تجمع اللي بيتركون التدريس باذن الله سواء يالتحويل او الاستقاله

[3w!Shni]

انا تعيين يديد و داخلة هالموضوع من قبل و علقت اني ناطرة شي يصيرلي واستقيل

لان الصراحه احنا مدرسات بس قاعدين نسوي اشياااااااااااء غير التدريس

والي تقول شدعوة و مو لي هالدرجه

بلى حبيبتي لي هالدرجة .. هالوظيفة صارت طالعه برة حدودها بوايد ..

وهذا انا ماصارلي فترة متوظفة ..

مع ان القسم والابلات و الادارة زينين .. بس يظل الشغل مو بس شغلنا قاعدين نسوي شغلنا وشغل غيرنا

ومثل ماقالت تركوازية .. كل كلامها صح ..

عشان والله شوية اجازات و راتب عالي ..

الانسان يشتري نفسه الفلوس ماتدوم

معانا جم وحده تقاعد بالقسم .. خلاص مابقالهم شي .. و لي الحين يتشكون و ريلهم و ظهرهم و معدتهم

وبالاخير؟؟؟؟

الاهالي مايقدرون ولا الطالبات يفيد فيهم ..

خليهم اييبون ربوتات يدرسون احسن .. لان هالوظيفة صارت تفتقد للتمييز بين الادامي و الطاولة

 

[أم هنونه]

حبوبة اوكي كل يوم قهوة وشاي00 بعد مالها رب تشرب لها شيء وتسولف شوي
ترى انا ابلة انجليزي وماكلة هوا من الكرف حتى الوافدات قاموا يستقيلون
الفطور علي وعلى زميلاتي بالحسرة واحيانا (بس هالشيء نادر ) نرد بدون حتى شربة عصير

الشيء الثاني:انتي ليش مستنكرة وجود حالات نفسية؟ قبل اربع سنين كانت ويانا معلمة وافدة كله تكلم نفسها واحيانا تبجي بروحها ومرات وانتي تسولفين مع زميلتج 00 اتسبج وتقول لج انتي سافله00واتهاوش وياج 00 احنا ماكنا نرد عليها لاننا كنا انعرف شنو كانت حالتها النفسية قبل (واهي انها كانت طيوبة وحبوبة ومافيها شيء) بعد كم سنة تدهورت حالتها النفسية وصارت مو بعقلها
ودت رئيسة القسم تقرير بانها غير مؤهلة للتدريس وكل اللي صار ان الوزارة انقلتها لمدسة ثانية!

الحالة الثانية ابلة علوم مع اختي توفى ولدها اللي كان وياها بالمدرسة: فطلبت نقل اداري لانها ماعاد تتحمل التدريس وتشوف العيال يكبرون بعينها وولدها اخر عنقودها متوفي الله يرحمه
حالتها النفسية كانت جدا تعبانة وماتقدر اتخلي الوظيفة عشان التزاماتها فقدمت على تحويل اداري لمدة سنتين 00 والنتيجة الوزارة قعدوها مدرسة الين استقالت

بعدين شكو انا احبط التعيين الجديد؟ البنية سألت وانا جاوبتها من باب ان لي 8 سنين بالتربية وعارفة شنو اللي يعانون منه بعض المعلمات بالمدرسة


الشيء الثالث حبوبة انا ماقللت من اعمالكم الادارية واحتكاكم مع الناظرة عشان تساليني شراح اقول لو كنت مكانكم00 اذا تبين رايي فهو ان بيئة المدرسة ككل خايسة وتقلل من قيمة الموظفة سواء كانت ادارية او معلمة 00والسبب تعسف هالناظرات والوكيلات00 انا اصلا ما افكر اكون ادارية بوزارة قلة التربية كلها لان هالوزارة وصخة وقذرة وتفتقر الادب والتربية والتعليم
مع العلم ان الاداريات اللي عندنا ماتقوم حتى من كرسيها والمناوبة قاطينها على روسنا احنا المعلمات مع انها مو من شغلنا 00 واذا طلبت منهم الوكيلة شيء اليوم الثاني كلهم غايبين عناد
احنا لو انغيب 00 امسحوا في وجيهنا القاع لان ورانا منهج وطالبات واحتياط ومناوبة وتربية صف و000و000و000 الخ

