بناات بلييس والحل؟؟!

[noochii]

السلام عليكم..​

بدش بالموضوع على طوول..​

يا بنات انا احب ريلي حييل موشوي و اهوا همم لان في شغلات واايد تصير تبين ليي انه يموت فيني المشكله (دايم افكر وحاطه فبالي ان حياتي معاه ماراح تستمر وبيي اليوم اللي كل واحد بطريج) وياارب ما ايي هل يوم انشالله :yaaaaaarb:
والله كله افكر فبنات بلييس اقول اكييد بيي يوم اطيح عليه مكلم وحده وساعتها ماراح اسامحه حتى لو احبه!
لان بناات هل وقت اهما اللي يتحرشون ومايستحون طبعا مو الكل لا (بنات بليس) و واااااااااايد افكر ان في وحده بتتحرش فيه وتحااول غصب انها تكلمه وبتصير مشاكل بينا :eh_s(2): همم الله لايقولها وانا اتعوذ من بليس والله ليي يتني هل افكار بس اتعععععععععععععععععب :eh_s(16):​

بعطيكم امثله (انا عمري ماخشيت عنه شي ادري بتستغربون بس انا حييل صريحه معاه حتى اذا شي ضايقني اسكت واحتر بس لازم اقوله عقب حتى لو يمر شهر وشغلات وايد ماخش عنه شي ,, واهوا همم كل شي يقووولي ان كان جايد ولاعادي عندي خبر فيه)​

* قبل فتره واهوا بدوامه (خفر) قالي ياين طالبات 2 او3 ماتذكر والله ومعاهم استاذ انقليزي وبيسوون بحث فمطلعينهم الخفر بالطراد!! كان بس ريلي ورفيجه معاهم! :eh_s(2): ( اهوا يقولي هل حجي وانا انفجر واحتر من داخلي موقصده شي مجرد يسولف معاي عن دوامه) عاد حزتها قتله خلاص مابي بعد تقولي مواقف تصيرلك مع بنات لاني انا اتعب اقعد افكر احتر مابي اسمع اي شي يصيرلك من هل ناحيه
(يوم قالي هل سالفه كنا طالعين فجأه مزاجي تعكر موبييييييييدي والله حاولت ما ابين واضحك ونكمل الطلعه بس ماقدرت قعدت افكر الحين اكيد خز هذي ولا ركز على هذي ولا شاف جذي فيها اكييد عجبه شي فيها ومن هل حجي) ادري مينونه بس شسوي! :eh_s(4): وسألته شكانو لابسين قالي جينزات وتيشيرتات ويصورون بالبحر عاد فكرت :eh_s(10): بين ظهرها واهيا مجندسه تصور!
عاد قتله لايكون خوززت قالي لا بس اهما واقفين جدامنا واحنا نسوق يعني اكيد بطالع:rgewrg:​

* الموقف الثاني تذكرون يوم فبراير الجراغيات كانو محجوزين واقفين يم الابراج (دوام ريلي حجز) ويوم رد قاعد يسولفلي ويقولي مصخره وقز وان في ولد صغير كان ريلي يسولف معاه ولا تيي اخته العوده وتاخذه وتقول حق ريلي لييش تزف ولدنا قالها مازفيته ولاتقوله اكييد مازفيته وقاعده تضحك يعني تتغشمر تبي اطقها سوالف قالها لايبا مازفيته هاج اخذي ولدج وراحت وكل شوي تمر جدامهم وتخز ريلي وقالي رفيجه قاله طالعها تبيك هذي رايحه وراده! (طبعاا هم تهاوشت معاه قتله وانت شكو تسولف مع الياهل)​

* قبل فتره جم شهر كان رايح شويخ الطريج جنه رايح افنيوز حتى مانطر ايي البيت ويقولي كان مستقرب من الموقف دق على ولا يقولي في وحده ماسكه اليسار وماتمشي يترك لها ماتوخر عاد يوم وخر من وراها وصار بنص عطاها نظره (هل حركه الاغلبيه يسونها عادي يعني محتر منها) ولا بنتين قاعدين يتضحكون ولا تعطيه بوسه!! يقولي انصدمت قاعد اطالعها مالفيت ويهي من الصدمه ولايضحكون ويسوله بيباي (انا هني سكت بس مت حره)​

