شعره شلناها من شاربنا ؟؟؟؟؟؟؟؟؟؟؟؟

[zahraaa2011]

السلام عليكم.......كويتيات
في بعض العوائل تفرح بالعروس الجديده التي انضمت لاسرتهم وصارت وحده منهم يفرحون فيها ويعدونها وحده من بناتهم ويعطونها قدرها واحترامها
وهذا ينطبق على الكلام اللي يقول: شعره من شاربنا حطيناها بشاربكم
وهناك لللاسف عوائل غريبه يعاملون الجنه بقسوه ما جنها مرت ولدهم
وياذونها اذيه العالمين
انتو شرايكم؟؟؟؟؟؟؟؟؟؟

 

[نونو العصله]

حسب الجنه والحموله
مافي بيت مافيه مشاكل
وقليل اللي تلقينهم متفاهمين

 

[كليـ دلعـ]

الايااااوييد تستحي وتقدرر

والهيلق لاحيا ولاحشيمه

خلينا ساكتين احسن

 

[leeny]

الحموله وااااه ما ادراكي ما الحمولة
مايعرفون ولدهم ويحبونه ويبون منه كل شي الا لاصار عنده مره وتزوج
ماعندهم شي فااااضين وياهم شي يديد اخذي عاد الحط عليها مسيجينه
بس في ناس مايخافون من الله ياحبيبتي عبالهم دايمتلهم مايدرون وراهم يوم عظيم وحساااااب عسير وغارتهم الدنيا
بس انا دايما اقول وكلتامري لرب الفلق فارتحت من هم ماخلق ولا لو احد شاف اللي شفته من حمولتي والله شي من اثنين يا انها تتطلق يا انها بالطب النفسي او اذا ضعيف ايمانها تنتحر

 

[iLLuMinaTion]

تسلمين على الطرح

 

[Miss Chanel]

موكل الناس جذي

الناس فيها الزين والشـــــــين

 

[الشهد كله]

والله يا حبيبتي كل واحد يتعامل مع الثاني بأصله سواء الحمولة أو الجنة

ولا أعتقد هالزمن في جناين جليلة لسان ، تشوفينها هادية عند أهلها وإذا تزوجت

راحت إهي ولسانها !!!!!!!!!!!

بس آنا أقول التطنيش أحسن حل وأفضل علاج من المشاكل ​

 

[سوسن1980]

اذا كانت الحموله طيبين تصير الكنه شرانيه والعكس صحيح قليل ماتلقين سمن على عسل

 

[الدااانــــه]

اذا كانت الحموله طيبين تصير الكنه شرانيه والعكس صحيح قليل ماتلقين سمن على عسل

:eh_s(15):

 

[حلوه ولمآحه]

>>اصابع يدج مو سواء
فيه الي عسل وفيه الي سم

 

[مــ_ــا مــ_ــي]

مرت اخوي عندي مثل الاخت واكثر. مثل ما أحب لنفسي أحب لها هي بعد .. ما زوجناها عشان نستعبدها او نكرهها هذي اول شي مرت اخوي وام عياله يعني صارت منا وفينا .. الا اذا هي سوسه ونقالت حجي وكريهه نتركها في حال سبيلها ولا نتدخل بأمورها.. ومن حسن اسلام المسلم ترك ماله يعنيه .. اصلا عيب لما الوحده تحشر روحها بين اخوها وزوجته وتنشب لهم بالدخله والطلعه ... الحين الدنيا بخير محد متعطل على احد . ما نبي الا الكلمه الطيبه وصلة الرحم .. والحمد لله والشكر ربي رازقنا بحريم ثنتين احلى من العسل والله لا يغير علينا

 

[فوفو22]

التعامل بالاساس يرجع

للبيئة ومستوى الاخلاق لدي الافراد

وكل شخص يتعامل مع الثاني حسب اخلاقة وبيئته

واتوقع بوقتنا هذا

خفت المشاكل حيلللل بين الجنه والحموله

لاسباب عديده

فوفو

 

[بنت الاحلام]

حسب الناس وتربيتهم واخلاقهم والجنه اول وتالي بنتهم وبذمتهم حرام المشاكل ما وراها الا عوار الراس

انا مرت اخوي حاسبتها نفس خواتي بالضبط واود لها كل خير والحمد لله ما في بينا مشاكل

 

[دلع العتبان]

صدقتي والله ناس شكثر هيلق مايقدرون مرت ولدهم مابالج ببنت العم بعد طيب هيه شعره من زمان بينكم لووووول

الله المستعان

 

[قلبي عبدالله]

الايااااوييد تستحي وتقدرر

والهيلق لاحيا ولاحشيمه

خلينا ساكتين احسن

درر ياختي درر:eh_s(15)::eh_s(15):

 

[الزين كله.]

up

up

 

[" ام حمود "]

الله يعين

 

[فلنتينو]

كل واحد وطيب اصله

 

[ام شووووق]

كلن يعامل الانسان بأصله

 

[مناير ...!]

انتي قلتيها
فيه النوعين