ورود يحكمها القدر

[Booma]

السلام عليكم..شلوونكم بنات شخباركم..حبييت انزل لكم قصه انا كاتبتها..واتمنى تعجبكم..وما انسى رفيجاتي اللي ساعدوني فيها وايد..
ما اطول عليكم..هاذا البارت الاول..
--------------------------------------------------------------------------------------------------

البــ الاول ــارت


كانت متأخره على مدرستها .. وتمشي بطيء .. ماكانت نايمه مبجر وسهرانه عالمسن .


ـ ـ ـ ـ ـ ـ ـ ـ ـ ـ ـ ـ ـ ـ


شافوها من بعيد واشرولها عشان تمشي بسرعه بس ماعطتهم ويه..لما وصلت قالتلها وحده منهم :فطوووم يالخايسه شفيج تمشين عين مبطله وعين مسكره..هاذا وحنا اول السنه..شلون على آخر شي.


وحده ثانيه:اتوقع اييبونها مع فراشها.


فاطمه:اموون..مناروو وخروا عني ترا واصله حدي.


بدريه:شفييج لا تقوليين سهرانه.


فاطمه(بعدم اهتمام):اي..اي.


منار:وااااي مو من صجج ..هبله..في احد يسهر وباجر عنده مدرسه.


ملاك:زين بس امشوا الحصه بتبدي الحين.


ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ


اعرفكم على بنات الشله:


طبعا كل البنات عمرهم 14 بالصف التاسع​

1:فاطمه


طولها متوسط..وبيضه..وملامحها كلها متوسطه..وعيونها بنيه غامجه..شعرها كستنائي طويل يوصل لآخر ظهرها..كل هبال الدنيا فيها..تحب الغشمره والضحك..وتمووت في صديقاتها..عندها اختين واخ..الكبيره:جنان وعمرها:20 والصغيره:فرح عمرها:13 واخوها:جاسم عمره:7


2:بدريه


طويله..حنطاويه..عيونها كبيره..وخشمها طويل..وحلجها وسيع..شعرها اسود لي نص ظهرها..اشطر وحده بالشله..حياتها كلها كتب..وهم فوق هاذا دمها خفيف و تحب تستهبل و تضحك..وشخصيتها قويه..وحيدة امها وابوها..تحس ان رفيجاتها اهما خواتها وكل شي بحياتها..وابوها رفيج ابو آمنه بالجيش..وعشرة عمر معاه..


3:آمنه


طويله..سمره..عيونها وساع..وحلجها صغير..وخشمها متوسط..وشعرها قصير..البنت هاذي هاديه..وهم شيطانه..طبعا الشطانه ماخذتها من رفيجاتها..تحبهم وتموت فيهم..ودايما فاهمينها قبل لا تقول شي..عندها اربع خوات..


اختها الكبيره:منى عمرها:24 .. الثانيه:مي عمرها:22 .. الثالثه:منيره عمرها:18 .. الرابعه واللي اهيا آمنه .. والخامسه:الدانه عمرها:7


4:منار


حنطاويه..قصيره..عيونها صغيره..خشمها صغير وطويل..وحلجها متوسط..شعرها قصير..عقلها كبير ودايما اهيا اللي تحل مشاكل البنات..واقرب بنات الشله لها آمنه..يعني لما يقولون (منار) لازم معاها (آمنه) والعكس..عندها اربع اخوان..الكبير فيهم:سالم عمره:16 .. الثاني والثالث توأم:محمد وفهد عمرهم:11 .. الرابع:احمد عمره:7


5:ملاك


قصيره..سمره..عيونها كبار..وخشمها متوسط..وحلجها وسيع..شعرها طويل..كله بحالها ومالها شغل في احد..بس تحب تكون مع الشله..وتشاركهم هبالهم وضحكهم..عندها اختين واخوين..اخوها الكبير:سعود عمره:25 .. بعده اختها:ساره عمرها:20 .. الثالثه:لولوه عمرها:18 .. الرابعه:ملاك .. الخامس:محسن عمره:12


ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ


:بنات بنات.


البنات كلهم التفتوا لها:شفيج؟


منار وهيا تاخذ نفسها:الابله الابله.


فاطمه:ويييييه..كل هاذا عشان الابله..ماآاآاآلت.


منار:لااا..معاها الناظره.


بدريه:شتبي؟


منار:مادري.


ملاك:شكله تفتيش.


فاطمه:لااا تكفون..يايبه تلفوني قولولي شسوي.


آمنه بتفكير..لكن هالتفكير خذاها حق الموقف اللي صار باليوم اللي قبله..


**آمنه:دانو وين منور؟


الدانه:مادري يمكن بدارها.


آمنه قامت من مكانها وراحت دار اختها منيره..وعند باب الدار المسكر..


منيره:ههههههه..ماتضحك...شكووو؟...ههه احلف؟......انت قلتلي ماتبي تروح..


وقطع عليها دخول آمنه المفاجئ..وصكت الموبايل..


منيره:ااا امون؟


آمنه:اي


منيره:شنو؟...اممم شتبين؟!


آمنه:ابي صبغ الاظافر الاحمر.


منيره:اا..تلقينه بالصندوق.**


آمنه:فطوم حطيه بالصندوق.


فاطمه:نعم!؟؟!؟..اي صندوق؟؟!


آمنه:اااا لا اقصد حطيه فوق الخزانه.


فاطمه:ايييي اوك.


راحت فاطمه تركض و حطته على الخزانه وردت حق البنات


فاطمه:شوفوه يبين؟


بدريه اللي راحت ذاكرتها حق ايام العطله..


