ياربي تعبت تعبت انتو كيف تخلون فيكم روح العزيمه والأراده ؟؟ساعدوني لو بكلمه تشجعني

[عهد..]

مرحبـــــــــــــــــــــــــــ كوــــــــيتيـــــات ــــــــــــــــــــــــــــــا
ان شاء الله تكونو بخير يارب..
والله يابنات ابكي ودموعي ماتفارقني من هالجسم تعبت يابنات ماعندي اراده ولاعزيمه
ابطل الرجيم قبل ما ابداء
واذا بديت السبت ابطل اقول ببداء السبت الي بعده وهكذا ..
ورارح عمري وانا اقول بكره بعده...
نزلت موضوع قبل فتره وردت على الخاص رتو الكويت والله كلامها حلو..
بس انا طبقت اسبوع وبطلت حتى ماوزنت كم نزلت..
يارب دخيلك اضعف من غير مرض يارب ...

تخيلو زوجي يقولي عندك كرشه وانا ماعندي
مع انه المفروض العكس انا الي عندي كرشه مو انتي
هو كان يمزح
بس والله انكسر خاطري
هو صادق بس انا ولدت بعمليه قصيره
وطلع لي كرشه واذا سويت تمارين توجعني العمليه
مع انه لي سنتين من سويتها اقدر ابعدها من غير تمارين الكرش؟؟؟

وشي ثاني ابي اي عشبه تسد نفسي عن الاكل عشبه وحده ما احب الخلطات
ياريت الي تعرف تقولي مع طريقتها
لاني مع زوجي بعيد عن اهلي وبس انا وزجي وولدي
فالاكل ما اشبع منه ابدا ياليت الي تعرف تقولي....
بنات انا نزلت هذا الموضوع ابغى منكم ...................................​

1. كلمه ترفع معنوياتي وتقوي ارادتي وقولو لو اشلون اقوي ارادتي شجعوني باقي لي وانزل عند اهلي يمكن 6 اسابيع كم اقدر انزل من وزني فيهم ودي يشوفوني نحيفه وجسمي حلو انا اللحين وزني 60 ولازم يصير 40 او 45على الاقل اقدر يابنات ولا ما اقدر؟؟ ​
2. تكفون كل وحده تقول شو هوه الشي ال طبيعي الي استخدمته ونحفت عليه بسرعه او تمارين او شاي اي شي بس قولو لي تكفون انا متحطمه حدي والله .​
3. انا احتاج الي يشجعني كل يوم فاليت الي باديه رجيم حاليا او مسويه رجيم من زمان ترسل لي على الخاص ونصير نتواصل انا وايها ونقول اليومات ونتواصل وتشجعني وترفع معنوياتي الله لايرد لها دعوها لها فيها خير الي تتواصل معي وتشجعني وياليت لو نصير مجموعه افضل وكلنا راح نستفيد ان شاء الله..​
4. ابسالكم عن الزنجبيل وبذره الكتان تضعف ؟؟ايش احسن طريقه لا ستخدمتها عشان تعطي مفعولها ؟؟ عندي شاي صيني اسمه توقايين الله وكيلكم له عندي فوق شهرين اذا نويت اسوي رجيم شربت منه كاسه وتركت الباقي حد ما انوي مره ثانيه ما ادري اذا استخدمته بينفع ؟؟؟​
5. ادعولي تكفووووووووووووون اني اضعف والله متحطمه لا اراده ولا عزيمه حتى تعبت وانا ابكي والبكي ماراح ينفعني بشي... ​

سامحوني اذا كثرت عليكم طلبات بس والله اني نويت ادعي بصلات اخر اليل لكل وحده بترد على موضوع حتى لو ترفعه بس ...​

 

[لبوة36]

عهوده حبيبتي تو مسوين تجمع في موضوع عز الخويه عشان هالموضوع العزيمه وكل هدفنا كيف نقوي عزيمتنا ونرجم ونخفف هالاوزان الثقيله ونظامها ان كل ثنتين مع بعض فلحقي وادخلي معنا في هالتجمع وان شالله تنحفين ووزنج حلو وايد واذا جان على الكرش اشربي بس قشر مع زنجبيل وشاهي اخضر وامشي وحاولي تشفطين بطنج على كل اوضاعج يعني انتي واقفه او جالسه واكلي اكلج العادي بس قللي فيه وان شالله تنحفين بصحه وعافيه

 

[M!sS roo7 alm!sk]

حــاسه فيج والله ياقلبي ..
أنا أمر بنفس حالتج اللحين..
بس بقولج كم شغله يمكن تفيدج..

