عروض السفريات وتجمع القروبات ( تم دمج المواضيع)

[سنـــابل]

قوه بنات

اللي سجلوا بقروبات الوسيط هالسنه حياهم الله , وهم اللي ما سجلوا حياهم الله

خلونا نساعد بعض ونشوف الرحلات اللي مسجلين فيها


كل ومحده تقول لنا وين بتروح ومتى ؟
وجم حاطه ميزانيه ؟
ومنو احسن قايد ؟

والـــــــــــــــــــــــــــــــــــــــــــــــــــــــــــــــــخ:eh_s(15):


يلا بنات شدوا حيلكم

مشرفات بليز لا تدمجون الموضوع , نبيه هنيه عشان الكل يشوفه ويدلي بدلوه

 

[سنـــابل]

رد: تجمع قروبات سفر يات الوسيط 2011

وينكم ؟

محد بيسافر ؟

 

[غرررررام]

رد: تجمع قروبات سفر يات الوسيط 2011

يعطيج العافيه على الموضوع

 

[غرررررام]

رد: تجمع قروبات سفر يات الوسيط 2011

ومتى تاريخ الرحله؟؟
2\7\2011 انشالله
وووين بنروح ؟؟
جنيف - ميلانو -زلامسى -ميونيخ

جم يوم ؟؟ وجم تكلفة السفره الشخص ؟؟

15 يوم \695 الشخص

 

[cutiegirl]

رد: تجمع قروبات سفر يات الوسيط 2011

و الله الوسيط رايح فيها المشكلة في مشرفينهم و الأكثر في إدارتهم جداًً تعبانة عندهم واحد موكويتي متين مايعرف وين الله قاطة خلوا بالكم كلامة ومواعيدة توديكم وطي

 

[سنـــابل]

رد: تجمع قروبات سفر يات الوسيط 2011

ومتى تاريخ الرحله؟؟
2\7\2011 انشالله
وووين بنروح ؟؟
جنيف - ميلانو -زلامسى -ميونيخ

جم يوم ؟؟ وجم تكلفة السفره الشخص ؟؟

15 يوم \695 الشخص

نفس رحلتنا:eh_s(9):
بس احنا ان شاءالله 25- 6



كيوت غيرل:
شصاير ؟ قولي لنا !!
انا رحت وياهم بقروب ب2009 كانوا روعه !!

 

[cutiegirl]

رد: تجمع قروبات سفر يات الوسيط 2011

والله يا حبيبتي سنابل طبعاََ مو كل المشرفين بس أغلبهم أقولج شي . في واحد منهم سكران من الطيارة قبل لا يوصلون الديرة اللي رايحين لها لدرجة واحدة جزاها الله خير هيه اللي مسكت القروب وأسفه على هذا الكلام وحقيقة وفي وفي وفي منه وايد بس في طيبين ومتمكنين . وأقولج شي ثاني في مشرف سبب تأخير القروب حتى طارت الطياره من القروب . وأتمنى أن توصلين لهم هذا الكلام لأى واحد يقول الحق حتى ولو على نفسة و الشريف منهم يقول الصج . هذا بالنسبة لبعض المشرفين السيئين . وبالنسبة للإدارة بكل صراحه لا تعطونهم يسوونلكم التأمين الصحي أو الفيز و الله يأخذون منكم مبلغ من الصغار مثل الكبار للفيزا و السفارة مجاناً للصغار و التأمين مجرد ورق لأن الدفتر عندهم و الله هذة حقيقة في عايلة حصلتلهم مرض وراحوا تعالجوا في ألمانيا ولما ردوا الكويت إتضح إن مالهم تأمين صحي والله وماعطوهم ولا شي أرجوا منكم لما تسوون تأمين الصحي تطلبون نسخة من التأمين وتتأكدون من الشركة وجم المبلغ و الكلام كثير كثير لو عندكم خلق تقرون والله أطبع لكم كتب من المشاكل و السرقات من العوائل الكويتية لأنهم على نياتهم وطيبين وهذيل شايفينهم فرصة للحرام .... وناهيكم عن الحجوزات من الفنادق و الطيران في البداية كلام وقبل السفر كلام أخر ... هذة مشكلة الوسيط

 

[غرررررام]

رد: تجمع قروبات سفر يات الوسيط 2011

بالعكس اختى اعرف كذا عائله راحو وياااى الوسيط وقروبات وكلهم يمدحون السفريات

 

[jen2n]

رد: تجمع قروبات سفر يات الوسيط 2011

انا جربتهم 3 مرات من اروع ما يمكن بس اخر مره كان القايد اول مره يروح اوربا فمو دال شي بس احنا دبرنا روحنا

وان شاء الله ناوين نروح معاه بعد

بس على فكره بنات ترا غير قروبات العام حط اشياء ثانيه وبأسعار اعلى وللحين ما طبعهم بس حاطهم بالكمبيوتر

بس اذا رحتو المكتب راح يقول لكم شنهي الرحلات من غير الاسعار لان للحين قاعد يضبط

واتصور اهوا ارخص سفريات يسوي قروبات

 

[غرررررام]

رد: تجمع قروبات سفر يات الوسيط 2011

انا كلمته وقالى الاسعار من 695 دينار شنو يعنى زادو ؟؟وحتى سوينا الفيز عندهم وقالى اذا خلصت الفيز تدفعووون الفلوس المقدم

 

[jen2n]

رد: تجمع قروبات سفر يات الوسيط 2011

ما ادري احنا بنروح معاه لندن بس معاها 3 مناطق قال بحدود 740 تقريبا بس بشهر 7

والعام لما رحنا معاه باريس وجنيف ولندن بعد العيد كان 775 تقريبا

 

[cutiegirl]

