رأيكم بخصوص أن يولدج دكتور مو دكتورة

[توتــه]

دكتورة وبالعكس اشوف الدكتورات بالولادة الطبيعية افضل وبالخياط طبعا

لان الدكاتره اكثر اللي يرحولهم العمليات

وبعدين من دكتورة استحي شلون دكتور

 

[ام الشوامس]

الوحده تشوف مرضات ربها قبل لا تفكر بأي خطوه

و من ناحيتي الحمدلله فضل من الله ولاداتي عند دكتوره و طبيعي و ما شققتني علي قولتكم

و الله يستر علينا دنيا و اخره

 

[ام الحوراء زينب]

الدكاترة وايد اشطر من الدكتورات بدبلات و يتداركون الحالات المستعصية و المضاعفات احسن من الحريم
ماشالله الرياييل احسن من الحريم بوايد مجالات مو بس الطب بس مو معناته مافي حريم زينين و ان كان العدد قليل

انا الصراحه استحي بس هم راح اولد عند دكتور لان احس نفسي بيد امينه و ارتاح اكثر للدكتور
و مع المراجعات ارتاحله اكثر و اسأله اذا ولادتي مو وقت دوامك انت تولدني و لا غيرك
اذا غيره لا ماوافق لان خلاص ارتحت له و عارف حالتي
​

نفس اللي كنت بقوله
مليوووووون بالميه ريال

 

[AVE.NJ]

طبعا دكتور
مااثق بولا دكتوره
حتى في بره موالكويت
مااروح الا دكاتره بغض النضر عن امراض نسا اوغيره

 

[هيبة ملك]

بما إنه تقرر لي ولادة قيصرية ففضل دكتور

 

[تآعِبنْ قَلْبِيْ]

اكيد دكتوووره

 

[σм 3ℓαωɣ ™]

استغفر الله العظيم
أحس أن الولادة عند دكتور يبي لها جرأة
شلون الوحده تفتح ريولها جدام ريال @@
أي شاطر أي بطيخ ؟؟
يفتحون بطني ولا إن ريال يدخل عليّ -_-


أنا في ولادتي الأولى كانت قيصرية
وكان دكتور التخدير ريال
رفضت رفض تام لحد ما غطوني كاااااااامل وما طلع مني إلا جزء بسيط من الظهر حق الأبرة
وخليتهم يطلعون دكتور التخدير قلت لهم لين صار فيني شي نادوه بس ماله لزمه يقعد معاي بالغرفه
والحمدلله كانوا متعاونين معانا لأبعد حدّ

والمره الثانيه قالوا لي ولدي بمستشفى حكومي وببلاش
قلت لهم لا اخاف يصير فيني نفس أول مره ويدخلوني عملية
والمستشفى الحكومي ما يعطوني على هواي
دفع زوجي دم قلبه بس عشان دكتورة العملية حرمه ودكتورة التخدير والممرضه
والحمدلله ارتحت بعمليتي ولا كنت احاتي يمكن يدخل عليّ ريال
وبعد كنت مستحيه أن نصي اللي تحت طالع

وهالمره بعد بدفع فلوس بس أكون متطمنه إن الستاف نسائي
ما في شي يستاهل إن يتكشف عليّ ريال دام الفلوس توفر لي دكتورة وستاف نسائي
ايمع الفلس على الفلس لين اوفر مبلغ تكاليف الولادة
ولا أن ريال يكون موجود بالغرفه
مو بس هو اللي يشرف على ولادتي

 

[miss_Ba6oOo6a]

عادي دكتور ولا دكتوره كله نفس الشي
وحسب حالة المريضه وبالطب ماكو حلال وحرام

 

[بربيره]

ما يصير تقول ابي رايكم بس لحد يقول ريال حرام يشوف لوووول

لان انا رايي جذي دكتور ما يصير يشوف فشششللله ما ارتاح بس احترم رايج و شي خاص فيج 

 

[بربيره]

