روايتي الثانية: حجـــــابي حببنــي فيـكـ بقلمي:q8ia 3z

[q8ia 3z]

ساره بستغراب : شالموضوع
عبدالله طالع ساره مستغرب : ما ادري ام علي تبيني ضروري وملزمه علي اروح لها قبل لا يجي عمي وعلي
ساره بخوف : الله يستر
عبدالله : حبي هدي ان شاء اله مو صاير الا كل خير

قام عبدالله وبسرعه لبس ملابسه ..
ساره بزعل : بتطول
عبدالله : والله ما ادري بس ما ادري ليش مو متطمن
ساره قامت من السرير : حتى انا
عبدالله سحبها وضمها : احبج سارونتي
ساره تطالعه : اموت فيك .. بتتأخر علي
عبدالله : ما ادري يا روح عبدالله .. انتي نامي لا تنطريني ..
ساره : بنطرك لين يغلبني النوم
عبدالله باي فمها : طيب قلبي مع السلامه
ساره : الله يسلمك


راح عبدالله لبيت عمه ومو عارف ليش حاس بضيقه دخل وراح لمرت عمه وحصلها تبجي بجي يهد الحيل واول ما شافت عبدالله اركضت تبوس ايده وعبدالله انصدم وشالها : عمه اشفيج
ام علي : داخله على الله ثم عليك يا عبداله تساعدني
عبدالله : هدي هدي تعالي اقعدي ..
ام علي : على راسي مصيبه مصيبه يا عبدالله
عبدالله يقعدها : كل مشكله ولها حل انتي هدي شوي مو زين لج
ام علي تبجي دمممم : وين اهدي وين
عبدالل قعد : قولي يا عمه شلي مكدرج وعافس حالج جذي
ام علي : بنتي
عبدالله : رشا
ام علي تبجي : عسى ماكو رشا قول امين
عبدالله : استغفر الله يا عمه شهالكلام
ام علي : داخله عليك يا عبدالله تستر بنتي
عبدالله انصدم وعصبيه : شنو
ام علي : بنتي
عبدالله بعصبيه : اي
ام علي : ................... < قالت له الموضوع
عبدالله استنفر وقام : وينها
ام علي تمسكه .. وعبدالله يفلت عنها ..
عبدالله : رشاااااااااااا
رشا اسمعت صوته وخافت .. عبدالله يا ويلي عبدالله
واركضت تقفل باب غرفتها
عبدالله : بطلي الباب يا ..........
رشا تبجي وترجف
ام علي : عبدالله تكفى خلاص
عبدالله : هذي كفو تنزل دموعج عشانها .. هذي كفووووو
ام علي : اااه يا قلبي خلاص عبدالله ..
عبدلله انصدم لمن شاف ام علي تتمسك بالطوفه وركض لها : عمه عمه
ام علي : قلبي يعورني ..
عبدالله سندها وقعدها على القفنه : وسعي صدرج هدي هدي
ام علي : عبدالله
عبدالله : لبيه
ام علي : وصيتك رشا ..
عبدالله : لالا لا لا عمه ..
ام علي : وصيتي لك رشا يا عبدالله .. لو تاخذها جم شهر وتطلها .. المهم تستر عليها .. وصيتي يا عبدالله وصيتي قولها اني راضيه عليها .. انا اهملتها يا عبدالله فلا تهملها .. رشا .. رشااا ..
بدت الروح تطلع من علي .. رايحه لربها .. عبدالله انصدم .. دموعه انزلت .. اول مره روح تموت بين ايدينه قعد يبجي

صار العزا .. ومرت ايامه ثقيله .. وصار عبدالله اغلب وقته هادي يتذكر كلامها يا رباااه .. شلون .. معقوله قلب الام حنون لهدرجه .. انا راضيه عليها يا عبدالله .. يا رب ترحمها وتغمد روحها الجنه ..

ريماس قاعده تحاتي علي كل شوي تطل عليه بداره لمن يروح ينام .. ودش عليه لمن تتأكد انه نايم .. وتشوفه من بعيد .. يكون بخاطرها انها تنومه بحضنها بس ما تقدر ..

