الفوبيا اااه من الفوبيا .. كل وحده تدش تشوف شنو فوبيتها + شوفوا الفوبيا شسوت فيني :(

[فوق الثريا محلي]

اخاف من المرتفعااااااااااااااات مووووووووووووووووت
و الدرج الكهربائي .....................................خواتي يضحكن علي يقولون عيوز

 

[طوق البنفسج]

18- الخوف من الأفاعي بشكل خاص وليس بقية الزواحف Ophidio phobia

انا فيني هذا ,, من شنو ما ادري ,, ما احب اشوفهم ولا اسمع طاريهم ولا حتى الالعاب و اذا بو 100 فيه يهال ما ادخل اخاف واحد منهم شايل حيه اللعبه بايده و ما اواطنها و اذا شفتها افقد الاحساس بالزمان و المكان و منو موجود و عيب و فشله ما احس بعمري ,, الله يعينا على الاحراج

 

[FeShinGoOo]

انا فيني فوبيا الاماكن الضيجه والمغلقه

وااااااااااااي اختنق واحس بصداع ودوخه ومغص ..!!

اذكر مره رحنا شاليه وكان في تحت السلم مثل غرفه صغيره اتجندسين عشان اتدشينهااا

وااي والله قمت ابجي يوم شفتهااا معني مادشيتها بس اختنقت ..!!!!

حتى الاهرامات نفس الشي مو سلم صغير وتصعدين الاهرامات لي فووق ووراج ناس وضيج وخنقه ..

والله نطرت اهلي ساعه ونص برا وبروحي بين الصعايده بس مارضيت ادش :/ نكدت عليهم لوول

 

[صدى القلب]

عندي فوبيا من الظلمه

وبعد من البرق والرعد

وبعد من سوالف الشيطان والجنوون اخااف ماانام كللللش :'(

 

[MyLittleBerry]

انا في وايد اشياء اخاف منها

بس اللي اصنفها فوبيا اللي اهي الخوف اللي لحد الجنون

اني اخاف من البالونات

امبي شي موطبيعي اخاف لدرجه اني اذا شميت ريحة التفاخيه تنقلب جبدي من الخرعه

اخاف اشوفه من بعيد او قريب تلقيني انحاش حارمه هالشي من عيالي بس شي موبيدي

بالبدايه اهلي كانو يتغشمرون وياي بس لما شافوني بجيت وهسترت عليهم عرفو ان موشي غشمره

وفوبيا التفاخيات بدت معاي ايام صفارات الانذار اول ماتزوجت اعقد ب 2003

وحتى قبل فتره رحت اجتماع حق ولدب بالروضه قعدت معاه بالصف ولا الابلات قاعدين يتفخون التفاخيات امبييي مادري شصار فيني والله اني لافه ويهي وصاكه اذني ومتيسبه لدرجة اني 3 دقايق ماطولت تعذرت وقلتلهم سوري صار عندي ظرف وبطلع وااي طيران بره الصف

كسسسسر خااااااااطري ولدي والله بس والله موبيدي

 

[دلعووووه]

2- الخوف من الأماكن والمناطق المرتفعة Acrophobia


واااايد اخاف خصوصا السلالم لم تكون مرتفعه او حافة سور بالمجمعات اتييلي دوخه ورجفه بسيطه

5- الخوف من الإنسان وبشكل خاص من الرجال Anthrophobia


اوووف واااايد لأني حيييل خجوله وبصراحه قمت اتعالج عند دكتور نفسي والعلاج وايد فاد معاي الحمدلله

6- الخوف من الماء Aquaphobia


اخاااف من السباحه والبحر لأني ماعرف اسبح كله احس اني بغرق

 

[G!RLooNa]

^^^^^

 

[LuLiTa]

انا عندي فوبيا الظلمة ,,,, لدرجة بالليل اخلي ليت الغرفة مبطل وقت النوم ,, و مرااخلي اللاب توب مبطل عشان ليته ينور المكان شوي

 

[حلـــمْ]

انا في وايد اشياء اخاف منها

بس اللي اصنفها فوبيا اللي اهي الخوف اللي لحد الجنون

اني اخاف من البالونات

امبي شي موطبيعي اخاف لدرجه اني اذا شميت ريحة التفاخيه تنقلب جبدي من الخرعه

اخاف اشوفه من بعيد او قريب تلقيني انحاش حارمه هالشي من عيالي بس شي موبيدي

بالبدايه اهلي كانو يتغشمرون وياي بس لما شافوني بجيت وهسترت عليهم عرفو ان موشي غشمره

وفوبيا التفاخيات بدت معاي ايام صفارات الانذار اول ماتزوجت اعقد ب 2003

وحتى قبل فتره رحت اجتماع حق ولدب بالروضه قعدت معاه بالصف ولا الابلات قاعدين يتفخون التفاخيات امبييي مادري شصار فيني والله اني لافه ويهي وصاكه اذني ومتيسبه لدرجة اني 3 دقايق ماطولت تعذرت وقلتلهم سوري صار عندي ظرف وبطلع وااي طيران بره الصف

كسسسسر خااااااااطري ولدي والله بس والله موبيدي

اخيرا لقيت حد نفس حالتي
اخاف من البلووناات بشششكل مو طبيعي ..
واي شي ممكن " ينفقع" ..زي كيس البطاطس او شي زيه
الصيف الماضي سوينا حفلة للاطفال عشان نجاحهم ..ماخليييتهم ينفخو بلووونات نهااائي
جد اعررررق واهسستر وماسيطر على نفسي يوم اشوفها ..
صرت احاول يوم ينفخو بلونة اجلس بنفس المكان ماقوم ..بس ماقدر اخااف واتوتر واعررررررق ..
حالتي صعبة

