طفل الانابيب في مستشفي العرف

[نواااال]

استفسار عن عمليه طفل انابيب بمستشفي العرف عند دكتور منصور ابي تجاربكم وملاحظاتكم عن المستشفي والدكتور وياليت الي جربت تقول تجربتهاوالكل يستفيد ​

 

[سعودية بالكويت]

ماعندي فكرة بس موعدي معه في بداية الشهر

الجاي ماخذته من أربع شهور والله يكتب اللي فيه

الخير بأشوف وش يقول ينفع أسوي أطفال أنابيب

والله كريم يسهل أمري وأمرك وأمر كل محرومة

محتاسة بالمستشفيات​

 

[قاهره عذالي]

عندك دار الشفا مصطفى تومسو
حلو وزين لعمليات الانابيب والحقن المجهري

ويمدحون الدكتور باتريك بمستشفى لندن بعد

وناهض حماديه بالمواساة هم شاطر بالعمليات

هذول اللي اسمع البنات يتكلمون عنهم

اذا مرتاحه للدكتور منصور
توكلي على الله

 

[قلب مغليك]

ماجربته انا حاليا عند ناهض حماديه

 

[مواهب متعدده]

الدكتور باتريك بمستشفى لندن

او

د فاطمى برويال حياة



لا تعبين نفسك هذيلى احسن 2 بالكويت ونسب نجاح عندهم عاليه

اختى سوت 6 عمليات لفت على اطباء الكويت محد فادها كلهم دعايات


اختاري واحد من هذيلى الاثنين


واخر شى سوتها عند باتريك وحملت بتوام


الفال لج

 

[بحر الذكريات]

الله يرزقج يارب

 

[Q8_QT]

ماعرفه بس يمدحون دكتور هناك اعتقد اسمه مدحت
والله يرزقج يارب

 

[استغفار]

انا بعد ان شاءالله ناويه اسوي عند منصور العرف
يا ليت تقولين لنا عن تجربتج يا غاليه عشان نستفيد والله يرزقج الذريه الصالحه ,,

 

[انثى خيالية]

انا ياقلبى اراجع عنده لى اسبوع واب اسوي حقن مجهري ومرتاحه نفسيا تجاهه
وحاسه انى ابحمل باذن الله علا يده
وهو شاطر وسويت اول عند فاطمى وفشل وعند ناهض حماديه وفشل
كثير بنات جماعتى تباركو عنده
وهذ رزق من الله ومجرد سبب
والله يرزقنا بس نصيحه الوزن له دور انزلو قد ماتقدرون
وفالنا الاخبار الطبيه

 

[fato0ot]

رفع

 

[فانتا ستروبري]

الله يرزقج
​

 

[دنياالوله]

انا سويت حقن مجهري مرتين عنده وعند مدحت وما الله كتب
بس والله دكاتره فاهمين

 

[ام رتاج العنزي]

الله يرزق كل من تبي باذن الواحد الاحد انا اختي عند منصور يعطيها الحين كورس ابر وبعدها كورس السحب والتلقيح والله يرزقها الضنى المتعافي ويرزقكم

 

[fato0ot]

رفع

 

[catchy_nano]

عفيه بعرف نظام المواعيد .. شلون يعني من 4 شهور ماخده موعد انا ناويه باجر اروح ؟؟

 

[انثى خيالية]

والله انا علا حساب الحكومه ومن جبت اوراقى دخلت للدكتور مباشره
بعدين قولى انا ابسوي طفل انبوب يدخلونج بسرعه وقولى انا من بعيد واذا عيت انطري منصور اذا مر وقولى له
هو حبوب وطيب
قولى انا موظفه لازم اسوي بهالعطله قبل الدراسه

 

[fato0ot]

رفع

 

[مربى و قيمر]

جم اسعار العمليه عنده ودى اسويها عنده الله كريم ويرزقنى ويرزقكم

 

[smileq8]

السلام عليكم بنات

اذا بسوي طفل انابيب بمستشفى لندن اللي بالفنطاس

كم يطول ياله احمل؟ مع اني اخذ علاجات صارلي 3 سنين والمشكله ماكو اي خلل وتعبت من الانتظار

وعندي ملاحظه ابي اعرف كم تكلفني هالعمليه بالضبط؟

 

[:: عائشه بقلبي ::]

الدكتور باتريك بمستشفى لندن

او

د فاطمى برويال حياة



لا تعبين نفسك هذيلى احسن 2 بالكويت ونسب نجاح عندهم عاليه

اختى سوت 6 عمليات لفت على اطباء الكويت محد فادها كلهم دعايات


اختاري واحد من هذيلى الاثنين


واخر شى سوتها عند باتريك وحملت بتوام


الفال لج

فعلا هالدكتورين ممتازين:eh_s(15):