لمار قاعده تهدي بجاسم الي انصدم من موت ام علي الفجأه
الكل انصدم من موت ام علي .. لكن السؤال الي يطرح نفسه .. عبدالله شنو بيسوي .. وريماس وعلي شنو بيصير فيهم .. ساره شنو موقفها من هذا كله .. ورشا .. محمد .. جاسم ولمار.. كل هذول بالبارت الجاي .. نطروني .. q8ia 3z

 

[q8ia 3z]

تعمدت ما اكمل البارت لانه الاحداث الجايه مرتبطه حيل مع بعض


وان شاء الله بكره بارت ... فديتكم


منورين جميعا ..

 

[retaaaj]

لاااا لااا لاا حرام كملي ماقدر انطر بس شوي 

الله يرحمها ام علي بس حرام اللي سوته راح تخرب علاقة ساره وعبدالله ليش سوت جذي

وانشالله عبدالله يوافق على زواج ريماس وعلي لانهم يكسرون الخاطر

ناطرين البارت الياي 

 

[Zozαĺiиaђ]

امبيييه صارت اشيااائااات قويه في البارت @@

اطول الوقت متنحه و منصدمه @@

ياا رب محمد يخطب رشا و يدري عبدالله انه اهواا رفيجها الي مسوي معاها بلااوي يخليها تتزوجه
ولا اوا يتزوجها ما يصيير و ساره حراااام

يعطييج العاافيه :**
ناطريينج :***

 

[P!NKia]

الله يعين عبدالله مسكين

 

[فتاة الكئابه]

امبي لالالا البارت قوي
شوقتيني حق البارت الياي
ناطرين

 

[zger_tiya]

مشكووووووووووووووووورة ياقلبي ماقصرتي ..
البارتات خيال خيال ...
ثانكس من اعماق قلبي ...
ننطرج الاثنين

 

[الكويت داري]

مشكورة عالبارت

 

[هجران الليالي]

لا لا شنو عبدالله حرااااااااااااااام سارة بتموت ليش جي؟!!!

ان شاء الله محمد يتقدم لها ويوافق عبدالله

لان اكيد حياة سارة وعبدالله بتخترب !!!!!

ناطرينج للبارت مشتاقة له

 

[احلى قدساوية]

يسلمو على البارت

 

[6amni bs]

ام علي تقهر شكوء تقول حق عبدالله ياخذ بنتها اووووووووف مسكينه ساره
يعطيج العافيه حبيبتي
نآآآآآآآآآآآآآآآآآآآآطرينج

 

[حورو الحلوة]

اهم شيء ان عبدالله يتزوج رشا بليز لا سارة راح تموت مستحيل مو من صجه

 

[q8ia 3z]

روايتي الثانية : حجابي حببني فيك
للكـاتبه :q8ia 3z
الجزء : السادس والعشرون

بعد سنه من الاحداث ساره اولدت وجابت بنت < ابطالنا الباقين راح اقولكم كل واحد عن دوره شلي صار له بعد سنه < .. وسموها فيّ .. وطبعا عمرها 5 شهور .. والكل بالبيت متونس فيها ويلاعبها .. لكن طبعا واكيد .. عبدالله مو قادر ينسى وصية ام علي .. بعد وفاة ام علي اتكركبت الاحداث .. عبدالله عقله مو معاه قاعد بس يفكر بوصية ام علي .. يا ربي شسوي .. معقول اتزوج على قلبي وعمري وحياتي .. معقوله اخلي ساره مكسوره .. ولا عشان شنو عشان وحده باعت شرفها .. ااااه ااااه ااااااااااااه .. شلون افهمها شلون ..

