اذا انتي مو محترمه فهذا شي ثاااني؟؟؟..؟؟

[ابعلن جنوني]

:eh_s(17):

السلام عليكم ,,

كويتيات فديتكم نك نك على ؤاسي
كل مااكتب مشكله تسعفووني بااحلى ردود وحلول

بنات بختصر مشكلتي
زوجي متغير حييييييييل حييييييييييييل

اولا انا توني متززووجه ماخذته عن حب

تخيلوا اي شي ينتقدني علي اي شي يزعله اي شي يدوور سبب عشان يزفني
وينقدني

وامس كنت اسولف معااه واضحك قطيت كلمه عاديه
بيني وبينه ميانه ومو اول مره تصير
قاال هيه لو سمحتي عدلي اسلوبج انا
ابي اسمع كلام بنت ناعمه دلوعه
مو هالحجي

لو ادق على واحد من ربعي
بسمع منه نفس كلامج
عيب احترميني
واما اذا انتي مو محترمه فهذا شي ثااني


انا انصدمتتت والله اول مره بحياته يقولي هالحجي؟

كتبتله مسج وقلت انت تبي بنت ناعمه شلك فيني جني واحد من ربعك؟؟
قالت يابنت الحلال انا ابيدج تحترميني ابي بينا احتراام
×اللي قلته ترا متعووودين عليه وعادي حتى اهوا معلمني عليه <<<<




الحين انا رحت لهلي زواره ونمت
وادزله بالواتس اب اشعار عتب وانك تغيرت

ومايرد من امس؟؟



تكفووون شالحل ابي ارد يحبني مثل قبل
تعبت افكر
ابيه يحس انه كلامه دفش معاي
تكفووون عطووني مسج
او حل
اغيب عنه فتره ؟؟؟
ولا شسوي
تكفوووون ماعندي خوااات
غيركم
:eh_s(16):

 

[مناير ...!]

الريال مايعرف للتلميحات وابيه يحس
مايفهمون جذي
حاجيه حجي مباشر طلعي كل الي بقلبج

 

[brettey]

عليج بالدعاء والاستغفار وصلاه الليل

 

[الوش 2011]

الله يهديه لج

 

[سوسن1980]

صارحيه انك تضايقتي من اسلوبه وحاولي تغيرين اسلوبك اذا هو متضايق منه

 

[أم توتو]

الله يهديه

 

[ريـمـآأن..}]

الله يسخره لك ي رب

 

[جروح ودموع]

الله يسخره لج حبوبه ولا تنسين الدعاء بكل صلاة

 

[ضايعة بدنيتي]

شوفي حبيبتي .. انتي الحين زوجته مو حبيبته ولا صديقته ولا واحد من ربعه على قولته

وصيري مثل ما قال لج .. صيري جدامه بس الدلوعة النعومة وانسي الدفاشة في الكلمات والحركات معاه

قبل انتي حب وبس. اما الحين زواج وعشرة وقاعدين تتعرفون على اطباع بعض من اول ويديد . عرفتي شلون ؟؟ خليه يتعرف على اطباعج بالطريقة الي هو يتمناها لا تخلينه ينصدم في الي حبها .. انسي كلمات الدفاشة والغشمرة حتى لو هو علمج عليها . تغشمري معاه في الحدود اليديدة الي هو حطها الحين بعد الزواج .

الحين انتوا عايشين مع بعض . مو من بعيد لبعيد . عرفتي ؟

انا اقول اعذريه وحاسبي نفسج وحاسبي لتصرفاتج جدامه .. وعاتبيه بدلع وقولي له انا كنت اتغشمر غشمرة انت علمتني عليها ولا انا مو متربية على هالكلمات وما كنت اقصد ابدا اني اضايقك بس كنت اضحك معاك .. وحقك علي وانا اذا ما احترمتك انت عيل احترم منو ؟؟ انت زوجي وبو عيالي وتاج راسي ولا تظن بلحظة اني ممكن اقلل من احترامك .... ومن هالكلام مع شوية دلع وحبيبي وحياتي وبعد قلبي والذي منه . مافيها شي . حتى لو تدزين له هالكلام بمسج.. ولما تشوفينه طيحي الحطب ودلعيه وتدلعي عليه وانسي السالفة

والله يهنيكم ويوفقكم ويسخركم لبعض

 

[كويتية زقرتيه]

