**** مقلوبة بالفاصوليا الحمراء ****
:eh_s(7)::eh_s(7):الطبق حصري ومن افكاري الخاصة :eh_s(7)::eh_s(7):
المقادير :
بطاط مقطع شرايح عريضة متوسطة السمك
2 طماط مقطع شرايح عريضة متوسطة السمك
علبة فاصوليا حمراء ( صفيها من الماي)
زهرة ( قرنبيط ) مقطع قطع كبيرة
باذنجان ( شرايح عريضة سميكة نوعا ما - انا افضلها بقشرها )
خلطة سامي ( تتبيله خاصة بالمقالي ) انا اشتريتها من بندا السعودية ( احتمال تكون موجودة بالجمعيات او سلطان )
(( هذه الخلطة وايد حلوة الحين تعودت اقلي فيها كل الخضاروخصوصا الباذنجان - ناااااااااااااااطعة ان حصلتوا جربوها )
ملح وفلفل وكمون
2 حبة ماجي
1 جيلة رز التموين
زيت
كركم
1 او 2 بصلة كبيرة شرايح مدورة
بهارات
كركم
الطريقة :
الرز اولا :
- يغسل وينقع بماء لمدة 20-30 دقيقة ( انا عادة اكتفي بربع ساعة )
- يسلق ( بماء + الماجي + شوية زيت ) وضبطي الملح اذا يحتاج زيادة
يسلق 3/4 استواء لا تخلينه يصير لين .
- يشخل عن الماء ويترك جانباً .
الخضار :
- بعد تقطيع جميع الخضار المذكرة ما عدا الطماط يغسل وتصفي من الماء وتغطس (بخلطة سامي) للمقالي - ان احتجتي شوية ملح زيدي بس انا عندي هي كافية فيها مجموعة بهارات وملح طعمها ناطع حييييييييييييل .
- تقلى جميع الخضار كل على حدا وتصفى من الزيت
التطبيق :
- في قدر ضعي قليل من الزيت وضيفي الفاصوليا وحمشيها عدل
- شوحي شرايح البصل فوق الفاصوليا بدون لا تقطعينها يعني حركيها شوي شوي عشان ما تتقطع
- ثم ضعي عليهم شرايح الطماطم وقلبي بهدوء عشان ما تنهري ( لا تنسين شوي ترشين ملح وكمون ونتفة بهار - كركم على كل طبقة )
- ضعي جميع الخضار فوق البصل والطماطم طبقة فوق الثانية بالترتيب اللي تحبينه ( انا حطيت الزهرة ثم البطاط ثم الباذنجان ) واضفت عليهم ملعقتين من خلطة البهارات ( سامي )
- ضعي الرز المسلوق عليهم واتركيه على نار هادية .
- ضعي قطع صغيرة من الزبدة على الوجه واتركيه ينشف .
- وعند التقديم اقلبيه بصحن كبير وتمتعي بالطعم .
وهذا صحني
جربوها مع الروب عجيييييييييييييييييييييييييييييبة
وان شاء الله تعجبكم
اختكم / أحلى همبه كويتية
