حلقه الشيخ نبيل عن احتضان اليتامى؟

[zahraaa2011]

السلام عليكم
شفت الحلقه اليوم ووايد اثرت فيني اشرايكم كل وحد تقولنا عن موقف مؤثر مرت فيه مع ايتام؟ او حالات خاصه؟؟؟؟؟؟ وشنو كان رده فعلها......
راح ابدي بالاول
درست بنت لقيطه وما كنت ادري عنها بعدين المدرسات قالوا لي وصرت احن عليها واعاملها غير ما حبيت اشد او اقسى عليها كفايه ظروفها بس استغربت انه باقي الابلات عادي موهامهم حتى اداره المدرسه مومهتمين فيها انها حاله خاصه .حسيت انه الحنان وقف بهالدنيا من قلوب الناس

 

[تذكر خافقي رمحك]

انا عمري ما ألتقيت بلقيطين
بس يكسرون خاطري حيييل
وماني عارفة ليش المجتمع يطالعهم باحتقار
معنه اهلهم السبب مو اهما

وودي اعرف لما يلقون ياهل مقطوط بالشارع على طول يحطونه بدار الايتام
ولا يسوونله اختبار ال دي ان إي قبل ؟ وإذا سووا واعرفوا منو امهم وابوهم يردونهم لهم ويعاقبون اهلهم ولا عادي الوضع
​

 

[al3sooola]

انا عمري ما ألتقيت بلقيطين​

بس يكسرون خاطري حيييل
وماني عارفة ليش المجتمع يطالعهم باحتقار
معنه اهلهم السبب مو اهما​

وودي اعرف لما يلقون ياهل مقطوط بالشارع على طول يحطونه بدار الايتام
ولا يسوونله اختبار ال دي ان إي قبل ؟ وإذا سووا واعرفوا منو امهم وابوهم يردونهم لهم ويعاقبون اهلهم ولا عادي الوضع ​

اي والله صاجه

 

[Tom ♥ Jerry]

.


و لا مره صادفت بحياتي لقيطه أو لقيط !
بس فعلا هالظآهره منتشره و عسى الله يهدي آمهآت هالناس !

يعورون القلب و الله !

 

[سنجوبه]

حتى انا شفت الحلقه وعورو قلبي حييل بصراحه انا لا سمح الله ما ياني النصيب وطولت القعده افبيت اهلي اشوف ان ماعندي مانع اتبنى ياهل واربيه ... وحبيبتي زهووره ما قصرتي على معاملتج حق البنيه فعلا اهما محتاجين الحنان

 

[أسيرة_أحزاني]

الي يشوفونهم بنظره غير هذيل متخلفين لان الي صارلهم مو ذنبهم !! واهما انسان لحم ودم
وانا شفت الحلقه حيل حلوة ......

 

[أو عبوش]

اي والله الحلقه كانت حيل مؤثره بذات وهم حاطين الكاميرا على البنت اللي متبنينها ناس وهي تلعب مني ومناك بالالعاب.. احس براءه وماتدري شنو يخبي لها الزمن مسكينه...

وبالنسبه لموقف مريت فيه....

اذكر سكن جنبنا واحد حسبي الله عليه فتره وعقبها راحوا ولا ادري وين راحوا للاسف...... كنت صغيره حزتها
وعنده بنات وزوجته متوفيه....
كان دايم سكران اعوذ بالله واذا يشرب بالليل يطرد بناته يخليهم ينامون بالحديقه مالت بيتهم
تخيلي الموقف مايخاف عليهم من الرجال اللي بالشارع
صج الله ماحرم شي الا فيه ضرر كبير... وبناته شابات اعمارهم 17 و15 واصغر كانوا يمكن 6 بنات وصبيان بس البنات اهم الكبار
اذكر امي كانت تاخذ عيالهم الصغار اللي بسني يعني كنت سن ابتدائي
تسبحهم وتوكلهم وتلبسهم من ملابسي << اعترف كنت ازعل لان ياخذون ملابسي ههههه بس كنت صغيره وقتها ماعرف ليش امي تسوي جذي

