بنتي قطة مغمضة

[مسك حياتي]

مادري احسج مربيتها عالصح و مبدأج صح انها تعيش طفولتها ...

ولاحقه ع سوالف الكبار بس هم المفروض تزرعين فيها الثقه بالنفس ...

و تعلمينها انه ما تكون خبله و اي احد ياخذ اغراضها ...

و تسمعين رايهها و تتناقشين معاها عشان تقدر تسولف مع الغير و تبدي رايها ...

 

[فيفي الحلوة]

مشكورين على ردودكم ودعواتكم لبنتي وعيالي بالهداية

 

[Dalo0o3a Cute]

بنتج توها طفله عمرها بس 10 سنين الله يخليها لج

يعني عادي توها ما تكونت شخصيتها خليها على طبيعتها حاوريها اخذي وعطي معاها وانتي قوي شخصيتها بأسلوبج معاها
حتى سالفة المسلسلات بالعكس انتي اقعدي معاها وطالعوا واذا طلع شي غلط وما عجبج انتي باسلوبج ناقشيها وقوليلها شوفي الصح والغلط بس نصيحه مني بنتج رافجيها
والله يخليها لج وتشوفينها عروسه

 

[عيش و مرق]

ماعلى اختى كلنا عندنا بنات بس ميخالف انا مثلك مرات احتار اخليها تسمع وتشوف وله امنعها


بس على الارجح بخليها تشوف وتسمع بحدود لان مو كل شي الام والابو يعلمون عيالهم الحياة مو بس بالبيت لا فى ناس برة البيت بعد وانا مابى بنتى تطلع غلبانه

كانت بلبدايه جذى فقيره ولى الحين ماقولج بس مع المدرسه شدت عودها شوى وبينى وبينج احسن الدنيا ماترحم وابى شخصيتها تنصقل مو كل ماصار شي يتنى اتبجبج

 

[الاميره ديما]

مااقولج شي سواء شي واحد ابيج تقوين شخصيتها
مثلا تاخذ حقها خليها تقولج شنوفي بالها ومنو اللي يعجبها ومنو اللي مايعجبها
من صديقاتها لئن على قولتج اذا ما علمتيها تاخذ حقها وتقوى شخصيتها راااااح تعيد
طفولتج وانا ابيج تعوضين فيها وربي يخليكم لبعض قولي امين>>>امين<<<

 

[Tutti-Frutti]

اممممممم شخصيه بنتج راح تتوضح بفتره المراهقه
بس خوفج يزيد عندها هالشي وتفقد الثقه بروحها نهائي

لازم الثقه بروحها تكبر من الحين
مادري اي الاساليب تنفع

بس كسرت خاطري بنتج ذكرتني بنفسي

انا جذي كنت كله ساكته ومنوكل حقي
تقريبا لي الحين جذي بس قمت اتغير لانه صج الزمن زمن المبلتعه واللي عندها لسان
الادب الزايد ساعات ما ينفع استغفرالله

 

[فيفي الحلوة]

مااقولج شي سواء شي واحد ابيج تقوين شخصيتها
مثلا تاخذ حقها خليها تقولج شنوفي بالها ومنو اللي يعجبها ومنو اللي مايعجبها
من صديقاتها لئن على قولتج اذا ما علمتيها تاخذ حقها وتقوى شخصيتها راااااح تعيد
طفولتج وانا ابيج تعوضين فيها وربي يخليكم لبعض قولي امين>>>امين<<<

يوميا اذا رجعت من المدرسة اسألها عن يومها وصديقاتها وشنو صار حتى انها تعودت من غير ما اسألها تيي تعلمني شنو صار في المدرسة ومواقفها مع صديقاتها