هلا يالغالية ..
موضوعج واااااااايد حلو بصراحه وفكرته رووووعة ..
وبما انج اول وحده تبين افكار ... انا بكون اول وحده تحطلج افكار .. بس المشكلة اني ما عندي خبرة كللللش لا بديكورات مطبخ ولا غرف الغسيل ..
بس بحطلج شوية صور .. على ذوقي ان شاء يعجبونج <<< مسيفتهم عشان لما ربي يرزقني واتزوج ويصير عندي بيت لوووووووول
تفضلي .
احلى شي عجبني اهني استغلال المكان اللي تحت المغسلة ..
وتفصيل كبتات المطبخ بدال لا يكون تقليدي وثابت .. ممكن يتحرك وقت ما تبين وبنفس الوقت اسهل حق التنظيف واستخدام الاغراض لوووول تخيلي لو تبين مثلا ترتبين كبت الصحون ... تحركينه وتييبينه يمج وتقعدين ترتبينه وتاي تردينه وناااااسه
اللي عجبني بصراحه بغرفة الغسيل هذي ان مساحتها صغيرة وحاطين فيها كلل شي حتى جهاز المشي عشان تتريضين وانتي قاعدة تنطرين الغسالة تخلص .. لوووول وطريقة تخصيص مكان حق كل شي حتى طريقة طاولة الاوتي عجبتني مثبتة بالطوفة وفوقها اضاءة
هذي الغرفة حلوة حق اللي عندها عيال صغار ... تخصص حق كل واحد لووون معين يقط ملابسه داخل عشان لا تتلخبط ملابسهم مادري اللي مصمم هالغرفة فكر نفس فكرتي ؟؟؟
هذي الغرفة عجبتني فيها طريقة الكبتات اللي ورا حق تعليق الشغلات بعد الكوي .. وطريقة الاوتي .. وحتى الطريقة اللي حاطين فيها الغسالة هالغرفة حسيتها واااايد راقية
هذي جدا بسيطة وناعمة .. ومفيدة حق الي قاعدين اجار او بيت حمولة .. لان حرام تقطين على غرفة غسيل وتالي مو بيتج
هذي اللي يشتكون من المساحة الصغيرة .. ما اتوقع في اصغر من هالمساحة لوووول
بس لو تلاحظووون كل شي موجود الاوتي .. غسالة .. نشافة .. فوط بس هم حق التقزووورة مو بيت العمر
مادري ليش حسيتها مو مجرد غرفة غسيل بس ... حتى غرفة تبديل لوووول على طريقة الكبتات اللي ورا ابداااااااع
هذي الغرفة ولو اني ما حبيت الوانها وحسيتها لوووية بس احلى شي فيها فكرة الادراج اللي تحت الغسالة
حلو انج تخلين الغسالة ماشية مع الوان ديكور الغرفة ... يعني اللي يزيد من ورق الجدران او الاستكرز الجاهز تحطينه عالغسالة
عجبتني وايد فكرة هالمطبخ .. بس احسه ما ينفع الا حق مطبخ تحضيري مثلا بالدور الثاني حق الغرف اللي فووق حلو ... ما اتخيل مجابيس وعيوش بهالمطبخ كاااااااااك
خوش فكرة حق يرارات الزاوية بالمطبخ قطعة بلاستك وتدور عشان تطولين الاغراض اللي تصير ورا
خوش فكرة حق يرارات المطبخ
فكرة حق كبت الدقوس والكاتشب والصلصات وتوابعه
تقسيم جياس المعكرونة والمعلبات
شرايكم بهالمطبخ التحضيري ؟؟؟ اول شي عاليسار الجولة .. وبعدين منطقة العمل .. وبعدين اخر شي الكبتات
طاولة طعام ارضية ... حلوة حق الصالات اللي فيها قعدة ارضية مرتفعة شوي عن الارض ... تنحط بالنص كانها طاولة عادية ووقت العشا او الخفايف تتبطل وتصير سفرة
حلوة حق تخزين الصلصات والكاتشب وحتى البهارات والمعلبات
كبت متكامل حق المعلبات والغراش والبهارات والزيوت
حق تخزين مقالي البيض وغيره تحت الجولة
