زايره الكويت واحتاج مساعدتكم

[ماماتي ::]

سلام عليكم ،،​

:33_1185028183:
اول شي احب اشكركم ع المنتدى الاكثر من رائع .. ع طول متابعه كل جديد ينزل بالمنتدى :eh_s(22): :eh_s(17):
واتمنى تقبلوني معاكم عضوه :eh_s(7):​

انا ان شاء الله لي زيارة للكويت الحبيب قريباً .. بنكون شخصين انا وزوجي


انا حامل وابي اجهز لي وللبيبي بس ما اعرف وين اروح ؟​

وين احسن المحلات للثياب للمواليد وباقي التجهيزات للولاده ؟

​

ووين تنصحونا نسكن ؟
احنا تقريبا بناخذ لنا اسبوع في الكويت ف نبي الاجار يكون مناسب ومو وايد
مو شرط بفندق .. حتى لو شقق مفروشه اهم شي تكون آمان ونظيفه نظيفه نظيييييييفه لاني ما احب اسكن باي مكان وبس .. وقريبه من المجمعات​

ووين في اماكن حلوة تنصحوني اروحها كسياحه .. قرأت معظم المواضيع الي بقسم السياحه بس ما ادري هل مناسب ازورها بهالوقت من السنة او لا ؟ ولاني حامل وثقيله ما بقدر امشي وايد ف ابي اروح اماكن مريحه وحلوة وتشرح الصدر :eh_s(15):
واشلون الجو عندكم بالكويت ؟

واحنا راح نتأجر سيارة ..
تنصحونا بأي مكتب ؟ ويكون تعاملهم حلو واسعارهم مناسبه
واشلون بالنسبة لدفع الاجار لازم فيزا او كاش ؟ وعندهم تأمين ؟
واي احسن مكاتب المطار ؟ او غيرها ؟
ونحجز من النت السياره وندفع مقدم مثلا او ما تنصحونا ؟
انتوا اهل البلد واخبر بالمكاتب .. وما نبي نتعرض لمواقف مع اي مكتب وبس

​

وشاكرة لكم تعاونكم .. وذوقكم .. :wqedqw:​

 

[كنوشة 2009]

هلا والله فيج بالكويت
بالنسبة حق ملابس الاطفال عندج سرداب مجمع عيد النصار بالمباركية كل شي فيه
وعندج سنتر بوينت في اشياء وايد للمواليد
وبالنسبة حق الشقق اهو فيه بالسالمية شارع المطاعم وفيه بشرق عند قصر دسمان
والجو بالكويت الي الحين زين مو وايد حر بالليل يصير حلو
وحياج الله بالكويت

 

[تكييف]

هلا فيج بالكويت... الاماكن اللي لازم تروحينها .. الابراج تروحين تفرجين وتعشين.. وشرق حلو للتمشي والتسوق..الافنيوز ممتع فيه كل الماركات وكل انواع المطاعم... وبعد اذا تبين شي شعبي البحاره حلوه بالليل قعده وشاي وخبز ومشويات ووو؟ ..والمجمعات بعد فيه الفنار والمهلب ودار العوضي وليلى جاليري ووو, اما اذا تبين تجهزين انصحج بالمباركيه هذا سوق الديره في مجمع النصار كل شي لج وللبيبي واسعاره حلوه ولازم المكاسر

 

[ماماتي ::]

هلا والله فيج بالكويت
بالنسبة حق ملابس الاطفال عندج سرداب مجمع عيد النصار بالمباركية كل شي فيه
وعندج سنتر بوينت في اشياء وايد للمواليد
وبالنسبة حق الشقق اهو فيه بالسالمية شارع المطاعم وفيه بشرق عند قصر دسمان
والجو بالكويت الي الحين زين مو وايد حر بالليل يصير حلو
وحياج الله بالكويت

مشكوره اختي ،، ويعزج ربي ويعلي شانج :eh_s(17):
بالنسبة للشقق ما تعرفين مكان محدد مثلا وتنصحينا فيه بناءا على تجربه او نصيحه اشخاص واثقه منهم ؟ ورينج الاسعار ؟ ما فيني اداور مع زوجي وانا حامل وادور سكن مناسب وجدي وابي استغل الوقت واروح مكان معين :eh_s(22):

 

[ماماتي ::]

