روايــة لجـل عيــونكـ ابيـــع كـل شــــي ( ريـــم &فـهد )

[الحلوه وبس]

بسم الله الرحمن الرحيم
حبيت انزل لكم هالرواية اللي تتكلم عن احداث من نسج الخيال
هذي مو اول مرة انزل رواية نزلت روايه بالصيف اللي طاف وكانت حلوه وكملتها بس حييل قصيره و ماعطيتها حقها لاني لهيت
رواية شفايدة الندم رواية واقعية
http://www.q8yat.com/t655222.html
بس هذي ابي فيها تفاعل قوي اذا عجبتكم
:eh_s(22):اول شي ببدي بالبطلة "ريم"
عمرها 16 سنة عنيدة وحبوبه وطيبه واللي بقلبها على لسانها طولها زين وشعرها اسود بس متحجبة حلوه حواجبها مرسومين وعراض وعيونها زينه وخشمها نتفه صغيرون
ام ريم "فاطمه": ام بدر ام حبوبه وطيبة بس كلا ما ترضى وتسوي من الحبه قبه مثل ما يقولون
بوبدر"خالد" : انسان طيب طيب بس مو اي شي يرضى عليه ولكن طبعه حلو بالتفاهم كل شي يصير يشتغل مع نسيبه بو فهد في احدى شركاتهم
بدر : اخو ريم الكبير عمره 25 يشتغل باحدى الشركات مهندس وعصبي ومايتحاجى
عايشة : اخت ريم الكبيرة عمرها 23 متزوجه وعندها عبدالعزيز سنتين و سارة 3 اشهر
طلال : اخو ريم اللي اصغر منها عمره 15 شيطان وكله مع عيال عمه
شوق : الجعده عمرها 12 عنيدة وراسها يابس ومزااجية درجه اولى
__
اليكم الرواية :
ريم : وااي حوورو يلا انشالله مو سنه انطرج ؟
حور : انزيين كا البس الكعب مال اكفخج فيه
ريم : لا تخليني احرك
حور : يبا اسفه اتغشمر
حور : بنت خال ريم عمرها 16 وحييل ويا بعض ونفس الشي بكل شي الطبع وكل شي بس ضعيفه وعصاقل عكس ريم لكن حور جلد وعظم نفس طول ريم ومتحجبه حلوه سمره شوي اسمر من ريم واتينن طيبه درجه اولى​

ركبت حور السيارة وسلمت على ريم
ريم : مابغيتي ...
حور : شسوييي انتي تخلصين بدقيقه .. ها الحين نمر عايشة ؟
ريم : ايي .. الا وين نور ؟
حور : ماتبي اتييي تقول مالها خلق
ريم : كيفها .. كومار روح حق الشامية بيت عايشه "تكلم السايق"
حور : امبييي ريموو ذكرتيني تصدقين فطووم سوت عملية الزايدة
ريم : شهقت جذااابه متى
حور : مساع دقيت عليها كنت بقولها على اساس انها تروح ويانا جان تقولي انه قعدت نص الليل بطنها يعورها وقعدت امها وابوها وودوها الاميري لقوا فيها الزايده
ريم : خلاص الحين نمر عواش ومدام احنا رايحين شرق وقريب يمه نمرها .. وايي حيااتي مسكينه
حور : شدعوا عاد ترا الزايده شي طبيعي
ريم : ايي ادري
حور : عبالي بعد
ريم : كا وصلنا صوب بيت عواش خليني ادق عليها .. الوو عواش احنا بره
عواش : اوكي كاني يايه
حور : يختييي ريوم شوفيه هذا عزوز اللي يلعب ويا اليهال
ريم : واااااااااااااي فديييييييييييييييته .. ايي عيال عمه
حور : ودي انزل بس ماكو وقت
وقعدوا ينطرون عواش
ركبت عواش السيارة : قوه
حور , ريم : الله يقويج
عواش : شلونكم .. شخباركم
حور , ريم : تمام الحمدالله
عواش : قلتوا حق السايق يروح شرق ؟
ريم : اييي , كومار روح سوق شرق
كومار : اوكي
__
طرف ثاني
الليت مصكر والدار باردة
والتليفون قاعد يرن
فهد : اوووووف منو داق هالحزه وليه ,, الو هلا خلود ,, شتبي ,, متى رايحين , يلا البس انت تمرني ولا انا امرك ؟
,, خلاص مرني واذا وصلت دق رنه انزلك ..
قام فهد خذا شاور وبدل لبس جينز وبلوفر قاب
ودق على خالد
فهد : ها وينك
خالد : كاني عند لفه بيتكم
فهد : هين اذا ماكنت توك طالع من بيتكم
خالد : ها انزين يلا باي
فهد : لا تطوفها يلا باي
طلع فهد برا قعد بالحديقه لين ما يا فهد
فهد : تو الناس خست بهالجو حرام عليك
خالد : محد قالك تلبس بلوفر
فهد : يا عمي خنلبسهم ما لبسناهم شكثرهم ملابس الشتا ,, بعدين ترا احنا الحين شهر 12 يعني بالشتا
خالد : انزين انزين ما تسوى علي ترا
فهد : ايي عشان تعرف مرثانيه ما تتحرش
خالد : يلا الربع سبقونا عالسوق شرق
فهد : منو اهما بالضبط اللي رايحين
خالد : احمدو و حمين و سعود
اعرفكم على فهد : اخو حور ونور يعني ولد خال ريم عمره21 يحب سوالف الرياضة والكره ومشترك بنوادي وجسمه متناسق وحنون بس مايلقى فرصه يطلع فيها حنانه يدرس هندسة كمبيوتر بامريكا لكن ملتزم وكل فرض بوقته​

