خريجات كلية العلوم الادارية-جامعة الكويت(قسم المحاسبة)

[CBA student]

أنا كنت ماخذه icdl مالت الجامعة و بالمقابلة سألني شلونج بالكمبيوتر قلت له عندي ICDL فيعتمد من مكان لي مكان بس ترا ICDL سهالات بس فيها الbasics بس البنات كانوا يشتكون من مدة الدورة طويلة حوالي الشهر و اذا عندج خبره بالكمبيوتر تقدرين تختصرين الطريج و تقدمين على طول الامتحان min 75% pass و موفقة انشالله *

 

[frawlah_83]

CBA student مشكوره بس اذا مامنها فايده ماله داعي اضيع وقت فيها اخذ اشياء ثانيه ..

فالودا ذكرتيني مارحت استلمت بطاقه العضويه مالت جمعيه المحاسبه امبييه نسيت .. عاد بين فتره وفتره ادزونلي بالايميل دورات واكون في خصم حق الاعضاء ..

 

[^^ROSE^^]

اي انا كنت بسأل عن العضويه شون قدمتي فراوله و اساسا وين مكانهم؟

وفي وحده منكم تعرف شلون امتحان القيد مالهم؟ هم بالجمعيه يسوون دوره ب 600 و شي و عقبها 4 امتحانات نفس cpa بس اشياء تتعلق بالكويت اللي ينجح يتسجل اسمه بوزارة التجاره ويقدر يفتح مكتب تدقيق

بس اخاف الامتحان وايد صعب لان سمعت عادي 3 بالدفعه ينجحون والباجي سقوط

 

[^^ROSE^^]

فراوله gre هذا نفس طقه الجيمات بس اغلب الجامعات يبون جيمات مايبونه

 

[q8ia_cutaa]

اي ذكرتيني فراولة بجمعية المحاسبين

شلون قدمتي عليها شنو الاوراق الي يبونها ..

 

[بنت حمووله]

^
^
^
بنات انا ابوي خذا اوراقي و صوره لي وعطاهم سكرتيره راح سجلني بجمعيه المحاسبين من فتره هل حجي...يعني مو الا تروحون...طرشو اي احد
ويابلي بطاقتي...وناسه احس برستيييج وعطوني اوراق و مذكرات و فايل كامل وياها
بس ما اتييني ايميلات بدوراتهم ...ابي شلون
احسها تنفع تنحط بال cv تعبيلج اياه يعني...او اذا لج طموح تفتحين مكتب تدقيق مثل ما قالت روز
...
يقولكم اللي نجحو بالامتحانات و المقابله مالت البنك المركزي عددهم ١١٠ محاسب و محاسبه و اهم يبون ١٠ بس
عاد انا قلت خلاص حتى اذا يبوني مابيهم لان طلع ربوي <<< لا تكفين متعطلين علييج
والله انشالله يعضوني وياكم باماكن احسن

 

[frawlah_83]

عادي تروحين لهم معاج صوره مادري صورتين شخصيتين صوره من الشهاده الجامعه + نسخه اصليه عشان اشوفونها بس انا ماشافوا الاصليه وصوره بطاقه مدنيه ومااذكر اذا يبون جنسيه وميلاديه وهالسوالف ورسوم 16 دينار وفي طلب عضويه تطبعينه من سايتهم تطبعينه وتودينه لهم .. اهما صوب الجمعيه الاقتصاديه اشلون اشرحلج اممم اييي ... شوفي تعرفين دوار الشيراتون اذا انتي يايه من الدائري الاول ودشيتي الدوار وبتروحين شارع جمال عبدالناصر الي اهو الشارع الي اودييج حق جسر المطاحن وديوان المحاسبه وهذوله بس تطلعين من الدوار وتمشين شوي تطوفين محطة بانزين وتالي ساحه العلم وتالي اهني في اشاره اذا كملتي سيده تروحين جسر المطاحين واذا لفيتي يمين البحر ويسار اكو اهني مستوصف لي وقفتي على الاشاره راح تشوفين الجمعيه ابويهج بس طبعا الي اللحين فتحت جمال عبدالناصر من صوب دوار شراتون سكروها فشوفيلج طريج بس انا كنت بوصفلج المكان ويين بالضبط ... طبعا مدخل الجميعه اصير من صوب البحر فاذا تيين من على البحر احسن اخر اشاره على البحر الي قبل موؤسسه البترول طوفيها وراها في لفه فوق تحت لفي وتالي في دخله اهني دخليها وبيج دوار جنه مااذكر وهم بتشوفين الجمعيه الاقتصاديه انتي لي وصلتي اهني راح تعرفين شلون توصلين حق الجمعيه وان شاء الله فهمتي على شرحي الخربوطه :d طبعا ماراح تطلع لج العضويه على طول لي صار اجتماع مجلس اداره ادخلونها عليهم فعلى حسب .. اانا اصلا سحبو علي ومادقوا انا قبل جم اسبوع تذكرت جان ادق جان اقولون لي من زمااااااان خالصه ودزينالج مسج انه تعالي اخذيها بس انا ماذكر كلش انه دزوها ....