دخلت ساره واهيا مبتسمه : السلام عليكم
عبدالله يرفع لها ذراعه عشان يضمها : وعليكم السلام
ساره ارتمت بحضنه فرحانه : ليش قاعد بروحك
عبدالله يطالعها بشوق : افكر بلي اسرقت عقلي..
ساره : احم احم عساها ما ترده
عبدالله : يوه ليش اقعد بدون عقل
ساره : ههههههههههههههههههههه مو انا وانت واحد
عبدالله باسها من عند راسها : انا انتي وانتي انا ..
ساره : يا لبيه
عبدالله بجديه : ساره ابيج تسمعيني عدل
ساره استعدلت : قور عمري
عبدالله : تدرين لمن توفق تام علي الله يرحمها كانت متصله علي .. ووو
ساره بخوف : كمل حبيبي اسمعك لا تسكت
عبدالله بتردد وخوف من موقفها بس لازم مجبور : ووصتني على رشا
ساره حطت ايدها على فمها : شتقصد < عيونها صارت حمر
عبدالله باس راسها : وصتني عليها ..
ساره اصرخت : لا تقولها
عبدالله بألم : مجبور ساره اتزوج رشا
ساره : شنوووووووووووو شنوووووووو وانا وانا
عبدالله يمسكها يهديها : هدي هدي يا فديتج انا
ساره تشيل ايدينها : وانا اشوفك كل هالمده الي فاتت ساكت .. مو عبدالله الي اعرفه اثاريك تفكر في رشا
عبدالله انصدم على تفكيرها : لا لا لا مو جذي .. وعمرها ما همتني يكون في علمج ..
ساره : صح صح ما همتك ورايح تخطبها .. شاطر بعد
عبدالله بصرخه : سااااااااااااااره
ساره بجت : ما احبك ما احبك
عبدالله راح لها عرف انها خافت وضمها : حياتي
ساره تمسكت فيه وتضمه : لا تروح لا تخطبها .. يجي لها نصيبها البنت ما راح تضيع كلنا حواليها
عبدالله وده يقولها السبب بس يبي يستر عالبنت : انا لازم اتزوجها وبأسرع وقت
ساره انقهرت من اسرع وقت ودزته بقوة : حقييييييييير حقيييييييييير .. ومستعجل على زوجها ..
عبدالله متعذب ومو قادر يلوم ساره الله يلوم الي يلومها : عمري وربي وربي حاس وعارف حجم الالم الي بقلبج لكن مو كثري مو كثري .. انا مجبور افهميني لازم اتزوجها ..
ساره : وانا وبنتك .. انا شذنبي عشان تنحط على الجاره اشذنبي .. ؟؟ وليش بأقل من سنه . ليييش ليششش شسويت لك انا
عبدالله يمسك ايدها وساره تشييل ايده : سارونه فهميني يا عمري يا كلي يا انا .. افهميني هذي وصيه ومبجبور انفذها ..
ساره بقهر الكون : بتتزوجها
عبدالله بألم : اي
ساره : طلقني
عبدالله انصدم : شنو
ساره : طلقني ما اعيش عندك
عبدالله انصدم : ليش لييييييييييييش شنو سويت
ساره بصرخه : كل هذا وشنو سويت تسأل بعد
عبدالله عصب : قلت لج مجبور .. مجبووووووووور مو بطيب مو بحب لها ؟
ساره : مالي شغل مجبور ولالا ... تبي تتزوجها < قالت بغصه< روح تزوجها .. لكن طلقني
عبدالله تألم : ساره حياتي كبري عقلج .. لا تخلين الشيطان يضحك عليج تدرين بزوجج ما يبي غيرج احد انا باخذها لانها وصية المرحومه فقط لا غير .. ما حبيتها ولا عشقتها .. ولا اعرفها اصلا .. ماخذها ووووووصية
ساره بتعب وضيق : ما همني تبيها .. بتتزوجها ... ميت عشان تنفذ الوصيه الي صار لها سنه ... نفذها بس قبل كل شي طلقني ..

عبدالله طالعها .. وطلع من الشقه
ساره : عبدالله عبدالله تعال لازم نتفاهم
نزل عبدالله عند ابوه .. : السلام عليكم
ابو عبدالله : وعليكم السلام .. هلا والله ببو ضي حياك
عبدالله : الله يحيك .. وقعد .. سكت
ابو عبدالله : خير يا بوك شلي صاير
عبدالله بألم : متوهق
ابو عبدالله : ليش خير ان شاء الله شنو صاير
عبدالله قال لأبوه كل شي
ابو عبدالله : يا رباه .. البنت ما تنلام وانت بعد مجبور
عبدالله بألم : ما ابي اترك ساره .. احبها .. والاهم بيني وبينها بنت
ابو عبدالله : وليشب تتزوج بنت عمك
عبدالله : وصية المرحومه
ابو عبدالله ذكي وما تفوته هالاشياء : وغيره
عبدالله حس بأبوه شاكه : وبس
ابو عبدالله ربط احداث دخول ام علي بالمستشفى والحين وصت عبدالله قبل لا تموت يتزوج رشا .. فأكيد لرشا سبب في دخول ام علي لمستشفى لكن شلون .. : بتقول ولالا
عبدالله لف وجهه : لا ما اقدر
ابو عبدالله تيقن في تحليله رشا مسويه مصيبه ومصيبه كبيره : طيب يا بوك تزوج بنت عمك واستر عليها
عبدالله انصدم : شنو شنو شنووو شلون دريت منو قالك ام علي موصل تلك شي
ابو عبدالله : احيه يا عبدالله انا شايب ماني بصغير وربتني الدنيا .. وعلمتني .. مو سبب مقنع وصيت عمتك .. روح وانا ابوك وتزوج بنت عمك .. واذا ساره تحبك .. بتقعد معاك
عبدالله : لا هي قالت طلقني
ابو عبدالله : الله يعين الحين انت تزوج بنت عمك ويحلها الف حلال
عبدالله : واذا قالت لي ساره طلقني
ابو عبدالله : طلقها
عبدالله : شلونا عيش من دونها
ابو عبدالله : بترد لك بعدين
عبدالله : واذا ما ردت
ابو عبدالله : خل الكلام لأوانه تو الناس لا تستعجل الاحداث

