طريقتج مع حريم خوانج !!!

[كبرت قبل اكبر]

مدري بس لازم تضيفيتهم لان هم ببيتكم وانتي ماتبين العيب

 

[بوادي الفلا]

اكبر طاف

انا اخدمهم هذا الي ناقص

كله وحدة عارفة شنو تبي تقوم تخدم نفسها بنفسهاا

شكوو اغث عمري على ناس مو كفوو حشيمة

واخرتها يا يحشون فيج يا ينقلون قلب اخوج عليج

اخذيها قاعدة لا تخدمين احد الا اذا بدا هو بالحب والسنع من نفسه

غير جذي كلش ماله لزووووووووم

معها الاخت
اكيد طااااااااااااااااااااااااااف مالت ،خير تعمل شر تلقى ،صحيح اصابع يدج مب وحده ولكن معظهم وخاصة خاصة اذا كنت معلمة تربيه اسلاميه (من واقع تجربه)لا تعطيها ويه جلابت كلام:rgewrg:

 

[..<< ندى الورد >>..]

حبيبتي من عمر هاذي عاداتنا وتقاليدنا في الضيافه

اي احد يزورنا سواء نحبه او نكرهه نقدم له الضيافه ونخدمه ونشوف راحته

يكفي انهم تعنو و سيرو كليكم

وانتي ما عليج من صديقاتج دوري فرحه امج يوم شافت

عيالها وحريمهم وعيالهم زايرينهااا ... شوفي اخوج لما يستانس وانتي تسولفين وتتغشمرين مع مرته

ومهما كان انتو لحم ودم اللي عليج سويته ضيفتيهاا واهي كيفها اهي وضميرها تبي تحش فيج انتي الكسبانه كلهااا حسنااات لج .

وما عليج من كلام البنات اللي تقول انا ماني خدامه .. انتي ما شاء الله عليج كبيره وعاقله و فاهمه
وخلي عنج تفاهات بعض الحريم اللي تبط الجبد < ما وجبت و ما سوت وما حطت .. الخ

انا مرت اخوي معاي بنفس البيت وهي كبري ما بينا فرق بالعمر بس اول ما تنزل عندي على طوول اروح اجيب القهوه والجاي واقهويهااا

خلاااص هاذي عاداتنا تربينا عليهااا حتى لو مرت اخوي نفسيه وما تدانيني اللي علي اسويييييه

سوري قرقت وااايد​

 

[aṕriliå]

عادي اعتبرهم حالهم حال الضيوف اذا زاروكم

 

[PINKEIA]

ماعندي حريم اخوان آكبر واحد من اخواني عمره 26 ليلحين ماقرر يتزوج عاد ناطره أصير حماة وطريقتي أكيد بتكون حلوه واعتبرها اختي لأنه ماعندي خوات والي تقول لو شنو ما أخدم مرت اخوي اذا اهيا أكبر منج بسنه أو أكثر عادي أنا خالاتي جذي مع زوجات خوالي مو اهانه اذا يبتي لها شغله ولا ساعدتيها ماقالوا غسلوا ريول حريم اخوانكم عشان تكتبون طاف ومو كفو حشيمه ومادري شنو والي تحب اخوها أكيد ماراح تزعله ع سالفه ماتسوى

 

[شوكولاته ملونه]

السلام عليكم انايديدة بلمنتدى الله يعينج وشاروري امج وخواتج اول وشوفي شنو يقولون

 

[احلى ـآ وحده]

بالعكس حبيبتي هذا دليل انج ذوق

انا ماعندي الا مرت اخو وحده وتنحط على الجرح يبرى كافيه خيرها شرها ..

وبيت حمولتي حمواتي متزوجات قليل مااصادفهم ..

 

[هيبة ملك]

اذا يستاهلون مافيها شئ

مايستاهلون عطيهم طاف خلي امج تقابلهم منتي ملزومة

أنا أول جذيه اضيفهم ووأوجبهم شفت البعض مايستاهل فعطيت طاف

ازورهم لاولدوا بس وبالعيد انزل اسلم وأمشي ومالي شغل فيهم وارتحت

لما تزوجت صرت نفسهم ضيفه

 

[kuwait_queen82]

ياحياتي الله يعيينج


بس تبين الصراحة ماعرفنا منو الحق معااه لوووول


بقسم الزوجية طب بالحمولة

واهيي طب بالجنة ؟؟؟؟

سبحان الله


واذا اهناك بقسم الزوجية عطيتي العذر للحمولة قالولج اللي ايده بالماي مو مثل اللي ايده بالنار ؟؟؟


بالله هذا رد


انا اقوولكم

انتي اتسويين اللي علييج علشان اخووج


اذا حصلتي منهم اذى فعلا مو بس بالحجي

لاا اذووج بلسانهم و افعالهم و تصرفاتهم

ذيج الساعة صيري رسمية

هلا بوبا سويت خلي الي بالقلب بالقلب

 

[!الجادل الصعب!]

بالعكس حبيبتي اذا مو سآكنين معاكم .. الي تسوينه هو الاصول بعينه وعلمه ..
يعتبرون ضيوف .. والضيف تكرمينه وتقومين فيه ..
عآد اذا هم يستآهلون او لآ هذا مآيمنع انهم بالاخير ضيوف ولهم حق ..
خلي البنآت الي يتحلطون يستريحون .. وسوي بآصلج ..