**كانت نايمه بدارها وسمعت صوت الباب تبطل..


ولما طلت من الدريشه..شافت امها طالعه وراحت حق سيارة ريال واقف شوي بعيد عن البيت..


بدريه كانت تشوف صوره بدون صوت..امها كانت تضحك معاه وخذت منه ظرف..حست بفضول انها تعرف شنو داخله..ولما دخلت امها..


بدريه:يماا


ام بدريه:بدريه؟!!!@@..انتي مو نايمه؟


بدريه:لا توني قمت..شنو هالظرف؟! >>وتاشر عليه<<


ام بدريه>>بارتباك<<:هاا..وانتي شكو؟..يلا روحي غرفتج انا بنام.


بدريه>>ماكان لها خلق تجادل بالموضوع<<:اوك.**


بدريه:لا..ماشفته.


فاطمه:شنووووو اللي ماشفتيه؟؟؟؟


بدريه:هااا..لااا اقصد يعني موبايلج مايبين.


(و وايد اساله تدور في بال بدريه..شنو في الظرف؟..ليش ارتبكت لما سالتها؟..منو هالريال؟ )


دشت الابله ووراها الناظره:السلام عليكم ورحمة الله وبركاته


البنات بملل:وعليكم السلام ورحمة الله وبركاته


الناظره:شلونكم بنات؟


البنات:الحمدلله


الناظره<<وعينها على الشله>>:شوفو بنات..انتو الحين صرتوا كبار..وكبرتوا على المشاكل وشغل اولى بتدائي..هالسنه مابي مشاكل..ابي الكل يقول تاسع هالسنه غير..محترمين وشطارودرجاتهم عاليه.....


طبعا البنات يسوون روحهم مهتمين وكل وحده عيونها عالابله واذونها مو معاها.


طلعت الناظره عقب محاظره طوييييله عريضه..وطق الجرس.


بدريه:سمعتوا شي من اللي قالته الناظره؟


منار<<وهيا تبقق عيونها >> :بدروو..من متى احنا نسمع كلام هاذي؟


آمنه:اي والله..سمعي مني وطلعي مني.


فاطمه:وي وي..شفيكم كليتوها..<<اطالع ملاك>>ماتبين تقولين شي بعد انتي؟


ملاك:شقول؟


آمنه:اووووه..شوفوا<<تاشرعلى بنات كانوا معاهم بثامن>>


فاطمه:ويييع..لا تقولين بتروحيلهم؟


منار:اكييد..بنروح نحرهم.


بدريه:فطوم خليهم يروحون واحنا ننطرهم.


فاطمه:اوكي..حروهم عدل.


ملاك>>مو فاهمه شي<<:نحرهم بشنو؟!


آمنه:امشي انتي الحين.


ملاك:يلا اوك.


------------------------------------​

اتمنى اشوف ردود حلوه..عشان اكمل القصه..يارب تعجبكم

 

[ريولا دورفيل]

بدااية موفقة.. ناطرينج

تقبلي مروري ^_^

 

[miss i]

هاي بومه شلونج؟البارت وااايد حلو..تقبلي مروري..

 

[Booma]

بدااية موفقة.. ناطرينج

تقبلي مروري ^_^

حيااج حبيبتي..ومشكوره ع الرد

 

[Booma]

هاي بومه شلونج؟البارت وااايد حلو..تقبلي مروري..

هلا والله الحمدلله تمام..انتي شلونج؟
مشكوره انتي الاحلى و حياج الله

 

[ريولا دورفيل]

نبي باارت وينه ؟؟ ناطريينج على احر من الجمر ^_^

 

[Booma]

اوكي ثواني وينزل حبوبه..

 

[Booma]