هلا فيج بالكويت... الاماكن اللي لازم تروحينها .. الابراج تروحين تفرجين وتعشين.. وشرق حلو للتمشي والتسوق..الافنيوز ممتع فيه كل الماركات وكل انواع المطاعم... وبعد اذا تبين شي شعبي البحاره حلوه بالليل قعده وشاي وخبز ومشويات ووو؟ ..والمجمعات بعد فيه الفنار والمهلب ودار العوضي وليلى جاليري ووو, اما اذا تبين تجهزين انصحج بالمباركيه هذا سوق الديره في مجمع النصار كل شي لج وللبيبي واسعاره حلوه ولازم المكاسر

يا هلا وغلا باهل الكويت الغاليين
ان شاء الله باخذ بنصايحكم وبنروح هالاماكن :eh_s(7): :eh_s(9):
متشجعه وايد للروحه ومن زمان ابي ازور الكويت بس الاهل الله يسامحهم يختارون اوقات ما تناسبني والحين صار الوقت الي بزور بلد الثاني الكويت الحبيبة :eh_s(17)::eh_s(15)::eh_s(9):

وبانتظار رد باقي العضوات :eh_s(7):

 

[كويتيه صغيره]

البنات ماقصروا يالغاليه

 

[وايت اند بلاك]

يالله عقيااالي ان شاء الله---
من زمااان ودي اروح الكويت000
الله يسهل عليش ويو فقج00

 

[om.aboodi]

بالنسبه لسوق التجهيز اللي قالوه البنات تري شعبي انتي تبين كشخه وماركات والاعادي لانه حق مواليد عندج ممجمع البستان وعندج كاروكه تجهيز ام وبيبي يم طربان السالميه فندق راقي وفيه سوق راقي مجمع الرايه فندق وسوق حلو الصالحيه روحي تطمشي للماركات وكشخه بس واهوا نفسه فندق الماريوت صححولي بنات اخربط بسم الفندق حق للسوقه والدوجه والزحمة وجنج بمصر موالكويت فندق كراون بلازا الفروانيه ح ق الدراريع الحلوة الرخيصه شيشي وتقليد الماركات بس الافنيوز روعه مايتطوف المارينا بليل حق عشا وتمشي ويمه فندق المارينا حلوووووووووووو عالبحر ويمكم كلشي وموقعه روعه انشاله فدتج وبشارع واحد مجمع زهرة الثريا البستان الفنار المارينا ليلي جاليري لاند مارك هالشارع يونس بعد شنو تاجير سيارات اممممم اشوفلج متي بتين

 

[om.aboodi]

اي الجو صار حاااار عندنا بس بالمارينا القعدات يحطون مراوح ماي

 

[elzain^kella]

hmmm .. avenues phase 2 kella ma7lat kids yabdy men mother care o baroue bel ground floor o foog tuc tuc o etha kamalty wayed ma7lat 7ag el kids ..

mojamma3 el bostan bel salmeyah feh ma7lat babies ..

plaza 7awaly bel basement premaman

gap bel avenues w 360

minni man o oillaly o cham ma7al ba3ad eb mojamma3 el rayah bel derah

hmmm ibbis hotel eb wese6 el salmeyah eb wese6 el malls erkhees o netheef


el ajar ma 3endy fekra bas feh wayed mekateb

ro7ay el avenues w 360 .. e7na derat el ma6a3em enjoy it

ro7ay el aquarium el markez el 3elmy 3ala el ba7ar very nice

ee fe mojamma3 el discovery kella ma7alat kids o al3ab eshawweg

centerpoint

mojamma3 maryam bel salmeya bel serdab ma7al eshkobra fe wayed markat 7ag el babies w el kids

el jaw 7elo hal ayam etha ma kan fe eghbar el jaw ma yo3tabar 7ar el 7emdella

7ayach allah bel kuwait :**

 

[نوف كويتيه]

ياهلا وغلا فيج

بنسبه للاسوقه عندج محافظه الاحمدي مثل مناطق الفحيحيل وصبحان قريبه من المطار

وللسكن عندج محافظه الاحمدي مثل مناطق الفحيحيل والمهبوله وابوحليفه والمنقف وغيرهااا

يعني محافظه الاحمدي كل الي يسعدج موجود فيهااا

لو بشتاء الحين كااانت المحافظه متزهبه لزوارهااا

دمتي بخير

 

