تجمع رجيم الكيوي والانناس. السحري ينزل 6 كيلو اسبوعيا حياكم

[ريمـا^.^]

السلااام عليكم

شخباااركم يا رشيقات المستقبل القريب

المووضوع واضح من العنوووان

ابي احد يشجعنى اكمل الاسبوع هذا على رجيم الكيوي والانناس
بس نجرب الاسبوع هذاا وذا استفدنااا نسويه اسبووووع ثانى

بناات ابي تشجيع ابي ردوود وتجااارب بلليز الى جربته واستفاده منه. تقول لنا


والى حابه تبداء معااي تعطيني الوزن والطوول
ونهايه الاسبوع نشوف الوزن

النظاام //

الفطور: عصير كيوي وانناس
الغداء :عصير كيوي وانناس ويسمح انو تضيفين دجاج او سمك مشوي او بيض مسلوق
العشاء: عصير كيوي وانناس ومسموح تضيفين روب زبادي

الرياضه بتكون نص ساعه مشي يوميااا

وشرب لايقل عن 6اكواب ماء+كاس زنجبيل وشاي اخضر

يالله الى حابه تشترك تكتب يوميااتها معاي

 

[reem0o0o0o0]

بالتوفيق حبيبتي انا ودي ابدي في معاج بس توني امس مبلشة دايت بس ان شاء الله ابدي في الاسبوع الجاي هالاسبوع تخفيف و قاطعه العشا عشان اتعود الاسبوع الجاي اطبقه ان شاء الله

 

[((قاهرتهم))]

يعطيج العااافيه
انا بسووويه انتي معانا بقروب وداعا لشحوووم

 

[نوره95]

ان شاء الله توصلون للوزن المثالي يارب

 

[انا لحبيبي .]

موفقه حبيبتي ،، بس ديري بالك انواع هالرجيمات مو منيحه ابدا مو قصدي احبطك ، بس والله بتسوي فقر دم ودوخه انتبهي ع حالك ، لانه الجسم محتاج لكل شي

انتي حاولي بهالاسبوع خففي اكل بدون عشى

 

[ريمـا^.^]

بسويه اسبوع بس لاني مليت من السبعينات ابي اشوف الستين

وكل اسبوع بدور نظام غير وبخلي يوم اوف كل اسبوعين


اليوم اول يوم لي حطيت بالخلاط كيوي وحده وعلبه عصير اناناس كي ديدي

وان شاء الله الاثنين الجاي بقولكم كم كيلو نزلت

وهالرجيم اقل شي تنزلين اريعه كيلو اسبوعي اذا التزمتي والله يقوي عزيمتنا واًرادتنا يارب

 

[ريمـا^.^]

بالتوفيق حبيبتي انا ودي ابدي في معاج بس توني امس مبلشة دايت بس ان شاء الله ابدي في الاسبوع الجاي هالاسبوع تخفيف و قاطعه العشا عشان اتعود الاسبوع الجاي اطبقه ان شاء الله

حياج الله خيتو بس لاتاجلين كثير حاولي تبدين باقرب وقت رجيم

والله يوفقج وتوصلين للوزن الي تبين بصحه وعافيه :yaaaaaarb:

 

[ريمـا^.^]

يعطيج العااافيه
انا بسووويه انتي معانا بقروب وداعا لشحوووم

الله يعافيج

ويشرفني انضمامي لكم

بشارك بالموضوعين :eh_s(9):

 

[سارووونـه]

موفقيييييييييييييييييين

ضيفي في الخلاط مع الكيوي والاناناس ليمون .. سمعت انه زين ..

شوفي يمكن يزيد الفايدة..

يالله ننطر نزولكم الحلوو​

 

[كيكه توفي]

بالتوفيق

 

[لبوة36]

بالتوفيق بس لازم تشوفون اذا كان منه اضرار لان الحقيقه عصير طول الاسبوع ونوع واحد مو داش بمخي انه صحي لكن بالتوفيق بنات واذا نفع معاكم يمكن اسويه وان شالله تنحفون بصحه وعافيه

 

[لبوة36]

ريوما حبيبتي اثبتيلج على موضوع خلينا نعرف من انتي معاه

 

[fnfoosha]

بالتووفيق ان شاءالله تضعفوون بصحه وعافيه ​

 

[إستبرق]

بالتوفيق

 

[" ام حمود "]

وايد آحب هالرجيم لانه صج يبين انج ضعيفه وعن تجربه

 

[الفدنه]

ماعندي وزن انزله الحمدلله
بس نبي تجربتج انشالله مانحتاج لها خخخخخخخخخخخ
بس سبحان الله محد يدري باجر شيصير

​

 

[بحر الذكريات]

استغفر الله الذي لا اله الا هو الحي القيوم واتوب اليه


الله يعطيج الصحه والعافيه​

 

[ريمـا^.^]

فديتكممم على هيك تشجيع

ابشركم نزلت باربع ايام ثلاثه كيلوو

والفال لباقي الكيلوات

 

[ريمـا^.^]

استغفر الله الذي لا اله الا هو الحي القيوم واتوب اليه


الله يعطيج الصحه والعافيه​

الله يعافيج يا البي

ويجزاج كل خير على الاستغفار

 

[ريمـا^.^]

ماعندي وزن انزله الحمدلله
بس نبي تجربتج انشالله مانحتاج لها خخخخخخخخخخخ
بس سبحان الله محد يدري باجر شيصير

​

هههههههه عساج ما تحتاجين لرجيم

ادعيلي اضعف بصحه وعافيه