البــــ الثاني ــــارت
بدريه:فطووم..والله مالي خلق مدرسه.
فاطمه:لا انا اللي لي خلق اقوم كل يوم الصبح.
بدريه:اففففف..جان زين ماكو مدرسه.
فاطمه:خير انشالله..لي حجت البقر على قرونها.
بدريه:شوفي شوفي.
فاطمه:ششوف؟
بدريه:بنيه يديده.
فاطمه:اييه..شنو يعني؟
بدريه:لازم نتعرف عليها.
فاطمه:شكوووو..حدنا مالنا شغل.
البنات ردوا يضحكون..
فاطمه:ها شقلتولهم وشقالولكم؟
منار:مساكين والله..شوي ويبجون.
ملاك:ويع ولا السنه اللي طافت يوم يقولون>>وتقلد اصواتهم<<: احنا راح نصير مع بعض..والله سوالف يهااااال.
بدريه:اهم شي حريتوهم.
آمنه:افا عليج.
ترررررررن<<جرس المدرسه.
ملاك:وااااااي..فيني النوم.
فاطمه:ويييه..عاد سمعي الابله شتقول مو تنامين.
منار:ماااادري منو ينام بالصف..مادري!!
فاطمه:شقصدج؟
منار:سلامتج.
ملاك تذكرت..
**كانت مسويه روحها نايمه..واختها لولوه دشت الغرفه تدور قميص حلو لانها بتطلع..واهيا عافسه الغرفه رن موبايلها.. :الووو..هلااا منووووره<<اخت آمنه..شلوونج..من صجج!!...لااا اكييد شرايج يعني..انتي قلتي حق بدر؟..اي خلاص عيل بقول انا حق حسون..اوووك مو تتاخرين..باي.
ملاك@!!!!!!!!!!!!!**
ملاك:انا شحقه سمعت؟؟
آمنه:شسمعتي؟
ملاك:شنو شسمعتي!!..(على ما استوعبت)..اييي لا يعني لما انام اسمع شيصير
بدريه:شهالخرابيط؟!!..اقول يلا امشوا.
راحوا بيدشون الصف بس الابله كانت سابقتهم..
الابله:الله الله..على فين ياحلوين.
فاطمه:اففففف.
بدريه:ابله ماسمعنا الجرس.
الابله:ما شاء الله..وانتي يا آمنه؟كنت فين؟
آمنه:اآاآا..ابله كننا تحت ماسمعنا.
الابله:وانتي كمان!!..وانتي يا ملاك؟
ملاك:والله كننا نسولف..يعني شنسوي اذا ماسمعنا!
الابله:اممم..وانتي يا منار؟
منار:اآاآاآاآ..هاذا..كننا..شسمه..اي.
الابله:ايوا كنت فين؟
فاطمه:ابله شفيج قلنالج ماسمعنا الجرس.
الابله:واللهِ؟
منار>>تقلدها<<:اي..واللهِ.
الابله:خليكو وأفين لآخر الحصه.
بدريه بصوت واطي:الله والحصه عاد.
آمنه:اذتنا هاذي ترا.
منار:اي يعني انا اللي امسك بنات صفي.
ملاك:واي عاد مالي خلق.
فاطمه:اخيييييه..يعني شلوووون.
الابله:بنت اتكتمي انتي وهيّا.
آمنه:املق املق.
بدريه:ياالله سخيفه..يعني شالمغزى من الموضوع الحين.
ملاك:اقول سكتوا..انتوا اللي يبتوه حق نفسكم.
فاطمه:لا والله..جنج مو مشاركه بالجريمه.
ملاك:انا قلتلكم امشوا..حمدوا ربكم انها ماشاتتنا برا.
منار:اذا ماسكتوا الحين..بتشوتنا.
-------------------------------------
الحصه اللي بعدها كانت ابلتهم غايبه..
منار:امووون..تعالي خل اقولج.
آمنه:هاا شنو قولي؟
خذتها وقعدوا بزاويه بعيده عن البنات..
منار:امس كنت نايمه.
آمنه:سبحان الله!!..اول مره تصير معاج يعني؟!!
منار:اففففف عن الملقنه مالتج وسمعي..لما قعدت رحت دار سلوم اخوي بلعب معاه بلاي ستيشن...
**دخلت الغرفه مالقته..راحت حق محمد..
منار:حمود وين سلوم؟
محمد:قاع يتسبح..ليش؟
منار:قطيعه شهاللقافه!!
محمد قام بيلحقها بس اهيا بسرعه ركضت عنه..
منار(الحيين شسويي..خل انطر سلوم بداره عشان لا ينحاش نفس كل مره)..
وردت الغرفه وشافت موبايل سالم على السرير..
منار:خل نتعبث شوي..
و يوم بطلته ولا حاط باسورد..
منار:اخخخخ..عبالك ماراح اصيدك.
وحطت تاريخ ميلاد سالم..وقدرت تبطله..
ودشت على الـ contacts
منار@!!! .. اي شيييي.
.
.
خنروح شوي مكان ثاني..
قبل هاليوم..بالليل الساعه 7:30
:الوو؟
:هلااا فصوولي..شلونك؟
فيصل:تمام..منو انتي؟
:ههههههه..ماعرفتني!!..انا سارونه.
فيصل>>تنننحح<<:منو سارونه؟؟نعم شتبين؟!
ساره:هااووو..انا سارونه بنت عمك.
فيصل:اييييييي هلا هلا..شلونج ساره؟
ساره:حمدلله تمام.
(ادري الكل بيقول منو فيصل ومنو ساره...فيصل ولد خالة آمنه..تقدرون تقولون معجب فيها..عمره 17 ..وشخصيته وايد جدي وماعنده غشمره..خل اقولكم شوي عن شكله>>طويل وجسمه حلو..حنطاوي وشعره اسود..عيونه حاده ولونها عسلي.....اما ساره..عمرها 15 ..ماراح اقولكم عن شخصيتها وراح تعرفونها مع الوقت..وشكلها>>قصيره وضعيفه شعرها طويل لآخر ظهرها..عيونها صغار لونها بني غامج..وتحب اللون الوردي وايد لي درجة ان كل شي تشتريه لازم يكون وردي..)
فيصل:شبغيتي؟
ساره:امممم..والله ماكو بس حبيت اسولف معاك.
فيصل:اهاا..>>وسكت مايدري شيقول<<
ساره:فصولي بسالك سؤال وابيك تجاوب بصراحه.
فيصل:اوك سئلي.
ساره:انت تحب؟
فيصل: .......
.
.
آمنه:حلللللللفي..هههههههه..مووو لااايق
منار:والله العظييم..كاتبتله حبيبي وينك اشتقتلك.
آمنه:يحليله اخوج طلع مو هين.
منار:ايي امبيه انصدمت حتى سكرت موبايله ماكملت تفتيش.
ويت ملاك قعدت بينهم..
ملاك:شتقوولوووون.
آمنه ومنار طالعو بعض وردو طالعو ملاك..
آمنه:خييييييييييييرررررر@@!!
منار:شقلتي شقلتيييي عيدي ماسمعت!!
ملاك>>عطتهم الويه البريء<<:شنوو
منار:سلاامتج بعد عمري انتي.
آمنه:حبيبتي ملوكه قومي انقلعي لا فنقر يطيرج.
ملاك:ويعه شنوو هاذاااااااا..اروح حق بدرو وفطوم احسن من مجابل ويوهكم.
هني بطوها ضحك على شكلها..
.
.
عقب المدرسه..
دخلت البيت وهيا منفسه..شافت امها قاعده بالصاله اطالع التلفزيون..راحت وسلمت عليها
فاطمه:شلونج يمه؟
ام فاطمه:الحمدلله..انتي شلون المدرسه معاج؟
فاطمه:تلوووع الجبد قطع.
ام فاطمه:الا صج فضه بنت خالتج دقت عليج
فاطمه:يوووه..مو وقتها..شنو الغدا؟
ام فاطمه:مجبوس دياي..ليلحين ماخلص روحي غيري ملابسج.
فاطمه:يعني ليش ليلحين ماخلص؟..تدرون ان نرد من المدرسه يواعه خلصوه مبجر!!
ام فاطمه:عن اللسان الطويل ويلا روحي غيري ملابسج وانتي ساكته.
فاطمه:انشالله -.-
- - - - - - - - - - - - - - - - - - - - - - - -

