خبيرات جروبات الكويت 2011 والافاده للجميييع

[زعفران العتاب]

زعفرانه العتاب
وين مكان العماره بالظبط؟ انا ودي اروح بقروب وياهم

هلا حبيبتي

العمارة الدولية بديرة خلف الخطوط الكويتية

 

[om_7sin]

اب اب

 

[dreamer_33]

وبنات حبيباتي
انا شوي مضيعه بهالأماكن ابي الديره شنو مثلا كابرون=== النمسا

فلنسيا=== اسبانيا
لوزان=== سويسرا
لوغانو=== سويسرا ( على حدود ايطاليا )
سلوفينيا=== دولة بروحها
بازل=== سويسرا

وشكراااااااااا

^_^

 

[miele]

شكرا اختي dreamer 33
ماقصرتي يا روحي......

دقيت علا الوسيط قال ماكو قروب 10 ايام كله 15 يوم وفوق دقينا علا سفريات السيد وطلع عندهم 10 ايام وقال تبدا العروض اول 5 انشالله.

عاد ما يندرى عن هالسفريات زينه مو زينه .

 

[miele]

up
up
up

 

[السهم المسافر]

هلا حبوبين حد داش

 

[fat]

السلام عليكم انا سافرت العام مع قروب وكانت سفرتي سنغافورة واستراليا وكان قروبنا الحمدلله ونيس وصج كانت السفرة ممتعه

ولقروب ما يقيدج فكرة لقروب الكل فاهم غلط ان تتقيدين معاهم لا لقروب انا عندي وايد احسن وراح انورج عن لقروب

لقروب وايد احسن لان القايد مسؤول عن كل شي مثلا لما توصلين مطار الديرة الي سافرتتلها مثلا سنغافورة يوم وصلنا شفنا الباص ناطرنا ويوم وصلنا الفندق ترتاحين والقايد اهو الي يعطيج الغرفه وانت مرتاحه واذا بالرحلات ما يجبرج بتروحين معاهم رحتي واذا ماعجبج لقروب تقدرين تروحين بروحج بس لقروب احسن لان وايد ارخص وتفتكين من النطرة بصراحه انا وايد ارتحت من لقروب ولقروب المستقبل وكان القايد بوجراح

 

[miele]

يعطيج العافيه

حياتي fat جم كانت التذكره لقروب ماليزيا وشلون فنادقهم؟ ارخص من قروب اوروبا ؟

 

[~Ms. elegant~]

انا جربت قروب السيد قبل 4 سنوات كان حيل حلووو
اذا ليم الحيم مثل اول فأنا انصحج فيه
وفعلا نظرتكم عن القروب حيل سلبيه بالعكس
القروب يفكج من اشياء واجد اهمها الحجوزات
والتنقلات من منطقه لمنطقه
لان اهم مرتبين كل شئ واذا بتاخذون راحتكم لاتروحون
معاهم الرحلات الداخليه الاسواق والمطاعم روحي انتي وزوجج
بروحكم واستانسوا ترا مو ملزومين تروحون مع القروب بكل مكان
اهم شئ السكن والرحلات البعيددددده​

 

[~Ms. elegant~]

بنت عطا
انا عن نفسي كنت اطلع انا وزوجي بروحنا بأغلب السفره بس اذا في رحله بعيدددده
كنا نخاويهم واكيد نخاويهم لم نروح من دولة لدوله وباقي الوقت كنا نروح بروحنا نتمشى ونتسوق ونروح مطاعم
غدا وعشا كله بروحنا
اهم شئ كنا متطمنين من ناحية السكن بكل دوله والسفر من دوله لدوله​

 

[جوري 2007]

روحي مكتبهم وحجزي من الحين لانم الاماكن تخلص واوقات الرحلات الحلوة ترووووح

انا رحت هولندا مع سفريات الديوان وكانت تجربه ممتعه

 

[ساره 20]

يعطيكم العافيه حبايب قلبي

بنات عفيه شوروا علي انا ودي اسافر انا وبنتي عمرها 16 الله يحفظها بروحنا لان هالسنه زوجي مايعطونه اجازه

وقلت اروح مع قروب من الكويت عشان يكون معاي ناس وعوايل احس الجمعه مثل الاهل تتوقعون عادي انا وبنتي والا مايصلح

خصوصا انا بالرياض يعني يبيلي فزعه انا ابي السفره على اول 7 اذا ربي سهل

بس اهم شي اهم شي عفيه روحتنا عادي والا مو امان بروحي انا وبنتي


عفيه ساعدوني بخاطري السفر

 

[fat]

يعطيج العافيه

حياتي fat جم كانت التذكره لقروب ماليزيا وشلون فنادقهم؟ ارخص من قروب اوروبا ؟

حبيبتي أنا رحلتي كانت سنغافورة واستراليا في قروب ثاني كانت سنغافورة وماليزيا واستراليا الفرق كان شي بسيط

كلفتني التذاكر وع الفنادق مع الفيزا (المكتب سوالي الفيز كلها ) 1020دينار لمدة 23 يوم كانت على الطيارة السنغافورية وايد حلوة ومريحه

كانت رحلتي من لكويت الى أبوظبي ترانزيت ساعه ونص وكنا بالطيارة مانزلنا

وبعدين طرنا لسنغافورة وبعدين رحنا سدني وبعدين جولد كوست وردينا سنغافورة ولكويت وسلامتج

 

[miele]

يعطييكم العافيه miss elegent fat
وكل من شارك في موضوعي وانشالله الكل يستانس

ولي لقاء معاكم بعد ما اخذ جوله في مجمع الدوليه للسفريات ونوافيكم بأحلى العروض ( للقروباات )

الي تبي ديره معينه تقول وانا بشوف واكتب الأسعااار

 

[مخططة]

يعطيج العافية اختي ( ميلي ) بالعربي ههههههههههههه
شوفيلي لو تكرمتي جروبات جنوب افريقيا متى وبكم سعرها واي سفريات يقدمها

 

[غرررررام]

مرحبا شلونكم بنات انشالله باجر بروح السفريات الوسيط وبحجز وياهم الاوربا الان كلمته وقالى بدينا بالحجوزات والرحلة الى بحجز فيها يقول اربع عوايل سجلو اذا وصل العدد فوق الثلاثين شخص نغير الرحلة وانا ودى احجز الحين الان هالسنه الناس كلها بتروح الاوربا

 

[miele]

تامرين امر اخت مخططه انشالله

اخت غررررام جم التدكرة للشخص وشنو الدول الي بتحجزون لها وجم يوم؟ عشان الكل يستفيد

 

[ساره 20]

:eh_s(11):

اشدعوه بنات محد اعطاني ويه :yaaaaaarb:

 

[fat]

الله يعافيج شوفي جروبات لامريكا بجم الله لا يهينج

 

[مخططة]

ما يامر عليج عدو حبيبتي ( ميلي )
( فات ) مافي قروبات حق امريكا