على العموم احنا نقول للتعيين الجديد الله يوفقكم وهذا الميدان جربوه 00 بس بعد كم سنة مانبي انشوف تحلطم من التدريس
لان بهالوقت وزارة التربية صارت مكشوفة وبلاويها الزرقة ماعاد تتغطى 00 فاللي بتدش التربية اعتبرها انا منتحرة نفسيا

وسلامتكم

طلعي من التدريس ما تشوفين شر بس توج الحين اكتشفتي هالمعاناة اوكي اللي توهم متعينين معاهم حق بس انتي من كلامج مبين قديمه في هالمجال الا اذا كنتي طوال هالسنوات تروحين الوزاره وتشتكين وتوصلين صوتج للمسؤولين ومافاد هذا شي ثاني

 

[نبض حبيبها]

وينكم؟؟؟
اللي راحوا الأوقاف أو أي جهة ثانية​

 

[جنى الجنتين888]

3w!Shni
مثل حالتج بالضبط

بس ان شاء الله بعد القرار الجديد أقدر استقيل واتوظف بعد سنة مو سنتين... وربي ييسر امونا كلها

 

[الشمس غابت]

احسن شي الي مايبي التربية ومايقدر يعطي بضمير يطلع ........لان هذا الامجال مايحتمل كسل.زيبي جد ونشاط

 

[(كويتيه عسل)]

مجتمع الحريم فساد كلا نفاق ومصالح وغيره وحقد وغل وحسد

بس وحده تمسلكلها منصب وتصير وكيله او ناظره قلبها يموت

مايحسون ولا عندهم مشاعر ولا جنهم كانو ابلات مثلنا

اليوم تغيبين باجر عقاب يعطونج حصص زياده ويعطونج سابعه

وغبتي مرضيه <<بعد مريضه وغايبه ليش هالحقد والحرهه
واذا داومتي ما يحاجونج ومادين البوز جنه غايبه رايحه مجمعات وكافيهات مثل بعض الموظفات في الوزارة لا بعد الموظفات مايغيبون يزرقون من الوزارة

ويذلونج على استاذان وعرضي ولاعبين بالقرارات لعب الاستاذان 3 ساعات في مدارس الاستاذان عندهم ساعتين وفي مدارس يقولون الاستاذان بس 3 مرات واهوا اصلا 4 مرات في الشهر والتاخير يحسبونه من 7:45 واهما يحسبونه من 7:30

في مدارس نذاله تقولينهم باجر بستاذن وايي باجر يعطونج احتياط علشان يربطونج ماتستاذنين وتقولينلهم انا امس قلتلكم بستاذن تقولج الوكيله عندنا نقص والابلات ربعها المنافقات حاطين فاضين ماعندهم حصص


وغير المظاهر والبهرجه مثل الدروس النموذجيه والرياديه اللي مامنها فايده بس خساير وعلى حسابج و تييبين بوهيه وتأجرين كراسي وطاولات وتسويلج وسايل فناتك و تأجرين فلبينيات يوزعون الحلو وتسويلج ديكور في المسرح<< موناقص الا اشوفلي مصصمهه تسويلي الطرحه والنفنوف والمسكه واييب ال دي جي


واذا ماسويتي يحطون عليج ويلعوزونج ويحطونج في قائمة البلاك ليست ويتبلون عليج وينقلونج وتطلعين ابة موزينه والحجي ينتقل معاج لي مدرستج اليديده وهم نفس الفلم يحطون عليج وهم تقدمين نقل والحجي اللي قالوه لج في مدرستج الاولانه خلاص لاصق فيج لزقت عنزروت تظلين طول عمرج ابله منبوذه موزينه ويتناقل الحجي من مدرسه تنتقلينلها لي مدرسه


