قبل الزواج راضيه باي شي وعقبه؟؟؟؟؟؟؟؟؟؟؟؟؟؟

[zahraaa2011]

كنت في جلسه جمعتني بثلاث شابات ما تزوجوا بعد واعمارهن وصلت الثلاثين وكل وحده كانت تتحلطم من قله فرص الزواج ؟؟؟؟؟؟؟؟؟؟؟؟ لدرجه انه وحده منهن حلفت انها راضيه تتزوج وافد او واحد على قد حاله بس اسمه ريال ويوم شفتهم جذيه صدقت على نياتي وصرت اسعى واقول من يوفق راسين بالحلال والحمدلله خلال سنه توفقوا واتزوجوا وافتكينا من حنتهم ردينا اتيمعنا مره ثانيه اللي قهرني كل وحده تعذرب في الريال ومطلعه عين المسكين وتخيلوا هذا باول سنه زواج ؟؟؟؟؟؟؟؟؟؟؟؟؟؟؟؟؟؟؟؟؟؟اللي تقول تتهاوش معاه ما يرضي يشتريلها جنطه ماركه واللي طايح من عينها لان المعاش على قد الحال واللي تقوللي ما يوديني مطاعم غاليه مثل العالم حده يوديني مطاعم وجبات سريعه وكل وحده منكده على الريال باسباب تافهه وين حجي اول ؟؟؟؟؟؟؟وين اللي متمنيه اي شي ؟؟؟؟؟؟؟؟؟؟؟؟؟؟؟صج الحريم ما ينعرف لهم؟؟

 

[أبتسم ياقلبي]

بصرااحه صااااااااااادقه
كل هذاا تشفح بزوااج الزواج مسئوليه زوج وعيال بعدين مو اتعشى بمطعم الفلاني ولا شنطه ماركه ولا غيره

اعررف وحده كذاا لم انخطبت راااضيه بكل شي بعد سنه جلست تتمطط وتبي بيت لحالهوخدامه وسوالف ذي
وراح زوجهاا وطلقهااا ....رغم عيشتهاا عند زوجها احسن من عيشتهاا عند اهلهاا

بس هم متفقين على كل شي قبل زواج وحالته ماتساعد و حاول يسعدهاا بس هي تكبرت على نعمه وطلقها

الله يهدي بنات المسلمين

 

[هجران الليالي]

كلامج صحيح
وايد بنات يقبلون في البداية ، وبعدين لما يمر الوقت وتمر السنين تلاقين كل وحدة تقول ياريت ماتزوجته ما يصرف ما يوديني مايشتري لي و و و
يوم إنتو من البداية تبون واحد كشيخ وراتب وولد فلوس جان إنتظرتو ... يقهروني هالنوع من البنات الصراحة

أعرف وحدة تزوجت واحد على قد حاله ، وصبرت عشر سنوات في شقة صغيرة ومع أهله عايشة ويابت يهال وسبحان الله فجأة هالرجال إنقلب حاله فوق حدر سيارات آخر موديل ووظيفة حلوة وأهي كملت الجامعة وتوظفت ، الله سبحانه وتعال يوزع الأرزاق ويمكن يؤخرها ولكن لا ينساها ..
وألحين كل من يسألها يفلانة شلون صرتو جذي قالت الصبر وكنت مقتنعة إن ( خذو فقراء يغنيكم الله من فضله ) وصبرت وتحملت ولله الحمد الله اغنانا من فضله

واللي تذم وتعيب في الرجال يعني بالله الرجال راتبه على قد حاله! ليش وافقتي عليه؟ ولا كنتي متوقعة إن الزواج كوشة وعرس وفستان ومكياج!!!

مشكورة على الموضوع

 

[ياليل مااطولك]

قال تعالى (ان يكونوا فقرا يغنهم الله من فضله )وفي الحديث بما معناه من تزوج وهمه احصان نفسه يسر الله له امره ورزقه من حيث لايحتسب )وهنا هل صدقوا مع الله لان من يصدق مع الله يكون الله معه في الرخاء والشده وكذلك في الحديث عن رسول الله صلى الله عليه وسلم بما معناة (لو انكم تتوكلون على الله حق التوكل لرزقكم كما يرزق الطير تغدوا خماصا وتعوودوا بطانا )والمعنى انه مع التوكل العمل والله يوفق كل من يريد الخير -وتقبلي مروري

 

[رحيق الحياة]

الاسف اغلب البنات على بالهم الزواج ونااسه وسفر وطالعات ,, اوكي انا ما اقول انحكري بالبيت وجابلي ريلج وعيالج ,, طلعو وستانسو وعيشو حياتكم بس بالحد المعقول ,, يعني انتي الي تحبيت السفر جان تزوجتي وااحد غني يقدر يوفر لج الي تتمين ,, مو تاخذين واحد على قد حاله وتقولين عنه مايسفرني ولا يطلعني ,,, حلاته الوحده تقدر وريلها وظروفه مهما كان غني ولا على قد حاله.

وشكرا على الطرح الحلوو << يا حلو p:

 

[رحيق الحياة]

قال تعالى (ان يكونوا فقرا يغنهم الله من فضله )وفي الحديث بما معناه من تزوج وهمه احصان نفسه يسر الله له امره ورزقه من حيث لايحتسب )وهنا هل صدقوا مع الله لان من يصدق مع الله يكون الله معه في الرخاء والشده وكذلك في الحديث عن رسول الله صلى الله عليه وسلم بما معناة (لو انكم تتوكلون على الله حق التوكل لرزقكم كما يرزق الطير تغدوا خماصا وتعوودوا بطانا )والمعنى انه مع التوكل العمل والله يوفق كل من يريد الخير -وتقبلي مروري

صح صح صح ... شمعه .. فله ...منوره
اهم شي النيه الي ناويه او ناوي يتزوج ونيته الستر الذريه الصالحه ,, الله يغنيهم من فضله مهما كانت حالتهم الماديه,,

تشكرات افندم:eh_s(7):

 

[zahraaa2011]

مشكورين على تعليقاتكم الحلوه وانا يضيق خلقي لما اشوف بعض الامهات اللي يشيون البنت اللي امها تقولها طلعي على كيفج من اولها علميه يتعود على طبعج للاسف شفت وايد امهات جذيه يحبون يخربون على بناتهم؟؟؟؟؟؟؟؟

 

[درة أهل الطولات]

عقلياااااااااااااااااااااااااااااات غريبة

 

[ناتشوو]

طبع الانسان يفكر فيما هو مفقود وينسى الموجود !
بس انت ليش متضايقة منهم خليهم براحتهم يتحلطمون

 

[دلوعة أبوهآ]

مشكلة الوحده اذا كانت تبي شي وراضيه بأقل شي وتتحمل أكثر الخساير ..
ولما يجيها .!

ينقلب الوضع وتبي الأحسن ومو عاجبها اللي عندها ..


اللي تسوي هالحركات أبسط رد تردينه عليها
انه محد قالك تزوجي وقولي راضيه بأي شي ..
كان جلست ببيت اهلها ابرك لها ..



سبحان الله
جد .. القناعه كنز لايفنى ..