 

[frawlah_83]

لوول نونااا انا لي الحين مارحت اخذتها ... انتي لما عبيتي الابلكيشن ماحطيتي ايميلج !!!

شوفي دقي عليهم قولي لهم ابي اضيف ايملي عندكم واذاا في اي دورات طرشولي ... عاد ذكرتيني ماحطيت في ال cv مالي اني عضوه في الجمعيه راح عن بالي كلش ذكرتيني خل اضيفها بس وين اضيفها بالضبط تحت اي بند ؟؟؟؟

 

[بنت حمووله]

شوشو اقولج انا ما عبيت شي :/ سكرتير ابوي سوا شغلي...اكيد ما كتب ايميلي شعرفه فيه لول
انزين عندج رقمهم؟؟؟ خل ادق عليهم اقولهم يضيفون ايميلي عندهم
شوفي انا ضفته تحت بند الدورات اللي خذيتها مع icdl ودورات الجامعة..حطيته اول شي
انتي تقدرين تضيفينه ويا بند ال cfa او cpa اللي قاعده تسوينه...نسيت اي واحد..وكتبي رقم العضويه مره وحده

 

[leolady31]

جمعية المحاسبين داثره حدها و مافي الا موظف واحد اهو قاللي سوي عضويتج قتله انزين و كشت فيه
لي احتجت اسوي بسوي بس الحين خلاص خنشوف انقبل بمكان ولا لا اذا سحبوا علي اسوي عضويه

 

[^^ROSE^^]

لوول نونااا انا لي الحين مارحت اخذتها ... انتي لما عبيتي الابلكيشن ماحطيتي ايميلج !!!

شوفي دقي عليهم قولي لهم ابي اضيف ايملي عندكم واذاا في اي دورات طرشولي ... عاد ذكرتيني ماحطيت في ال cv مالي اني عضوه في الجمعيه راح عن بالي كلش ذكرتيني خل اضيفها بس وين اضيفها بالضبط تحت اي بند ؟؟؟؟

تحطين لج بند Memberships
وتحته عضويتج بالجمعيه و cfa

 

[Om_Ksha]

هاي يا حلويين

نونا شكلج مضيعه فراوله اهيا فوفو

انا شوشو

 

[^^ROSE^^]

ياحافظ نونا و شوشو وكوشا و محموشا ومادري شنو وانا اخر شي روز
دلعوني معاكم احم يدلعوني اتوته p;

 

[frawlah_83]

لووووووووووووووووووول روز اسمج قصير مو طويل حاظرين ياتوتاا

لا نوناا ماعندي الرقم بس تقدرين اطلعينه من السايت مالهم موجود ...

اهلا هلا شووشووو

 

[^^ROSE^^]

لوووووووووووووووووووووول والله لو تدرين اسمي شطوله وصعب بعد

 

[frawlah_83]

:gr4uu:

اشتغلت فيني اللقافه :eh_s(10):

 

[بنت حمووله]

لووول شوشو فوفو كله سيم سيم افتر راسي
فوفو رقم العضويه يكون على الكرنيه اللي يعطونج اياه
روز نكنيمج مدلع خالص ما يحتاي اختصارات ...بس قوليلنا اسمج الصجي و نختصره له <<<حتى انا ملقوفه

 

[^^ROSE^^]

اسمي ماكو منه بالكويت الا انا لوووووووووول
صج مو غشمره ايام ماكنت بالداخليه جيكت ماكو الا انا ياحليلي
يعني لما اسوي جريمه بيصيدوني بيصيدوني p;

فكروا شويه

 

[^^ROSE^^]

بنات انا منصدمه

في وحده بالجامعه كانت تقعد بطاولة رفيجاتي ما اعرفها عدل بس سلام سلام
البنت عباة وحجاب اللي مصكوك عدللللل يعني ماكو شي يطلع ولامكياج ولا شي

رفيجتي تقولي قطت حجابها!!!!!!!!!!!
هذي مو اول وحده هالسنه وحتى السنه اللي طافت
بنات ماتهقون عليهم فجأة يقطون الحجااب!!!! الحمدلله والشكر الله لايبلانا

انا يعورني قلبي لما اشوف وحده جذي لان في بنت الله يرحمها تصيرلي
كانت متحجبه و بعرسها قطت الحجاب
ذاك اليوم طالعه مع ريلها هي معاه توفوا بحادث
فالواحد مايدري شيصير فيه ليش جذي تسوين بعمرج؟؟؟؟

لا والمشكله انها مملوحه مو تقولون الحجاب مجكرها اصلا الحجاب عمره مايحكر

واي قلبي معورني مادري ليش

 

[بنت حمووله]

روووز الله يهديييييييها
الوحده يا تتحجب عن اقتناع يا لا تتحجب
انا انصدمت بوحده ويانا بالكليه مو متحجبه و لبس ضيج و جسم..اخر شي طلعت متحجبه بالثنويه و قطته قبل لا تدش الجامعه
وفي وحده ويانا بعد بالجامعه كانت متحجبه بس تطلع شعرها من ورا و جدام...عاد اخر سنه خلاااص قطته مو ليه
الله يهديهم...عبالهم الحجاب لعبه