السلام عليكم أخواتي العزيزات،
عساكم بخير؟ من زمان عنكم و الله بس انا ما احب انزل إلا الشيء الجديد الحار من الفرن
شعندي اليوم؟ مطعم جديد توه فاتح في فيفتي تو ديغرييز اللي بمجمع التلال في منطقة الشويخ الصناعية
قبل لا تقولون ويه فيفني تو ظلمة و قمتة و غالي اقولكم نطروا علي، انا مو من رواد فيفتي تو لكن هالمطعم صاحبته أعرفها و رحت... و يا ليتني ما رحت. ليش؟ لأني تولعت بصراحة... شوفوا الصور و حكموا و قولولي شرايكم
أول شيء صفطنا عند فيفتي تو برة و الجو غبااااار
http://032a750.netsolhost.com/WordPress/wp-*******/uploads/2011/05/rbraftd21.jpg
دخلنا داخل و من الأصنصير على طول طلع لنا المطعم يعني ممكن الواحد يدش ياكل و يطلع بدون ما يمشي داخل فيفتي تو إذا ماله خلق
الملفت في المطعم انه ديكوراته حلوه مودرن بيج و بني بس بدون لوية لكن في مكان واحد عند الدريشة كله قنفات حمر غريبة و بما انه رايحين مبجر و ماكو أحد ركضنا جعدنا هناك هيهيهي
By danderma at 2011-04-30
المنيو صفحة بطن و ظهر. البطن كله المقبلات و السلطان و الأطباق الرئيسية. الظهر كله كيك و حلويات أشكال و أرناق. قلت دام جذي ماراح أطلب انا طبق رئيسي عشان احلي
طلبنا و انا شربت سبرايت دايت. شوفوا القلاص شلون شكله بارد
على ما أيي الأكل قمت اصور الثلاجة. كيكة الريد فيلفت شكلها روعة تشوق
الووبي باي. اهمه اساسا بدوا كمحل في البيت يبيع ووبي باي اللي اهو كب كايك مقلوب من برة كيك و من داخل الكريمة. وايد لذيذ بالمناسبة مرة حطوه في برنامج تو الليل
بعدين وصل الأكل. أول شيء طلبناه كرات البطاطا
انا يوم قريت كرات البطاطا بالمنيو قلت اكيد هذا من بطاط الجياس المدور اللي يقلونه و يعطونه الأوادم. طلع لا وعليه اهم مسوينه يبشرون البطاطا و يحشونها جبن و يقلونها و حدها لذيييييييييذه
و معاها 3 تغميسات: كتشب و جبن سايح و صلصة وردية مادري شنو بس أحلى شيء الكتشب. ماله داعي اقولكم انه من سواد ويهي قضيت على البطاط كله. الناس الذربة تاكل بطاطة بطاطتين مو كل البطاط و انا يكون متنانة و مسوية رجيم.
شوفوا شلون الجبن انتيفة داخلها؟ ممو متروسة بحيث انها تقث ابدا ممتازة
عقب الكرات البطاطسية اللذيذة وصلت السلطة. إهي سلطة جبن الماعز مع المكسرات بالكرامل و الأوراق الخضراء عليها صلصة الخل بالنعناع.
إذا انتم من الناس اللي ما تحبون جبن الماعز على بو طعمه طعم صخول لا تحاتون، الصلصة مالت السلطة من كثر ماهي لذيذة تغطي على زفرة الجبنة أو طلبوها بدون جبن لكن حسافة لانه الجبن شوية ثلاث كرات مو امفتقت. لا تطوفكم هالسلطة.
الطبق اللي عقبه كان بتوصيه من صاحبة المطعم. انا اساسا ما كنت ابي اطلبه لاني ما أحب البيديان وايد بس قالت لي ترا هذا لازم تجربينه فقلت أوكي...