[ƒédaîtn¥ ZoO'3a]

ملابس حق البيبي اخذيلج فررة بافينيوز اهناك كل المحلات عندج محل بروي ويمه مذركير وصوب السينما محل بوتري بارن وفوف صوب نيوك لوك تلاقين محل باباز اند ماماز ,,, وفوق صوب صاله المطاعم الجهه الي مقابلتها كله ملابس اليهال الماركات اكثر من محل طبي وتخيري

 

[دانه الشطوره]

البنات ما قصروو فديتهم
بس الجو عندنا حر الصراحه
وبالنسبه للمحلات اللي قالوهم البنات كلهم حلوه بس اكثر شي انصحج باللي قالوهم العضوتين
ƒédaîtn¥ ZoO'3a
om.aboodi
وحتى سوق المباركيه حلوو بس اهوا شعبي
وحيااااااااااج الله في ديرتنا الغاليه

 

[NIZQOO]

انا حامل وابي اجهز لي وللبيبي بس ما اعرف وين اروح ؟
الله يسهل عليج انشالله


وين احسن المحلات للثياب للمواليد وباقي التجهيزات للولاده ؟
في عندج مجمع اسمه عيد النصار بسوق الديرة منطقة جبلة
نزلي السرداب وراح تلقين كل شي حق مواليد والمكان حييل رخيص وغير جذي المحلات تشتري منه



ووين تنصحونا نسكن ؟
احنا تقريبا بناخذ لنا اسبوع في الكويت ف نبي الاجار يكون مناسب ومو وايد
مو شرط بفندق .. حتى لو شقق مفروشه اهم شي تكون آمان ونظيفه نظيفه نظيييييييفه لاني ما احب اسكن باي مكان وبس .. وقريبه من المجمعات
بالنسبة حق السكن ماعندي فكرة انشالله البنات يفيدونج


ووين في اماكن حلوة تنصحوني اروحها كسياحه .. قرأت معظم المواضيع الي بقسم السياحه بس ما ادري هل مناسب ازورها بهالوقت من السنة او لا ؟ ولاني حامل وثقيله ما بقدر امشي وايد ف ابي اروح اماكن مريحه وحلوة وتشرح الصدر :eh_s(15):
واشلون الجو عندكم بالكويت ؟
امم بما ان الجو حــــاررر انصحج روحي مجمعات
وترا الافينيوز حيل كبير اح تتعبين هناك..


وشاكرة لكم تعاونكم .. وذوقكم .. :wqedqw:
العفو ما سوينا شي
​

 

[♥ SWeeRa ♥]

حبوبه السكن انصحج ببودل بشارع المطاعم
وفي شقق مفروووشه بالسالميه خلف "حوش السالميه ومجمع منيره"
حلو الفندق من شهر جونا سعوديين وسكنو فيه
كان اجاره بـ 70 لان صادف عند السعوديين اجازه
ولما راحوو خلو الاجار 30 دينار لليله الوحده
على كلام السعودين مدحوووو الشقه ..




بالنسبه للسيارات
عندج شركه اعيان
وفي بالسالميه محلات لتاجير السيارات
انتي اذا جيتي الكويت وسالتي اهل التاكاسي المطار يعلموووونج ..


وبالنسبه للبيبي ..
عندج النصار بسوق المباركيه
وعندج سنتربوينت حلو شغله للبيبي قريب من الافنيووو
وعندج مذركير حلووو .. وعندج بروي .. بالافنيووو والمحلين يم بعض
وفوق تلقين بي اتش اس .وبابز اند ماماز وفي تلقين محلات


واذا تبين كفرات واطقم نفاس
روحي بيبي لوف والا بيبي سنتر بالفروانيه
يفصل ديباج مع لبس البيبي ومع لبس النفاس لج انتي
<~~ ياخذ اسبوع التفصال
انصحج تروحين له
بيبي لوف تلقينه بالفروانيه عند سوق كرز وماكدونلز

وعندج بعد بالفروانيه
"مجمع المغاتير" يكون قبال سوق كرز بالجهه الثانيه
تلقين عندهم تفصال للبيبي كفرات ولبس النفاس

 

[ماماتي ::]

