*
...*
يا سواد الليل ، واجواء التهنّي
ويش ألذ أمن امتلاكي لـ المحالي
يا جنون العمر ، يا طيش التمنّي
ايه أنا من مرد أنصاف الليالي
الفرح مكتوب ، وعيوني أفضحنّي
والعرب ما تفطن لـ مغزى سؤالي
ان ضحكت اليوم وأقداري فهمنّي
ما تشوفون الفرح ليله .. حلالي ؟
طر جيبي يا الغياب اللي غبنّي
انتهيته وابتدا يقرب منالي
امتليني ضحك .. أيامي خذلنّي
في غيابك .. ما دريتي وش جرالي ؟
ضاق ظلي .. والليالي ما عطنّي
كيف أبـ أفرح والتذمر من ظلالي ؟
بس لا عاد الفرح عاد المهنّي
طيشني انسى ( مفاهيم المجالي )
خلنا نفرح على قد .. التعنّي
نكسر شموخ التجافي والتعالي
وسعي يا فرحة أيامي .. ودنّي
دامك أجمل من تواصيف الخيالي
هذا أنا مجنون بـ قدومك واغنّي
( أنورت بـ قدومك الديره يا غالي )
*
...*