وغير ان المعلمه ماعاد لها هيبه ولا تقدير ولا احترام

رضى الطلبه اهم علشان اولياء الامور يرضون عليج

علشان لا يشتكون في المنطقة بعدين سمعة المدرسة وادارة المدرسة تصير موزينه

يعني عادي الطلبه يتبلون عليج ويجذوب يصدقون الطلبه والمعلمه اهيا الجذابه


وغير مناهجهم الفاشله كل درس يبيلج مليون وسيله ومصاريف
وكراف وتتعبين وينهد حيلج وتتعبين بالشرح ومتابعه الطالبات
اللي كل وحده شخصيه غير وضبط الصف والمسؤوليه

واكثر الطالبات اهمال وكسالى بس يبون يسولفون ويلعبون ولا في اهتمام ولا يدرسون في البيت وبالنهايه يحطونلهم مدرسين واشكرهه اييونلج ويقولج عندنا مدرسين ويبونا نغششهم في الامتحان ويبون امتياز


وفي ايام الامتحانات عندهم امتحان تعبير واملاء موعاجبهم ليش نعطيهم واجبات وفوق شينه قوات عينهم يروحون للناظره يشتكون
امتحان تعبير بعدين شنو تدرسينله
ماادري شنو يدرسون مجابلين النت والهياته ويقولون عندنا امتحان


وغير طولت اللسان وقلة الادب وتطالعينهم يطالعونج مكاسر عيون
جنج الطالبه وتطالعينها تصيرين وياها مساكر عيون قلة حيا
ولا جنه الابله اكبر منهم والطالبه تطول لسانها عيلج عادي بس انتي تنقدينها يعطونج لفت نظر وتهديد ونقل لمدرسة بعيده

وغير انهم يطلبون منج توقفين في الشمس جنج ناطور في المناوبات ومربيه على الصف تطبعين امتحانات وتصورينهم وتسجلين الغياب وتقارير ودرجات وبروشورات نسب وتسوين شغل رئيسة القسم وشغل الاداريات اللي موشغلج

وتييلج وحده ماتسوى فلس تدخل عليج الصف تنتقدج وتغثبج على اشياء تافهه مثلها العنوان عوي ماكتبتي م في التاريخ
دفتر هالطالبه موكامل بعد اهيا كسلانه يعني احلها التمارين واكمل دفترها ولا طالبه غايبه هالدرس مومصلح اكيد مومصلح بعد غايبه توها الطالبه تداوم


وغير النفاق يبون هدايا في المناسبات عيد الام يبون هدايا بعد اسمه عيد الام موعيد الناظرات وعيد رؤساء الاقسام وعيد الوكيلات

وفي كل مناسبه يبون هدايا ودروع وشهادات تقدير بعد يوم البيئه شنو اييب دروع وشهادات شكو ليش انتو شمسوين علشان اكرمكم


واللي حاسدينا على العطل قبل عطلة 15 رئيسة القسم تعطيج شغل وتقولج ابيه عقب العطله وتعطيج ورقه توقعين عليها غصب
وبتاريخ الاستلام تحدج يعني قعدي في العطله سويهم

 

[ام الوردة]

ااااااااااااااااااااه يماااااااااااااااااااااااااااا يااا لبي فعلا سوالفكم صج

 

[ووغلآآتك]

السلام عليكم
حبيت احط لكم قرار الوزيرة
يسمح للتربويات بالتحويل او التعيين بغير التربية
وهذا رابط الخبر الي قالت الوزيره بالجريده
http://alwatan.kuwait.tt/ArticleDetails.aspx?Id=103403&YearQuarter=20112

 

[قلم احمر]

