~ جدول للخادمة الجديدة . . . ممكن ~ *

[بنوته السعوديه]

السلام عليكم ورحمة الله وبركاته

حبيبات الفراشاة .. الموضوع باين من عنوانه
أنا خلال أسبوعين بتجيني شغالة إندنوسية جديدة

فياليت أي وحدة تدخل وعندها شغالة تعطيني خبرة في كيفية نظام الشغالة في ترتيب البيت
فيه ناس يقولون سوي لها جدول
عاجبتني فكرة الجدول بس بصراحة أبي تجاربكم
وإلي ما عندها خلفيه ياليت ترفع الموضوع . . . علشان أستفيد وأفيد غيري


وجزاها الله خير الجزاء من تساعدني وجعله الله في موازين حسناتها

​

 

[TBOOLA]

اي والله حتى انا خدامتي على وصول اثيوبيه يديده طبعا لا انجليزي ولا عربي
اشلون بحط لها جدول ودي اكتبه في ورقه وتقراه اول ماتيي
فيدونا

 

[انا حبه للابد]

للرفع

 

[بمبرة]

حبيبتي.....

انا داشه عرض على الموضوع

من اي مكتب طالبتها لانهم موقفين الاندونيسيات:bbbiu:

 

[بنوته السعوديه]

:eh_s(7):

حبيبتي.....

انا داشه عرض على الموضوع

من اي مكتب طالبتها لانهم موقفين الاندونيسيات:bbbiu:

من مكتب الفالح للاستقدام بالرياض

 

[خالف تعرف]

اندونيسيه تقل البيت كله على كيفها بالسحر عشان جذي ما انصحج تدخلينها البيت
لمن صار تسونامي طلع السحر الي بالبحر ونص الي بالمستشفيات قامو وصحو
لان كل اغلب البيوت في السعوديه فيهم اندونيسيات

 

[TBOOLA]

البنت اسألت تبي جدول
خرعتوها احنا ندري عن سوالف الخدم بس يمكن تطلع زينه خدامتها لا تعممون

 

[aroosalshemal]

اندونيسيه تقل البيت كله على كيفها بالسحر عشان جذي ما انصحج تدخلينها البيت
لمن صار تسونامي طلع السحر الي بالبحر ونص الي بالمستشفيات قامو وصحو
لان كل اغلب البيوت في السعوديه فيهم اندونيسيات

هوهوهوهوهوهوهوهوهوهوهوهوهوو


وانتي اشدراج ؟؟؟؟؟؟؟


اشوف طول عمري وانا على الاندونسيات ولله الحمد ما صار فينا شيئ

تعوذوا من الشيطان واترموا هالخرابيط ..... الزين والشين بكل جنسيه تلقينه


حتى بينا يالكويتيين

 

[متواضعة]

انا بعد ابي جدول ... ياريت اذا حصلتي اتفيدينا

 

[قدســـاوية]

ههههههههههههههههههه


الردود تضحك

انا سويت جدول حق خدامتي بس لا انا ولا اهي التزمنا فيه

لان احسه غلط كل يوم تحتاجين شغله غير وكل يوم تطلع لج شغله عرض

 

[ام الدرر]

حبوبة الجدول ماينفع لان كل بيت يختلف شغله عن الثاني
وكل وحده تختلف بطلباتها عن الثانية
هذي شوية تعليمات ممكن انتي تحطين لها جدول اذا حبيتي
1-نظافتها الشخصية والمطلوب منها تسويه والاشياءاللي انتي بتوفرينه لها
2- وقت النوم وساعة الاستيقاظ انتي تحددين لها
3- الاشياء المطلوب منها تسويها يوميا غسيل ملابس -تنظيف غرف -طبخ
4- الاشياء المطلوب منها تسويها كل يومين 3 او اسبوعيا
وهذي افكار تساعدج بالجدول
ايام الدوام تصحى 6 مثلا وتجهز فطور اذا انتو تفطرون قبل الخروج -العطل تصحى 8 مثلا
تساعد بتجهيز الطفال
تشغل الغسالة وطبعا الغسييل يوم للاطفال ويوم لملابسج وزوجج
تنظف الغرف كنس وغسيل ارضيات
تخلص غسيل ملابس تغسل الحمام
اذا تطبخ تجهز للطبخ
تجهز للغدا وبعد الغدا ترتاح ساعة الى ساعتين بغرفتها
تلم الملابس وتجهز للكوي
وتجهز عشا
تجهز ملابس بكرة للمدارس او للدوام
الاشياء اللي تسويها اسبوعيا طبعا مو كله بيوم واحد
الخميس مثلا تنظيف الشبابيك والستاير
الجمعة تنظيف شامل للغرف وتبديل الشراشف
والله يعطيج خيرها ويكفيج شرها​