اليوم الثاني في المدرسه
كانت اول وحده واصله من البنات..قاعده على درجها وسرحانه..

يت من وراها شوي شوي وصرخت باذونها:اآاآاآاآاآاآاآاآاآاآاآاه
صحت من افكارها على الصرخه اللي بطت اذونها:آمنوووو وويعه انشالله..بطيتي اذوني.
آمنه ميته ضحك عليها:احسن تستاهلين..منارو؟؟
منار>>لما الحين تفرك اذونها اللي تعورها<<:هاااا؟
آمنه>>تستهبل<<:شفيج؟!!!
منار:بطيتي اذوني وتقولين شفيج.
آمنه:هههههههه..تبين ابط الثانيه؟؟
منار:لا مشكوره وحده كافي.
آمنه:زين ماتبين ابط..عيونج شي؟
منار:خبله و...
ماكملت اللا البنات داشين الصف..و انواع الازعاج والصراخ..سلموا على آمنه ومنار وقعدوا ينطرون يطق الجرس.
- - - - - - - - - - - - - - - - -
وعند منيره<<اخت آمنه..
قاعده وسرحانه..واكيد اللي ماخذ عقلها ...
بدر..خل نتكلم شوي عن بدر..عمره 21 يدرس طب..وشخصيته وايد طيب وجريء زياده عن اللزوم..ويحب يجازف..والشي اللي مو حلو فيه انه اذا ما عجبه شي يعصب بسرعه..شكله>>طويل واسمر عيونه كبار وحلجه وسييع..وستايله سبورتي...اول شي ما كان يحب منيره..يعني ماخذها لعب..بس لما كلمها وعرف شخصيتها انها وايد بريئه حبها حيل..
فجاه رن موبايلها..وبسرعه شالته..
منيره:مابغيت تدق!!
:ليش منو كنتي ناطره؟؟؟!!!
.
.





بعد اسبوعين ..
بالمدرسه.. قاعده على درجها..واطالع الابله اللي تشرح..ومندمجه معاها..ولقت ورقه على درجها من فاطمه..فتحتها وقرت**بدرو عقب الحصه بننحاش**
ولتفتت على فاطمه..وكتبت بورقه وحذفتها عليها..
فاطمه خذت الورقه وهيا تدري ان بدريه ماتحب هالحركات..فتحت الورقه**فوووقه**
فاطمه تنحت شوي بس بعدين ابتسمت ابتسامه شقت حلجها..
طق الجرس وخلصت الحصه..
تذكرت بدريه صوت جرس بيتهم..........................................
..................................................................................

*طق الجرس وخلصت الحصه..​

ومع طقت الجرس بدريه تذكرت جرس بيتهم..​

**راحت بدريه بطلت الباب..وكان ..........​

بدريه:هلا..منو؟!!​

...... :امج موجوده؟​

بدريه:لا مو هني..منو اقولها لي ردت؟؟!!​

...... :هه..مو شغلج..خلاص انا اكلمها لي ردت.​

..وبدريه وقفت متنحه مكانها..​

بدريه: شيبي بامي؟؟وليش مايقول منو اهوا؟؟؟؟!!
منو الي يبي امها؟و شنو مصلحة سارة من فيصل؟و شبيكون مصيرها معاه؟( توقاعتكم شبيكون بالبارت الياي؟)
تابعوني

 

[ريولا دورفيل]

عجيييييييييييييييييب البااارت..حيل مشووق..كملي القصة بسسرعه بلييز..
و توقعاتي :
ام بدرية: ماكو شي بمخي حاليا بس اتوقع له علاقة فيهاا
سارة: كرهتها من اول ماعرفت انها تحب الوردي حسيتها دلووعه يعععع

وبس ^_^
تقبلي مرووري
ملاحظة: لاتنسين تنزلين بارت

 

[ريولا دورفيل]

up
up
up

 

[miss i]

weeen elpart?tra kelena na6reen 3la a7ar mn aljamer

 

[Booma]

اول شي اسفه اني تاخرت عليكم بس انشغلت بالامتحانات..
وثاني شي مشكورين ع المتابعه يا ريولا دورفيل وmiss i
وثالث شي شدعووه بنااات مو عاجبتكم القصه لهدرجه @.@؟
ورابع شي اتمنى اشوف ردود اكثر..
وخامس شي <<مصختهااااا
يلا بنزل البارت لعيونكم.. ​

 

[Booma]

البـــ الثالث ـــارت​

نرجع حق الواقع..​

طق الجرس..وراحوا البنات يتسحبون عند السور من ورا المدرسه..عشان محد يصيدهم..ومنار ميته خوف..​