كان شكلهم حيل حرام وسخين

من ناحيتي يكسرون خاطري اليتامى..... مع اني يتيمه الله يرحم ابوي يارب

 

[نفهمها صح]

بلعكس تعامل في المدرسه يكوون علي قد العقاب انتي كذا تحسسسسينها انه مختلفه وانها مسكينه وذكرينه لكن لما تعملينها نفس الطالبات مافيه مشكله
وهم مالهم ذنب بلعكس هم ضحيه ناس متخاف الله
كان في دراسه توجه الي اخذ ديه انا ايه
علشان تقل الحالات... لكن مكان توجه جاد عندنا بسعووديه
وله والله كان راح يتادبوون الي يرموون فلذة اكبادهم هوو بيعيش لكن كيف بيواجه المتخلفيين الي عندنا​

 

[ياحُبِي لِلكويت]

فديتهم هالفئه اللقيط او الاحتياجات الخاصه مااينتظرون مننا نظره شفقه لا محتاجين رحمه وحنان مننا اللقيط ماله ذنب ربي يعينه على ماابتلاه من نتاج اهاليهم :eh_s(17): اذكر قبل لما كنا صغار كان اخوي منوم بالمستشفى وكان معااه نفس الجنااح لقيط ومن كان عمره سنتين واهو بالمستشفى عنده مشكله بالكلى اهله موجودين الله يستر عليهم يمكن غلطه ورموه بالمستشفى (ماابي اذكر التفاصيل ) وتعلقناا فيه واهو بعد تعلق فيناا حيييييل كل مااطلعناا وانتهت الزيااده وربي يبجي مع ان كان عمره 11 سنه ضحيه حسبي الله عليهم مع انه موناقصه شي كل شي متوفر له غرفته كل شي فيها وملابسه ماركه وغير الالعاب بس ناقصه حنان وحتى الهيئه الطبيه مهمته فيه والممرضات حيل يحبونه لأنه ولد حبوووب ومؤدب وماشاءالله مزيون وكان يحن يبي يسكن معانه فالبيت وابوي يقول صعبه حيل وربي كل مانشوفه نطلع واهو يبجي واحنا نبجي حبينااه وبعدهاا بشهرين انقطعت اخباره لما سألنا عنه قالو ودوه رعاية الشؤؤن .. :eh_s(11): بعد سنه يمكن سألنا وحده تشتغل بالرعايه قالت يمكن توفى لأن السجل مو موجود .. دام فتحتي الموضوع ياليت اي وحده تشتغل بالرعايه تراسلني بالخاص بعرف شخباره اكيد الحين عمره 20 او اكثر :eh_s(17): الله يرحم بحال كل انسان انظلم بالدنياا سواء هالفئه او غيره .. يقطعون القلب :eh_s(11): ..يسلمو حبوووبه عالموضوع
​

 

[~ بنت الهدى ~]

اخ بس الا اليتيم ماتحمل منظره يقطع القللللب ..

من كم سنه توفت بنت خاالي و بالعزاا اشوف خواتها من بعيد قاعدين يبجون الا تجيني بنتها(عمرها 6 سنوات)
تقول لي ليش يبجون ابوي يقول ان امي بكره بتطلع من المستشفى كانت تتكلم و عينها تدمع , منظرها يفطر القلب ولله
و كله تطلع هدووم امها و سجادتها و تقول لهم ماولهتوا على امي؟

 

[ياحُبِي لِلكويت]

اخ بس الا اليتيم ماتحمل منظره يقطع القللللب ..