نروح حق البنات
نزلوا سوق شرق
عواش : وين تبون تروحون اول شي ؟
حور : انا يووعااانه ما كليت شي خنقعد بمطعم
ريم : اي مطعم تبون ؟
عواش : امشوا ابل بيز
حور : لاا الله يديمه مانبي مو حلو
ريم : انا اقووول تشيلز
حور : لالا شرايكم لامارينا قعدته حلوه عالبحر
ريم : اييييه بس ترا انا بصعد اطلب ماكدونالز ماحب اكله
عواش : ريمو فشلتينا ركضي مناك بعد انشالله مو بصوت عالي قصري حسج
ريم : انزين شدعوا ترا مو عالي
حور : ريووم انشالله تحسين بعمرج
راحوا اقعدوا بالمطعم وطلبوا ​

عند الشباب احمد وحمين وسعود كانوا قاعدين بنفس المطعم وبالطاوله اللي يمهم
ووصلوا فهد وخلود ودقوا على الشباب وقالولوهم وينهم وويولهم
فهد : قوه شباب
احمد : الله يقويك اهلين وين كل هالغيبه
خالد : خل يولي داق عليه اقوله ايي ويان راد علي بنفسيه
فهد : والله محد قالك تدق وانا نايم
__
عواش : حوور هذا مو اخوج فهد ؟
حوور : وين ؟
ريم : وين ليكون الشباب اللي وره !!
حوور : ايي والله اهوا
ريم : امبيي متغير و بقلبها واااي صاير زوغه هذا فهيد اللي قبل ما اصدق تغير
حوور : ايي مسكين الغربه قلبت حاله
عواش : متى رد ؟
حوور :يوم الخميس رد معطينهم عطله مادري شالمناسبه وبيرد الاسبوع الياي
عواش : اهاا الله يوفقه
حوور , وريم : امييييييييييين
حور : خل ادق اتحرش
ودقت على فهد
من طرف ثاني عند فهد
فهد : عن اذنكم شباب
الشباب : اذنك معاك
فهد : هلا حور
حور : وينك ؟
فهد : طالع مع ربعي
حور : يالكيووت شكلك اينن
فهد : شنو وين شفتيني
حور : يالعمي انا بالطاوله اللي وراك
فهد لف عليها : ومنو اللي معاج
حور : اللي جدامي هذي عواش
فهد : لا قصدي اللي يمج
حور : هذي ريوم
فهد : ايي مشالله شكلها تغير وااايد يلاا يايكم
فهد : قووه بناات
عواش وريم : اهلين الله يقويك
فهد : شلونكم
ريم : تمام وانت شخبارك و الحمدالله عالسلامه
فهد : عسى انا تمام الله يسلمج ها تامرون على شي ؟
ريم وحور وعواش : لا سلامتك
فهد : الله يسلمكم يلا مع السلامه
رد فهد مكانه واهوا يفكر بريم
" الله يالدنيا جذي كبرت وتغيرت حيييل وينها الحين ووينها قبل ايام الكاريه "
خالد : فهوود منو البنات اللي رحتلهم ,, ليكون مواعد من ورانا @@
فهد : افاا انا راعي هالسوالف حرام عليك هذول اهلي
خالد : مصدقك يبا
__
كلوا البنات ودفعوا الحساب وراحوا يتمشون
دشوا اج اند ام وخذتلها عايشة جم بلوزه حق عزوز وحور وريم لاعت جبدهم لانه عايشه سنه على ماتنقي واج اند ام مال شرق بس حق اليهال
واهما يتمشون دق سالم على
عايشه وقالها انه الساعه 10 خل ترد البيت
عواش : بناات يلا ترا الساعه 10 وريلي دق
حور : ايي يلا بعد ريم قطيني عالبيت
ريم : لا والله اقعد اقططكم كل واحد بيته اخاف ارد بليل بيتنا بروحي
حور : عن الدلع ريم بليييييييييز :*
ريم : انا اقول بلا دلع نامي عندنا
حور : امممم اوكي ادق على امي اشوفها
دقت حور على امها : الو يما يما بنام عند ريم اليوم ,, ايي كانا رادين البيت بالطريج ,, ومنو اييب ملابسي ؟ ,, اوكي
ريم : ها شقالت ؟
حور : قالت اوكي وبعد شوي بتخلي السايق يقط ملابسي
ريم : هياااا
ردوا البنات قطوا عايشه على بيتها وراحوا بيت ريم
__
عند فهد خلصوا من المطعم
فهد : ها شباب وين نروح ؟
خالد : شرايكم ندش فيلم توه نازل ؟
سعوود : يلا فوقه بس الحين الساعه 10 ونص مو جنه متاخر ؟
احمد : اييي انا الوالد قالي حدك 12 والفلم اذا بدا 11 ما يخلص الا وحده وورا
فهد : خلاص عيل خلود خلها مرثانيه
حمين : اوكي يلا شباب انا راد سعود بترد معاي ؟
سعود : اي يلا امش
حمين وسعود : يلا مع السلامه
الباجي : مع السلامه
احمد : يلا بعد انا ماشي تبون شي
خالد : سلامتك
احمد : الله يسلمك
خالد : اقول فهود شفيه احمد مو على بعضه
فهد كان سرحان
___
بنات هذا البارت الاول عاد ابي تفاعلكم ​