منار:فطوم والله اذا صادوننا بنروح فيها.​

فاطمه:اووه منارو بتيين حياج..ماتبين بطقاق.​

آمنه:منارو تعالي وبلا ملاقه..شفيج ترا مره بالعمر.​

بدريه:اي والله وناسه..على الاقل نغير جو.​

منار:لا والله تغيرين جو منحاشه من المدرسه!!​

ملاك:وااااااااااي منار..احنا نبي اكشن شوي..شفييج.​

منار:يعني بتسوونها؟​

فاطمه:اييييييه.​

منار:على مسؤوليتكم ترااا.​

فاطمه>>تغمز حق البنات<<:انزين امشي خلصينا يلا.​

ونطوا السور وراحوا مستانسين ان الخطه نجحت..​

آمنه:يااااااااي وناسه.​

فاطمه:تدرووون انا يووعاانه.​

البنات عطوها سكب..​

ملاك:اللي يقوول احنا اول ناس نفكر بهالشي.​

بدريه:ليش الشارع فاضي!​

فاطمه:هييييييي اكلمكم انااا...يوووووعاانه.​

آمنه:زين شرايكم..نروح الجمعيه هناك في مطعم.​

منار:اي مره انا طلبت منه..لفيف (يعني لذيذ).​

فاطمه:دام لفيف يلا..حدي يوعانه.​

ملاك:آفه مو فاطمه.​

فاطمه:قولي ماشالله.​

البنات:هههههههههههه.​

وراحوا الجمعيه..وكلوا من المطعم..خلصوا وقرروا يتمشون شوي قبل لا يرجعون المدرسه..واهما يتمشون..​

فاطمه بصوت عالي:بناااات.​

البنات:شفييج.​

فاطمه:شرايكم نسوي سباق ركض.​

بدريه:لا حلفي..بالشارع..والله انج خبله.​

ملاك:انا اشك ان مخج فيه شي.​

منار بحماس:لاااا شفيكم..والله وناسه.​

آمنه:بعدين ماكو احد بالشارع.​

فاطمه:عشان جذي قاعده اقول..والله فيني ركض.​

بدريه:اللا فيج مرض حمدلله والشكر..انا ماني راكضه بطني فيه تفاعلات كيميائيه من مطعمكم الاهبل.​

ملاك:ميي توو اذا ركضت بيصير شي يلوع الجبد.​

فاطمه:وييييع..سخيفين.​

​

​

 

[Booma]

آمنه:مليقين..ماعليكم احنا بنتسابق.​

منار:اوكي يلا..بعد ليي الثلاثه​

وقفوا على خط واحد..وعدت منار..​

1​

2​

3​

وركضووووووا..​

.​

.​

.​

خل نرجع حق منيره..​

منيره:مابغيت تدق!!​

:ليش منو كنتي ناطره؟؟؟!!!​

منيره بسرعه شالت الموبايل عن اذونها بتشوف الرقم..وانصدمت انه كان عمها..​

منيره>>بترقع السالفه<<:هلاااا عميي شلوونك؟​

بو حمد:حمدلله..وانتي شلونج وشلون خواتج؟​

منيره:تمام يسلمون عليك.​

بو حمد:الله يسلمهم..هاا منو كنتي ناطره يدق عليج؟!!​

منيره>>ولييييين مانخلص يعني<<:اااا..كنت ناطره ولد خالتي.(ايي شييييي شكوو ولد خالتي بالموضوع!!)​

بو حمد:شعندكم؟​

منيره(شهاللقافه):في مشروع حق الجامعه وابيه يساعدني.​

بو حمد:اهاا...(وكمل سوالف معاها)..​

.​

.​

اما عند بدر وحسين..​

حسين:بدير من صجك!​

بدر:ايي من صجي شنو اتغشمر معاك انا!​

حسين:زين شلون شلون حبيتها؟؟؟​

بدر>>قام يصارخ<<:احبهااااااا حسوون احبهااااااااااا..افهمني تكفى.​

حسين:هههههههه يا حمار فضحتنا.​

بدر>>عطاه الويه العبيط<<:عادي بعد شنو خوو.​

حسين:اقول اسكت بس اسكت.​

بدر:اقول انت تحب لولوه؟؟ولا بس لعب؟​

حسين:من صجك تتحجى انت!!..ياخيي مااحبها قايلك انااا ماااااحبهااا.​

بدر:زيييين يبا زيييين تعال اكفخني بعد!!​

حسين:والله!​

بدر:لا حسون حرام البنيه تحبك ترا.​

حسين:ليش قالتلك شي؟​

بدر:لا بس مبين من عيونها.​

حسين:ياااا عمييي بلاا حب بلاا وجع قلب..بعدين محد يقدرر ياخذ قلبي.​

بدر:ماعندك احساس ع فكره.​

(حسين شخصيته وايد باااااارده..ويموت على شي اسمه>>بــــنات..ولا مره حب وحده من صجه..وكلهم كانو ضحايا حبه..ومحد يقدر يلعب عليه..على قولته } محد يقدر ياخذ قلبي { ..امااا شكله>>فاهوا وايد عادي لا اهوا حلو ولا جيكر..بس جذااب لدرجه مو طبيعيه..طويل وضعيف..حنطاوي وعيونه كبيره وسوده..خشمه طويل وحواجبه عريضه شوي..ومسويله سكسوكه )​

 

[Booma]

.


.


نرررجع حق فيصل وساره..


ساره:انت تحب؟


فيصل:امممم..وشيهمج بالموضوع ؟


ساره:لا بس سؤال يعني..وابيك تجاوب بصراحه بلييز


فيصل:اي احب.


ساره>>بدون لا تحس<<:منو؟ وليش؟ وشلون؟ ومن متى؟


فيصل:اوولله كل هاذا تبيني اجاوب عليه وبصراحه!!


