تـجـمـع لمحبي الرضاعة الطبيعية :)

[miss elegant]

مرحبا يالامهات المرضعات

احب انضم لكم بنتي عمرها 6 اشهر والحمد الله ارضعها ليلحين

بس حفيت افيدكم باسم كريم للصدر ممتاز و وايد احسن من كريم لانسينوه

اسمه cutel اهوه جنه صناعة مصرية ينباع بالصدليات عجيييييب للحلمات والم الصدر مع الرضاعة

لانسينوه شوي ثقيل وعلى ما تمدينه عالحلمة يعور بس هذا وايد خفيف وآمن مع الرضاعة حتى لو ما تغسلينه

واللي صدرها يثقل من الحليب ويعوره جربي اخذي ورقة ملفوف اي لا تستغربون ورقة ملفوف مال الاكل

سبحان الله شكلها جنه ستيان ةتحطها جنها ستيان على صدرها وطبعا ما تلبس ستيان بس تلبس فنيلة او بلوزة قطن عشان تثبت الاورق عالصدر وتخليه ساعة او اكثر تقدر تنام خلالها

راح تشوفون ان ورقة الملفوف ذابت لانها تسحب الحرارة من الصدر وراح تشوفون الصدر بدى ينقط حليب

انا جربت هالطريقة و وايد ارتحت

 

[MiSs_PiNkOz]

سكر انا قبل وايد اراعي اكلي بس الحين لأ لوووول وهو صح نوعيه الأكل اللي تاكلينه تأثر علي بطن الياهل وبالتالي تأثر علي نفسيته

وراح تلاحظين بعد بشرة البيبي راح يطلع فيها حبوب حمرا وكل هذا من تأثير الاكل عليه لان كل اللي تاكلينه يروحله عن طريق حليبج

انل حتي مرات لمن تكون بطني تعورني وارضع بنتي يحوشها العوار مسكينه حتي لمن ابجي او نفسيتي تنعفس وارضعها تقوم اهي

بطنها تعورها و نفسيتها تعبانه ومالها خلق حتي مرات اقوم اشفط الحليب واقطه بالزباله واعطيها صناعي *

 

[MiSs_PiNkOz]

سكر انا قبل وايد اراعي اكلي بس الحين لأ لوووول وهو صح نوعيه الأكل اللي تاكلينه تأثر علي بطن الياهل وبالتالي تأثر علي نفسيته

وراح تلاحظين بعد بشرة البيبي راح يطلع فيها حبوب حمرا وكل هذا من تأثير الاكل عليه لان كل اللي تاكلينه يروحله عن طريق حليبج

انل حتي مرات لمن تكون بطني تعورني وارضع بنتي يحوشها العوار مسكينه حتي لمن ابجي او نفسيتي تنعفس وارضعها تقوم اهي

بطنها تعورها و نفسيتها تعبانه ومالها خلق حتي مرات اقوم اشفط الحليب واقطه بالزباله واعطيها صناعي *

 

[آهات الليل]

شلونكم شخباركم استمروا بالرضاعه


بنكوزه هههههه جكيتج تعالي تجمعنا ناطرتج لوووووووول

 

[MiSs_PiNkOz]

لووول اهات يلا كاني يايه

 

[Mednight Rain]

رد : تـجـمـع لمحبي الرضاعة الطبيعية

:aha:السلام عليكم ورحمة الله وبركاته:aha:


قواكم الله :eh_s(7):

خوووش موضوع ..:rerrerek:
وخوووش أمهات .. :rerrerek:

قريت الموضوع كله :cxxxp: طويل بس صراحة استفدت منكم وااايد وماشاء الله ردودكم :gathering:ومساعدتكم لبعض شي يثلج الصدر .:wqedqw:

أنا معاكم ان شاء الله وبرضع طبيعي انا حامل الحين وباجي جم شهر وأولد وقاعد أتقرا بالمواضيع اللي تخص الرضاعة الطبيعية .. ومنها موضوعكم العجيب .. وأختكم ترا بجرية :balo:.
اذا في مواضيع أو مواقع تنصحوني أدخل وأقرا وأزيد معلوماتي ياليت تساعدوني فيها .


الحين شنو أقدر استخدم كريمات عشان ماتتشقق الحلمة ؟؟
شرايكم أشتري جهاز الشفط الكهربائي من الحين أو لا ؟

وتسلمون​

:bye22:​

 

[زهرة الزهور]

السلام عليكم
انا الحمد لله بنتي عمرها سنة وشوي وترضع طبيعي ما شاء الله وما تحب الممية كلش تكرهها
من اول ما ولدتها ترضع من صدري ولا صار عمرها شهر عطيتها صناعي مرتين باليوم قلت عشان تتعود بس اسبوع وبعدين صرت اعطيها بس صدري اسهل بالليل وحتى بالنهار ى اسوي ماي ولا احط حليب