طلعي من التدريس ما تشوفين شر بس توج الحين اكتشفتي هالمعاناة اوكي اللي توهم متعينين معاهم حق بس انتي من كلامج مبين قديمه في هالمجال الا اذا كنتي طوال هالسنوات تروحين الوزاره وتشتكين وتوصلين صوتج للمسؤولين ومافاد هذا شي ثاني

ههههههه ؛ تحسبين الطلعة سهلة !! ما تعرفين وزارة التربية يسمونها سجن غوانتنامو :eh_s(14):​

//​

تدرين ليه ما نقدر نطلع لأنه ما عندي واااااسطة مثل بعض الناس ؛ اذا النقل من مدرسة لمدرسة ما حصلي وصار لي 10 سنين ولا بعد ادرس صبيان :rgewrg: منطقّه مكاني ​

//​

وبعدين تعذرين التعيين الجديد عادي يعانون ؛ واحنا لأ ! وليه ما لنا رب نتكلم ؟ ​

بالعكس المفروض تشكرينا لأنه احنا قدمنا لهم نصيحه ويا ليت أحد قال لي هالنصيحه :eh_s(2): ما كان دخلت هالمقبرة ؛ اللى ما ني قادرة أطلع منها صحتي خسرتها وعيالي مقصرة معاهم غير النفسية التعبانة ؛ من طلبات المدرسة ........​

واذا حاسة نبالغ بهالكلام .. هذا الميدان يا حميدان ​

والله ثم والله إنج راح تتندمين بكثر حبات الرمل .. هذا اذا ما حاشتج نفسية وهستيريا صراخ​

جربي .. ولأ لا تتكلمين عن وحده شفتيها مرتاحه ​

//​

ويكون بعلمج ما يكره التربية إلا اللي يتعب ويكد ويكرف ​

//​

/​

 

[نسايم عود]

اى والله
بس كل شى باجره
الله يعينكم ويساعدكم انتم بس لو يخففون من شغل البريستيجات والدروس والحفلات اللى ما منها الا عوار الراس
ويخلونكم بس للتدريس وايد ابرك
يا حلو مدارس الرياييل شغل مشى حالك وبس

 

[نبض حبيبها]

صااااااااااااجة والله يا قلم أحمر​

 

[kuwait_queen82]

مجتمع الحريم فساد كلا نفاق ومصالح وغيره وحقد وغل وحسد

بس وحده تمسلكلها منصب وتصير وكيله او ناظره قلبها يموت

مايحسون ولا عندهم مشاعر ولا جنهم كانو ابلات مثلنا

اليوم تغيبين باجر عقاب يعطونج حصص زياده ويعطونج سابعه

وغبتي مرضيه <<بعد مريضه وغايبه ليش هالحقد والحرهه
واذا داومتي ما يحاجونج ومادين البوز جنه غايبه رايحه مجمعات وكافيهات مثل بعض الموظفات في الوزارة لا بعد الموظفات مايغيبون يزرقون من الوزارة

ويذلونج على استاذان وعرضي ولاعبين بالقرارات لعب الاستاذان 3 ساعات في مدارس الاستاذان عندهم ساعتين وفي مدارس يقولون الاستاذان بس 3 مرات واهوا اصلا 4 مرات في الشهر والتاخير يحسبونه من 7:45 واهما يحسبونه من 7:30

في مدارس نذاله تقولينهم باجر بستاذن وايي باجر يعطونج احتياط علشان يربطونج ماتستاذنين وتقولينلهم انا امس قلتلكم بستاذن تقولج الوكيله عندنا نقص والابلات ربعها المنافقات حاطين فاضين ماعندهم حصص


وغير المظاهر والبهرجه مثل الدروس النموذجيه والرياديه اللي مامنها فايده بس خساير وعلى حسابج و تييبين بوهيه وتأجرين كراسي وطاولات وتسويلج وسايل فناتك و تأجرين فلبينيات يوزعون الحلو وتسويلج ديكور في المسرح<< موناقص الا اشوفلي مصصمهه تسويلي الطرحه والنفنوف والمسكه واييب ال دي جي