رد: تجمع قروبات سفر يات الوسيط 2011

للتذكير ياخواتي بأن أسعار الفيز بالسفارة الألمانية من 1يوم إلى 6سنوات تكون الفيزا مجانا
من 6 إلى 12 سنة 16 دينار
من 12 سنة فما فوق 24 دينار خلوبالكم لاياخذون منكم السفريات أكثر .
والتأمين الصحي لو تسوونها عائلي وايد أفضل وأرخص

 

[سنـــابل]

رد: تجمع قروبات سفر يات الوسيط 2011

والله يا حبيبتي سنابل طبعاََ مو كل المشرفين بس أغلبهم أقولج شي . في واحد منهم سكران من الطيارة قبل لا يوصلون الديرة اللي رايحين لها لدرجة واحدة جزاها الله خير هيه اللي مسكت القروب وأسفه على هذا الكلام وحقيقة وفي وفي وفي منه وايد بس في طيبين ومتمكنين . وأقولج شي ثاني في مشرف سبب تأخير القروب حتى طارت الطياره من القروب . وأتمنى أن توصلين لهم هذا الكلام لأى واحد يقول الحق حتى ولو على نفسة و الشريف منهم يقول الصج . هذا بالنسبة لبعض المشرفين السيئين . وبالنسبة للإدارة بكل صراحه لا تعطونهم يسوونلكم التأمين الصحي أو الفيز و الله يأخذون منكم مبلغ من الصغار مثل الكبار للفيزا و السفارة مجاناً للصغار و التأمين مجرد ورق لأن الدفتر عندهم و الله هذة حقيقة في عايلة حصلتلهم مرض وراحوا تعالجوا في ألمانيا ولما ردوا الكويت إتضح إن مالهم تأمين صحي والله وماعطوهم ولا شي أرجوا منكم لما تسوون تأمين الصحي تطلبون نسخة من التأمين وتتأكدون من الشركة وجم المبلغ و الكلام كثير كثير لو عندكم خلق تقرون والله أطبع لكم كتب من المشاكل و السرقات من العوائل الكويتية لأنهم على نياتهم وطيبين وهذيل شايفينهم فرصة للحرام .... وناهيكم عن الحجوزات من الفنادق و الطيران في البداية كلام وقبل السفر كلام أخر ... هذة مشكلة الوسيط

وي وي, عاد احنا عطيناه الجوازات , جان زين يطلع القايد مالنا زين
منو المشرف اللي اخركم ؟؟
عاد المشرف اللي رحنا وياه ب2009 كان رووووعه


غراااام
احنا اللي خلانا نسجل وياهم مره ثانيه هو ان رحلتنا ب2009 كان م اروع ما يمكن اتمنى الرحله هذي تكون بروعتها واحلى منها ان شاءالله
شكلي بيصير وياج بنفس الرحله لان في نيه ان نبدل رحله 25 -6 برحله 2-7 :eh_s(15):


jen2n

وين كانت رحلتكم ومنو كان القايد ؟ خل ناخذ حذرنا



كيوت غيرل :
متاكده من هالشي؟؟؟




يارب يتمم علينا السفره على خير يااااااااااااارب :yaaaaaarb:

 

[jen2n]

رد: تجمع قروبات سفر يات الوسيط 2011

رحلتنا كانت جنيف باريس لندن

ما اذكر بالضبط شنو اسمه بس عايلته الشمري جنا

 

[غرررررام]

رد: تجمع قروبات سفر يات الوسيط 2011

سنايل منو القايد الى رحتو معاه 2009 الان زوجى والله بيتشمت فينى الان انا الى مدحتله سفريات الوسيط بعدين ليش اخرتو حجزكم ؟؟ يلا خل نسوى قروووب مع بعض ونستانس
والله يتمم علينا وعلى الجميع سفرتنا ويسهل

 

[jen2n]

رد: تجمع قروبات سفر يات الوسيط 2011

بنات اشلون حجزتو عنده واهوا ما حط الرحلات بالجرايد؟

 

[سنـــابل]

رد: تجمع قروبات سفر يات الوسيط 2011

غرام
القايد اسمه صالح الوشمي ( بو يوسف ) كلمه روعه شويه عليه ما شاءالله عليه , خلووووق وخفيف طينه ويشتغل بضمير وما يقصر وياج باي شي ويدل وشغله مرتب , كنا باليوم نطلع وياه نزور مكانين او ثلاث, نطلع من الصبح ويويدنا مكان وعلى العصاري مكان واخر شي يقطج بالسنتر او مكان يكون فاتح , غير الجو العائلي اللي يسويه لنا ,بالباص والمسابقات

الله يتمم عليه والله يجزيه كل خير ما قصر صراحه

رحنا وياه فيننا , زلمسي , ميونخ وكان يايب وياه قايد ثاني , جنه عشان يعلمه على الاماكن


jen2n
هو صحيح ما نزل الرحلات بالجرايد , بس عنده جدول الرحلات , رحت له المكتب وحجزت

 

[سنـــابل]

رد: تجمع قروبات سفر يات الوسيط 2011

اي صج غرام نسيت اقول
اخرنا حجزنا عشان اختي تعطل 30 /6 هي مدرسه

 

[jen2n]

رد: تجمع قروبات سفر يات الوسيط 2011

اها وفي ناس قاعده تحجز لان توا الناس على شهر 7!؟؟؟

بجذي بتسكر الرحلات اذا ما حط من الحين بالجرايد

قال لكم عن الفنادق والا بعد؟

 

[غرررررام]

رد: تجمع قروبات سفر يات الوسيط 2011

قبل شوى السفريات دقو على زوجى قالو له تعال استلم الجوازات الفيز خالصة والله يسهل امورنا الباجيه