شنو تسوين بهالموقفين؟؟ بليييز دشووو

[Adorable]

قوه يا كويتيات

عساكم تكونون بألف خير

بنات في موقفين ابي كل وحده تقولي شنو رده فعلها:

1- قاعده تنبشين بماضي ريلج.. ان كان بالايميل او بالموبايل و لقيتي مسجات حب قدييمه صارلها 3 او 4 سنين بينه و بين وحده و اهو كان قايلج عن علاقته فيها

تواجهينه؟؟ تمسحينهم ؟؟ اتطنشين ؟؟

2- ريلج متضايق منج بشغله و مستحي يقولج ان والله هاللون كله تلبسينه بس مو حلو عليج او صبغه شعرج مو عاجبته او اي شي فسمعتيه قاعد يشكي حق اخته او امه من هالشي الي مو عاجبه و يسالهم شلون اقولها

تقولينله انج سمعتي و تطلبين منه انه يكون صريح معاج؟؟ تسنعين الشي المو عاجبه بدون لا يحس ولا يدري انج سمعتي؟؟

 

[Adorable]

شدعوه كويتيات ردوو

 

[الاسطورة]

الموقف الاول
طااااااااف والي فااات مات
والموقف الثاني عادي مو مشكله خل ايي ويقولي
بصريح العباره وانا اسوي الي يبيه
بس مو حلوه يروح يقول حق اهله
واذا كلش كلش يستحي
خل ينقز او يطرش مسج
يعني يقولي الاحمر حلوو عليج او الابيض او اي لوون
واذا على الشعر
مو مشكله انه يقولي انا احب هاللون

 

[المرتاحة]

الموقف الاول ماله داعي اواجهه فيه ولا لي شغل ولا اتأثر اصلا

و الموقف الثاني اي اواجهه و اقول له سمعتك بدون قصد مني و رجاءا اي شي ما يعجبك فيني تعال قول لي و علمني

 

[! بــدويه وآآيــد !]

،


الموقف الاول اسوي نفسي ماشفت شي بس اتأكد من التاريخ

الموقف الثاني افشله اقوله اثاري حمولتي توصلهم برنتات عن شكلي وتقييمك لي حسستني اني مسابقه انت الحكم وهم التصويت شهالحركات والسوالف الي مالها داعي ؟ عندك شي قطه بوجهي لاتخشش ورا خواتك ترى اذا شفتني حلوه يشوفوني حلوه وانت تقول هالكلام عني عيب عطني رايك اسوي الي تبي مو تسوي هالحركات عيب والله !


بس سؤال انتي انحطيتي هالموقفين ​

 

[سيماا]

الموقف الاول / راح امسح المسجات بدون مااقول شي لانه ماضي وهو خلاص قايل لي عنه

اما الموقف الثاني/راح اسوي الشي اللي يبغاه باسرع وقت ممكن واذا اعجبه وقال انه معجبه وانه كذا احلى بقوله اذا بغيت شي مني او تعديل مايحتاج انك تروح وتطلب رأي احد. قلي انا مو لاحد ثاني غيري لانك بكلامك عني عندهم تجرحني اكثر
هذي وجه نظري

 

[dectora 7elwa]

الموقف الاول / راح امسح المسجات بدون مااقول شي لانه ماضي وهو خلاص قايل لي عنه

اما الموقف الثاني/راح اسوي الشي اللي يبغاه باسرع وقت ممكن واذا اعجبه وقال انه معجبه وانه كذا احلى بقوله اذا بغيت شي مني او تعديل مايحتاج انك تروح وتطلب رأي احد. قلي انا مو لاحد ثاني غيري لانك بكلامك عني عندهم تجرحني اكثر
هذي وجه نظري

نفس ردي

 

[_زينه_]

الموقف الاول صراحه اتضايق لانه محتفظ فيهم

الموقف الثاني اواجهه جدام خواته عشان يعرفون كلهم اني سمعت

اقوله اي شي مو عاجبك فيني تعال قولي خواتك مالهم دخل بيني وبينك وبس

 

[جوري 2007]

الاول فات لانه قديم واصلا اهوة قايلي عنها فليش انصدم ، بس راح احتر بيني وبين نفسي على المسجات اذا كان فيهم كلمات مني مناك

خخخخ

بس الثاني راح اتضايق وازعل واقوله ماله داعي تشكي حق احد من اهللك تعال واجهني باسلوب حلو وفي مليون طريقه تقدر توصل

رايك لي **

 

[noo7a]

الاول
امسح كل شي وما اييب له طاري

الثاني
اغير من شكلي ولمن اشوف رده فعله اكلمه بهدوء و اقوله لي اشتهيت تشوف شي معين علي عادي تيي تقولي ماراح ازعل بالعكس استانس لان انا اساسا موقاعده اسوي هالاشياء الي عشانك

 

[( مي )]

