تجمع رشيقات صيف 2011 Yes We Can Do It " Lets Go Girls

[Zain_ALZain]

ياااااااااااااااااااااااارب على عيد الفطر كل البنات واصلين حق هدفهم بصحه وعافيه

ونكون كلنا رشيقات ومقاساتنا ما تتعدى المديم والله مو طماعه

 

[صبرت ومل الصبر]

الحين قاعده اشرب حليب مع اشويه دارسين وفلفل

وخمس تمرات

 

[أم عامر]

بعدين لولو ما تشوفين مزمز تسولف بدم الغزال لو بس ناس وناس

 

[ALMZa^_^JeYa]

لولو

مادري قلت يمكن دم الغزال عند ام عمور

بس اذا ام عمور بايقه الدور منج انا مالي ذنب

 

[Zain_ALZain]

والله انا مو متزوجه لا تعلموني

 

[om l3yal]

ياااااااااااااااااااااااارب على عيد الفطر كل البنات واصلين حق هدفهم بصحه وعافيه

ونكون كلنا رشيقات ومقاساتنا ما تتعدى المديم والله مو طماعه

ربيييييييييييييييييي يسمع منج ان شاالله

 

[أم عامر]

يلا تصبحون على خير

 

[om l3yal]

والله انا مو متزوجه لا تعلموني

والله ينخاف منمكم بنات هالايام
انتوا اللي تعلومنا:eh_s(15)::eh_s(15):

 

[صبرت ومل الصبر]

امانه ام العيال منو الى بدا مو قالت روحو نامو قبل لانفصل عليكم

يعنى هى الى وزتنى ابليس مو ام عمور هههههههههههههههه

 

[LadY BuG 80]

هللو

سوري بنات من اصباح اقرى ولا قدرت ارد تعبانه و نايمه طولت اليوم امس سهرت لين 6 الفجر لمن تطمنت على الولد و عطيته البخاخ على ال 5 و انا دواي على ال 6 و دختتتتتتتتتتتتتتتتت مو نمت بس

المهم اليوم الحمدلله من اصباح الولد بخير و ما احتاج البخاخ ولا مره صدره خف :yaaaaaarb:

انا من اصباح اكل و اقعد شوي و انام و اقوم دوا و اكل و نوم الحين بس صحصحت الالم اليوم اخف بس تعبت من الكحه و العمليه في اذني ,, تخيلو و انا كله اكح حسيت اذني بتنبط

كل شي اشربه دافي حتى المويه احطه في الميكرويف

اليوم نفسيتي احسن من امس الحمدلله حتى اكلي اخف و بطني مرتاح ,,, استغفر الله كرهت قومة اصبح ,, لانه اول ما اصحى راسي يعورني و بطني ,, و الم بطني اقوى ... لين الحين منتظره يتصلون يعطوني موعد منضار ,, عليه زحمه و مافي الا عيادتين في المنطقه ,, الله كريم



مبروك كوكو السايز الجديد :eh_s(15):

و مشا الله قروب اتمر يلله شدوا حيلكم اتحفونااااا

مزمز البنيه جنت رسمي لووووووول اعيش الجوي لمن اقرا مشاركاتك مرجوجه :krkrkr:

ام عموور مشكوره عنصيحه و اظاهر هاذا الي بسويه ,, انا ادرري انها عين و قالي شيخ بس شكلها بتجيب اجلي :eh_s(2): و قالي يمكن عمل بس انا ما طولت كنت مسافره و عيالي خليتهم بروحم ما قدرت ارجع عنده شفته مرتين

و مره ناس دلوني عند سيد اعوذ بلله قالوا انه شيخ ,, مسك يدي و كان يطالع فوق راسه و يحرك شفايفه و يقولي هاذا عمل ,, قاله ابوي سحر ؟؟؟ الا اشوي و قال يقولون انه مدفون بلمكان الفلاني ,, لمن قال يقولون انا استغربت قلت مين ؟؟ هاذا شكله شايب يخرف ,, ما فهمت