واذا ماسويتي يحطون عليج ويلعوزونج ويحطونج في قائمة البلاك ليست ويتبلون عليج وينقلونج وتطلعين ابة موزينه والحجي ينتقل معاج لي مدرستج اليديده وهم نفس الفلم يحطون عليج وهم تقدمين نقل والحجي اللي قالوه لج في مدرستج الاولانه خلاص لاصق فيج لزقت عنزروت تظلين طول عمرج ابله منبوذه موزينه ويتناقل الحجي من مدرسه تنتقلينلها لي مدرسه


وغير ان المعلمه ماعاد لها هيبه ولا تقدير ولا احترام

رضى الطلبه اهم علشان اولياء الامور يرضون عليج

علشان لا يشتكون في المنطقة بعدين سمعة المدرسة وادارة المدرسة تصير موزينه

يعني عادي الطلبه يتبلون عليج ويجذوب يصدقون الطلبه والمعلمه اهيا الجذابه


وغير مناهجهم الفاشله كل درس يبيلج مليون وسيله ومصاريف
وكراف وتتعبين وينهد حيلج وتتعبين بالشرح ومتابعه الطالبات
اللي كل وحده شخصيه غير وضبط الصف والمسؤوليه

واكثر الطالبات اهمال وكسالى بس يبون يسولفون ويلعبون ولا في اهتمام ولا يدرسون في البيت وبالنهايه يحطونلهم مدرسين واشكرهه اييونلج ويقولج عندنا مدرسين ويبونا نغششهم في الامتحان ويبون امتياز


وفي ايام الامتحانات عندهم امتحان تعبير واملاء موعاجبهم ليش نعطيهم واجبات وفوق شينه قوات عينهم يروحون للناظره يشتكون
امتحان تعبير بعدين شنو تدرسينله
ماادري شنو يدرسون مجابلين النت والهياته ويقولون عندنا امتحان


وغير طولت اللسان وقلة الادب وتطالعينهم يطالعونج مكاسر عيون
جنج الطالبه وتطالعينها تصيرين وياها مساكر عيون قلة حيا
ولا جنه الابله اكبر منهم والطالبه تطول لسانها عيلج عادي بس انتي تنقدينها يعطونج لفت نظر وتهديد ونقل لمدرسة بعيده

وغير انهم يطلبون منج توقفين في الشمس جنج ناطور في المناوبات ومربيه على الصف تطبعين امتحانات وتصورينهم وتسجلين الغياب وتقارير ودرجات وبروشورات نسب وتسوين شغل رئيسة القسم وشغل الاداريات اللي موشغلج

وتييلج وحده ماتسوى فلس تدخل عليج الصف تنتقدج وتغثبج على اشياء تافهه مثلها العنوان عوي ماكتبتي م في التاريخ
دفتر هالطالبه موكامل بعد اهيا كسلانه يعني احلها التمارين واكمل دفترها ولا طالبه غايبه هالدرس مومصلح اكيد مومصلح بعد غايبه توها الطالبه تداوم


وغير النفاق يبون هدايا في المناسبات عيد الام يبون هدايا بعد اسمه عيد الام موعيد الناظرات وعيد رؤساء الاقسام وعيد الوكيلات

وفي كل مناسبه يبون هدايا ودروع وشهادات تقدير بعد يوم البيئه شنو اييب دروع وشهادات شكو ليش انتو شمسوين علشان اكرمكم


واللي حاسدينا على العطل قبل عطلة 15 رئيسة القسم تعطيج شغل وتقولج ابيه عقب العطله وتعطيج ورقه توقعين عليها غصب
وبتاريخ الاستلام تحدج يعني قعدي في العطله سويهم

الله يكون في عونج قلبج شاييييييييييل :eh_s(2):

