تكفوون ابي مسااعده

[دفء الجليد]

السلام عليكم ورحمه الله وبركاته ..

وش اخباركم اخواتي عساكم بخير

بصراحه انا عندي مشكله

ومو عارفه اشلون اتعامل معاها

ابيكم تساعدوني

تكفوووون طلبتكم وانا اختكم

وربي اني حاسه الدنيا ثقل فوق راسي

ما عاد اقدر اتحمل ابد

انا امراه عمري 30 متزوجه من 10 سنوات

عندي 5 اطفال 4 اولاد وبنت جبتها باخر حمل لي من شهر وشويات

ادعو ربي يخليهم لي

مشكلتي اني تزوجت من رجال ما شفته الا بليله العرس

وهذي من العادات السيئه يقبيلتنا ان ذاك

زوجي انسان كتوم ما يحكي ولا يسولف
همه الكورة والمباريات

زوجي شخص مو اجتماعي

وما يحب التجمعات الي بالبيت العود

لو حكى معي قال وش ناقصكم بالبيت

ولو سكت يطالع التلفزيوون

جربت بكل الوسائل اخليه يحكي ويصير اجتماعي بس مافي فايده

وغير كذا مسفلني مو مهتم فيني
ما يعرف قدايش انا محتاجه منه الكلمه الحلوة

اذا بتقولو علمييه وقولي له

وربي يا عااالم اني احكي واقزل وهو مغير يهز راسه

بالله علمووني وش اسوي

وهو تزوج علي بوجده كان يكلمها بالجوال ..

وفوق كل هذا كان مطلقني ورجعت له عشان عيالي
ولاني ماعندي الا هو بعد الله سبحانه
ابوي شيخ كبير وامي مره كبيره وما عندي اخوان
بالله علموووني وش اسوي

وربي طفشت من حياتي

وطفشت منه

ما اعرف وش اسوي ...

تكفووون دلوووني عالطريق الصحيح

نخييييتكم

.......

دمتم بكل الخير ..

 

[دفء الجليد]

وينكم ؟؟؟!!!

وربي اني ابي الحل ..

تكفووووون ..

 

[! بــدويه وآآيــد !]

،


وهللي يكلمها بالجوال توقعين مايغازلها ويتغزل فيها ؟
زوجج مو قادر يعطيج ليش الله اعلم
ودامه خذا عليج بنت شارع ليش رديتي له ؟ حبا فيه ؟ والا من حنانه الزايد على عياله ؟
بسال انتي كويتيه او سعوديه ؟ لان ودي اعرف اي قانون ينطبق عليج
واتوقع زوجج خلااص هذا هو مايتغير لان 10 سنين و5 عيال مو شويه
​

 

[قاهره عذالي]

الله يعينج بعونه
تسلحي بالدعاء
والصلاة والصبر
وارقي نفسج وبيتج واستعملي الاشفيه الشرعيه من ماي وزيت مقري وعسل وخلطة السدر
عشان ع الاقل ترتاحين

 

[زوجة عزيز]

وي صج يقهر اكا انتي قلتي الله يخلي لج اعيالج وامج وابوج ان شاء الله انتي مو محتاجته ليش رجعتي له وخاصة يوم عرفتي انه تزوج اذا كنتي تحبينه صبري عليه واذا خلاص مافيه فايده ولا يبي يعدل بينكم او مو مهتم فيج صارحيه قولي له واذا مافاد تطلقي منه والله يفرجها عليج ان شاء الله ويسهل امورج

 

[( المـلاك )]

اختي اول شي الله يسرلج امرج و يسهلج دربج
وعسى الله يخليلج عيالج ويحفظهم ويخليج لهم .

انا يوم قريت الموضوع بالبدايه
كنت عارفه انه المشكله من الريال نفسه او من تربيته وبيئته اللي كان فيها
عشان جذي الريال مو اجتماعي وكله ساكت

بس يوم كملت الموضوع وقلتي انه متزوج وحده كان يكلمها
فمعناته انه الريال طبيعي اجتماعي عادي و يعرف يتكلم ويتغزل ووو
عيل تتوقعين طول ما انه يكلمها ماكان يقدر يتكلم ؟ او يقول كلمة حلوة ؟
جان ما انجبرت فيه البنت وحبته وخذته !

انا من رايي اقول يمكن الغلط منج اختي واسمحيلي على كلامي
بس دام انه الريال متزوج وحده ثانيه وكان يكلمها
يعني الريال قادر على الاشياء اللي قلتي انه ما يسويها لج
فمعناته هالشي صار مع المرة الثانيه و ماصار معاج .
يعني شوفي انتي شلون كنتي عنده ؟
معاملتج له ؟ طريقتج ؟ لبسج ؟ شلون تكلمينه ؟ وين تشورين عليه ؟ شلون ؟ ووووووو ؟
اكيد كان فيه شي منج حس انه بنقص او ما عجبه
فلجأ لغيرج و اكيد عطته وبالتالي التعامل معاها صار زين .

مادري والله !

 

[دفء الجليد]

شاكرة لكم تواجدكم ..

والله يجزييكم الف خير ..

انا سعودييه وما رجعت لزوجي حبا فيه عشان عيالي ما ابيهم ينحرمو من ابوهم

العيب مو مني .. ابد ..

والبنت الي نزوجها علي اكبر مني .. او بنفس عمري ..

ما بيننا فرق بشي ..

وماعمري قرت عليه بشي ابد ..

كل الي يبيه عنده ..

مع اني صابره على اهله ولا اقول شي ..

ومرته الثانيه مو معطيتهم الحشيمه ابد ولا تواطنهم ..

عالعمووم جزاكم الله الف خييييير ..

وشكرا لكم ..