من كم سنه توفت بنت خاالي و بالعزاا اشوف خواتها من بعيد قاعدين يبجون الا تجيني بنتها(عمرها 6 سنوات)
تقول لي ليش يبجون ابوي يقول ان امي بكره بتطلع من المستشفى كانت تتكلم و عينها تدمع , منظرها يفطر القلب ولله
و كله تطلع هدووم امها و سجادتها و تقول لهم ماولهتوا على امي؟

فديتهاا ذكرتيني فبنت خالتي عمرهاا 7 سنوات يمكن وكانت متعلقه فأبوها حيل تخيلي تدق على ابوهاا لما انهد حيلهاا تقول ليش بابا مايرد :eh_s(16): ماتدري انه راح لربه الله يرحم امواتناا وامواتكم اللهم اميييين:yaaaaaarb:

 

[ام زهقانه]

حمل من يوم كنت صغيره اني اشتغل في دور الايتام مع العلم اني ما اشتغل حاليا وحملي ان اربي يتيم

 

[nono93]

اتمنى اصادف واحد فيهم


حسبي الله ونعم الوكيل

 

[أحبك أمي]

جزاه الله خيرا
راح أبحث عن الحلقه بيوتيوب
ان شاءالله

 

[♥ SWeeRa ♥]

الله يصبرهم..
اللي تبي تشتغل
سمعتهم قالو ان في موظفه متطوعه
اذا تبين تطوعي

الله يصبرهم ويعوضهم خير ان شاء الله

 

[* ملكني الخوف *]

الله يصبرهم يارب

 

[زود الغلا]

تصدقين انت الظاهر نفسي رقيقة ماتتحملين يكسرون خاطري حيل انا اليوم شفت الحلقة وتاثرت حييييييييل وكنت اتخيل في بالي لو احتظن يتيم بس صعبة انا عندي عيال ومو قادرة عليهم بس افكر بالاجر بصراحة شي عظيم بس اللة اعلم بالنيات والله ياجرنا.

 

[نور مغليها]

مَ عمري تلاقيت ويا لقيييط < وان شاء الله ما اتلاقى لأن قلبي يتقطع بسرعه خاصه ع الصغآآر ما اتحمل اشوففهم ..
ما ادري شلون لهم قلب يحذفون عيالهم ‘

 

[الرشوف]

جاء في الخبر عن النبي (ص) قوله (( خير بيت من المسلمين بيت فيه يتيم يحسن إليه ، وشر بيت من المسلمين بيت فيه يتيم يساء إليه )) .
أخرجه ابن ماجة
و عن رسول الله (ص) أن عيسى بن مريم (عليه السلام) مر بقبر يعذب صاحبه ، ثم مر به من قابل ، فإذا هو ليس يعذب فقال : يا رب مررت بهذا القبر عام أول فكان صاحبه يعذب ، ثم مررت به العام ، فاذا هو ليس يعذب فأوحى الله عز وجل إليه : يا روح الله . . . أنه أدرك له ولد صالح ، فأصلح طريقاً ، وأوى يتيماً ، فغفرت له بما عمل إبنه )) .
سفينة البحار
روي عن الإمام علي (ع) : "الله، الله في الأيتام فلا تغبوا أفواههم ولا يضيعوا بحضرتكم فإني سمعت حبيبي رسول الله يقول مَنْ عال يتيماً حتى يستغني عنه أوجب الله له بذلك الجنة".
كما ورد عن الرسول انه قال (( *أنا وكافل اليتيم في الجنة *)) .
وفي آخر وصية للامام علي عليه السلام قوله : (( الله الله في الأيتام فلا تغبوا أفواههم ولا يضيعوا بحضرتكم )) .
*
كما جاء عن الامام الصادق (ع) قوله ( إن أكل مال اليتيم يخلفه وبال ذلك في الدنيا ، والآخرة . أما في الدنيا : فان الله تعالى يقول : فليخش الذين لو تركوا من خلفهم ذرية ضعافاً خافوا عليهم فليتقوا الله . وأما في الآخرة فان الله عز وجل يقول : « إن الذين يأكلون أموال اليتامى ظلما إنما يأكلون في بطونهم ناراً وسيصلون سعيراً )) .
*

 

[حلا روووحي]

اذكر جارنا كان ومتكلف برعاية هنوعيه اذكر اخواني كانوا مترافجين واحد بعمرهم بس امي كانت ترفض يكلمونه>> استغرلله بس شتسوون بعقول الناس
الولد ذاك الحين صار مجرم كاسر خاطري

الله يعينه