الطبق عبارة عن طبقات من البيديان المشوي المغطي بصلصة الطماطم و صلصة بيضاء مع موزاريلا سايحة و جبنة بارمزان
حلو؟
مع إني ما احب البيديان وايد، لكن من كثر ما هالطبق حلو قضيت عليه و قمت الحس الشوكة! انقلبت هيليقية بس ما قدرت اخلي الصلصة! صلصة الطماط تعقد... الصلصة البيضاء خفيفة و البيديان متشرب الصلصات عدل و طعمه صار كأنه لزانيا مو بايديان... هم لا يطوفكم
الطبق الرئيسي الوحيد اللي طلبناه كان باستا لينجويني مع شرائح اللحم بصلصة الليمون
شخباره؟ طاااار! لذيذ و ناطع و مو شيء متعودين عليه موجود في كل المطاعم.
بعدين عاد يه وقت الجلو. كان عندهم كيكة شكلها يشوق بيضاء و كلها أنواع من التوت و الفراولة فطلبناها
حبيت التزيين مالها
و الطعم؟ خياال... تذوب بالحلج ذووب ذووب و متروسة توت...
الكيكة الثانية اللي طلبناها كانت ريد فيلفت مولتن كيك اللي المطعم يتميز فيها و من داخلها الفروستنج الأبيض اللذييذ
يوم بغينا نطلب المشروبات الساخنة سألناهم شنو عندكم انواع الشاي فيابولنا قوطي شاي من المحل الكشخة اللي في مارينا و أفنيوز اللي ما أعرف انطق أسمه
فطلبنا شاي الكامومايل و قهوة سوداء
بالنهاية طلع الحساب علينا 20 دينار مع إنه ماكلين المنيو كله ماشاء الله.
الشيء اللي ما عجبني بالمكان انه كمية الطعام وايد كبيرة و ما تخلص. حطوا في بالكم هالشيء.
و هم ليلحين ما فيه طفايات على الطاولات و لا يعطون ضيافة لكن قالوا من الأسبوع الياي بيبدون يعطون.
الخدمة ممنازة و المكان حلو و القعدة عند الدريشة كانت شرحة الله خير. الاسعار مناسبة و أهم شيء الأكل لذيذ لذيذ لذيذ.
لا يطوفكم بنات!
عساكم بخير؟ من زمان عنكم و الله بس انا ما احب انزل إلا الشيء الجديد الحار من الفرن
شعندي اليوم؟ مطعم جديد توه فاتح في فيفتي تو ديغرييز اللي بمجمع التلال في منطقة الشويخ الصناعية
قبل لا تقولون ويه فيفني تو ظلمة و قمتة و غالي اقولكم نطروا علي، انا مو من رواد فيفتي تو لكن هالمطعم صاحبته أعرفها و رحت... و يا ليتني ما رحت. ليش؟ لأني تولعت بصراحة... شوفوا الصور و حكموا و قولولي شرايكم
أول شيء صفطنا عند فيفتي تو برة و الجو غبااااار
http://032a750.netsolhost.com/WordPress/wp-*******/uploads/2011/05/rbraftd21.jpg
دخلنا داخل و من الأصنصير على طول طلع لنا المطعم يعني ممكن الواحد يدش ياكل و يطلع بدون ما يمشي داخل فيفتي تو إذا ماله خلق
الملفت في المطعم انه ديكوراته حلوه مودرن بيج و بني بس بدون لوية لكن في مكان واحد عند الدريشة كله قنفات حمر غريبة و بما انه رايحين مبجر و ماكو أحد ركضنا جعدنا هناك هيهيهي
By danderma at 2011-04-30
المنيو صفحة بطن و ظهر. البطن كله المقبلات و السلطان و الأطباق الرئيسية. الظهر كله كيك و حلويات أشكال و أرناق. قلت دام جذي ماراح أطلب انا طبق رئيسي عشان احلي
طلبنا و انا شربت سبرايت دايت. شوفوا القلاص شلون شكله بارد
على ما أيي الأكل قمت اصور الثلاجة. كيكة الريد فيلفت شكلها روعة تشوق
الووبي باي. اهمه اساسا بدوا كمحل في البيت يبيع ووبي باي اللي اهو كب كايك مقلوب من برة كيك و من داخل الكريمة. وايد لذيذ بالمناسبة مرة حطوه في برنامج تو الليل
بعدين وصل الأكل. أول شيء طلبناه كرات البطاطا
انا يوم قريت كرات البطاطا بالمنيو قلت اكيد هذا من بطاط الجياس المدور اللي يقلونه و يعطونه الأوادم. طلع لا وعليه اهم مسوينه يبشرون البطاطا و يحشونها جبن و يقلونها و حدها لذيييييييييذه
و معاها 3 تغميسات: كتشب و جبن سايح و صلصة وردية مادري شنو بس أحلى شيء الكتشب. ماله داعي اقولكم انه من سواد ويهي قضيت على البطاط كله. الناس الذربة تاكل بطاطة بطاطتين مو كل البطاط و انا يكون متنانة و مسوية رجيم.