* وقبل فتره نزلت موضوع عن البنت اللي شفت لها مسجات له على اليوتيوب وانها تسلم عليه وتسأله شلون مرتك يقولي انها تصير حق واحد من ربعه (اهوا وربعه مسجلين بمنتدي عن الحيوانات تكرمون وهل بنت مسجله معاهم فتعرفهم ومنزلين فيديوات حق حيواناتهم باليوتيوب) ومسحت مسجاتها وقتله اني مسحتهم ومابيك ترد عليها قالي ليش؟؟ مابينا شي تصير حق رفيجي مثل اختى يعني ,, قتله لو انا و واحد بينا مسجات و اهوا يصير حق رفيجتي عادي؟ سكت قتله مابي اشوفك تكلمها من حقي قالي اوك خلاص​

* الحين يابنات امس دشيت يوتيوب اهوا بروفايله مبطل على طول ولا اشوف رساله اضافه من وحده ,, انها ضايفته وتنطر موافقته علشان تصير باللسته عند لفريند وهل مسج فرش امس واصل وكاتبتله كومنت ببروفايله شلوونك ومالقيت الا هل ديزاين حق بروفايل المهم انا خاايفه لايرد عليها ويطقها سوالف معاها او يضيفها فريند باللسته اهوا باجر بيطلع من دوامه واكيد بيشبك ويطالع ولا ابي امسحها علشان لايوصله مسج او شي منها ويقولي شكو تتعبثين ببروفايلي
ومحتااااااااااااااااااره؟؟؟؟؟؟؟؟؟؟؟؟؟؟؟؟؟؟​

امس طول اليوم افكر ومحتره نوم مانمت
ودي انطر واشوف شيصير عقب اكلمه بالموضوع! :eh_s(10): ​

تعبت وانا افكر بهل بنات كل يوم طالعتلي وحده شكل :bbbiu:

واهوا مايطالع بناات ولا يتحرش ويلعب بذيله وعندي ثقه فيه وجم مره يلعب بالبيبي جدامي وانا قاعده يمه ولامني وهم عندي باسورد ايميله وماعنده سوالف وهم مره قتله انا كله افكر واخاف لاتخوني قالي انتي مينونه وشيلي هل فكره من راسج لانها مستحيل تصير
بس بعد يمكن تطلع وحده وتلزق بعمره ليين تييب راسه ويصير بينهم سوالف وعقب الفون و.. ​

 

[softlady]

حبيبتي لاتوسوسين انتي تيبين حق روحج هالافكار موزين

 

[أم عبش]

وعليكم السلام ورحمة الله ريلج يحبج هلي يصارحج والله في ريايل تلعب لعب من ورا الحريم اصلا احمدى ربج انه ريلج يقولج كل شئ احسن لج اهو واثق فيج يالغالية ولا يلعب الشيطان براسج وتحسين انج ما تبينه لو ريلج يبي يعرف بالحريم ما قالج سوالفهم ومتاعبهم وحبيبتي اصابعج مو سوا بالبنات في الزين والشين الله يخليكم البعض ويبلغكم بالذرية الصالحة يارب:yaaaaaarb:

 

[حظ من عنده انا]

حبيبتي كل هالافكار والسوالف من الشيطان

يلعب بعقلج ويخليج بس تفكرين ومعصبه وحالتج حاله

اذا واثقه بزوجج وعارفته ليش تتضايقين ..!

 

[noochii]

ان احاتي من ناحية بنات بليس

 

[مــتــنــحــة]

حبيبتي كل هالافكار والسوالف من الشيطان

يلعب بعقلج ويخليج بس تفكرين ومعصبه وحالتج حاله

اذا واثقه بزوجج وعارفته ليش تتضايقين ..!