ساره>>بنبرة عصبيه<<:اييي يلا قول منو هاذي اللي تحبها؟


فيصل>>شفيها هاذي؟!؟!؟<<:احب بنت خالتي من يوم احنا صغار..بس ليلحين ماقلتلها شي.


ساره:شسمها؟


فيصل>>ابتسم<<:آمنه.


ساره>>ياا انا يااا انتي يا آمــنه<<:اهااا اوكي..عيل اخليك انا الحين..باي.


وسكرته بدون لا تسمع رد من فيصل..


فيصل:شفيها هاذي حمدلله والشكر..وانا شكوو فيها..خل ادق على خويلد اشوف وينه..


.


.


ملاك وبدريه كانوا يطالعونهم ويضحكون..وهما راحوا بعيد


منار تصرخ:واااااي..شوي شوي.


آمنه:فطوم ياحماااره..


ماكملت اللا تسمع صوت شي طاح على الارض..وقفت ولفت شافت منار ماسكه ايدها


آمنه:منارو شفيج؟


منار:حوله انتي..دبغت على ويهي.


فاطمه كانت مكمله..بس رجعت يوم شافتهم وقفوا


فاطمه:شفيكم؟


آمنه:تقول دبغت على ويهها الهبله.


فاطمه:هههههههههههههههههه


منار شوي وتبجي:اآاآاآاآاآاآي..والله يعوور يا شقوول.


آمنه:زييين قوومي شحقه قاعده بالارض


فاطمه:ههههههههههههه..بطنييييي بطنيييييييي هههههههههه


آمنه:ههههههه سكتي بتكفخنا الحين.


فاطمه:مااا اقدرررر ههههههههه


ملاك وبدريه شافوهم وراحولهم..


بدريه:يااا هبله شهالطيحه الغبيه..رفعي قميصج خنشوف.


منار رفعته شوي شوي..


ملاك>>لفت ويهها<<:احححح..شوفي طالع دم.


منار:ياربييي..كله منج فطووم.


فاطمه:وانا شكو؟


منار:انتي قلتي نسوي سباق.


فاطمه:هه..مادري منو كان متحمممس حق السباق.


آمنه:بس بس مو وقته ترا..شنسوي الحين..لازم نلف الجرح قبل لا يتلوث.


ملاك:زيين غطييييه..دم ويع>>ماتحب تشوف الدم


فاطمه:ياماما على اللي ماتحب الدم..يادلوعه.


ملاك عصبت:مو دلوعه


فاطمه:امبلا دلوعه.


بدريه:انتوا هييييي..البنيه متعوره وانتوا دلوعه ومودلوعه.


آمنه:يعني شلون؟خلصوونا ماتشوفون الدم؟!


ملاك:انا عندي لفاف.


فاطمه:هاذي اللي بدوس ببطنها الحييين..شحقه ماتحجين ياحظي؟


ملاك تحاول ماطالع الدم:اففف..خلاص كاني قلت.


وطلعت اللفاف..وآمنه لفته على ايد منار.


آمنه وهيا تصفق مستانسه:خلللصت.


فاطمه:وايد مستانسه.


بدريه:يلا خنرد المدرسه.


منار:لاااا تو الناس ..ماستانسنه.


ملاك:متعوره واتحجى بعد.


فاطمه:لا الحين على مانرد يكون طاق جرس الهده.


ردوا المدرسه وكانوا البنات كلهم طالعين..الشله وقفوا ولاجنهم منحاشين او مسوين شي..وردوا البيت.


.


.


منيره كانت ناطره لولوه تنزل..


طااااط طاااااااط<<الهرن


شوي ولا تطلع لولوه..لابسه قميص بولو وسكيني..ومسويه شعرها القصيرستريت..وحاطه مكياج خفيف..شكلها كان وايد حلو..


اما منيره كانت لابسه نفنوف بنفسجي قصير..وفي شريطه بالنص لونها ازرق..ومسويه شعرها ويفي..ومكياج خفييف..ستايلها وايد ناعم..


منيره:ساعتين ونص؟


لولوه:وي شدعووه خبيتيني!


منيره:توه بدور دق يقول...


ماكملت الا يدق عليها..


منيره:هلا بدوري؟


بدر:وينج منووور.


منيره:ههههه تستعبط؟..توك مكلمني.


بدر:ههههه يلا خوو طولتوا.


منيره:يلا كاا توها لولو طلعت.


بدر:اوكي حبي..ديري بالج بالطريج.


منيره:اووكي حياتي..باي.


لولوه:احم احم نحن هنا.


منيره:هههههههه..لج عين بعد..متاخره وتتحجى مع الويه..


.


.


بدريه:فطوووم بقوولج شي قووي.


فاطمه:شنووو قولي.


بدريه: .............​

نكمل بالبارت الياي..