حاولي بالاول ترتبين وقتج ونظامج وروتينج..

بعدها حطي قدامج بورقه هالطريقه..

وزنج الحالي = 60
الهدف الاول = 55
الهدف الثاني =50
الهدف الاخير =45

هالحركه تنفع والله..

وخلي قدامج هم ورقه فيها الرجيم اللي راح تتبعينه
وتحته حطي جدول فيه أيام الاسبوع
في حال طبقتي الرجيم في اي يوم حطي صح بداخل جدول هاليوم

جذي بتتشجعين اكثر..

واستمري ع الزنجبيل والدارسين ..

وبذرة الكتان همن مفيده..

هذا اللي عندي غلاتي

عسى الله يسعدج ويريحج وتوصلين لوزنج المثالي..

دعواتج ان الله يحقق لي كل اللي اتمناه..

موفقه دووم..:eh_s(7):
​

 

[أحلى عيون]

حاولي تسوين تجمع او تشتركين مع بنات انج تدخلين بالتجمع وياهم وحااااولي تحلفين انه اكمل لمده شهر على الاقل وبعد مايخلص الشهر احلف مره ثانيه ويكون حلفانج صاااادق وعلى نيه صادقه



احسن شي تجمع البنات صدقيني مانزل وزني بعد ربي غير التجمعات سويت تقريباا 4 تجمعات نزلت عليهم 32 كيلوو تبارك الرحمن

 

[عهد..]

يارب لا يحرمك الاجر يارب واوعدكم وكل وحده ردت علي اني ادعي لكم بسجودي بين يدين رب العالمين ان الله لا يرد لكم دعوه
يارب​

 

[blondeya-pretty]

شوفي جسم كيم كارداشيان وبتتشجعين صدقيني لووول والله ما فادتني الا هالطريقة

 

[فجوره]

والله حاسه فيج كلنا مرينا بهالحاله بالأول لين ما صار عندنا عزيمه

انتي تبين تنزلين بسرعه أفضل رجيم لج التمر واللبن

واخذي التمر الناشف أو تمر الاخلاص أو الرطب

طريقة هالرجيم :-


الفطور : 7 تمرات + لبن خالي الدسم أو روب

الغذاء : 7 تمرات + لبن خالي الدسم أو روب

العشاء : 7 تمرات + لبن خالي الدسم أو روب


واذا جعتي بين الوجبات اكلي خس أو كيوي أو أناناس

واذا تعشيتي مبجر وسهرانه تبين اي شي يسد جوعج اشربي عصير أناناس أو جريب

فروت أو برتقال


وبعد كل وجبه اشربي شاي أخضر صيني + ليمون + كمون + زنجبيل

وقبل الوجبات ما عدا الفطور شربي شاي أخضر بروحه يفضل الشاي الصيني


وبقولج عن وصفة شاي أعشاب تشربينها مرتين باليوم بأي وقت تبينه

شاي أخضر صيني + شمر + مراميه + اشوي قشر الرمان + كمون + زنجبيل +

قشر القهوه + دارسين مطحون

سوي لج علبه بهالأعشاب بكميات متساويه وخليها عندج وشربي منها

كوبين باليوم حطي قفشه بالكوب وصبي عليها ماي حار


وفي شيء بضيفه لج اذا حابه تسوينه سويه في أعشاب عند العطار

اسمها النقوعه هذه تشربين منها كوبين باليوم كوب الصبح وكوب بالليل

لمدة شهريـن تخلي بطنج لاصق بظهرج

وكثري من شرب الماي بس قبل الوجبات وبعد الوجبات لا تشربين الا بعد نص ساعه

عشان ما يطلع لج كررش


وحاولي تمشين باليوم ساعه واذا ما قدرتي خليهم 45 دقيقه


واشتري شورت تخسيس وخلج لابسته طول اليوم وعند النوم قطيه راح يخفي بطنج

وانتي تمشين وتسوين رجيم


صدقيني استمري على اللي أقولج عليه أسبوووع بس وراح تستانسين بالنتايج


وأهم شيء قيسي وزنج قبل لا تبلشين الرجيم عشان تعرفين جم نزلتي بعد أسبووع

جربي هالنظام والله ما راح تندمين

وبشريني بعد أسبوع بالنتايج الحلــــــــــوووووووه


أهم شيء خلي عندج اراده ترى الأكل موجود ما راح يطير ولا بيشيلونه من الجمعيات

لا تحاتين



​

 

[كويتية-رزة]

سوووي مثل ماقالتلج مس رووح
واشتري لج ثووووب عاجبج بس مقاسه صغير وحطيه
في الكبت عشان يحز بخاطرج انج ماتلبسينه
وتتشجعين تسووووووين الرجيم
http://www.q8yat.com/t846408.html
هذا المووووووضوع حلو بعد الله يووووفق اللي مسويتة

 

[عهد..]