بالنسبه لسوق التجهيز اللي قالوه البنات تري شعبي انتي تبين كشخه وماركات والاعادي لانه حق مواليد عندج ممجمع البستان وعندج كاروكه تجهيز ام وبيبي يم طربان السالميه فندق راقي وفيه سوق راقي مجمع الرايه فندق وسوق حلو الصالحيه روحي تطمشي للماركات وكشخه بس واهوا نفسه فندق الماريوت صححولي بنات اخربط بسم الفندق حق للسوقه والدوجه والزحمة وجنج بمصر موالكويت فندق كراون بلازا الفروانيه ح ق الدراريع الحلوة الرخيصه شيشي وتقليد الماركات بس الافنيوز روعه مايتطوف المارينا بليل حق عشا وتمشي ويمه فندق المارينا حلوووووووووووو عالبحر ويمكم كلشي وموقعه روعه انشاله فدتج وبشارع واحد مجمع زهرة الثريا البستان الفنار المارينا ليلي جاليري لاند مارك هالشارع يونس بعد شنو تاجير سيارات اممممم اشوفلج متي بتين

هلا اختي الغاليه ..
انا ابي الاثنين .. شعبي وماركات ..

ان شاء الله بروح كل الي ذكرتيهم هههههههه بالاخص الافنيوو والمارينا لان المعظم ذكره والف شكر لج

وبالنسبه للسيارة .. احنا نبي نستاجر من المطار .. وبننزل الكويت بعد اسبوعين :eh_s(22):

 

[ماماتي ::]

اي الجو صار حاااار عندنا بس بالمارينا القعدات يحطون مراوح ماي

الله يعينا ع الجو الحار
مالي الا العبايه .. عشان البس ع راحتي ثياب خفيفه ههههههههه
واكيييييييد المارينا بنروحه .. تسلمين ما قصرتي :eh_s(9):

 

[ماماتي ::]

hmmm .. avenues phase 2 kella ma7lat kids yabdy men mother care o baroue bel ground floor o foog tuc tuc o etha kamalty wayed ma7lat 7ag el kids ..

mojamma3 el bostan bel salmeyah feh ma7lat babies ..

plaza 7awaly bel basement premaman

gap bel avenues w 360

minni man o oillaly o cham ma7al ba3ad eb mojamma3 el rayah bel derah

hmmm ibbis hotel eb wese6 el salmeyah eb wese6 el malls erkhees o netheef


el ajar ma 3endy fekra bas feh wayed mekateb

ro7ay el avenues w 360 .. e7na derat el ma6a3em enjoy it

ro7ay el aquarium el markez el 3elmy 3ala el ba7ar very nice

ee fe mojamma3 el discovery kella ma7alat kids o al3ab eshawweg

centerpoint

mojamma3 maryam bel salmeya bel serdab ma7al eshkobra fe wayed markat 7ag el babies w el kids

el jaw 7elo hal ayam etha ma kan fe eghbar el jaw ma yo3tabar 7ar el 7emdella

7ayach allah bel kuwait :**

mashkorah 3eney ma qa9artey .. :eh_s(17)::eh_s(15):

 

[ماماتي ::]

ياهلا وغلا فيج

بنسبه للاسوقه عندج محافظه الاحمدي مثل مناطق الفحيحيل وصبحان قريبه من المطار

وللسكن عندج محافظه الاحمدي مثل مناطق الفحيحيل والمهبوله وابوحليفه والمنقف وغيرهااا

يعني محافظه الاحمدي كل الي يسعدج موجود فيهااا

لو بشتاء الحين كااانت المحافظه متزهبه لزوارهااا

دمتي بخير

يخليج ربي تسلمين ع الترحيب :eh_s(17):

احنا نفكر نسكن بالسالميه .. بخبر زوجي وبنتشاور بخصوص الاحمدي :bbbiu:

مشكوره عيني :eh_s(9):

 

[ماماتي ::]

ملابس حق البيبي اخذيلج فررة بافينيوز اهناك كل المحلات عندج محل بروي ويمه مذركير وصوب السينما محل بوتري بارن وفوف صوب نيوك لوك تلاقين محل باباز اند ماماز ,,, وفوق صوب صاله المطاعم الجهه الي مقابلتها كله ملابس اليهال الماركات اكثر من محل طبي وتخيري

الكل ذكر الافنيوووو :eh_s(9): نو واااااي ما اروحه هههههههههه

ثانكس :eh_s(22):