شنو تتوقعون يصير في البارت الرابع؟


ابي توقعات و ردود حلوه..​

 

[Booma]

البـــ الرابع ــــارت

بدريه:فطوووم بقوولج شي قووي.
فاطمه:شنووو قولي.​

بدريه:بس قولي والله مايطلع الكلام حق احد.​

فاطمه>>بملل<<:زييين والله مايطلع لاحد.​

بدريه>>بتردد<<:امي...​

فاطمه:شفيها؟؟​

بدريه>>بتردد اكبر<<:احس عندها علاقه مع واحد!!​

فاطمه.@ اي شي اي شي بدروو..مو من صجج!!!!​

بدريه:والله العظيم مااقص عليج..لا ومعطيها ظرف بعد!​

فاطمه:بدرووو..مايصير تحكمين وانتي ماتدرين شسالفه!!​

بدريه:الظاهر اني خرفت..مو مشكله خلاص انسي ولا جنج سمعتي شي.​

فاطمه:الااا على الطاري..وين البنات؟​

بدريه:شكو اي طاري..امشي نروحلهم بس انا اذا قعدت معاج بروحنا احس ان بيحوشني شي.​

.​

.​

.​

بعد فتره كان وقت امتحانات الفتره الاولى..والكل كان مشغول بالدراسه..(مابي اتكلم عن هالفتره لانه الكل مار فيها)​

​

ماسكه كتاب العلوم والقلم..وتخطط بالكتاب وتحفظ..​

رن تلفون البيت وشالته بسرعه..​

:الوو..اهليييين منارو.​

منار:هلا فيج..شخبارج؟​

بدريه:الساعه تسع .​

منار:هه..والله لج خلق مع ويهج.​

بدريه:اي بعد شنسوي..تغيير جو.​

منار:انزين..درستي؟​

بدريه:كاني والله ماسكه كتابي وادرس..انتي؟​

منار:اي بعد علوم ماتبيني ادرس!​

​

 

[Booma]

بس فاطمه ماكانت تدرس..​

رن تلفونها..​

فاطمه:هلا والله ملووووك.​

ملاك:هلا فيج..شلونج مع جو الدراسه؟​

فاطمه:من اسوأ ما يكون..وانتي؟​

ملاك:مو احسن منج.​

فاطمه:يا بابا انا ولا بطلت الكتاب.​

ملاك شهقت:حلللللفي..يالهبله هاذا علوووم.​

فاطمه:وخير يا طير.​

ملاك:والله اذا مادرستي ماراح تحلين شي بالامتحان.​

فاطمه:لا دارسه من قبل.​

ملاك:خير انشالله.​

فاطمه:شفيج..والله دارسه قبل.​

ملاك:زيين ماقلت شي.​

​

منار لما خلصت من بدريه دقت على آمنه اللي حاطه القلم بشعرها..وعافسه غرفتها فوق تحت..وماسكه كتابها وتحوس..​

واول ما رن التلفون نطت عنده..​

منار:الوو.​

آمنه:هلااااو.​

منار:هلاااا.​

آمنه:مابغيتي ادقين.​

منار:كنت اكلم بدرو.​

آمنه:اييه..المهم أخبارج؟​

منار:منيحه..وانتي؟​

آمنه:تمام.​

منار:اي والدرااااسه؟​

آمنه:ويييع لاعت جبدي..ادري انا ماراح اخلص اللا لما تطلع روحي.​

منار:وييي انتي سابقتني باميااال اكييد..انا توني ب45.​

آمنه:امبيه درسي بسرعه خوو.​

منار:لا تخافين..يا انا يا العلوم.​

آمنه:لااا تطوووفج الحاله اللي انا فيها.​

منار:ههههههه انا خذيت كل الوضعيات.​

آمنه:وي @.@ وين قلمي..ويين رااااح>>وتقوم تدوره<<مناااروووو زهااايمر الامتحانات حاشني​

منار:يااا غبييه..بصماخج.​

آمنه>>طلعت القلم بعد معاناة<<:اححححح تقطع شعري..شدراج انه بصماخي؟؟!​

منار:يعني مااعرف حركاتج الهبله؟​

آمنه:هههههههههه​

.​

وبعد ماخلصوا امتحانهم..​

آمنه:انا يوعاااااانه..من امس ماكليت شي.​

منار:امشي نشتري.​

آمنه:يلا.​

راحوا آمنه ومنار يشترون..وهما يمشون..​

آمنه:منارو.​

منار:هااا.​

آمنه:خنسوي دقه.​

منار:لا والله..بمنو؟​

آمنه:البنات بعد منو.​

منار:والله فكره..بس شنسوي فيهم..هذول ثلاث مو وحده.​

آمنه:يوووه عااد يتوحدون فيننا هههههه .​

منار:حددده..بس يبيله والله..نغير جوو شوي.​

آمنه:فكري شنسوي.​

منار:خلاص عطيني فجه لي باجر اكون مزهبتلج كل شي.​

آمنه:هههههههههه..ونااسه.​

راحوا شروا.. وكلوا.. وكملوا يومهم الممل مع شوية تمليقات منهم..​

.​

.​

.​

بمكااان ثااني بعيد عن ابطال قصتنا..​

:ياااعميييييي وينها هاذي ليش ماتشبك!! يمكن عشان امتحانات..واهيا ماشالله تاكل الكتاب اكل..امممم وانا شكو فيها ليش مهتم فيها لهالدرجه..لا يكون بس....لا لا مااتوقع!​

(بتعرفون الشخصيه اليديده مع الاحداث)..​

.​

.​

.​

​

آمنه:تهقين جذي.​

منار:اهقا ونص..ههههههههه وناااسه يلا متى ايي باجر.​

آمنه:ههههه..اقوول خط ثاني اخلص وادق عليج.​

منار:اوكي.
. . .​

آمنه:الوو؟​

​

 

[Booma]

:قووه يا حلوه​

آمنه:يقويج..منو؟؟؟!​

ساره:guess who am I ​

آمنه:مااعرفج عشان اخمن!​

ساره>>بدلع ممزوج بغرور<<:امممممم انتي ماتعرفيني شخصيا بس اتوقع سامعه عني.​

آمنه>>استملقت الوضع<<:شكلج فاضيه وتبين تقزرينها..طسي بس مو فاضيتلج انا!!​

ساره>>انفجرت<<:سمعي يا غبيه انتي..اذا دريت ولا سمعت انج قعدتي مع فيصل ولا كلمتيه او حتى سلمتي عليه بتشوفين شي عمرج ماشفتيه..فاهمه​