 

[نذرت الحب]

امبي الله يعينج قصتج ذكرتيها بشكل عام بدون تفاصيل
اشلون تطلقتي ورديتله بعدين ....
يعني عقب اشكثر من طلاقج رديتله ؟؟... وشلي حادج ...؟؟
من كلامج كان جدا بخيل معاج بالكلام والمشاعر اخر شي طلع متعرف على وحدة يعني حجي ومغازل...
اشلون هانت عليج نفسج عقب اترديله؟؟
يعني انت الحين على ذمته مع مره ثانية .. وانت اشايفه منه يعدل بينكم ولا لأ؟؟
وانت شنو تبين بالضبط اي نوع من النصيحة تبين ؟؟النصيحة راح اتكون على حسب وضعك بالضبط.

 

[اشتياق]

الله يعينج على ما ابتلاج
سبحان الله فوق كل هالشين اللي فيه
تطمعين لكلمة حلوه وغزل يخفف عنج طعناته وعبراتج هالسنين
ومع هذا بخيل فيهم..!

يالله كم اكرهكم يااااااعاااالم الرجال <<<من صجي ترى

 

[انا لحبيبي .]

الله يعينك ،، ازا زوجك صرلو 10 سنين هيك ومتزوج وحده عليكي ما اتوقع يتغير شي لانه تعود على هالوضع ، وصار عندو وضع طبيعي

 

[! بــدويه وآآيــد !]

،

عبالي كويتيه كنت بقولج لو مالج احد يطلقج تمصينه مص بس بالسعوديه ما اعرف نظامكم
خلج ابيتج ولاتعزينه ولاتخدمينه سوي الي عليج كزوجه بس لاتزيدين بالسنع واهله عامليهم مثل مايعاملونج مو مجبوره تحملينه وتحملين اهله ولا لاجل عين تكرم مدينه هو حتى عينه ماتستاهل تحملينها عيشي حياتج مع عيالج باجر يكبرون ويسوقون ويقومون فيج وهو بيخيس ابيته وعند بنت الشارع مالته الله يعينج الي صبرج 10 سنين يصرج 5 سنين لما ولدج يفهم ويقوم فيج عسى الله يخلي لج عيالج ويبرونج ويغنونج عن الدنيا​

 

[أميره الدوسري]

يَ قلبي الدنيآآ إمتحآآن من ربنآ سبحآآنه وتعآآالى وربي يمتحنج فيه آصبري عليه عشآآن عيآآلك آخلصي النيه لربج

لآ تنسين تدعين ربج سهآآم الليل لآ تخطئ


لآتفكرين فيه كثير آعتبريه بلوه ولآزم تصبرين عليهآ عشآآن تفوزين برضآ ربج وسعآآدة عيآآالك


والله يسخركم حق بعض

 

[!الجادل الصعب!]

يعني مسكره بروحج وتقولين آبي .. آقابل امي وابوي واراعيهم بكبرهم واخذ عيالي معآي
ولآ اني اقابله هو وزوجته وآحر نفسي بنفسي ..
يمكن لآ شآفج بآيعه يحن قلبه ويرد .. لآنه يشوفج رآضيه فحآطج على ركن وممشي حيآته ..!

 

[دفء الجليد]

تسلموون حبايب قلبي ..

وربي كلامكم ريحني شويات ..

ادعوولي ربي يكبر عيالي ويسخرهم لي ..

وربي ما ارجي غيرهم بالدنيا ذي ..

امم فتره طلاقي منه ماتعدت السنه على بعضها ..

اشتيااق حبيبتي تري مو كلهم كذا يابعدي ..

وربي في بعضهم ينحطون تاج عالراس ..

ما اقول الا ربي يصبرني ويعطييني عقد نيتي ..

شااكره لكم تواجدكم من جد ..

لاعدمتكم خوااتي ..

 

[اسم والسلام]

تزوج وحده (( يكلمها )) يعني يعرف يتكلم جعله ينسحب من لسانه


هذا ماله حل غير الدعاء والصبر من عند ربج على مابلاج وتظهر لج على النور

 

[ريمي اميري]

البنات ماااقصرو ,, بس من رايييي هذا طبعه كذا معك ومع غيرك يعني موبسهوله بيتغير اما اقبلي فيه زي ماهو
ولا تاقلمي معااااه ,, الله يوفقك يارب

 

[قاهره عذالي]

يعني مسكره بروحج وتقولين آبي .. آقابل امي وابوي واراعيهم بكبرهم واخذ عيالي معآي
ولآ اني اقابله هو وزوجته وآحر نفسي بنفسي ..
يمكن لآ شآفج بآيعه يحن قلبه ويرد .. لآنه يشوفج رآضيه فحآطج على ركن وممشي حيآته ..!

معاج بهالرد
انا عن نفسي بسوي جذيه لو انا مكانها
ماراح اتحمل اقابله هو وزبالته اقصد مرته اللي جايبها على راسي يحرني
ترا اكبر قهر لمراه انه زوجها يتزوج عليها

 

[أم توتو]

الله يعينج حبيبتي لاترجين يجي ويقولج انتي شكلج وايد طيبه وعلى نياتج عشان جذيه تزوج عليج قال هذي طيبه ماراح تزعل وبسرعه ترضى نصيحه سواءا كنتي بيت اهلج او عند زوجج عيشي حياتج واعتبريه مو موجود والله يخليلج عيالج يسوون الدنيا ومافيها واهو الدنيا دواره باجر يدورج الله يسخرلج

 

[دفء الجليد]

تسلموون يالغوااالي ..

الله يجزييكم الف خييير ...

وييسر لكم امووركم ..

ولا يورييكم هالضييم ابد ..

 

[*ريما*]

الله يهدية لك