الحامل ماتتوظف لما تولد !! معقولة !!

[Lady-_-fushia]

قوة بنات شلونكم

بس حابه اعرف شسالفه بهالموضوع
قالولي ان اذا انا حامل ما اتوظف لما اولد
يعني تخيلوا اذا بحسب بعد شهر الراحه عقب الولاده يعني ماتوظف
الا بشهر 1 السنه اليايه معقوله!!!
انا توني بنص الرابع يعني تو الناس
مادري انا ماتوقع هالحجي مضبوط يمكن اللي واصله بالولاده
يمكن بس من اول شي!! حرام شالظلم!!


بليز اللي عندها خبر بهالموضوع تقولي
وترا انا يعني خلصت الفحص الطبي و ناطره يندز للوزاره و جذي
يعني دابجت و ركضت الحين صارلي شكثر فوق الشهر ناطره على
هالسالفه و صكت فيني الدنيا وااااااااااااااااااي يعني شنسوي احنا
الحوامل نقعد بهالملل سنه عشان نتوظف !:bbbiu:

 

[nora al]

وعليكم السلاام


اي حبيبتي عدل الكلااام


والسبب انه الموظفه لاازم تسوي فحص طبي وهالفحص مو زيين للحامل لان ضمنه اشعه !!

بس لاا تحاتين تسوين اورااقج كلها ومكانج ينحفظ وانتي متى ماتبين تداومين تداومين عاادي


رفيجتي قعدت 6 اشهر عقب الولاده بس كانت مسويه كل اوراقها وراح بس سوت الفحص ومباشرة العمل وداومت بنفس المكان يعني مايروح عليج دوورج يمسكوونه لج لين تولدين بالسلامه

 

[Lady-_-fushia]

nora

انا سويت الفحص الطبي ماعدا الاشعه قالتلي الدكتوره لما تولدين تسوينه
قلت لها يعني مايوقف الشغل تقولي لا
والحين حجي ثاني


مشكوره على ردج بس مادري يعني شلون يمسكونلي مكاني

عاد انا بالرابع يعني معقوله!
انزين اذا كنت باول شهر بعد بقعد سنه تقريبا على ما يشغلوني
واي شنو هالظلم
وانا مستانسه قاعده اقول المعاش يعني بيفيدني الحين خاصه حق الولاده و التجهيز وجذي

 

[امحــٌق وُليـٌف]

حبيبتي انا حماتي نزل اسمها وهي بساابع ولما راحت لهم قالو مايصير لما تولدين توظفين


وبعدها ولدت واطلعت من النفااس وعلي طووول تووظفت


وموففقه ان شااء الله

 

[رحيل المرافيء]

يا بنت الحلال يعلها اكبر احزانج
شوفي حواليج الناس حرب وضرب وكلها جم شهر وتتوظفين
قولي الحمد الله
لهي نفسج بأغراض البيبي والنفاس واذا اول بيبي اشتري كتب عن الولادة والتربية واقري
دللي زوجج قبل لا ايي البيبي وياخذ وقتج
استغلي هالوقت لاتقولين ملل وملل بتملين صج

 

[Fashion Brands]

يمكن توه قانون يديد
لاني من 4 سنين توظفت بنفس هالوقت 1-5
وكنت حامل بالثامن بدش التاسع (ولدت اخر 6 )
وما سوولي لا فحص و لا شي قالولي داومي و تعالي عقب الولاده سوي الفحص
ولي يومج ما رحت اصلا نسيت الموضوع
بس على حسب المكان يمكن ... فيه شي اسمه اخر يوم للتعيين بالسنه

 

[نـعـومـه]

لاااا عادي رفيجتي حامل وتوظفت

 

[نـعـومـه]

يمكن توه قانون يديد
لاني من 4 سنين توظفت بنفس هالوقت 1-5
وكنت حامل بالثامن بدش التاسع (ولدت اخر 6 )
وما سوولي لا فحص و لا شي قالولي داومي و تعالي عقب الولاده سوي الفحص
ولي يومج ما رحت اصلا نسيت الموضوع
بس على حسب المكان يمكن ... فيه شي اسمه اخر يوم للتعيين بالسنه

رفيجتي توها هالسنه حملت وتوظفت

 

[Q8Buying]

ها شنو صار معاج

 

[! Miss.Q8 !]

صج انا سويت مقابلة من فترة

وقالوا لي بندق عليج علشان الفحص

بس ما قلت لهم اني حامل كلش

وااي ما ابي انطر اكثر من جذي مليت

انا توني داشه الشهر الثاني يعني راح اطول وايد

 

[خجوله احب الناس]

حبيبتي ان ماقلتيلهم انج حامل راح يسوون لج اشعه والاشعه مضره للحامل ...

كل تاخيره فيها خيره

 

[@غشمرية@]

حتى انا سامعة هالكلام القرار كان من الكورس الي فات

 

[گـحِـلْ |~]

.

إللي أعرفه إذا حامل فوق الشهر السادس ما يصير
وخالتي توظفت وهي حامل عاادي

,

 

[ام_بطاطة]

لا تحاتيين حبيبتي الحامل ما تتوظف في حالة انها عدت الشهر الخامس و بما انج بعدج بالرابع تتوظفين عادي انا نوني شهر 4 كنت اباشر موضوعي بعد ما طلع ترشيحي شهر 3 و قالولي اني بالسادس فمافي تعيين الا بعد الولادة و اهو صج ظلم بس شنسوي موفقه حبيبتي و لا تحاتيين

 

[Lady-_-fushia]

قووووة بنات
سوري مادري عن الموضوع لهيت شوي
الله يسلمكم رحت للوزاره و قالولي عادي
وكتبوني تعهد اني عقب ما اولد بس اعيد الفحص الطبي
وبس هذا اللي صار وياي
عاد ماخلصت لي الحين قاعده ادابج عشان اخلص الاوراق
وان شاء الله صح كلامها ومايسولي سالفه على اخر شي

اي صج انا بالفحص كاتبيلي اني بالشهر الرابع مع اني كنت بالثالث توني والحين دشيت الخامس هاليومين توني مكمله اربع شهور يعني
وحتى اهي قالتلي ان ماله شغل الحمال كلش لا يابتلي طاري 4 شهور او 5 شهور

وبس
سلامتكم

 

[بآآشة الخودً]

ريحتي قلبي الله يريحج ويسعدج ويوفقج قولي امين بس انتي رحتي حق اي وزارة؟؟؟؟

 

[السجينة]

انا اعرف وحدة .. ما خلووها تتوظف الا عقب الولاادة .. يعني من زمااان هالقانون صارله فوق 6 سنوات

 

[ترف بابا]

على حسب جهة العمل ياقلبي

 

[گـحِـلْ |~]

موووفقه ‏:‏)‏

 

[Lady-_-fushia]

بآآشة الخودً


وزاره الداخليه

بس لي الحين طواله شغلهم ماخلصنا صارلي يمكن شهر من ضمنه فتره اللي وقفت الحكومه وانا اراكض

بنات الباجي مشكورين على ردودكم بس انا رحت و قالولي ان عادي ماكو مشكله حتى ماسالت باي شهر انا ويمكن لان
مكتوب بالفحص
بس هم اهي قالتلي ماله شغل باي وقت وانتي حامل تشتغلين