 

[q8ia 3z]

صعد عبدالله داره وتغتر وساره تشوفه يكشخ ..
ساره بألم : وين رايح
عبدالله بألم : بخطب رشا
ساره امسكته وتبجيييييي : لالا ما تروح ماااااا تروح
عبدالله تضايق : وخري عني يا ساره ..
ساره : قلت لك ما تتزوجها ما تتزوجها .. انت لي انا بروحي
عبدالله : ساره وخري عني الي فيني كافيني
ساره تظمه : ما تروح لها ما تروح لها ماااابي .. موتي ولا غيري بحضنك
عبدالله ضمها اصدره بقوة : خليني اروح .. واعرفي اني احبج وتراني مجبور ..
ساره بعدت وبقوة وعزت نفس : طلقني
عبدالله يدري انها مجروحه : مابي
ساره امسكته من ايده : طلقني ما تطلع الا مطلقني
عبدالله سحب ايدها وطلع ..
راحت ساره لمت اغراضها .. وراحت لبيتهم .. وطبعا عبدالله وامه .. الي احكمت بعقلها واعرفت انه خطبته لها اكثر من سبب راحت معاه .. واخطبوا رشا رسمي .. مع انه غانم كان معارض بش وضح عبدالله انها وصية المرحومه وما راح يرتاح الا اذا صارت رشا عنده ..

رشا بجت دم وتعبت لانها كانت تبي تتزوج محمد بس كل شي تفنقش وضلت تبجي على فشيلتها عند ولد عمها .. وطبعا خطبو .. وراحوا للفحص ..

رد عبدالله البيت وما حصل لا ساره ولا ملابسها ولا اغراضها ولا حتى بنتها .. وعرف وايقن انها راحت لبيت اهلها .. طالبه الطلاق .. تعب عبدالله واتصل على علي ..

اما جاسم ولمار :
لمار حامل بشهرها السادس .. و صايره دلوعه وبزياده .. وطبعا ما علمها على الدلال والدعل غير جاسم ومتونس عليها ..
لمار تنادي جاسم : جسوووووومي
جاسم يدخل : يا نعم
لمار : انت ويك
جاسم : موجود يا كلي موجود
لمار : شتسوي من وراي ها قوووول
جاسم : بريء شحلاتي ما اسوي شي
لمار : ههههههههههه واضح واضح
جاسم يلمها : قولي لي شخبار البيبي
لمار : متعبني
جاسم : اي لازم يسوي ضجه قبل لا يطلع ..
لمار : عشان لا ولدته يسوي زلزال
جاسم : هيبه ولدنا
لمار :لا بنتنا
جاسم بقوة : لا لا لا ولد
لمار : لا لا لا بنت
جاسم : ولد
لمار : لالا بنت عشان تلعب مع بنت ساره
جاسم ضحك : طالع التفكير تبيها بنت عشان تلعب مع بنت ساره هههههههههههههههه
لمار : هههههههههههه جب زين عيار
جاسم : وربي اموت فيج وربي
لمار : انا اكثر

