت اقوم من فراشي من عوار فضيع
ولمه بصلي بالركوع اوكي ولمه قمت من الركوع بغيت اطيح على ويهي ماقدر اقوم من الرككوع والسجود ماقدرت :eh_s(2): بنات توني عمري 25 سنه
وانا امشي حق الدوام اعرج ريلي اليمين لمه ادوس عليها العوار لمه ظهري وريلي اليسار عادي فتميت ادوس عالخفيف يمين ويسار عادي صاير امشي على جنب من العوار​

شاوروا علي شسوي؟؟؟؟​

 

[blue lady]

حاولي تنزلين وزنج وانشالله يخف العوار

 

[كويتيه فرنسيه]

ياقلبي والله عورتي قلبي حسيت بمعاناتج


الله يشافيج

جربي تروحين لدكتور ثاني يمكن يفيدج

 

[دانة بعين بحاري]

حبيبتي ماتشوفين شر
والله انا مثلج لي يومج اعاني من عوار ظهر ولا لقيت حل

 

[CAT W0MAN]

حاولي تنزلين وزنج وانشالله يخف العوار

اي هذا اهوا الحين اسوي رجيم ورياضه لمه الحين نازله اكثر من 5 كيلوات

 

[CAT W0MAN]

ياقلبي والله عورتي قلبي حسيت بمعاناتج


الله يشافيج

جربي تروحين لدكتور ثاني يمكن يفيدج

هذا اللي بيصير بس وين الدكتور اللي يبرد الجبد :eh_s(2):

 

[CAT W0MAN]

حبيبتي ماتشوفين شر
والله انا مثلج لي يومج اعاني من عوار ظهر ولا لقيت حل

الشر ماييج يابعد قلبي ماتشوفين شر

 

[ياحُبِي لِلكويت]

ماتشوفين شر حبوووبه امبيه ذكرتيني بأمي نفس معاناتج :eh_s(2): قبل سنه كل يوم كانت تسوي اشاعه عاديه وبعدها قالو تنويم لأنها كانت تبجي من العواار وربي شي مااقدرت تركب السياره اخر شي قالو سوي اشاعه مغناطسيه واشاعه مقطعيه قالو فيج دسك وفقرات بالظهر متحركه وسوت تدليك وارتااحت عند دكتور وقبل ايام ارجعت الحاله وهم سوت تدليك اسبوع والحمدلله ردت طبيعيه >> قالت قصة امها هههههه.. فانصحج بالاشعه الدقيقه يمكن فيج فقره متحركه وان شاءالله معاافيه والله يعينج :eh_s(17): بس لاتهملين نفسج يمكن فيج شي بسيط ويتعالج بأذن الله .. :eh_s(8):
​

 

[ندى العبير]

الله يشفيج وماتشوفين شررر

انا حبيبتي مثلك عوار بصبعي الكبير بالرجل صار له فوق السنه ومو راضي يروح سبته طاوله طايحه فوقه

وليومج اذيه وكل الاشعه تقول مااكو شي كل شي سليم

الله كريم يشااافينا جميع يااااااارب

 

[ناتشوو]

ماتشوفين شر
اجر وعافية

 

[منى ابراهيم]

والله حالك صعب عورتي قلبي بجد ....الله يشفيك شفاءا لا يغادر سقما ....اقول لك روحي طبيب اعشاب ..ان شاءالله خير

 

[taybaa]

عورتي قلبي ماتشوين شر نزلي وزنج وعليج الا العافية

 

[حناينq8]

ما تشوفين شر حبيبتي

اشور عليج اول شي غيري الطبيب

لان الطبيب الشاطر لي ما شاف شي بالاشعه راح يطلب منج mri

انا فيني دسك من جم سنه وعارفه كل شي يطلبه منج الطبيب - صح الاشعه العاديه مطلوبه بس لازم ام ار اي

ودام الالم معاج من فتره طويله لازم يكون عندج مسكنات - منها سيلوبركس - او موسكدول - او كاتفلام << وهذا لا تاخذينه على معده خاليه ديري بالج

واحتمال كبير تحتاجين علاج طبيعي

واذا تبين ارشح لج اطبه هم انا حاظره

 

[ii DareeN ii]

روحي حق طبيب عظام شاطر وخل يسويلج اشعه رنين وعن تجربه انا كنت متعافية بس ضعفت وصار وزني مضبوط راح عوار ضهري ونسيته ربي لك الحمد حاولي محاولات جدية انج تنزلين نزله عدلة والسباحه والعلاج الطبيعي يحسنون الام الضهر بس لازم تعرفين مشكلتج بالضبط

 

[جنتي نوف]

ماتشوفين شر ان شاء الله
الأشعه المقطعيه ادق..وروحي لدكتور عظام واستشاري احسن

 

[الباحثات عن الجمال]

أسأل الله العظيم رب العرش العظيم أن يشفيكي يا رب يا حياتي الف سلامه عليكي دلكي أسفل الظهر بزيت الزيتون كل يوم لمدة ربع ساعه تدليك خفيف مش قوي علشان التدليك الشديد يزيد التعب وربنا يشفيكي.

 

[اشرااق]

ماتشوفينش شر في بريفيسور دكتور ايراني في مستشفىالمواساه اسمه على ما اعتقد مهران يمكن بس وايد شاطر يمكنك الاتصال على المستشفى والاستفسار

 

[اشرااق]

حبيبتي تذكرت اسم الدكتور اسمه كامران

 

[زيزي5]

ما تشوفين شر ما دام كلش سليم انصحك بالرقية وتدهنين بزيت زيتون مقري عليه لا تنسين انك طحتي بالحمام دائما الا يشكون من ظهورهم يكونون فيهم شيء والقران ينفع ما يضروالله خيرالحافظين تجربة انا شفتها على الاقل اقري سورة البقرة واذا حسيتي بنغزات فلا بد من الرقية

 

[اي اسم]

ما تشوفين شر حبيبتي وان شا الله ما فيج الا العافية

انا انصحج بدكتور هشام الخياط بدار الشفا وهو استشاري اعصاب وعمود فقري وان شا الله يفيدج او تقدرين تروحين المستوصف وتقولين لهم عن مشكلتج وتطلبين تحويل لابن سينا وهناك دكتور هشام الخياط موجود

وان شا الله ما فيج الا العافية ودام عندج الم بظهرج احسن ان دكتور اعصاب وعمود فقري يفحصج ويسالج عن التاريخ المرضي والاعراض ويفحصج


وان شا الله تبشرينا بتحسنج
وعليج بالرقية الشرعية والعسل الطبيعي وتخفيف الوزن

واسال الله العظيم رب العرش العظيم ان يشفيج عزيزتي