 

[حيوته]

مشكووووووووره يا ام الدرر أفدتيني آنا بعد :**

 

[متواضعة]

مشكوره حبيبتي

 

[ام الدرر]

مشكووووووووره يا ام الدرر أفدتيني آنا بعد :**

العفو حبيبتي
عسى الله يكافيكم شرهم​

 

[أم لطووف]

انا بتييني خدامه ثانيه ولي الحين حوستي مع الاولى ما خلصت الله يستر

 

[بـــدون إسم]

أولا مبروك عليج و الله يكفيج شرها

يا حياتي صعبة تلتزمون بالجدول
لكن انا عندي فكرة لج

علميها الأكلات للي تصلح ريوق و عشا
و سويلها جدول بالريوق و العشا و هالجدول اسبوعي يعني كل اسبوع تعطينها واحد -------------> هذا الطبخ خلصنا

و علميها على طريقتج بالنظافة يعني الادوات المستخدمة و المنظفات و كل مكان و وشلون تنظفة

و قوليلها الحمامات كل يوم

و الغسيل متى تبينه (على حسب في ناس يغسلون كل يوم وناس يوم بعد يوم)

علميها شلون تفرغ الثلاجة و تنظفها


و لمن تعرف كل شي استخدمي طريقة الأوامر


لأن شغل البيت مو روتيني يعني في يوم بيجونج ناس و تحتاجينها

و يوم ثاني انتي بتطلعين

و بالتوفيق يا عمري

 

[بـــدون إسم]

أولا مبروك عليج و الله يكفيج شرها

يا حياتي صعبة تلتزمون بالجدول
لكن انا عندي فكرة لج

علميها الأكلات للي تصلح ريوق و عشا
و سويلها جدول بالريوق و العشا و هالجدول اسبوعي يعني كل اسبوع تعطينها واحد -------------> هذا الطبخ خلصنا

و علميها على طريقتج بالنظافة يعني الادوات المستخدمة و المنظفات و كل مكان و وشلون تنظفة

و قوليلها الحمامات كل يوم

و الغسيل متى تبينه (على حسب في ناس يغسلون كل يوم وناس يوم بعد يوم)

علميها شلون تفرغ الثلاجة و تنظفها


و لمن تعرف كل شي استخدمي طريقة الأوامر


لأن شغل البيت مو روتيني يعني في يوم بيجونج ناس و تحتاجينها

و يوم ثاني انتي بتطلعين

و بالتوفيق يا عمري

 

[متواضعة]

مشكوره

 

[أم حسيب]

مو جدول يومي الزامي لأن ممكن تطلع شغلات مستعجلة بنفس اليوم
بس حددي لها مثلا المطلوب بشكل يومي والمطلوب بشكل اسبوعي

 

[HearT ChocolaTe]

الله يعطيج خيرها ويكفيج شرها وام الدرر كفت ووفت
انا سويت جدول وفشل ~ قمت لما اقوم الصبح اعطيها الشغل اللي لازم تسويه
وانا برا البيت عشان لما ارد القاها خالصته ~ ولما اكون بالبيت انا اعرف
شنو اللي علي وشنو اللي لازم هي تسويه

تحياتي