رأيكم بخصوص أن يولدج دكتور مو دكتورة

[OM-aB0Di]

هااااااااايز بنات شلونكم

موضوع وايد عجبني وحبيت اطرحه لكم

توافقين انه دكتور يولدج ولا تفضلين الدكتورة

من ناحيتي افضل دكتور و3 مرات ولدني ودكتور وعندي رفيجاتي واهلي ولدتهم

دكتورة بس كلهههههههههههههههم فتح بطن تدرين ليش فتح بطن لانه بنات هالوقت دلاعه :eh_s(22):

وعلى نغزة صغيرة اصرخت فتشوفين الدكتوره ترقص من الفرح ومايصيرلها 5 دقايق

تطلع وتقول وقع وقع فتح بطن لايموت الولد كل هذا عشااان فلوس فلوس زياده :eh_s(14):

يحلاته الدكتور يقعد بساعات عساس يحاول يولد البنيه طبيعي

شوفو امهاتنه قبل اشوف كلهم طبيعي اشمعنه هالجيل فتح بطن موضه ولا شنو :bbbiu:

ولي تقولي ويع شنو دكتور وتقولي حرام وهالكلام اقولها شي خاص فيني ولي حر الاختيار

ولكم المايك




​

 

[c a t w o m a n]

ما أدري والله

إنتي وايللي ترتاحين له

دكتور أو دكتورة بس شخصيا أفضل دكتورة آخذ راحتي معاها

 

[دآنة آلرشآيده]

انا ماحب دكتورة تولدني
احس الدكتور احسن و ولادتي هذي هم عند دكتور​

 

[بسمه 22]

دكتوره طبعا مستحيل يولدني دكتور ويارب مااحتاجه:yaaaaaarb: مدري استحي من الدكتوره تشوفني شلون الدكتورعاد:eh_s(16):

 

[قطيف]

استحي استحي , خلينا على الدكتورة وايد أبرك

 

[Diva-Q8]

انا بجر و بولد عند دكتور بس صارت بالصدفه اول ماتزوجت بجم شهر طلع فيني ورم خارج الرحم يكافيكم الشر وهل دكتور كان احسن استشاري يسوي هل عمليه استأصال وعقبها حملت رديت اراجع عنده و قررت اولد عنده لانه متابع حالتي من الاول

مع انه مسويلي فتح بطن بس صغير طبعا وتجميلي مايبين توقعت يولدني قيصريه بس قالي انا مافتحت الرحم بالعمليه وبولدج طبيعي انشالله وضع البيبي سليم ومايستدعي قيصريه مع انه في دكتوره استشاريه بالمواساة قالتلي دام مسويه عمليه فتح بطن من قبل لازم قيصريه

وحتى ريلي ماكان راظي على الدكتور بالبدايه ولمن سمع اشقالت الدكتوره اهوا غير راييه من نفسه

 

[فجوره]

دكتـــــــوووره وبس



​

 

[خليفة العظماء]

رايي نفس رايج يا صاحبه الموضوع

بس زوجي قال لي المره اليايه لازم دكتوره واللت يستر

 

[قلب زوجي وولدي]

دكتـوووره





​

 

[" ام حمود "]

دكتورة آحسسن وايد ع الاقل آخذ راحتي
بس دكتور فشله
الحمدالله بولادتي كانت كله دكتورة

 

[متيمه بهواه]

رأيج وانتي حره فيه
أصلا كيف الوحده فينا تقدر تفتح .............. ورجال يناظر هذيك المنطقه من دون سبب قوي يذكر
دام وجود دكتوره حالها من حالك تسد الغرض وترتاحين معها
عكس لما يكون رجال

ولاتزعلون بنات
كيف تقدرون تسوون هالحركه

حتى رأي رجال الدين في هالشي
أن أستدعت الضروره ولم يكن وجود دكتوره او حاله صعبه
يستلزم الامر تدخل الدكتور في الحالات الضروريه وعدم تواجد دكتوره

مع احترامي لكم للي أيدوا يولدون عند دكتور مع عدم وجود سببب قوي


يالله تسترنا فوق الاض وتحت الارض
ويوم العرض

 

[Diva-Q8]

دام مو حرام ان وجد السبب خلصنه بعد شنو كل وحده لها اسبابها يمكن السبب مو قوي بالنسبه لج بس قوي بالنسبه للمريضه !!