ابوي كثر معاه اسأله ,,, قام يقول لا ابوي ما اقدر 3 اسأله بس و ابوي تنح يقوله يا شيخ سافرنا لك و طريقنا طويل ما نقدر نرجع مره ثانيه و ابوي لح في الاسأله الي ينصفق شباك ورا ابوي و خالي قالي يلللللله وصلوا

الا اشيخ كانت عيونه تتقلب كانه احد يزنطه ,, انا عبالي مسكين مريض لانه كبييييييييييييييييييير مره ابوي و امي و خالي سحبوني و طلعنا

المهم و عطاني ورقه ملفوفه بقماش ,,, امي قالت خليه في هدومك ,, قلت لها هاذا حرز ؟؟؟
حرام ,, قالت انا كمان شكيت لاكن كل الي مكتوب فيه اذكار و انا فتحت و شفت ,, المهم و مكتوب كلام ادعيه و الله الله الله كذا مره حطيته في شنطه وصط هدومي لاني كنت مسافره

بس قلبي ناغزني منه طبعا هاذا و عمري 24 و لمن صرت 26 و انا في ادوحه قلت بسأل شيخ

و سألته , اني ما عرفت هو شيخ ولا عراف ذيك الايام كنت على قدي ما افهم في هسوالف .. لاكن سويت بحث و قمت اشك انه مو شيخ بس كان يذكر الله كثير و قرا علي قران و كان يصلي يوم جينا

المهم قالي لمسك لمن كان يقرا قلت له ايه ,, قالي هاذ عراف و يتعامل مع جن , اسملله علينا

و حتى الورقه الي مكتوب فيها لاحضت انه ولا نقطه .. الكلام مكتوب من غير نقاط ,, بس قلت يمكن شايب و مو متعلم ,,,

المهم و من يومها كرهت اروح عند اي شيخ ,, صرت اشك لانه صعب تميزين

بس اخر مره زوجي وداني عند شيخ معروف و قرا على من بعيد ولا مسكني ,, بس قال لازم ارقيها كذا مره بذات لو اسحر قديم من 4-5 سنين مو من اول مره تبين الاعراض من القراءه

المهم العراف هاذاك قالي انه عمل حسد لانه انتي ضعيفه و ماتأذين احد بس ناس تتسلا و الي مسوين لم العمل هم راجل و اثنين نسوان و تعرفونهم ابوي قاله مين ؟ قال ما اقدر اذكر اسامي لانهم ما يبومن يثيرون الفتنه هم صايمين مصلين مثلنا بس يبون الخير ( ربعه الجن ) ,, اعوذ بلله ,,

الهمه اني تخلصت من هلحرز و ذوبته في مويه مثل ما قال اشيخ الي في ادوحه و ارتحت من همه لانه ما اقدر اقابل ربنا بشرك ,

و الحين انا اعاني من يوم عمري 24 اول ما اكتشفوا ادكاتره انه عندي مرض مزمن ,,, حتى ادكاتره هنا استغربوا انه ما عرفوا بدري لانه منذ الولاده انا حاملته و استغربوا انه لمن صرت 24 عرفوا و تطور بسرعه .
و ما وقفت عنده كل سنه بلوه ,,

الحمدلله على كل حال ,, صاحباتي يوم دروا محد صدق ... قالوا فلانه مستحييييل كانت اهي اللمعروفه من بين خواتها و جسم و ستايل و حبوبه و الكل وده يعرفها من كثر ما نسمع البنات يجيبون طاريها ...

ولله من شاع سيطه قرب اجله على قولتهم ,,, المهم الحين ما اقولكم الا انه العين حق ,, ما كفاهم حسد ؟؟؟؟ يسون عمل سحور بس كذا تسلي ,, الله لا يسامحهم انا ما اقول غير الله يطول بعمري عشان عيالي اذا كبروا و اشتد عودهم ما على ادنيا حسوفه لاني جد تعبانه خلاص تعبت

اقولكم شي ,, ولله يوم كنت متينه و سويت عمليه كبيره من سنتين كنت اخاف اموت و انا دبه

و لمن طلعت منها الحمدلله ,,, قلت لازم اضعف ما ودي اتعبهم و هم يشيلون فيني ودي اكون خفيفه ولا اتعب احد معاي لو الله اخذ امانته

اشوه اختي مو هنا ولا كانت بتعطيني طراق على هلكلام :krkrkr: تقولي لت تجيبين طاري هلكلام اتفائلي
الله كريم ..