مشكوره فجوره حبيبتي ان شاء الله راح امشي على هالرجيم باذن الله
وتصدقين ايش الي اثر فيني من كلامك
الاكل ما راح يطير اي والله صادقه مراح يطير وراح انزل:rerrerek: باذن الله ....

 

[عهد..]

حــاسه فيج والله ياقلبي ..
أنا أمر بنفس حالتج اللحين..
بس بقولج كم شغله يمكن تفيدج..​

حاولي بالاول ترتبين وقتج ونظامج وروتينج..​

بعدها حطي قدامج بورقه هالطريقه..​

وزنج الحالي = 60
الهدف الاول = 55
الهدف الثاني =50
الهدف الاخير =45​

هالحركه تنفع والله..​

وخلي قدامج هم ورقه فيها الرجيم اللي راح تتبعينه
وتحته حطي جدول فيه أيام الاسبوع
في حال طبقتي الرجيم في اي يوم حطي صح بداخل جدول هاليوم​

جذي بتتشجعين اكثر..​

واستمري ع الزنجبيل والدارسين ..​

وبذرة الكتان همن مفيده..​

هذا اللي عندي غلاتي​

عسى الله يسعدج ويريحج وتوصلين لوزنج المثالي..​

دعواتج ان الله يحقق لي كل اللي اتمناه..​

موفقه دووم..:eh_s(7):​

الله يحقق لك كل ماتتمنين يارب وما يرد لك دعوه ان شاء الله على هالرد الحلو الي شجعني ان ابداء الرجيم مشكووووووووووره حبيبتي ...
​

 

[عهد..]

سوووي مثل ماقالتلج مس رووح
واشتري لج ثووووب عاجبج بس مقاسه صغير وحطيه
في الكبت عشان يحز بخاطرج انج ماتلبسينه
وتتشجعين تسووووووين الرجيم
http://www.q8yat.com/t846408.html
هذا المووووووضوع حلو بعد الله يووووفق اللي مسويتة

حبيبتي ما يحتاج اشتري ثياب
عندي ثيابي من جهازي وانا عرروسه
تخيلي كلفتني يمكن خمس الاف ريال سعودي
وحملت بدي مشاء الله وماقدرت البسهم كلهم
وباقين بعضهم جديده وبعد الولاده متنت وصار لي سنتين
مو مسويه رجيم وبس اطالعهم نفسي البسهم .. وربي ماركات وفساتين زوجات صديقاتي الي بعدي تزوجو يهبلون ومو قادره البسهم بس اطالعهم
بس انا ماعندي اراده ولا عزيمه بس ان شاء الله تجي باذن الله....


الموضوع الي بالرابط مرررررره يهبل
الله يسعدك دنيا واخره على هذا الرابط يارب ويسعد الي سوت الموضوع يارب .....​

 

[عهد..]

شوفي جسم كيم كارداشيان وبتتشجعين صدقيني لووول والله ما فادتني الا هالطريقة

مشكورررررررره حبيبتي وان شاء الله بشوفه الحين وبحط صوره على الثلاجه عشان كل ما ابغى اكل ابطل هههههههههه ​

 

[شوشو الشقيه]