 

[الملكهA]

والله انا كنت مثلج بالضبط

ولا يمكن احسن منج بعد انا انظف معاهم شققهم واخم وارتب

واضبطهم حتى مكياجهم احطه

والله كله على فلس تعرفييين يعني شنوو فلللللللللللللللس


لو اني مجاااابله خدامتنا ابرك وربي ابرك 100 مره


ما اقولج حطي عليهم لا
ابتسمي بس ديري بالج لا تامنين لهم
ولا تخلينهم يمسكون عليج ممسك


كل ما قالوا اسم والا يااابوا طااري احد قولوا حبيب وطيب
لا تحشين ولا تذمين

 

[قلبي مو بيدي]

لا بالعكس انتي صح لاتسوين مثل ماقالوا صديقاتك انتي ببيت ابوك مانتي خدامه عند احد هذا الشي حطيه ببالك
والله حنا نعامل حريم اخواني مثل خواتي ونضيفهم لاجو مثل الأغراب حنا أهل مايصير نحقد على بعض على شان اشياء تافهه
ومرة اخوي الكبير مو كويسة معنا بس مع ذلك نعاملها زين مو لأنا خايفين من احد لكن لأننا حنا ناس ارقى منها وهي انسانه ناقصة بشهادة قرايبها لما شافو تعاملها وكل يوم تطلع علينا كذبه جديدة واكيد اننا ننقهر بس مع ذلك نعاملهم زين (قابل السيئة الحسنة تمحها ) ومايصير نخليها تفرق بيننا وبين اخونا لأن هذا اللي تبيه ياريت تكونيين فاهمة علي

 

[عنودهـ ~]

انا عندي ثنتين بس من حريم اخواني والباقي ماتزوجوا للحين
انا عن نفسي ارتاح لوحده من حريم اخواني وهي مرت الكبير حيييييل احبها وتحبني
وااضح عليننا يعني حب في الله مو خرابيط يعني دايم تتفقدني واتفقدها اما الثانية
علاقتي فيها رسمية ومابينا الا كل خير ولله الحمد
عامليهم باخلاقج وماعليج منهم
الشيئ اللي ترتاحين لما تسوينه سويه وماعليج من احد
لارفيجاتج ولا احد ثاني
سوي اللي انتي تشوفينه صح
وبالنسبة للضيافة
انا يوم كنت عروس كانوا يضيفونني ويصبون لي
اما الحين خلاص :
صرت اصب لي ولهم الا اذا وحده منهم تكفلت بهالشيئ
عادي والله اتمنى يصيرون عندي حريم خوات كثر خواتي
الله يرزقج بالزوج الصالح يارب وحسني العلاقة معهم عشان اذا حبوج
بيمدحونج ويجي نصيبج ان شاءالله لان حريم الاخو عايشين معج يعرفون اطباعج يعني اذا تكلموا فيج بيسألونهم اهم لانهم يعرفونج عدل
اعرف وحده من قرايبي انخطبت من شاب ووافقت عليه وبعد ماتزوجت وحملت اكتشفت ان زوجها جاي من طريق مرت اخوها ومرت اخوها ماشاءالله مسوية هالشيئ خير ولوجه الله عشان كذا وصتهم مايقولون لها انه جاي من طريقها
وان شاءالله انتي تصيرين مثلها
عذريني ع الأطاله وربي يوفقج حبيبتي

 

[شذى2007]

هذا الصح حبوبه يعتبرون ضيوف بما انهم مو عايشين معكم بنفس البيت لو ضيفه تجيكم كل يوم اكيد بتضيفينها دايم يعني انها مرة اخو لا هي تخدم نفسها مايصير عدل اللي تسوينه والله قولي لرفيجاتج كل وحده تحط نفسها مكان مرة اخوج مايبون اهل زوجهم يضيفونهم لانهم مو عايشين معاهم

 

[زهره القرنفل]

عادي قهويهم وضيفيهم واستقبليهم استقبال حلو

 

[سيلينا]

لي ضيفتي حريم اخوانج تصير خدامه

والله شوفي والله اني احبهم كلهم مع اني مو حيل تلفونات وجذي سوالف بس احشمهم وعطاياي لهم غير مهما يكون هذيل امهات عيالنا وخواني عزوتي
والله انا ازور بيت اهلي الجمعه مع اني انا الزياره واهم اهل البيت اقوم اصب لهم واضيفهم عاادي اذا مو انا وحده من بنات خواتي او بنت اخوي يعني مافي شي محدد من المفروض يضيف وعادي في منهم الي تقوم وتصب لروحها يعني بينا مافيها حزازيه من يصب الشاي ومنو يقدم

انتي الصح ورفيجاتج غلط ماله داعي ان كل تصرف يفسرونه حريم اخوانج انتي وياهم اهل عيالهم انتي عمتهم هل معقول بالزواره كل وحده تخز الثانيه ناطرين احد يصب الشاي والله مرات مانصب مو عن مابي اخدمهم بس احنا وياهم اهل تشوفين الي تطرش بنتها وبنت حماها تقوله صبي لي معاج ما اشووف فيها شي
انتي تعاملينهم بطيب اصلج

 

[reeeza]

مشكووووره علي الطرح

 

[ملوكة الامورة]

بالعكس حلو الي تسوينة
والله يوفقك
يرزقك بالزوج الصالح يارب