ها الشي عادي

[رغدان]

خواتي كوتيات حبيت اعرض مشكله لرفيجتي واهي تعبانه حيل منهاوقلت لها مالج الاخواتج كوتيات والمشكله عن زوجها واهي انه بعد مايخلص من المعاشره يصارخ ويبي يضربها بس اهو موقصده لاارادي اويبي يكسر اي شي ها الشي عادي او انه يعرض نفسه على دكتور لانها خافت على عمرها حتى انها اكرهت معاشرته لين يشوف له حل

 

[بتبوتااا]

يعني لو بالجماع جان قلنا سادي بس ورا الجماع شي غريب خيروح دكتور نفسي احسن له :/

 

[G!RLooNa]

عفيه طاقه ما تخلص

خلص و بعد بكسر و يطق فيه شده بعد

 

[" ام حمود "]

لاا مااعتقد شيء عاديء .. لو بالجماع قلنا يمكن للحين متآثر ههههههه
بس ورا الجماع غريبة اول مره اسمع فيه بصرآحه .. تصرفاته غريبه

 

[ترجمة احساس]

تصرف غريييييب

 

[ELFAD3Ah]

خل يشوف دكتور لا البنيه تروح من جيس اهلها

 

[قــل مـا تـشـاء]

ياااربي الله يعيييينها ويشافيه ويعافيه
مافيه حل الا انها تدق على اخصائي نفسي وتسئله عن حالة زوجها

 

[ورود خذلتها العاصفه]

عفيه طاقه ما تخلص

خلص و بعد بكسر و يطق فيه شده بعد

ههههههههههههههههههههههههههههههههههههههههههههه

 

[أسيرة بدران]

أول شي كتبي عدل كويتيات نفس ماكتبتيها عشان تدخلين المنتدى ثانيا أزمة رفيجتج موعاديه الريال لو يطق ويصارخ بوقت العلاقه عادي بس بعدها لأ مو طبيعي يمكن مايحبها ويبي يطقها من الله الدكاتره النفسيين راح يفيدون رفيجتج أكثر

 

[رو&الشقاوة&وح]

الله واعلم

بس في بعضهم مايبلغ ذروتة الا من هالشغلات يعني هالتصرفات الشاذه تعطيه شعور بالشبع

خل تقعد وياه وتفهمة اما انه يعالج روحه ويشوف له حل او انها ماتعيش وياه

باجر بيذبحها وجنه العيد

 

[رغدان]

اشكركم على الرد طيب اللي تعرف رقم دكتور يعرف للحالات يعطيني رقمه

 

[أسيرة بدران]

ماعندي رقم دكتور ان شاء الله أحد بدالي يفيدج و قولي حق رفيجتج اتدور يعني لو متضايقه صج من تصرفاته ليش ماتتحرك

 

[نونه المنكوشه]

الله يعينها بس مريض او معقد مره قريت كتاب كاتبين فى نوعيه من الريايل اذا خلص يكره المره ويحتقرها فيقوم يصرخ ويمكن يمد ايده فاتوقع اهوه من هالنوع ماقدر افصل اكثر بس لازم اتكلم معاه واتشوف ليش جذى او اتقوله الله مكثر الدكاتره روح تعالج بس لاتقعد اتصرخ جنك مينون