يسلمو يا اختي
والله نفس مشكلتج الي تحسينه كل يوم انا ابكي نفس حالتج

بسبب زيادة وزني
انتي متزوجه يعني حلو جسمك 60
بس انا بنت توني عازبة اذا عازبة وزني 60 تخيلي لو تزوجت كم بيصير وزني يعني بوصل 100
حتى امي تقولي وزنك زايد
يا اختي نفسيتي زفت بسبب زيادة وزني
لدرجه كل يوم ابكي بسبب هذه الحالة
والمشكلة اني كنت سابقا ملكة رشاقه وبنات عماتي يتضايقون ينقهرون مني
اما الان الحين يتشمتون فيني لان وزني زايد
تخيلي كل ما ياتون بيتنا ارجع ابكي
لانهم يتشمتون علي
صدق ما يقولن بكلامهم بس نظراتهم ونغزات احسهاااااااااا
لانهم كانوا قبل منقرين مني لاني اضعف منهم
والحين كل ما يزيد وزني يستانسون ويفرحون كانها حلفه
ما اقدر اوقف اكل 24 ساعه اكل
ولا احس بشبع
كل ما انقهر اكل
مثلا اذا قلت اليوم بسوي رجيم استمر من الصبح الي الظهر
في الليل اخربط واكل كل مافيه خاطري
انا زايد وزني من حالة النفسيه
كل ما انقهر اكل وكل ما اتذكر احد قهري اكل
ما عندي اراده اسوي رجيم
اسوي يومين ويوم الثالث اكل اخربط
على اشياء تافه اكل سندويش جبن
اخربط رجيم بسبب سندويش جبن تخيلي
كل يوم ابكي لما اشوف جسمي اخترب
ما عندي ولا ذرة ارادة عشان اسوي رجيم
ولا اسوي رياضه ولا اتحرك
كله جالسه حاطه يدي على خدي
او ادخل النت
والله محتاجه بنت او قروب بنات تشجعني
لو كليت تهاوشني تقولي لا تاكلين يا شوشو
ودي استمر لو شهر كامل
اقول بستمر ابدا اكل اليوم الثاني
خاطري شهر واحد استمر يا اختي
خاطري استمر نفس بنات رياضه ورجيم
تشوفيني الحين اوعدج لن اكل
تسئليني باكر اقولج خربطت رجيم
24 ساعه اكل والله العظيم 24 ساعه اكل
انا استغرب من نفسي ما احس الشبع ابدا
اكل الحين ساعه 4 ساعه 5 اكل لي طبق شيء ثاني
انا مو هامني شكلي بس الي يجرحني من داخل ان
عذالي يتشمتون علي
اشوف6 بنظرات استهزاء و امنية حياتهم تحقق
كل انا هذه حالتي ابكي
شنو اسوي شنو الحل مو عارفه
ومشكله خايفه يزيد وزني مع الوقت
اذا الحين 60
في خلال اسبوعين وصل 62 تخيلي
اسبوعين الي فاتوا
كيلوين زادوا
تخيلي خلال سنة لن اطوف الباب
مو عارفه شلون ارجع ارادتي وطموحي اني اضعف
ارادتي صايره لتحت
بس ابكي هذه حالتي
طولي 159 وزني 62
مشكلة عويصه
شنو اسوي موعارفه
ابي وحده تشجعني كل يوم بس انا لا احب التواصل بالخاص
احب التواصل على عام
خلي موضوعج محدث كل يوم انتي تحدثين برد
تكتبين يومياتج
وانا اكتب يومياتي
تشوفين الحين بقولج بشترك معاج اخربط الرجيم ثاني يوم

انا عندي حل لي
ولج
نسوي قروب كل يوم تكتبين يومياتج
انا طبعا لن اعمل رجيم
لاني اعرف نفسي لن التزم فيه
بس بسوي رياضه
المفروض انا وانتي كل يوم نسويهااااااااااااا
لو ما سويتها ترى اهاوشج
كل وحده اذا غلطت تعاتب الثانية
عشان تحس انها غلطانه بحق نفسهااااااااا
http://www.youtube.com/watch?v=HPIw0t-xA-o

كل يوم انتي انا وانتي نسوي هذه الرياضه
اذا سوينها تجين هذا الموضوع تقولين التزمت في رجيم
والتزمت في رياضه

انا اعرف نفسي لن اعمل رجيم
بس على الاقل اسوي رياضه عشان لا يزيد وزني

اليوم نبدا رياضه
انا اليوم ببدا الرياضه وانتي شوفي الموضوع بدئي
وكل يوم واجب عليج تدخلين موضوعج تكتبين انج التزمتي في رياضه


اليوم تاريخ 26 ابريل
من تاريخ 26 ابريل الي شهر 15 /5/2011رياضه
تشوفين المقطع من نت تسوين نفسه

 

[شوشو الشقيه]

اختي قرري وردي علي

بس الخاص انا لا اتواصل
انا فقط اتواصل العام
من خلال موضوعج نسوي رياضه
مدة شهر
يا بنات الي يريد يشترك معانا تعالوااااااااااااا