والستر موجود هذي ولاده مو عمل فاحش والعياذ بالله

 

[q8 83]

مو شرط دكتورة معناته فتح بطن

دكتورتي مافي اطول من بالها ما شالله عليها

و دام في دكتورات كويتيات و كفأة ليش اتكشف على ريال

 

[الباحثات عن الجمال]

دكتورة طبعا.
مشكوره على الموضوع.

 

[فاقده ابوهاااا]

بغض النظر عن انج تفضلين دكتور او دكتوره انا بكلمج عن الحلال والحرام لانه اساس وشي مهم بحياتنا ولو حللنا كل شي بأختصار راح تصير السالفه مصخره وقله ايمان .. الشي الاكيد ان حرام الريال يولدج اذا في دكتوره موجوده وكفىء لان بهالوقت اغلب دكاتره الولاده حريم وشطار وبكل مستشفى سواء خاص او حكومه اقل شي تحصلين دكتورتين صيتهم منتشر بالديره وخوش دكاتره فحرام تحللون بنات هالشي ويصير شي عادي انا حتى السونار ما اخلي دكتور يسويلي اياه وحتى ريلي استحاله يدخلني على دكتور اراجع عنده ... فحطوا بالكم من هالسوالف لا تحللون وايد شغلات اهي بالاساس حرام في حال وجود البديل

 

[شوشة]

آنا مستغربة أصلا شلون دكتور يولد

والله العظيم عمري ماعرفت إلا بهلمنتديات يعني عندنا بالبحرين مافي ولا دكتور يولد طبيعي يمكن قيصري أكيد بس طبيعي مستحيل

بعدين اصلا شرعا حررام يابنات إلا في الحالة القصوى آنا معاج

وشلون مسامحة يعني اللي يولدها دكتور ماتستحي لحظة الولادة آنا والله دكتورة وحزة الولادة ودي تنشق الأرض وتبلعني من الحيا شلون دكتور

بنات لاتزعلون مني أخذوها من الناحية الشرعية وأتقوا الله في أعراضكم

 

[miss_7sawiya]

الصراحة دكتوورة احسن لاني استحي بس اذا استحالت الولادة ويحتااج دكتووور عااادي المهم اوولد

 

[متيمه بهواه]

دام مو حرام ان وجد السبب خلصنه بعد شنو كل وحده لها اسبابها يمكن السبب مو قوي بالنسبه لج بس قوي بالنسبه للمريضه !!

والستر موجود هذي ولاده مو عمل فاحش والعياذ بالله

لم نتكلم انه عمل فاحش أستغفر الله
انا كلمتج عن الحلال والحرام
وفي وجود بدليل وش الي يمنع

طيب السؤال هنا
للي يأيدون الولاده عند دكتور يذكرون السبب القوي
او تطرح السبب القوي عند رجال الدين هل يجوز لها هالشي ام لا ...؟

ولا انا غلطانه ...:eh_s(10):

 

[متيمه بهواه]

هذي فتوى من موقع أسلام تقريبا
لشخص يسأل سؤال


عندنا تلد المرأة في المستشفى الحكومي بدون دفع مبالغ، ولكن يولدها طبيب، وإذا أرادت أن تلد في المستشفى النسائي تحتاج إلى مبلغ معين، فهل يجوز للإنسان أن يولد زوجته في الحكومي ومعه المال لتلد في النسائي ليوفر المبلغ لأشياء أخرى؟.



الحمد لله والصلاة والسلام على رسول الله وعلى آله وصحبه، أما بعـد:

فقد سبق أن بينا في الفتوى رقم: 19439، أن ولادة المرأة عند طبيب ذكر لا تجوز إذا وجدت امرأة تقوم بذلك على الوجه المطلوب، وعلى ذلك فمن كان قادرا على المال اللازم لولادة المرأة في المستشفى النسائي لا يجوز له أن يتساهل في إجراء الولادة عند طبيب ذلك ليوفر المال لأمر آخر.

والله أعلم.

 

[مكشكش مدندش]

استغرب من كلمتج (( ليش فتح بطن لانه بنات هالوقت دلاعه :eh_s(22):

وعلى نغزة صغيرة اصرخت ))

استغفري ربج الله سهل ولادج موشرط عشان دكتور التساهيل من الله

هذي مافيها دلع هذي ولاده سبحان الله حتى الله ذكر تعب الام وانتي تقولين دلع

اذا الوضع صعب غصب عمليه مودلع مافي وحده تتمنى عمليه ولادكتوره تغامر

بعملية بدون داعي لان دكتورة الولاده غالبا ماتعمل عمليات في دكتور متخصص

بالمستشفى بالعمليات فليش تستانس على اذى مريضة !!!