السلام عليكم ورحمة الله وبركاته
عندي مشكله وأدور لها حل ،،، المشكله هي إن زوجي مشارك بأحد المنتديات
والمنتدى هذا صاحبته حرمه أرمله أكبر مني ومنه بحدود 46 سنه وإكتشفت إنه
على علاقه غراميه فيها موبس بالمنتدى حتى بالتلفون ومكالمات ومسجات
وكل يوم ترقيه بالمنتدى لين صار من الإداره ،،،، بس ترا هو معطيها كل بياناته
جذب بجذب حتى إسمه , وقايلها إنه مو متزوج وما عنده عيال . ومره هددته إني راح
أفضحه
وأقولها إنه متزوج وعنده عيال
ويومها عصب علي وشوي ويطقني وخفت منه وما قلت لها هالحقيره
للحين عندها أمل بنفسها وعايشه الدور إنها عاشقه ومعشوقه
وعلى فكره حتى بنتها الكبيره مشاركه معاهم بنفس المنتدى
وتشوف مراددهم على بعض بالمواضيع وأبيات الشعر والرومانسيه اللي يحطونها
لبعض وعادي عندها ،، وفيه لهم مواضيع حتى الأعضاء مايشاركون فيها
لأنها عباره عن ديوتو بينهم بس يتغازلون أشكره يعنى بالدين تعتبر مجاهره
بالمعصيه .
قولولي شنو الحل وشسوي معها
الله لا يوفقها لا دنيا ولا آخره
وحسبنا الله ونعم الوكيل عليه وعليها