 

[CrystalQ8]

مرحبا ابلات وصلت النشره التحويل بس استغربت انهم كاتبين التقديم لغايه شهر مارس والنشر الاسبوع اللي طاف وصلت يعني طاف التسجيل

 

[غزلان الكويت]

من صجج طااااااااف واللي ماجته النشره اساسا

 

[Turquoiseya]

طلعي من التدريس ما تشوفين شر بس توج الحين اكتشفتي هالمعاناة اوكي اللي توهم متعينين معاهم حق بس انتي من كلامج مبين قديمه في هالمجال الا اذا كنتي طوال هالسنوات تروحين الوزاره وتشتكين وتوصلين صوتج للمسؤولين ومافاد هذا شي ثاني

اول شيئ ان شالله اطلع من التدريس من غير شر وعقبال اشوفج ابلة انجليزي بدالي تسدين النقص عني

الشيء الثاني انا كتبت رد شطوله وشعرضه بس مسحته لأن ردج اللي ظللته باللون الازرق يدل على انج ماتعرفين اي شيء عن التربية سابقا وليش فارقة الامور معانا حاليا وبالذات قسم اللغة الانجليزية الخاضع للاستعمار بعدين شاكتب لج شاخلى بل ليش اكتب لج عن الفروقات والصعوبات اللي تدرجت في التربية من سنة 2003 الى 2011 شحقه اشكي لج حالي وحال غيري واعلمج شكثر الامور كانت سهلة باول تعييني ومعاشي كان 528 بس يهبل
والحين معاشي 945 واقروا زيادة لنا يعني بيصك فوق الالف بس ما ابيه كله لان مابقى عيادة ما رحت لها : قولون على جلدية على طبيب عيون على تخطيط قلب على جراحة عامة والحين الظاهر عندي غدة الله يستر

وبسبب ان احنا مرت علينا التربية وشفنا شنو كانت التربية سابقا وشنو صارت عليه عقب ما امسكوها الحريم الحين قدرنا ننصح بنات التربية العملية وعلمناهم انهم لازم يعيشون حياتهم خارج معتقل التربية00 بل ان منا شكثر امنعوا خواتهم وبناتهم من دخول كلية التربية 000 وان زيادة المعاش اهو لاصطياد الخريجات الجدد للالتحاق بكلية التربية ثم اعدامهم نفسيا تحت قرار لاتحويل اداري للمعلمة ذات الشهادة التربوية الا بعد عشر سنين لزوم التخريف

ليش اعيد كلامي وكلام العضوات اللي ماقريتيه في مواضيع وصفحات سابقة وللي فيه اتفقنا ان التدريس بحد ذاته متعة ووناسة لكن المصيبة في الوزارة والتوجيه والادارة والطلبات والبهرجات والكراف اللي مو من اعمالنا 00 واخرتها تنظلمين بالتقرير لان الموجه المصري مايصعدج على المصرية ويحطج فوقها ولا الناظرة مو مشتهيتج ولا مستغلة قرار سرية التقارير عشان اتخسف وتعطي على راحتها00واذا اشتكيتي مني ليوم القيامة محد راح ينصفج 00 واذا ردوا لج حقج فهذا عقب مايطلع الشيب في راسج وتخسرين صحتج
والتحقيق والتمصخر عشان تاخذين استاذان غير الزفة او العقاب اللي اتحصلينه اذا غبتي عشان ولدج حرارته صاكه 39 لانج تاخرتي بالمنهج (الدسم الصعب )
وان مع كل سنة انصبر نفوسنا بان الامور راح تتحسن وننصدم بالاسوء 00 او ناقلم نفوسنا على شيء وننصدم بقرارات تنسف اللي تاقلمتي عليه وفوقه خرابيط زايدة بس اموت واعرف شنو الفايدة منها00 مثال على كلامي تقلينه بتجمع ابلات الانجليزي الابتدائي بالصفحات الاخيرة وتتاملين مدى خساسة وحقارة توجيه الانجليزي وبدعه المستوردة من مصر