ايه صح بغيت اكتب تجربتي في قسم العمليات الجراحيه لمن رحت القسم :krkrkr: :krkrkr:

ما ادري اضحك ولا ابكي ,,, كانه بنات المنتدا ما يمرضون سملله عليهم ماحد تسوي عمليات

الي يضحك كلها عمليات شد و شفط و تجميل انف تكبير صدووور كللللللللللللللللهمممم

استغربت ؟؟ بغيت اقولهم محد شالت حتلى الوز ؟؟ لووووووووووووووووول

هونت قلت اناس عايشه حياته عمليات دلع انا مو هاذا مكاني :eh_s(10): سو قلت افضفض عند حبيبات ألبيييييي هون :eh_s(7):​

 

[om l3yal]

امانه ام العيال منو الى بدا مو قالت روحو نامو قبل لانفصل عليكم

يعنى هى الى وزتنى ابليس مو ام عمور هههههههههههههههه

في هذا انا اشهد والدليل كاكو بونجوم والرومانسية

 

[ALMZa^_^JeYa]

ام عمور وصبور يالوكح بسكم وكاحة

وكااااحه ؟؟؟!!!!

بييييييييييييه ذكرتيني بيدتي الله يرحمها

كلمه حساويه قديمه

لوووووووووووووووووووووول

هلااااااا مزمز، انتي اللي مكانج مبين، حارمتنا من فصلاتج لووول
أحس إني ضايعه بدون التجمع

الله يعافيج اي هذا اللي بسويه

لا والله طاافتج الفصلات اللي قبل جم ساعه

حساافه خلص العرس وما لحقتي عليه

لوووووووووووووووووول

ياااااااااااااااااااااااارب على عيد الفطر كل البنات واصلين حق هدفهم بصحه وعافيه

ونكون كلنا رشيقات ومقاساتنا ما تتعدى المديم والله مو طماعه

اميييييييين ياااارب

انا ابي سموول

بعدين لولو ما تشوفين مزمز تسولف بدم الغزال لو بس ناس وناس

انا سولفت بس

ما بقت ممتلكات الغير مثل بعض الناس

 

[BiiShOoO]

ما تشوفين شر كوتون عورتي قلبي

الله يحفظج و يحميج من العين و الحسد و عيون الناس

 

[الحراير]

حرورة اهلين وسهلين ومرحبتين شو هالزين يخزي العين
كتونة اليوم بس شفت نكها كانت موجودة بس ماشاركت[/quote]

ياحياتي هلا بج اكثر والحمدلله كوتن كانت موجوده

لولو شلونج مع تدريس العيال انا ولدي خلصته علي الساعه 12

اهلين حرورة تمام و انتي؟؟

اي دشت الحمدالله

هلا فيج اكثر ياحياتي انا بخير دامكم بخير

الله يعافيكم بيشو ولولو

إن شاء الله المجهود الذهني حرق شي لووول

هلا حروره شلونج؟؟

بناااات بقعد أقرا سوالفكم من صفحة ٤٦٦ :rgewrg: عادةً آنا أول بأول أقرا مو متعوده لوووول

هلا ياقلبي انا بخير دامكم بخير

 

[om l3yal]