عنديي خوف من دكتور الاسنان كمان ..
اول ماجيت اسوي اسناني ربع ساعة ارررجف ..الدكتور بقولي كم عمرك 10 ولا 20 سنة ؟؟!!
شسوي اخااف من الابرة مررررة ..
اخرتها كان ضرسي يعوورني ومررة الم قلت لهم احجزو لي موعد عند الدكتور
قبل الموعد بكم يوم جاتني سخونة ..انا مادي هي سخونة صدق ولا حالة نفسية عشان ماروح الطبيب
وقلت لهم ماقدر مرششحة ماقدر اروح الدكتور وبعد ماراح الموعد ..رجعت طبيعي ومافيني سخونة ولا شي !!
هذي اكثر الاشياء اللي توترني ..
الحيوانات ..الزواحف هالاشياء خوف بس خوف طبيعي زي كل الناس
بس الاسنان والبلونات ..اهسسستر منهم

وعذرا ع الاطالة
بس مررة عجبني الموضووع احب هالسوالف

يعطيكم العافية :eh_s(7):

 

[جيرازksa]

الطياره الطياره الطياره

طول الرحله تلاقيني مشبصه وخايفه حتى لو الرحله قصيره نص ساعه او ساعه

 

[معاناة قلبي]

sorry mo bl 3rbii el lap maykt ela english Xl

3ndii phibia mn may el ba7ar

mo may shrb wla 7mam sba7a

ohwa a9lan el sba7a bl ba7ar

bda lmn kan 3mrii 7 sneen t8reban
knt ga3da astaba7 bl ba7ar w mstansa wla adoos 3la shy wkan 9a5ar bs yt7arak f 3balii ena 7ywaan n6eet w t3lagt eb obooy o mora'6ya atsaba7
m3 ena el kl galii ena 9a5ar w mn yomha 9arat feenii 7ala hstereya a7s b7rara mo 6be3ya bjsmii w 29r5 w at3alag b2y a7ad ymii w a9ar5 w ana6/6 bmkanii 7ata fii mara fshalt ahlii w el kil y3yb 3ly 9ayra mhzala ayam el shalii 7ata el yhaal y3yboon lol

w2ana el-7een mo3ajbnii achoof el kl ytsaba7 w 2ana eidii 3la 5dii a6al3hum

fajarabt el-9eef elii 6af bs ena kthr ma2agdar ma agrb min el-" 9a5ar " 3lshaan latyelii el 7ala

bs el7md allah 3la kl 7al​

 

[النملة نواري]

انا اخاف من و اكره الحشرات بكل انواعها
ويييع احس شكلها مقزز

 

[كاندي بينك]

يسلمووووووووو والي يتوكل على رب العالمين مايحوشه شي

 

[marimor]

الزهيووووووي شي اكييييد واتوقع كل البنات يخافون منه لوول ومن اشووف بس صوورته افزز وجسمي يكششش

وعندي خووف من شي غريب تتوقعون شنوو





















صوت السيفوون بالليل !!!!

امبييه والله العظيم بس من يصير بالليل اسمع صوت السيفوون قلبي يووقف

واذا خلصت الحمام ابطل الباب واسحب السيفون بسرعه واصكر اذووني وانحاااش

شحقه اخاف منه مادري ؟؟؟!!!

واذكره مره سمعت انه بنت خالي يوم كانت صغيره تخاف من اغنيه " ليش زعلان ومايحاجيني ليش زعلان "

بس من تسمع هاللاغنيه تبجي بجييييييي لوووول
ومره سمعت عن وحده تمووت خووف من العرقووز وقابلتها تايرا بعد هذي اهيا شووفوها

http://www.youtube.com/watch?v=W2nK_qmvJ7A&playnext=1&list=PL53C6E24E187FD7C4

وجني قرقت وايد لوول

 

[كويتيه كول..]

مشكوره على الموووضوووع خرعتيييييييييني

 

[♥ĘМǾ♫ĢǾŦĦ♥]

Hey ,, what's Up ? ?

أنآ عندي فوبيآ من الامآكن المزدحمة .. أتوتر .. و هم أتوتر إذآ كآنت الأنظار كلها علي ..
وإذا كان في مكان مزدحم .. دايماً اوقف آخر شي عشان ما تكون الانظار علي .. يصير فيني توتر مو طبيعي من الزحمة و الانظار ..

أممم و هم عندي فوبيا من الحشرات و اهم شي الزيوي ..

و فوبيا من الحمام .. اخاف منه مادري ليش .. ،، مع اني ماخاف من الجن .. أصلاً دايما أتهآوش معاهم ... هههههه ...


وبس هذي فوبيآتي ..

و أي إستفسار أو تعقيب .. على الخاص لأن ما أرجع للموضوع .. اللي شاركت فيه .

و ثآآآآآنكيووو على الموضوع

that's it

peace♥♥

​

 

[قصة_هوانا]

والله فديتج يا صاحبه الموضوع

 

[ρeαrℓ]

17- الخوف من الظلام بما يلي في ذلك الغرف المعتمة حتى في وضح النهار.

انا لمن انام لازم ابطل الباب ويكون فيه ليت ينور ولا ما انام


18- الخوف من الأفاعي بشكل خاص وليس بقية الزواحف Ophidio phobia

عاد هاذي حاله خاصه لاتشوفيني بالمخيم مسكينه ما انام اتلفت يمين ويسار
شنو اكره وقت النوم

..

مشكوره على الموضوع​

 

[طالبة متوهقة]

انا كلي على بعضي فوبيا

 

[الليدي ديانا]

فوبيا من ابله الرياضيات