الماس مشكوره حبيبتي وماقصرتي
ياجعلها بموازين حسناتك ان شاءالله
طيب يوم تسوين الحنه تخمرينها و لاعلى طول تحطينها وكم ساعه؟
واذا تغسلينها بس بالماي واليوم اللي بعده نزيت الشعر؟
ادري تعبتج معاي بس اسوي الجدول مضبوط
ومشكوره ياقلبي
العفو يا قلبي .. واسئلي كثر ماتبين .. بالعكس وربي اني استانس وايد اذا احد سالني وانا جاوبته ..
بالنسبه للحناء انا دايم اسويها في اليل تقريبا الساعه 11 في اليل واحطها ثاني يوم الصبح تقريبا الساعه 8 الصبح او 9 وعاده يكون يوم الجمعه او السبت هو يوم الحناء لاني بايام الجازة اقعد بدري الصبح مع عيااالي ههههههه اسوي ريوق ونتريق مع بعض ..
لما اغسلها اغسلها بس بماي بس اغسلها زين بالماي واخلي شعري تحت الماي الجاري لحد ما احس شعري نظف زين زين..
ولما اطلع من الحمام اترك شعري ينشف بروحه بدون استشوار ولا امشطه لحد ما احسه نشف من الماي
بعد ما ينشف امشطه ..
ثاني يوم احط زيت براشوت ميثرابي خاص لتساقط الشعر وما اكثر براس اصابعي ادلك فيه فروه الراس وباقي شعري امسحه مسحه خفيفه بالزيت ..
اترك الزيت على شعري بس ساعتين ما اطول عشان طبيعه شعري دهني
بعدين اغسله عادي من الزيت
واي استفسار انا حاضره ومستعده اساعدج بالجدول وبعد اشجعج عشان تلتزمين فيه من عيوني والله