ليش اعور راسي وانفخ بتفيخة مبطوطة 00 واشتكي للشخص اللي ظلمني!
لايبة اطلع واخليهم 00 شوفي شكثر ابلات انجليزي كويتيات مستقيلات 00 مافكرت الوزارة ليش طلعوا؟ ليش ماصاروا رئيسات اقسام؟ وتشوف السبب خصوصا انهم كفاءات؟ كل هالابلات حاولوا بالتحويل الاداري عقب مافقدوا الامل انهم يحصلون حقوقهم00 واخرتها ماطلعتهم الوزارة 00 فشروا صحتهم واستقالوا
عبالج انهم بيطلعوني بسرعة00 لاحبيبتي بيعضون فيني الى ان استقيل 00 زين انا شهادتي مو تربوية ليش استقيل 00 هذا تعسف توجيه الانجليزي والحين توجيه الرياضيات والدين والعلوم والعربي حتى المواد الغير اساسية 00 مايخلونج اتحولين اداري بسهولة يحدونج على الاستقاله




وما ازيد على كلام قلم احمر وكلام العضوات اللي اسبقوها:

ويكون بعلمج ما يكره التربية إلا اللي يتعب ويكد ويكرف ​

​

​

التربية صارت مفضوحة عن طريقنا احنا اهل الخبرة من خمس سنين وطالع 00 فالبنية اللي تقرى فضايح التربية وتعرفها بعدين اتروح تدخل كلية التربية وتتوظف مدرسة وبعد كم شهر تبجي دم 00 بصراحة مو معذورة والله يعينها على هبال قيادي التربية اللي بتشوفهم كل يوم

 

[Turquoiseya]

احسن شي الي مايبي التربية ومايقدر يعطي بضمير يطلع ........لان هذا الامجال مايحتمل كسل.زيبي جد ونشاط

ايه والله احسن شيء00 وترى في ابلات شكثر وانا منهم مستعدين يعطونج مكانهم ومعاشهم مقابل تشتغلين بدالهم بمثل ماقلتي بجد ونشاط 00 بس ياترى هل انتي بتوافقين او بتعبير افضل: هل انتي قدها وقدودها انج تنجوين بنار الجد والنشاط اللي احترقوا منها؟

 

[Turquoiseya]

مرحبا ابلات وصلت النشره التحويل بس استغربت انهم كاتبين التقديم لغايه شهر مارس والنشر الاسبوع اللي طاف وصلت يعني طاف التسجيل

هلا كرستال
والله قديمة او جديدة انا قلت للسكرتارية طلعوا لي القرار وكتبت رغبتي بالتحويل الاداري 00 بغيت اسب توجيهنا بس خفت ان الناظرة تشق ورقتي لووول خصوصا اني جديدة بالمدرسة فياغريب كن اديب

 

[CrystalQ8]

اسمج صعب توركوسيا

شوفي الحظ الحمد لله من الخميس اروح السكرتاريه ومعلق كمبيوتر وتردني واليوم الاثنين ونفس الحاله بس خلاص طقت جبدي ادز نفسي علي الدوام مليت

 

[Turquoiseya]

لووووول كرستال
اسمي تركوازية

شكثر عضوات يشتكون من اسمي

يابنت الحلال استخيري زيادة 00 بصراحة موشيء انج اداومين ونفسيتج صفر
قسما بالله بتتعبين زيادة

يارب اتحولين ادارية باقرب وقت وان شالله يوافقون بعد على طلبي بالتحويل

 

[CrystalQ8]

تركوازيه صج مدرسه انقليزي

جم خبرتج بالتدريس انا ١٠سنين قالولي غيري المدرسه قبل التحويل بس لتذكرت كراف التربيه بس ملينا ١٠سنين كراف