 

[3ajeba]

قوووووووه يا حلووووووه ,,
كمليهااا شكلج مبدعه وانتظر البااارتات اليااايه
ان شاء الله كل فتره وفتره يكون لج
يديد ,,وروايات
بالتوفيييقق ...!!​

 

[غــلآهاا غير]

بدآآيـه مووفقه غـلآلآلآي واكييد من متابعييينج وكممملي حبووووبه نااطرييينج

 

[الحلوه وبس]

قوووووووه يا حلووووووه ,,

كمليهااا شكلج مبدعه وانتظر البااارتات اليااايه
ان شاء الله كل فتره وفتره يكون لج
يديد ,,وروايات

بالتوفيييقق ...!!​

الله يقويج ,, تسلمين خيتووو والله يوفق الجميع

بدآآيـه مووفقه غـلآلآلآي واكييد من متابعييينج وكممملي حبووووبه نااطرييينج

تسلمين حياتي

 

[39la o f9la]

nice ....
bs mta t76een el partat el ydad ???
thanQ ;P

 

[6amni bs]

بدآآآآيه حلؤه
يسلمو عالبارت :$
ناطرينج

 

[سارووونه22]

بدايه حلللللوه ناطرينج حبوووووبة وما ارتحت حق احمد مادري ليش

 

[الحلوه وبس]

nice ....
bs mta t76een el partat el ydad ???
thanQ ;P

ولكم نورتي ,, البارتات ان شاءالله كل يومين انزل بارت

بدآآآآيه حلؤه
يسلمو عالبارت :$
ناطرينج

الله يسلمج وعيونج الحلوه :eh_s(22):

بدايه حلللللوه ناطرينج حبوووووبة وما ارتحت حق احمد مادري ليش

تسلمين وكل شي راح يبين بالبارتات الياية والاحداث :*

 

[غــلآهاا غير]

نــآآطرييينج غـلآلآي .. وفووووووووووووووووووووووووووووووووق

 

[^moon]

كمليهــــــــا حللوووووووه

 

[6amni bs]

نآآآآآآطرين

 

[toutiiii <3]

بداايه تشوق

يعطيج العافيه

و ناطرين البارت 2

 

[~اتعبها غلاه~]

بددايه موفقه ..
الروايـه تهبل ..
بس عنددي سؤال عايشه تصير لحور و ريم ولا لا ..؟!
و يعطيج الععافيه ..

 

[البارونه*_^رونه]

ناااااااااايس امبين عليها ومو غريبه علييج فديتج

يسلموووو وناطرتج

 

[سارووونه22]

اب اب اب اب اب اب اب اب
ناطرينج حبوبه

 

[الحلوه وبس]

:eh_s(7):

نــآآطرييينج غـلآلآي .. وفووووووووووووووووووووووووووووووووق

كمليهــــــــا حللوووووووه

نآآآآآآطرين

مشكوره حبيبتي عالنطره والحين البارت :*

بداايه تشوق

يعطيج العافيه

و ناطرين البارت 2

الله يعافيج حبيبتي

بددايه موفقه ..
الروايـه تهبل ..
بس عنددي سؤال عايشه تصير لحور و ريم ولا لا ..؟!
و يعطيج الععافيه ..