آمنه:هيييي هيييييي منو انتي عشان تصرخين علي..ومنو فيصل؟؟شتخربطين انتي..بعدين لا تقعدين تتبلين انا ماعرفج ولا اعرف فيصل الغبي مالج هاذا!!​

ساره:والله محد غبي غيرج..انا حذرتج وانتي كيفج!​

آمنه:انننتيييي ترا ساكته ومتحملتج هاا..فاحترمي نفسج ولزمي حدودج لا اييلج كفف يعدل ويهج!وبعدين لا يكوون عبالج مخوفتني بكلامج؟؟​

ساره>>انقهرت من طريقتها بالرد<<:فيييصل حقي انااا فااااهمه..ولا واللللللله بتشوفين شي بحياتج ماشفتيه.​

وسكرت الخط بويه آمنه..​

آمنه:ايييي شييييي شتبي هاذي..مينونه!!!! الا اعرف منو فيصل..ويينج ياا فطووم.​

.​

.​

ملاك:يماااا..شكوو لويلو تطلع وانا لا!​

ام ملاك:وااااي من حنتج..البنيه طالعه مع رفيجتها انتي شكوو خليها تستانس بروحها..كله رازه ويهج معاها!​

ملاك:يماااااااا..عيل مالي شغل تطلعيني يعني تطلعيني.​

ام ملاك:على هالحنه ماكوو طلعه​

ملاك:عفيه يماا حبيبتي انتي خلاص اخر مره احن بس يلا طلعيني الله يخليج ماماتي.​

ام ملاك:بلللل اخذي نفس شنوو هاذااا دوددودددوددوددودوددود ماتعيزين؟؟​

ملاك:يمااا L​

ام ملاك:خلااااااص روحي لبسي لا اييلج شي يخرعج.​

راحت تركض من الوناسه قبل لا يتغير راي امها..​

.​

.​

.​

اما عند بدريه..​

بدريه:يما بكلمج شوي.​

ام بدريه:هلا حبيبتي قولي شعندج؟​

بدريه>>ترددت<<:امممم خلاص خلاص ولا شي..ابوي متى يرد من السفر؟​

ام بدريه>>لفت ويهها وكملت تقرا المجله<<:بعد ثلاث ايام.​

بدريه:اهاا الله يرده بالسلامه..يماا ليش ابوي وايد يسافر؟ خوو خيسوي شغله هني بالكويت!​

ام بدريه:خل يسافر احسن نرتاح منه جم اسبوع.​

بدريه.@ يمااا !!​

ام بدريه:وانا عند ربي صاجه..شنو عيل تبينه يجابلنا هني؟؟ على طوول؟؟​

بدريه>>قامت من مكانها تنهي النقاش اللي قام يضايقها<<:يما انتي وايد متغيره..وعلى فكره هالشي قام يضايقني.>>وصعدت دارها بدون لا تسمع رد امها.​

ام بدريه:يعني غصب تبيني احب ابوج ماااحبه اكرهه خلاااص طقت جبدي منه.​

(طبعا هالكلام ماوصل حق بدريه)..​

.​

.​

.​

بمكان ثاني على البحر..​

منيره:لا مابي فراوله.​

بدر:الحين انتي كله فراوله حبكت الحين ماتبين فراوله!​

منيره:خووو مابي فراوله خووو.​

بدر>>يقلد صوتها<<:خووو مابي فراوله خوو.​

منيره:بدووور لا تقلد.​

لولوه:منور صكيه طراق.​

بدر.@ تصكج انتي يا مليقه!​

لولوه:حسوون شوفه يقول عني مليقه:/​

حسين:بديير شوف شوف هاذي..صاااارووخ..قويه قويه.​

منيره:احلف بس!!!​

بدر داس على ريله..​

حسين:ااااااي يا حول ماتشوف ريلي.​

بدر ياشرله يسكت..لانه منيره عصبت..​

اما لولوه انصدمت منه ومن اسلوبه..وقامت وهدتهم بدون ولا كلمه..و اول ماوصلت السياره..ماقدرت تمسك دموعها!..​

لولوه:كنت حاسه..والله كنت حاسه.​

وفجاه ركبت يمها منيره..​

منيره:عبالهم لعبه عندهم احنا >>توها مخلصه تحلطم<<​

لولوه:وديني البيت.​

منيره لفت عليها وانصدمت..​

منيره:لولو لا تبجين والله مايستاهل تنزلين دموعج عشانه..خل يولي مو ميته عليه انتي!​

لولوه:كنت حاسه والله..>>وقامت تبجي<<.​

منيره لمتها وخلتها تهدى شوي و ردتها بيتها..​

.​

.​

. ​

اليوم الثاني..بالمدرسه..​

​

:خخخ شوفي كاهي.​

:مثل ما قلتلج هاا.​

:افاا علييج بس..انتي بس قعدي وضحكي.​

:هههههه..يلا بسرعه.​

​

ملاك قاعده ترسم بكتابها وتقرا وتغني ومندمجه حدها..فجاه قامت تصااااااررررخ​

.​

.​

​

تابعوني بالبارت الياي​

 

[ريولا دورفيل]

كمللللي..كملي كملي كملي...البارت عجيب بس نصه مافهمته !! اب اب اب

 

[miss i]

booma elpart ela5er 3jeeb.... bnt 5alte grt el8e9a o galat enha 3jeeeebaaa wla.....bs tgolich kmly mo twgfeen