للأسف أول مرة أتأخر جذي العادة قبلها بفترة انا حاجزة خالصة مسوية بحث
مزيونة يعطيج العافية على هالموضوع بصراحة انا ناوية أروح سويسرا ان شاء الله واحتمال فرنسا بعد وليلحين جاري البحث
عن المخطط طبعا أنا ليلحين ماسويت ولا شي
ومخطط كامل عن الرحلة الا هالسنة احس نفسي ضايعه لاني تأخرت وايد لظروف خاصة واحس الاسعار ارتفعت والايام تركض
ومايندرى اذا الله سهلها وكتب لنا نسافر توكلنا على الله والله كريم ان شاء الله..على العموم مبدئيا حاطة ببالي السفرة راح تكون
3 أسابيع تقريبا الوصول باريس ومنها راح تكون الانطلاقة بس ماني عارفة ليلحين أسوي مخطط الرحلة طبعا بروح سويسرا
بس مو جنيف يعني يمكن زيورخ والاكيد انترلاكن..ياليت تساعديني بالمخطط لاني ضايعة بسالفة المسافات بين المناطق والدول
أول شي باريس تقريبا 5 ايام بعدها شرايج وين أروح؟ ستراسبورغ ولا انيسي ولا سويسرا علطول؟؟ رحلتنا عائلية يعني معاي
عيالي 2 يعني لازم اروح ديزني ويورو بارك والاماكن اللي فيها العاب علشانهم بليز مزيونة بما انج عندج خلفية ياليت تنصحيني
بالمخطط ويزاج الله ألف خير حبيبتي.
زيورخ يا زيورخ
انا عن نفسي سكنا في فندق موفيمبك والله ما اذكر السعر بس احلى مافيه كان يما بالضبط الجمعيه كبيره وفيها محل c&a الشهير يعني سوق وجمعيه :d
وانصحج من زيورخ تروحين اوربا بارك اللي في ألماينا لان اهيا تكون قريبه يم زيورخ واييد وحلوه دام معاج اطفال وهمن حلوه حق الكبار مناسبه حق كل الاعمار
اما انترلاكن تهبل تهبل طبيعه وجو خيالي ومناظر حلوه والبحيره اللي يكون وراها سكه القطار حيل عجيبه ياليت اعرف انزل الصور جان وريتكم
والبلاك فورست احنا مرينا عندها حلوه بعد ورحي حق البحيره الزرقاء عجيبه ومنظر خيالي وساحر اما عن هايدي لاند تهبل وكلها خضار وشلالات صغيره تهبل وتصعدين اجبال في رحله حيل حلو اللي ايها اسرع شالالات في اوربا تهبل ياخذج في قارب ويتمشى فيج ويوديج القمه تصعدينها والمنظر عاد ساحر من فوق بحر جبال وطبيعه وشالالات وصوتهم فا انصحج فيها