شوفوا شلون الجبن انتيفة داخلها؟ ممو متروسة بحيث انها تقث ابدا ممتازة
عقب الكرات البطاطسية اللذيذة وصلت السلطة. إهي سلطة جبن الماعز مع المكسرات بالكرامل و الأوراق الخضراء عليها صلصة الخل بالنعناع.
إذا انتم من الناس اللي ما تحبون جبن الماعز على بو طعمه طعم صخول لا تحاتون، الصلصة مالت السلطة من كثر ماهي لذيذة تغطي على زفرة الجبنة أو طلبوها بدون جبن لكن حسافة لانه الجبن شوية ثلاث كرات مو امفتقت. لا تطوفكم هالسلطة.
الطبق اللي عقبه كان بتوصيه من صاحبة المطعم. انا اساسا ما كنت ابي اطلبه لاني ما أحب البيديان وايد بس قالت لي ترا هذا لازم تجربينه فقلت أوكي...
الطبق عبارة عن طبقات من البيديان المشوي المغطي بصلصة الطماطم و صلصة بيضاء مع موزاريلا سايحة و جبنة بارمزان
حلو؟
مع إني ما احب البيديان وايد، لكن من كثر ما هالطبق حلو قضيت عليه و قمت الحس الشوكة! انقلبت هيليقية بس ما قدرت اخلي الصلصة! صلصة الطماط تعقد... الصلصة البيضاء خفيفة و البيديان متشرب الصلصات عدل و طعمه صار كأنه لزانيا مو بايديان... هم لا يطوفكم
الطبق الرئيسي الوحيد اللي طلبناه كان باستا لينجويني مع شرائح اللحم بصلصة الليمون
شخباره؟ طاااار! لذيذ و ناطع و مو شيء متعودين عليه موجود في كل المطاعم.
بعدين عاد يه وقت الجلو. كان عندهم كيكة شكلها يشوق بيضاء و كلها أنواع من التوت و الفراولة فطلبناها
حبيت التزيين مالها
و الطعم؟ خياال... تذوب بالحلج ذووب ذووب و متروسة توت...
الكيكة الثانية اللي طلبناها كانت ريد فيلفت مولتن كيك اللي المطعم يتميز فيها و من داخلها الفروستنج الأبيض اللذييذ
يوم بغينا نطلب المشروبات الساخنة سألناهم شنو عندكم انواع الشاي فيابولنا قوطي شاي من المحل الكشخة اللي في مارينا و أفنيوز اللي ما أعرف انطق أسمه
فطلبنا شاي الكامومايل و قهوة سوداء
بالنهاية طلع الحساب علينا 20 دينار مع إنه ماكلين المنيو كله ماشاء الله.
الشيء اللي ما عجبني بالمكان انه كمية الطعام وايد كبيرة و ما تخلص. حطوا في بالكم هالشيء.
و هم ليلحين ما فيه طفايات على الطاولات و لا يعطون ضيافة لكن قالوا من الأسبوع الياي بيبدون يعطون.
الخدمة ممنازة و المكان حلو و القعدة عند الدريشة كانت شرحة الله خير. الاسعار مناسبة و أهم شيء الأكل لذيذ لذيذ لذيذ.
لا يطوفكم بنات!
