طريقتج مع حريم خوانج !!!

[+بسبوسة+]

خدمي الي اكبر منج وتقربي منها


والصغيرة تحاشيها

 

[روعه 99k]

بعض ردوود البنات ادل على شخصية صاحبتها
سبحان الله
وخاصه اذا كانت مو متزوجه .......للاسف اللى تقول مو خدامه ومو كفو ومادرى شنو

ليش جذيه

اذا كانت مرة الاخو مو ساكنة عند الحموله ويت زواره ليش ما اضيفها ؟؟؟
مو بيتى وهى ضيفه ؟؟
مو انتى اذا زرتيها ببيتها يعنى ما راح تقوم بالواجب

بعض البنات مادرى من اولها جذيه نفيسه وتكره مرة الاخو منى والطريج
يعنى طالما مو ساكنه عندنا ولا شفنا منها شى ليش هالتزمت
اغلبه غييييره
لانها تكون كاشخه شى طبيعى فعبالهم انها بتحرهم

والله صج عقليات

حبيبتى انتى قمتى بواجبج وهذا اكرام الضيف وثقى تماما ان طيب اخلاقك مع اى زائره مو شرط مرة اخوج
يدل على طيب اصلج

 

[_زينه_]

انتي عين العقل

 

[دريم ويب]

دام انهم في بيتكم لابد من اداب الضياافه

وهذا عين العقل

عاملي النااس باخلاقك لا باخلاقهم

 

[دعابة الشـتاء]

اللي تسوينه من الواجبات يعني أي احد يجي البيت
ضيفة او مرت اخوج لازم اتضيفينها وتصبين لها القهوة والجاي
شنو خدامة!!! هاذي ضيافة اللي قالتلج جذيه منو يضيف ضيوفهم اذا جو !؟
اما حريم اخوانج وتعاملهم انتي بالتعايش معاهم تحددين شلون العلاقة معاهم....
بعض الردود ضحكتني علبالها اتكلم عن حريم اخوانها
كأن حريم اخوانها حريم اخوان الجميع
تقبلي مروري المداعب

 

[cat-girlq8]

بنات شلون طريقتكم مع حريم خوانكم يعني اذا كنتي بنت مو متزوجة وحريم خوانج يسيرون عليكم شتسوين يعني تعاملينها رسمي وتضيفينها مثل الغريبة!!! انا جذي اضيفهم مثل الغريبات اقدم واصب فنيال رايح وفنيال جاي رسمييية حيييل انا الوحيدة بالبيت خواتي متزوجات رفيجاتي يطنزون علي يقولوو حشى خدامة لهم انا عارفة اني لو ماسوي جذي راح يحقدون علي يكرهوني مرة سويتها شفت ويوهم تغيرت شالو علي بسرعة عاد هم خلقة مايهضموني مع اني مدللتهم ويقطون كلام احيانا احس انهم معامليني كاني وحدة متزوجة في بيتها يحاسبوني لازم اصير بالوجة ولازم اقهوي مع انهم اصغر مني وفية وحدة اكبر انا عمري 29وجالسة بطالية منسحبة من الدراسة من زماان رفيجاتي يقولون احنا ماتصير علينا مسؤلية مثلج بالعكس حريم خوانهم هم اللي يشتغلون

=================


ليش حبيبتي تكونين رسميه مع حريم خوانج ؟؟ عسي ماشر؟؟ انتو اهل ليش هالرسميات من صجج ؟؟
ونصيحه مني لج لا تاخذين بكلام صديقاتج شنو خدامه وهالسوالف ؟ يعني انا اذاضيف الناس اللي يزورونا بصير بعيون رفيجاتج خدامه ؟؟
ولا بعد اقرب الناس لي حريم اخواني ؟؟ شكلهم مايعرفون شنو مفهوم الضيافه بالنسبه لنا احنا يالعرب عامه والخليج خاصه
قولي لهم كل من يري الناس بعين طبعه
خليج سلسله اخذي واعطي بالكلام ووخري عن مفهوم الرسميه
لانه مافي رسميه بين الاهل اذا بكون رسميه مع اهلي بيكون مافيني خير بصراحه
وفكري انه مهما بتعطين راح تاخذين
كسبي الي حواليج بالكلمه الطيبه والابتسامه

 

[chakletaA]

اتخاذ الرسميه شكلااا
ماعاد في احد يستاهل غير قلب امج وابوج
والباااااااااااااااااااااقي كان الله غفور رحيم

 

[مملوحه السهول]

:eh_s(17):