الموقف الأول
يمكن يحاسبني واطلع غلطانة لأني نبشت بخصوصياته ،، فأسكت فترة معينة بس لأن الغيرة بتلعب دور فيني ،، وبعد فترة بوسط السوالف اقوله تذكر السالفة الفلانية ؟؟ بليز حبيبي جان زين إذا كان عندك إي ذكرى محتفظ فيها معاها جان زين تمسحها او تلغيها او تحرقها ( عشان تبينين انج ماتدرين اذا خاش شي مادي وملموس او بالنت لووول يعني استعبطي ) انا اغار عليك ونبي نبدي صح........... الخ من الكلام الحلو​

الموقف الثاني
ألفي له قصة ،، ان رفيجتج داقة عليج وشاكية لج وتبجي ان زوجها يقول عيوبها لأمه وخواته بقصد النصيحة ،، والحمولة استغلوا هالشي وقاموا ينشرون عيوبها بقعدات السوالف مع الحريم او يعايرونها وحست ان خصوصياتها اطلعت بره بيتها ،، وقوليله آخر شي الله لا يبلينا ابأزواج من هالنوع ما يحفظون خصوصيات زوجاتهم ولو محترمها جان ما سوى اللي سواه ،، والوحده اهون عندها ان زوجها يصارحها ولا الفضايح عند الحمولة وكلش لا تبينين له انج عارفة انه يسوي هالشي بس كأنها سالفة قاعده تسولفين فيها له ،، وعلى الله يفهم​

​

 

[FeShinGoOo]

قوه يا كويتيات

عساكم تكونون بألف خير

بنات في موقفين ابي كل وحده تقولي شنو رده فعلها:

1- قاعده تنبشين بماضي ريلج.. ان كان بالايميل او بالموبايل و لقيتي مسجات حب قدييمه صارلها 3 او 4 سنين بينه و بين وحده و اهو كان قايلج عن علاقته فيها

تواجهينه؟؟ تمسحينهم ؟؟ اتطنشين ؟؟


اواجهه بشنو واهو مصارحني بكل شي ؟؟؟؟؟
امسحهم واسكت واطنش واساسا انا عارفه عن الموضوع ماله داعي ارد افتحه

2- ريلج متضايق منج بشغله و مستحي يقولج ان والله هاللون كله تلبسينه بس مو حلو عليج او صبغه شعرج مو عاجبته او اي شي فسمعتيه قاعد يشكي حق اخته او امه من هالشي الي مو عاجبه و يسالهم شلون اقولها

تقولينله انج سمعتي و تطلبين منه انه يكون صريح معاج؟؟ تسنعين الشي المو عاجبه بدون لا يحس ولا يدري انج سمعتي؟؟[

اكيد بكلمه وماله داعي يطلع عيوبي او الاشياء السلبيه الي فيني جدام الناااس .. وحق الي يسوا والي مايسوا .. اذا فيني شي مو عاجبه يقولي مو يسويني علج بحلوج الحريم وسالفه حق جاي الضحى


/QUOTE]

 

[مولاي الفرج]

الموقف الاول: اطنش واساسا ماراح انبش لان ماحب التجسس اللي اييب الشك مالي حق انبش بماضي يعني

الموقف الثاني : راح اخذ بخاطري شوي لان احب نكون صريحين ويقولي احب جذي ماحب جذي فاذا قال حق احد ثاني راح اعدل الشي اللي مو عاجبه واقوله بعدين ها شرايك بهالشغله حلوة ترى احب تعطيني رايك بكل صراحه عشان لايقعد يكررها مرة 2 بس ماقوله ليش تقول من وراي عشان لااشيل بقلبي عليه وايد

 

[اسم والسلام]

الموقف الاول اطنش لانه مصارحني وقايلي وهالشي قديم

ثاني موقف بعدل من الشي اللي مو عاجبه وبسويها على اساس مفاجأه له واشوف رد الفعل حقه واقوله عشانك حبيبي وراح كل مره بتشوفني بستايل جديد << نغزه توضح اني فاهمه او سامعه

 

[بقــآيآ جـروح]

الموقف الاول طآآآآآآآف مآآضي وآنتهى
الثآآنــــــــي آحطه بهالموقف آسوي نفسي آكلم آختي وآشكي من شي معين منه
آكيد بيتضآآيق ويقولي ليش جذي بفوله مو آنآ اللي آسوي جذي آطلع آسرآرنآ برى
آنآ تعمدت آسوي جذي وآسمعك مع آنه مآآفي آحد آكلمه بس عشآآن آحسسك بالشي اللي
آنآ حسيته وآنت تفضل آجي اقول لكـ يآفلأن ترى يضآآيقني هالشي وله آروح
اكلم آهلي وآقول لهم وآكيد بيحس ع دمه وآقول بكل شي صآآرحني آنآ مآآرآح آزعل شي
عآآدي مو شرط كل شي يعجبك فيني نفس آنآ مو كل شي يعجبني فيك ​

 

[أتراب]

الموقف الاول
انت قلتي ماضي يعني خلاص مضى
الموقف الثاني
بزعل عليه لان المفروض اقولي مباشر
مالاداعي يقول لاحد

​