والله لو أنا منج تدرين شسوي والله أرد البيت والبس وأكشخ وأسويله لقمه ياكلها وأبخر البيت وأسنعه ولما يدش المه وأقوله هالكلمه حبيبي اللي قطيتها مو معناته أقلل من أحترامك بالعكس أنته عالعين والراس بس هالشي كنا متعودين عليه وإذا أنته ما حبيت هالكلمه خلاص ولا يهمك ما أقولها أفا عليك بس أبي منك شي واحد إذا ما أعجبك شي ياريت أتقولي ما أبي هالشي منج بطريقه ترضيني حبيبي أنته ما تعودت هالأسلوب منك لأنك أرقى وأحن شخص بحياتي وبس وقوليله أنا يت وكلمتك وهالشي ما يقلل من قدري لا أنا يت لأني ما أبي أتعود يصير بينا هجر ولا أبي أحد يفهم الثاني غلط وكان الله غفورا رحيما لازم واحد يضحي شوي عشان السفينه تمشي عرفتي والله يهديكم لبعض​

 

[الغاليه ام احمد]

الله يهديه ويسخره لج

 

[قلبي سلومي]

لا تقطين نفسج

ثقلي

لمن تواجهينه قولي اللي بخاطرج و قوليله ان شاء الله عمر الاحترام مايطيح بيني وبينك
واكيد الاحترام موجود لان ابو عيالي بس كنت اتغشمر والظاهر انك فهمت غلط

وبس

 

[اجمل الورود]

البنات ماقصروا% عطوك الحل الله يسخره لك انشاء الله

 

[! بــدويه وآآيــد !]

،


حبيبتي انتي الحين زوجته مو حبيبته يعني تصيرين زوجه مو سوالف فون وقرقه وتقطين الكلمه ويضحك يبيج تكونين مثال لعياله الي باجر يأمنج عليهم

الله يهديه لج ويوفقكم​

 

[قاهره عذالي]

ترا الرجال يحب تكون زوجته انثى رقيقه ناعمه محترمه بكلامها ماتقول شي يغث سمعه
ترا معاه حق
سمعي كلامه

 

[بقــآيآ جـروح]

حـلو ريلج صريح ليش زعــــــــلآنه بعد كلمه وطآآف
يحبج دلوعه تدلعي شورآآج ههههههههههههه​

 

[فانتا ستروبري]

عادي ترا الازواج مرات يعرون عرات تبط الجبد ويقطون كلام يقث شنسوي بعد الله كريم

الله يهديه لج يارب​

 

[زوجة عزيز]

شوفي حبيبتي .. انتي الحين زوجته مو حبيبته ولا صديقته ولا واحد من ربعه على قولته

وصيري مثل ما قال لج .. صيري جدامه بس الدلوعة النعومة وانسي الدفاشة في الكلمات والحركات معاه

قبل انتي حب وبس. اما الحين زواج وعشرة وقاعدين تتعرفون على اطباع بعض من اول ويديد . عرفتي شلون ؟؟ خليه يتعرف على اطباعج بالطريقة الي هو يتمناها لا تخلينه ينصدم في الي حبها .. انسي كلمات الدفاشة والغشمرة حتى لو هو علمج عليها . تغشمري معاه في الحدود اليديدة الي هو حطها الحين بعد الزواج .

الحين انتوا عايشين مع بعض . مو من بعيد لبعيد . عرفتي ؟

انا اقول اعذريه وحاسبي نفسج وحاسبي لتصرفاتج جدامه .. وعاتبيه بدلع وقولي له انا كنت اتغشمر غشمرة انت علمتني عليها ولا انا مو متربية على هالكلمات وما كنت اقصد ابدا اني اضايقك بس كنت اضحك معاك .. وحقك علي وانا اذا ما احترمتك انت عيل احترم منو ؟؟ انت زوجي وبو عيالي وتاج راسي ولا تظن بلحظة اني ممكن اقلل من احترامك .... ومن هالكلام مع شوية دلع وحبيبي وحياتي وبعد قلبي والذي منه . مافيها شي . حتى لو تدزين له هالكلام بمسج.. ولما تشوفينه طيحي الحطب ودلعيه وتدلعي عليه وانسي السالفة

والله يهنيكم ويوفقكم ويسخركم لبعض

معا ضيوعه انا والله يسخره لج حبيبتي :eh_s(17):

 

[كتكات احمر]

بختصار ولا تزعلين

اول شي الميانة الي طاحت بينكم قبل الزواج بمرحلة الحب لازم تنسينها مؤقتا حاليا لان الريال شكله بعد فترة من الزواج اذا عرف البنت قبل الزواج مع الزواج شوي تطيح من عينه تكون خفيفة لانها عارفته من قبل فهوو بطريقة غير مباشرة يبي منج النعومة والذرابة والثقل والكلام الحلوو واهم كلمة بكلامي الثقل والهدوء والغشمرة الثقيلة الي بمرحلة الحب انسيهاا لانها اتطيح من قدرج عنده وصلت؟

 

[x.Lina.x]

الصباياااا ماقصروووا بس نصيييييييييييييييييييييييييييييييييييييحه كل ماتهاوشتي معاه وعصب وخري عنه بسرعه وكثري استغفار