وبعدها صرت احاول اعطيها ممية ما قبلت كلش والحمد لله للحين على صدري
بس رحت عند دكتورة قبل كم يوم قاست وزنها قالت ناقص كيلو تقريبا لانها ما تاكل ولا تحب الاكل
قالت لي ان لازم افطمها عشان تاكل لانه الحليب مو كافي لنموها
وماقدرت شنو رايكم

 

[Dorur]

السلالالالام عليكم


شلونكم بنات وينكم غاطين؟؟

 

[MiSs_PiNkOz]

العضوات اليدد حياكم الله نوتوا

مدنايت انا ذكرت كريم تشقق الحلمات بالصفحات اللي طافت ولونه بنفسجي واذا عن اله الشفط اخذي عشان بالاربعين راح تتعبين وايد مع البيبي وخصوصيا بليل وقت النوم والفير وغيره وشفطيله حق الفير عشام لي قام نشربينه منه

زهور الله يتمم عليج يارب وحرام عليج سنه مافطمتيها انا بنتي عمرها 4 اشهر واسبوع قامت امي فطمتها خخخخ ولا انا كنت ابي 6اشهر لان الدكتور

قالي هالشهر تقدرين توكلينها بس امي مستعيله لان بنتي اول حفيدة لها فتبي كلشي تسويلها خخخخخخ

 

[MiSs_PiNkOz]

السلالالالام عليكم


شلونكم بنات وينكم غاطين؟؟

هلا والله تمام وانتي شلونج؟؟

 

[Dorur]

هلا والله بنكوز
انا بخير الحمدلله
وماشية مع الرضاعة الحمدلله
بس ببدي اوكله قريبا ان شالله

 

[UM MARIEM]

ما شاء الله
أنا حبيت تجمعكم ما شاء الله

و إن شاء الله برضع ( حامل )
لأن بنتي ما حبيت تاخذ مني كلش...
أشربت بس 15 يوم بالنفاس
بس هالمره إن شاء الله أرضع
الله كريم الله يقدرني...أمين

__________________________-

هديه مني لكم....



يقول د‏.‏ حسن فكري رئيس مركز ابن سينا للتغذية إن ذلك يتمثل في عملية المص المتكرر لحلمة الثدي بواسطة الطفل‏,‏ لأن هذه العملية تنشط الغدد المنتجة للبن‏,‏ بالإضافة إلي ذلك هناك بعض المشروبات التي تساعد علي كثرة ادرار اللبن مثل الحلبة‏..‏ فهي من أفضل الأغذية المدرة للبن‏,‏ ويؤخذ فيها من كوب إلي اثنين يوميا‏,‏ ويفضل أن تعطي بالبذور‏..‏ مشروب الشمر والنعناع‏,‏ يتميزان بقدرتهما علي ادرار اللبن‏.‏
شوربة العدس‏..‏ تساعد أيضا علي كثرة ادرار اللبن‏,‏ كذلك الحلاوة الطحينية والفجل والجرجير‏.‏

بالإضافة الى


1--شرب 3 لتر سوائل فى اليوم.....لتر ماء و لتر عصيرو لتر لبن حليب أو لبن رايب يوميا أو شوربة دجاج أو شوربة لحم
أو الأعشاب المفيدة مثل الكركدية و الينسون و التيليو و النعناع.... و تجنبى المياة الغازية..
و تجنبى الشاى و القهوة تماما ......أنها تنبة الرضيع و تجعلة يسهر و طبعا هذا أرهاق لكى.


2-- زيادة أكل البروتين .....لحوم حمراء و دجاج و أسماك و خصوصا خصوصا عن تجربة ..((( لحم الديك الرومى )))
لحمة يحتوى على كمية هائلة من البروتينات التى تساعد و تحفز على أنتاج الحليب فى ثدى الأم.

3-- مشروب الحلبة محلى بالعسل يزيد من لبن الأم .

4-- أكل الجرجير خاصة...و الخضروات الورقية عامة.

5-- عدم بذل مجهود و خصوصا قبل أرضاع الطفل.

6-- أخذ قسط وافر من النوم ما لا يقل عن 8 ساعات فى اليوم ....متجمعة أو متفرقة .

7-- التسمية باسم الله سبحانة و تعالى قبل أن تضعى الحلمة فى فم طفلك......و لا ترضعية أمام أحد
الا طبعا زوجك و أطفالك الآخرين ((مع تغطية صدرك ))(( حتى لا يتعود زوجك على هذا المنظر ))

8-- زيت السمسم........أذا لم تستطيعى الحصول علية .كلى (( حلاوة طحينية )) و لكن بدون أسراف .

9--راحة البال و عدم التوتر و عدم الأنفعال لها دور مهم فى أفراز الحليب من الصدر.......كما أن التوتر و الأنفعال
يغير من طعم اللبن.

 

[MiSs_PiNkOz]

ام مريم حيااج الله بيينا والله يتمم عليج وتولدين بالسلامه ومشكورة علي المعلوماات وايد فدتيني

 

[MiSs_PiNkOz]

بناات وينكم لايكون قطعتوا الرضاعه؟؟!!