:eh_s(15):​

 

[الغاليه ام احمد]

حبيبتي تعوذي من ابليس

وترى كثر الشك مو زين راح تتعبين

حتى الريل يمل

 

[أم عبش]

ان احاتي من ناحية بنات بليس

أنتى مو واثقة من ريلج خلااااااااااص صح احنا الحريم انغار على ازواجنا بس حطى ريلج بعيونج ولا تنسين ذكر ربج وادعي ربج ان ما يشوف الا غيرج:yaaaaaarb:

 

[فديت اللي أحبه]

حاسه فيج ياقلبي والله نفس حالتي بس صدقيني هالوسواس او الخوف بمعنى اصح من كثر حبج له وغيرتج عليه وانا والله مالومج لان وضعي نفس وضعج تمام بس هم أنا زوجي محترم الحمدالله وواثقه فيه وهو يموت فيني وهالشغله تبين من مواقف وايد ، تعوذي من إبليس ولا تفكرين بهالشغله واستودعيه الله سبحانه وعسى الله يخليه لج ولايفرقكم ،،

 

[أنا Top أنا]

غلطانه .. ليش تقولين له وتفتحين عينه عالسوالف هذي .. باجر لا خانج الله لا يقوله يقول عادي كانت متوقعه اني اخونها .. وانا اقولج خلي رجلج يحس انج واثقه فيه واتركي هالظنون اللي ما منها الا التعب والهم .. والله يديم المحبه بينكم ~

 

[هيبة ملك]

البنات ماقصروا

 

[alhnan]

شوقتيني اشوف زوجج
ال هالدرجه جميل و وسيم و رزه وبس شغلج تخافين عليه
اي اي مرت المزيون الزقرت يا حظج

 

[بقــآيآ جـروح]

الحـــــــــــــل آنج تعوذين مـــــن آبلــيس وموب كل شي ينقآآل للزوج ترى بيمل ويزهق
ويوقل هي شآآكه فيني جذي وله جذي آحســــن حل تهتمين ببيت وزوجج ونفسج
وتركي سوالف الشك عشآآن مآآتخسرين صرآآحته معآآج ولاتخلينه يندم انه يقولج
كــــــــل شي بصراحه وتذكري ان اللي كآآتبه الله بيصير{ ولابيرده شــــــي
المكتوب مآآمنه مهروب خلي آيمآآنج بالله قوي
​

 

[انا لحبيبي .]

حبيبتي الغيره موجودة في كل الناس سواء رجال او نساء ،

الغيره بدمر وبتخرب بيوت ، احنا بنعتبرو حب زايد وانه بنورجي ازواجنا انه احنا بنحبهم

فوق الطاقه ، بس والله العظيم انتي عن نفسك رح تتعبي متل ما هلأ تعبانه ،

وبعدين خلي ثقتك بنفسك كبيره لانه الثقه بالنفس هي نصف جمال المراه اذا كنت واثقه
من نفسك ومن جمالك ما رح تشكي وتتعبي من هالتفكير ابدا ، والثقه هي يلي بتزيل

الغيره لكن مش كليا الغيره مطلوبه بس بحدود ، كثرة الغيره هي يلي بتلفت انتباهه

زوجك انه يشوف البنات ، انتي بطريقتك هادي بتلفتي انتباهه يمكن يكون مانتبه للمره

ولجمالها بغيرتك هادي بتخليه ينتبه ، وماتخلي الغيره تتحول لشك عشان زوجك ما يضايق بالايام الجاي . الغيره مطلوبه بس بحدود ، لانه الغيره بتعتبر جزء من الحب بس خليها

بحدود الك ولزوجك وللمستقبل

الله يهدي بالك ويصلح الحال

 

[مون لايت الكويت]

اي والله نفسي انا ريلي دوامه كله بنات و منقثه حدي بس شسوى ساكته و وقاعده وواثقه فيه و الله لاييب هاليوم ان شاء الله

 

[ظل الياسميـن]

ولا توسوسين ولا شئ اذكري الله واقري المعوذات

 

[ToOoT"Q8]

شوقتيني اشوف زوجج
ال هالدرجه جميل و وسيم و رزه وبس شغلج تخافين عليه
اي اي مرت المزيون الزقرت يا حظج

ليش يعني إذا تحبه وتغار عليه لازم مزيون ورزه
وربي ردج ضحكني
حبيبتي البنات ألحين مايخلون أحد بحاله حتى الجيكر