كتونة بعد عمري والله محد خالي ماتدرين
والله لو اقولج شنو فيني بس الحمد لله الذي لايحمد على مكروه سواه
اليوم اقول حق ضيون انا كان فيني ورن بريولي والحمدلله استاصلوه وطلع حميد
ومعاي انزلاق غضرافي
وقولون
غير الارتجاع
غير الفتق اللي بالسر
بس الواحد مايقول غير الحمد لله
وعلا سالفة السحر والله نصيحةة شغلي سورة اليقرة عن تجربة
ترا انا بيتي كان جذي الله لا يعودها من ايام
والله بنتي ثلاث سنين اطيح علي ونشيلها جثة اسم الله عليها وايدي علا قلبي لما اشوف رقم المدرسة متصلين علي
وتقولي اشوف فلانة سوووووووووووووودة وتقولي ماخليج الله يسامحها مع ان زوجها مدللها واهي اللي امشيته خاتم باصبعها الله يهنيها بس الانسان ليش عينه علاا اللقمة اللي في ايد غيره خيرهم تارس الدنيا والا انا علشان ما اخلي في خاطري ولا خاطر عيالي شي العين علي
بس الحمد لله الحين احسن واااااااااااااايد اخاف عليها من كلشي وعلى طول الحين ترقي نفسها لا وحبيبتي ترقيني معاها
والله وكلج امرج على الله وماخاب من تمسك بحبله حاشاه سبحانه

 

[brat]

اي وبعد شريت جهاز المساج اللي قالت عنه برات حق السترج مارك يكن هو مو نفسه بالشكل بس نفس الفكره
عاد ان شاء الله بجربه وان شاء الله تروح هلخطوط
والحين بحط لكم صورته


وهو له اكثر من راس تغيرينه
وشريت زبدة الكاكاو وبحطها عقب المساج ونشوف



وهذي صوره الجهاز من قوقل

http://www.heatmassager.net/heatmassager3.jpg

بجربه واكيد اسدح تجاربي لكم

أول شي ألف ألف مبروك على النيو سايز الله يتمم عليج إن شاء الله

وثاني شي أتوقع طالما إن الجهاز فيه حرارة، هذا أهم شي
بس بالنسبة لزبدة الككاو لو تطلبين من أمازون زبدة ككاو خام Pure virgin cocoa butter أحسن
بس انتي جربي مالت فازلين وقوليلنا النتايج

 

[om l3yal]

وكااااحه ؟؟؟!!!!

بييييييييييييه ذكرتيني بيدتي الله يرحمها

كلمه حساويه قديمه

لوووووووووووووووووووووول

فديييييييييييييييييييييتهم
الله يرحمه ويسكنه الجنة ان شاءالله


ياحياتي هلا بج اكثر والحمدلله كوتن كانت موجوده

لولو شلونج مع تدريس العيال انا ولدي خلصته علي الساعه 12


هلا فيج اكثر ياحياتي انا بخير دامكم بخير

هلا ياقلبي انا بخير دامكم بخير[/quote]

حرورة نفس الشعور
خليت الولد مع اخته الكبيرة واستلمت البنت

 

[صبرت ومل الصبر]

كيوتن ماتشوفين شر استمري على قراه القران حبيبتى لمده اربعين يوم وشوفي اش تحسين فيه من تغيرات

الله يحفضك ويخليلك اعيالك

 

[الحراير]

كوتن ماتشوفين شر ياحياتي والعين حق مذكوره ارقي نفسج والله يبعد العين عنج ويخليلج لعيالج يارب

 

[ALMZa^_^JeYa]

حبيبتي كتوون

الله يبعد عنج كل عين وكل حاسد

والله يرد كيدهم في نحرهم ياااارب

وهالناس مستانسين بدنيتهم لانهم يشوفون غيرهم شقيان

بس نسوا عقاب رب العالمين وان الدنيا دواره

والسحر ينقلب عالساحر فيوم من الايام

وكلن ياخذ جزاه يوم القيامه

نام مظلوم ولا تنام ظالم

وبحيل الله هالناس بياخذون جزاهم من رب العالمين واهمه اللي بيشقون وانتي اللي بترتاحين ان شاء الله

ومثل ما قالولج البنات شغلي سورة البقره على طول

وهم شغلي الرقيه الشرعيه والله يبعد عنكم كل مكروه يااارب