بنات شلون طريقتكم مع حريم خوانكم يعني اذا كنتي بنت مو متزوجة وحريم خوانج يسيرون عليكم شتسوين يعني تعاملينها رسمي وتضيفينها مثل الغريبة!!! انا جذي اضيفهم مثل الغريبات اقدم واصب فنيال رايح وفنيال جاي رسمييية حيييل انا الوحيدة بالبيت خواتي متزوجات رفيجاتي يطنزون علي يقولوو حشى خدامة لهم انا عارفة اني لو ماسوي جذي راح يحقدون علي يكرهوني مرة سويتها شفت ويوهم تغيرت شالو علي بسرعة عاد هم خلقة مايهضموني مع اني مدللتهم ويقطون كلام احيانا احس انهم معامليني كاني وحدة متزوجة في بيتها يحاسبوني لازم اصير بالوجة ولازم اقهوي مع انهم اصغر مني وفية وحدة اكبر انا عمري 29وجالسة بطالية منسحبة من الدراسة من زماان رفيجاتي يقولون احنا ماتصير علينا مسؤلية مثلج بالعكس حريم خوانهم هم اللي يشتغلون

" ضيوف "

يعني واجب الضيف اكرامه وبعدين ومع الايام بتخاذين عليهم وبتصيرين بينكم ميانه :eh_s(7):

وبعدين سالفه الخدامه شكو يعني لو جوج ضيوف ما راح تضيفينهم اكيد بتضيفينهم شي طبيعي ؟ :eh_s(10):

مآ عليج من احد خلج وآثقه من نفسج ومن تصرفآتج الضيف لا بد من اكرآمه :eh_s(15): :eh_s(17):

والله يوفقج حبيبتي ويسعدج ويرزقج بالزوج الصآلح ​

 

[*غلا الكويت *]

حبيبتي عادي اتعبريها نفس اختج انا مرت اخوي والله العظيم اعتبرها نفس اختي واكثر *_*

 

[كيت مرت وليم]

حبيبتي انتي صح وعامليهم عادي ماعليج من اللي يقول خدامه صفي نيتج والله يرزقج ويوفقج :yaaaaaarb:

 

[ملمس حريري]

مرت أخوي حاسبتها اختي سوالف و ضحكو طلعات و توجيب و آخر شي طلعت تحش فيني و حسودة و ألحين صرت رسمية حيل معاها ذوول ما يستاهلون خلج رسمية أحسن لج و عندهم إيد و ريول يخدمون نفسهم

 

[جرووح غالية]

أنت صح هذولا ضيوف عندج أجل شتقولين عني لازرت أهلي وحصلت وحده منهم وحطت الخدامه القهوه والله أنها ما تقهويني أخر شي أقول بنفسي ليش الكبر جايه أتونس معكم ما بي صدقه و أخذ القهوه واقهويها واتقهوا مع اني اكبر منها ما اقو ل بس الله يهديها مدري ليش شوفت هلحال

 

[♥ SWeeRa ♥]

عندي مرت اخو وحده اعاملها عادي
اصب لها جاي وقهوه اول شي
وهي من النوع اللي ماتشرب شاي وقهوه
بس فنجان وسكانه
والا عصير
وبعدين هي تصب لنفسها

 

[عيش و مرق]

كلنا جذى ناس جاينا ضيوف لازم انقدم لهم شاى وقهوه وله اذا جذى عيل حتى اذا خالاتى وله عماتى ما اقهويهم لنهم اهل

لايبا انتى شغلج صح انتى راعية البيت كلها كم ساعه وبيروحون

 

[احلام مكبوته]

هع انا زيك رسسسسسسميه معهم لابعد الحدود

 

[لذة الشقاوه]

اولا انا ما عندي حريم اخوان
وبعدين حبيبتي ما فيها شي لا قمتي وقهويتهم وضيفتيهم بالعكس اصلا واجب علينا اكرام الضيف وفي احاديث على هذا تدل ع اكرام الضيف ..وبدين شكوو جني جدامه لا قهويتهم بالعكس هذي ن عاداتنا وتقاليدنا يدل ع الذوق والتربيه ... وذا ع اسلوبهم مالج شغل فيهم انتي سوي الي عليج وبس كبري عقلج وطنشيهم ..=)

 

[قماشه]

والله انتي ام السنع

لكن في حريم اخوان يستاهلون وفي عقااااااااااااااااااااااااارب مهما تسوين لهم ما يبين بعينهم

 

[وردة الدوحه]

@@

وايد استغربت صراحه ..أنا حريم أخواني مثل خواتي بالضبط
يعني عادي يزورونا ببجامه.. يرقدون عندنا احيانا..مع انه ولا وحده تقرب لنا كلهم أغراب مب من العايله
وحتى الوحده فيهم لي دشت وانا قاعده أقولها ضيفي نفس عندج يد وريول >>ع سبيل المزح
وبعد اللي عندي أعمارهم تتفاوت وحده بالاربعينات ووحده بالثلاثينات و2عشرينيات وانا عشرينيه وخواتي بعد يعني ميانه طايحه من قللللللللللللللب والحياه حلوة
ترا من جد ستغربه حدي انه فيه علاقات رسميه بين الاهل وبالاخص حريم الاخوان
مادري اذا احنا غلط قولو لي !!!!

 

[Miss Cherry]

شنو فيها اذا قهويتيهم .. انتوا عندكم اللي يقهون الشغالات ؟

اذا جوكم ضيوف ما تقهوينهم وتضيفينهم


انتي صح ماعليج من رفيجاتج

 

[عروس مطيريه]

حبيبتي هذا من الذوق والأدب