حبيبتي صاحبة الموضوع لاتوسوسين وايد موزين
ولاتبينيله شي ترا غلط
تدرين أنا ريلي كل يوم تصير معاه مواقف مع هالزباله
إذا سولفلي عنهم أضحك وأقول الحمدالله والشكر صج حثاله
عشان ما أبطل عيونه على هالسوالف

 

[Dubai-Girl85]

حبيبتي وااااااااااااااااااااايد بتتعبين اذا بتمين على هالوضع...
انا قبل كنت اغار وايد .. بس مب كثرج... بس مع الايام تقبلت الوضع..ريلي يشتغل مكان
مختلط واغلبه حريم.. ومرات يطلعون غدا ويكونون شباب وبنات.. ويقولي عن طلعاتهم
وريلي من النوع اللي يهوى التصوير... فيصور طلعاتهم ويخليني اشوف الصور
وعندي باسووردات ايميلاته.. بلاك بير وآي فون ما عنده... يقولي ما يبا .. بس انا عندي بي بي
خلج واثقه من ريلج... صدق يبين انه يحبج.. ولو وراه شي جان خش عنج وااايد اشيا
ابسط شي موبايله و البروفايل ماله.... يعني هو صريح وياج ليش هالشك؟؟
انتي تقولين واثقه فيه؟؟ انا اشوف انه انتي ما عندج ثقه انه عقب هالعشره والحب
اللي امبينكم اتي وحده ببساطه وتاخذه منج!!.. واحس ما عندج ثقه بنفسج بعد
انتي يمكن قبل مريتي بموقف وتعقدتي من موضوع الخيانه.. أنا استوى فيي هالشي
فعشان جيه كنت وايد اغاااار على ريلي وواااايد اخاف من فكرة انه يخوني
بس الله حق الريال اثبتلي انه هو مب جيه....
وانتي لا تفتحين عيونه على البنات.. اش لج تقوليله شو لابسين و و و و!!!
تخلينه يركز في اشيا المفروض ما يركز فيها... وسالفة انه بنات ابليس يتحرشن
عادي تصير.. انا من فترة كنت في الصيدلية ويا ريلي ووحده وافده كيف بحلقت فيه
انا ما انتبهت بس هو عقب خبرني.. استغربت اكثر من ما غرت.. بس طبعا غرت
بس بعد زين انه خبرني.. وحسيتبه يبا يشوف غيرتي عليه.. وبينتله بس ما نكدت علينا الطلعه
وابدا ابدا ابدا لا تسالين ريلج شو كانو لابسين؟ كيف شكلها؟ و و و و
لانه صدق هم مرات ما ينتبهون.. انا مره غلطت هالغلطه كنا في سنتر
ووحده لابسه بنطلون يلد شووووو راص وشو خلفية عليها.. قلت استغفر الله شووووو هاااا
وهو التفت.. عقب ندمت .. قلت لو سكت احسن... لأنه ما كان منتبه.. فمن وقتها ابدا
ما الفت انتباهه... بيطالع يطالع .. بس انا ما بجني على نفسي واخليه ينتبه على شي
ما كان منتبه له:eh_s(4):​

 

[^^ام مشاري^^]

دحري الشيطان ياقلبي لا تهدمين بيتج عشان بنات ابليس وتخلينه على راحته بالعكس تمسكي فيه اكثر وعلقيه فيج ولا تظنين انه بيلتفت حق وحده ماتعرفه بالشارع وطرشتله بوسه مرده حق مرته الي ابيته وصاينه عرضه وشرفه ومربيه عياله
الله يهدي ريلج ويغض نظره ويغض نظر البنات عنه ويخليه لمرته وبيته ذخر وسند

 

[عسل سل]

حبيبتي مراات التفكير بالمشكلع يتعب اكثر من المشكله نفسهاا !!وانتي هذا الي صااير معااج متعبه نفسج بتفكيير منج انتي ! مو بفعل سواااه .. ريحييي بااالج واستاانسي وعيشي حيااتج ماتبين تعيشينها الحين وداافنه نفسج بافكاار سوودا اجل متى تبين تعيشين حيااتج اذا خاانج مثلا!! حمدي ربج وسجدي سجدة شكر والله صج عشاان الله يزييدكم حب وثقه وماشاالله علااقتكم عااال العااال ف لااا تخربيين على نفسج واي تعليق على الخاااص ياقلبي