عند ريتاج ويوسف :
يوسف : وشلونج الحين
ريتاج : زينه
يوسف : خفت عليج ..
ريتاج : تسلم لي
يوسف : ريتاج .. شرايج نحدد العرس
ريتاج بحيى : متى تبيه
يوسف : يناسبج بعد 4 ششهور
ريتاج : اي يناسبني
يوسف : يا فديتج اي جذي لاعت جبودنا من النطره
ريتاج بدلع : مشتاق لي
يوسف : من صجج .. موووووووووووووووووووت
ريتاج : اسم الله عليك من الموت
يوسف : تخافين علي
ريتاج : واذا ما خفت عليك منو بخاف عليه
يوسف : فديتج فديييييييييتج .. احبج
ريتاج : انا اعشقج
يوسف : اتنفسسسسسج

عند محمد .. طبعا محمد هلكان من سمع بالخبر دموع والم وحيره وحزن وندم عالوقت اي ضيعه معاها باللعب تمنى لو خطبها من اول ما تأكد بمشاعره نحوها .. يا ربي ما اقدر اتحمل هالنا رالي شابه فيني .. يا ربي شلون شلون رشوي تاخذ غيري .. وشلون بتعيش معاه بعد ما عرف حقيقتها .. حبيبتي بتنذل وانا اشوف وما اتحرك .. جزاااااااااااااتي جزاتي انا انااااااااا الي ضيعتها مني من بعد ما كانت بين ايديني .. كانت حولي .. يا محمد اخطبني يا محمد متى بتخطبني يا محمد انا ارفض الخواطيب عشانك . آآآآآآآآآآآآآآآآآآآآآآآآآآآآآآآآآآآآآآآآآآآآآآه يا روح محمد وكله .. ليتني ليتني وقتها خطبتج لييييييييييييييييييت .. الله يهنيج .. الله يحنن قلب ولد عمج عليج .. الله يوفقج معاه .. عساه ينسيج محمد وطوايفه .. محمد الي ما قدرج و لا اهتم فيج وقت الي كنتي بين ايدينه ..


عند علي :
طبعا بعد الي صار علي حيل حيل تغير حتى عن اول .. صار انسان ما يفوت الصلاه .. وبان النور في وجهه الكل حبه كل من شافه تعلق فيه .. وطبعا طلب ايد ريماس قبل شهرين من عمه ووافقوا ابو عبدالله وعبدالله .. وملجوا

علي واهوا يدش بيت عمه : وينك بالضبط
عبدالله : بداري
علي :طيب البيت فيه احد
عبدالله : لا تعال ريتاج طالعه مع يوسف وريماس تدرس امتحانها بدارها
علي : طيب تامر
راح عبدالله فوق وانصدم بريماس : السلام عليكم
علي : وعليكم السلام
ريماس : شلونك حبيبي
علي ببتسامه :زين
راحت له ريماس
علي فتح ايدينه .. و ظمته : شو موع اجبني اليوم
علي يحط خمشه على خشمها : مهدود حيلي من الدوام
ريماس : فديتك عساك عالقوة
علي : يفداج كوني .. الا صج شمطلعج من دارج مو عليج باجر امتحان
ريماس بدلع : الا
علي يضمها اكثر : وليش ما تروحين تدرسينه
ريماس : مو بالاول فكني وخلني اروح
علي يضمها اكثر اكثر : واذا ما فكيتج شبتسوين
ريماس : احلى بضل بحضنك الي تمنيته سنين
ضم علي ريماس وقعد يمسح على شعرها : الحمدالله يا رب الحمدالله .. كانت بتاكلني النار لو رحتي لحضن غيري
ريماس : اسم الله عليك .. تاكل عدوك ان شاء الله ..
علي : ان شاء الله ..
ريماس : احبك
علي : اموت فيج الله يخليج لي

 

[q8ia 3z]

راح علي عند عبدالله
حصل عبدالله صاكه فيه الدنيا وانسدح يمه : شفيك
عبدالله : متضايق
علي : والسبب
عبدالله : ساره تقول طلقني
علي : من صجها هذي ليش مو راضية تفهم انها وصيه وصيه
عبدالله : روح انت فهمها
علي : صج الحريم ناقصات عقل ودين
عبدالله : متضايق
علي: شوف ... واسمعني .. اذا اصرت عالطلاق طلها .. وصدقني بعد شهر شهرين بترد لك والله وخذ هالكلام مني انا ..
عبدالله : وان ما ردت
علي : سو المستحيل
عبدالله : تحححححححح
علي : المهم انت وضميرك
عبدالله : الله ييسر ..
دخل جاسم : وخروا وسعوا لي
علي وسع لجاسم وناموا ثلاثتهم عالسرير : الحريم غثى
علي وعبدالله : حدددددددددددددددددددده