مس بطوطه اتوقع خانج التعبير لان كل شي في حلال و حرام و احكام 

 

[miss_Ba6oOo6a]

لا مو كل شي اذا حالتج تستدعي وماكو الا ريال عادي مافيها مشكله بس دام فيه مره عادي مو يعني اذا ماكو غير الريال ما اعالج ولا اولد
ولا يصير شي سالي فيه اي شيخ دين واي مذهب نفس الكلام اذا فيه مره مايستدعي الريال واذا ماكو او تطلب الامر ريال عادي وكل وحده لها رايها ووجة نظرها بالشغله هذي *

 

[anooma_86]

والله ادري في دكاتره رياييل احسن من الحريم بس انا افضل دكتوره عشان آخذ راحتي احس فشله اتكشف على دكتور

 

[بربيره]

بطوطه انا معااج صح يعني اذا وحده حالتها تستدعي تدخل الدكتور فالدين يسر مو عسر و انا امي ولدها دكتور لان كانت مسالة حياة و موت

الي بوصله ان الاحكام موجوده و الحلال و الحرام موجود مثلا في بعض الحالات حرام الدكتور يتدخل و بعض الحالات حلال فالحلال و الحلام موجود عرفتي؟ لان انتي قلتي ماكو حلال و حرام بالطب  انتي قصدج في بعض الحالات حلال المره تراجع عند دكتور بس مو قصدج ماكو حلال و حرم انا بس استصعبت هالكلمه ان ماكو حلال و حرام بالطب لوووول

ومع هذا احترم وجهة نظر البنات و خصوصياتهم و ما احب اكون دعله لوووول

 

[**شيخه**]

الموضوع وايد مهم


واااااااااي طبعا افضل دكتوره، كلش مااتخيل يولدني ريال

وانااتفق مع كلام بربيره كل شي فيه حلال وحرام

واذا أنا بفلوسي واختياري ارووح حق دكتور طبعا راح استحرم هالشي

اما اذا كان مساله حياه وموت بعد لاحول ولا قوه الا بالله بعد شنسوي

والله أنا امي كانت ببريطانيا وماكان في حزه ولادتها الادكتور وكان مافي اي مشاكل فاختارت ان ألسستر تولدها واذا صارت اي مشكله ينادون الدكتور،، اصلا أهني بمستشفى الولاده بالصباح السسترات اهما اللي يولدون والدكاتره بس حق الخياط والحالات المتعسره سمالله علينا

 

[كويتيه مذهله 87]

انا عادي عندي دكتور او دكتوره المهم اقوم بالسلامه

 

[يا عيون سمي]

وااااو الموضوع رووووعه

انا عن نفسي استحي من ريال يشوف المنطقه اللي تحت واصلا كنت مفكره اولد عند دكتور بس فكرت وراجعت نفسي واكييد شلت الفكره من بالي لان زوجي موراضي وانا مره سويت سونار عند دكتور حييل استحيت حسيت نفسي مفصخه بس ما اايد الدكتور كلش

 

[رفايلو22]

بنات .. والله أن هالأمر عظيم .. وأوافق أختي حلو البنات .. ما يجوز دكتور يشوفج​

لا ومو أي مكان العوره المغلّضه .. لا تقولين .. هو بيأدي عمل وبس .. لأنج ما راح تقدرين ​

تقولين هالكلام لله عز وجل وقت المساءله .. !!​

مع عدم وجود ضروره ملحّه .. مااااااااااااااا يجوز ​

وتأنفها النفس بصراحه مع احترامي للكل ..

​

​

بنات .. كتبت هالكلام وما ودي وحده تزعل .. أحبكم وربي وودي لكم الستر على الأرض وتحتها ​

ويوم العرض .. !!​

الحمد لله حنا في نعمه والمستشفيات الخاصه اشكثر والدكتورات أكثر .. والمتميزات كثير ..​

قال تعالى: (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب ) ​

اللهم بلغت اللهم فاشهد ​