 

[MissChoco]

السلام عليكم


بنات انا توني والده وامس شفطت حق بنوتي طبعا تميت ساعه بس طلع نص رقم
بس الحين المشكله ابيها تشرب حليب من صدري مو من الشفاط شلون؟؟؟ احس صدري كبير والحلمه تصير كبيره
والله بخاطري احطها على صدري بس شلون؟؟

 

[MiSs_PiNkOz]

مس شيكو الحمدلله علي سلامتج ومبروك ماجاج وعادي اول شي الحليب راح يكون قليل بس مع كثرة الرضاعه راح يزيييد والرهش وحليب كيددي والينسون

يدرون الحليب

ترا عاادي اول شي انتي والبيبي راح تحسون بصعوبه بالرضاعه بس بعدها كلشي سهالات وانصحج لي بغيتي ترضعين تشترين مخدة الرضاعه وتحطين البيبي عليها وقت ماترضعين وانتي دخلي حلمتج بحلجه وتاكدي ان صدرج مولازق بخشم البيبي عشان مايختنق ونومي البيبي علي جنب ويكون ويهه
مباشر لصدرج ورضعيه

 

[مدمنة ككاو]

حليب صدري تبخر راح اختفى مادري وينه !!

شلون ارده؟ انا باقي لي 8 ايام واطاع من الاربعين ورضعت ولدي 20 يوم بس لان حليبي وايد خفيف وشوية ما يشبع وبعض المرات احس ما يطلع له ويصرخ واضطريت اني ادخل الصناعي

 

[om mohammed]

بنات ابي رايكم و تشجيعكم لان قصتي غير...
انا ولدت من 38 يوم و ولدي حاشه بوصفار قوي اول ما يبته لدرجة ان حولوه الصباح. طبعا هالشي وايد اثر على رضاعته من صدري غير انه بسبة البوصفار صار وايد خامل و كلا نايم .

كنت اعتقد انه يشرب زين لكن بعد كم يوم استوعبت ان لا لأن ما قمت احس بشعور الي مثل الابر لما الصدر ينترس حليب.
فما لقيت جدامي حل غير اني اشفط و اعطيه بالمميه ..بس احطه على صدري الصبح وقت ما يكون متروس اكثر شي.
الحين اسم اللة عليه كبر و بعد يومين اطلع من الاربعين انشاللة فما راح اقدر اكمل بهالطريقة..

ودي يشرب من صدري و يفكني من الشفط! خاصة ان الي اشفطه ما عاد يكفي لان اسم الله عليه كبر و قام يشرب اكثر من قبل.
اليوم بلشت معاه ارضعه تقريبا طول اليوم *على صدري بس هلكني اسم الله عليه طول اليوم حاطته و لما يهدني ارده فراشه و بعدها بربع ساعة يقوم يبكي يبي يرضع زود!!
بس رضعة الليل عطيته ممية و شفطت علشان انام شوي.
اشرايكم و شنو تنصحوني فيه؟​

 

["النووور"]

خوش تجمع وايد عجبني الموضوع :ggdw:
انا 2 الله يحفظهم ويخليهم ، بنتي البجر رضعتها 6 أشهر وعقبها سافرت خذيتها معاي وبديت أدخل الصناعي لأن تدرون لوية السفر والتعب وهم لأن حليبي ماقام يشبعها اسم الله عليها كبرت انا حليبي على قدي
وبولدي هم رضعته بس 4 أشهر وعقب بديت أدخل الصناعي مره صدري ومره صناعي ، مع اني كنت ناويه أرضع لي سنة بس مليييييييت لأن انا ساكنه ابيت حموله تخيلو القعدة الرئيسيه عندهم تحت طول اليوم وحزة الرضاعه أصعد فوق أرضعه وأرد أنزل وهذي حالتي ياصاعده يا نازله يا رضاعه يا تبديل وغيره زهقت وحسيت بكآبه
واللي زادني ريلي عسسسسر طول ما انا ارضع طبيعي ما اطلع ولا مكان الا بيت أهلي يوم بالاسبوع !! متخيلين ؟!! حدددده ملل وزهقه نفسيتي حيل تعبت وكرهت الرضاعه مع اني من مؤيدينها وبقوه :eh_s(2):

الحين ان شاءالله انا حامل بالثالث وناويه أرضع طبيعي وبخااااطري أرضع لي عمر سنة بس مادري راح أتحمل وضعي ولا لأ ؟!! خصوصا ان عيالي كبروا اسم الله عليهم لازم أطلعهم بالويك اند ولا مساكين بيزهقون
مادري شسوي؟؟ اللي عندها فكرة تريحني تقولي

:eh_s(17)::eh_s(17)::eh_s(17):

 

[meen_ana]

اهلين حابه انظم وياكم وخاطري ارضه بنتى طبيعي بنتى السابقه رضعتها ثلاث شهور وكنت ادخل الصناعي لي ماتشبع وغير هذا اهى فطمت نفسها معنه كان في حليب والحين قااعد اجاهد كثر مااقدر ترضع طبيعي وحمدلله ان شاء الله يتمم عليه على الاقل 6 شهور