عند ساره :
ام ساره : هدي يا عمر امج هدي وربي مثل ما خلاج يرجع لج
ابو ساره : لا حول الله شالمصيبه الي انزلت على راسنا انا لازم اكلم حمود واتفاهم معاه .. واعرف منه اشصاير
سار تبجي دم : يطلقني يطلقني
ابو ساره : يا بابا وسعي صدرج تعوذي من بليس
ساره : مالي شغل يطلقني ما اعيش معاه ما اعيش معاه.. يروح لها يخطب انسه رشا .. وربي من اتصلت عليه ام علي وانا قلبي يعورني وحاسه انه وراها مشكله ومصايب
ابو ساره : لا اله الا الله
ساره : حتى عبدالله ما كان مرتاح وقت ما راح ..
ابو ساره : تعوذي من بليس يا بابا والله كريم
ساره : ما اقعد عنده .. وبنتي تضل بحضانتي .. لا عبدالله ولا غيره ياخذه مني
ابو عادل بنتج بتضل بحضنج عندج .. وما عاش من خذاها منج ..

اتصل ابو ساره على عبدالله وعرف الموضوع .. من غير ما يقوله عبدالله واستنتج الموضوع .. ووقف بصف عبدالله . ولكن .. طلب من عبدالله انه يطلق ساره .. ويحترم رغبة بنته ..

طلق عبدالله ساااااااااااااااره .. ونسدت نفسيته لا ليله ليل ولا نهاره نهار .. وملج .. وتزوج رشا .. شلون بتكون حياته من بعد ساره .. بيتقبل رشا ولالا .. شلون بيعي شمعاها واهوا قلبه معلق بغيرها .. شلون بينسى ساره .. شلون بيضل بعيد عنها ..

ريماس .. كانت من اشد المعارضين لهذا الزواج بس ما دخلته ضمن علاقتها مع علي .. وريتاج ماخذه طبع الصامت .. ما تدخلت كلش .. على قولها .. كلن عقله براسه .. ويعرف خلاصه .. محمد خلاص .. كل ماله ويتعب مو متصور حبيبته بعد ساعات بتصير بحضن غيره .. ساره صاكه فيها الدنيا .. ومو متصوره الي صاير او بالاحرى مو راضية تتقبل انه عرس عبدالله اليوم .. الليله بدخل مع مره غيرها بينام .. مع غيرها .. بيصحى مع غيرها .. مو متقبله بالمره ..


الوضع صعب على العايله كلها .. شنو بتكون الاحداث .. شلون بيكون الواقع الجديد عليكم كلهم .. عبدالله .. ساره .. ريماس .. علي .. رشا .. محمد ... جاسم .. لمار .. ريتاج .. يوسف .. محمد .. شنو بيدرو فيهم .. كل هذا ببارت 27 .. انتظروني q8ia 3

 

[q8ia 3z]

نزلت لكم الثلاث بارتات رضوة ورى بعض .. راضيتكم لووول

انتظر ردودكم

 

[q8ia 3z]

لاااا لااا لاا حرام كملي ماقدر انطر بس شوي 

الله يرحمها ام علي بس حرام اللي سوته راح تخرب علاقة ساره وعبدالله ليش سوت جذي

وانشالله عبدالله يوافق على زواج ريماس وعلي لانهم يكسرون الخاطر

ناطرين البارت الياي 

منورة عوومري:eh_s(17):

 

[q8ia 3z]

الذين تشاهدون محتوى الموضوع الآن : 6 ( الأعضاء 3 والزوار 3) ‏q8ia 3z, ‏الزين كله فيها

يا لبيييييييييييييييييييييييييييييييييه ولكموووو يا الزين

 

[q8ia 3z]

الذين تشاهدون محتوى الموضوع الآن : 8 ( الأعضاء 4 والزوار 4) ‏q8ia 3z, ‏άℓ-м3άηđάћ, ‏الزين كله فيها

منورين جميعا

 

[q8ia 3z]

مشكووووووووووووووووورة ياقلبي ماقصرتي ..
البارتات خيال خيال ...
ثانكس من اعماق قلبي ...
ننطرج الاثنين

العفو حياتي
ولكمو :eh_s(22):