اي عايشة اخت ريم بس متزوجه ,, والله يعافيج

ناااااااااايس امبين عليها ومو غريبه علييج فديتج
يسلموووو وناطرتج

يفداج كلج استحيييت :$ ,,
والله يسلمج :*

اب اب اب اب اب اب اب اب
ناطرينج حبوبه

مشكوره عالاب الحلو

 

[الحلوه وبس]

Part 2
فهد كان سرحان
خالد : الوو فهد
فهد : ها هلا .. شفيك ؟
خالد : كلن في قلبه شقا الليله وانا في قلبي شقا الغالي شفيك ياخوي ؟
فهد : مافيني شي بس والله الديره شزينها ما بقى شي ونرد امريكا ؟
خالد : من صجك فهد صج انه الديره لها وحشه بس بتصير المهندس فهد عدل ولا لا ؟
فهد : ايي والله صج العلم نور
خالد : لا مهند .. تتطنز حلايا ويهك ؟
فهد : فدييت ويهي وفديت حلاي
خالد : امش بس امش ​

* عايله فهد
الاب : بو فهد ريال طيب يشتغل باحدى شركاتهم اللي شراكه مع بوبدر
الام : ام بدر ام زينه مو كل شي ترضا بس مدلعه حور ونور تدلع
فهد : عمره 21 يدرس باميركا وعنده كل شي ولا خواته مايرضى عليهم
حمد : عمره 18 يدرس بجامعه الكويت كله هايت مع ربعه
حوور : 16 سنه نفس طبع ريم مثل ما ذكرنا
نوور : 15 سنه حيل ويا فهد
وليد : 13سنه
_
عند ريم كانت قاعده بدارها وحور راحت الحمام ولا يرن تليفون حور باسم صلوحي انصدمت ريم وراحت حق حور ريم : حوور تليفونج يرن
حوور: اي اوكي خليه الحين ايي
ريم : حور منو صلوحي ؟؟:|
حور : لا يروح ظنج بعيد هذي روان
ريم : اي ؟
حور : اي بس ؟
طلعت حور :شفيج متنحه
ريم : انزين روان تسيفينها صلوح شلوون مافهمت ؟
حوور : ايي هذي بويه
ريم : حوور حرام عليج احنا شقلناا ؟
حور : شنو عادي والله بس فرند
ريم : تستعبطين فوق راسي
حور : قتلج بس فرند عادي اصلا مالي شغل فيهم
ريم : حرام عليج لو تكلمين صبي اشرف من هالحثاله صدقيني
حور : انزين اوكي بس اهيا وياي بالصف يعني مافرقت
ريم : كيفج بس ديري بالج منهم ترا ينخاف منهم
حور : اي ادري
دق التليفون مرثانية وشالته حور وقعدت تسولف ريم لاعت جبدها وفجت لابتوبها وشبكت بايميلها وقعدت تسولف ويا مريم رفيجتها
مريوم : ها شلون الطلعه
ريم : اتينن يليتج يايه ويانا
مريوم : يا بختج مو انا مجابله ويه بنات عمتي العقد
ريم : ههههههههههه مسكينه طافج الشباب ايننوون
مريوم : حلفي بس حلفي
ريم : من صجي
مريوم : مالت عليج
ريم : جب
مريوم : جب يجبج والحمار يحبج والليله عرسج وباجر طلاقج ههههههه شرايج
ريم : ما اعزمج على عرسي خلاص
مريوم : ماراح اوقف معاج بطلاقج
ريم : اسم الله علي اتطلق
مريوم : تحبين الحمار ما تبين تتطلقين منه
ريم : وااااااي انا افكر بريلي المستقبلي وانتي تتكلمين عن السبه هههههههه
مريوم : هههههههههه شدراني عنج
يلا باي بنام دايخه مانمت الظهر تبين شي ؟
ريم : نو سلامتج نوم العوافي يارب
مريوم : يعافيج
وصكته
ريم : حوور يا مليقه صكي نايمه عندي عشان تسولفين وياها
حوور : لحظه ريووم ,, الو اوكي صلوح انا بنام باجر ادق عليك
طبعا ريم منصدمه من المستوى اللي وصلت له حوور
صكته حور وراحت انسدحت بالفراش
حور : ريوم شفيج مطنقره ؟
ريم : لا ماكو شي
حوور : علي انا؟؟
ريم : حوور ترا سالفه انج تقولين حق بنيه صلوح على بو انه اهيا بويه كلش مو داشه بالي
حوور: والله بس فرند ريوم شفيج عادي !!
ريم : مو عادي وكيفج باجر انتي اللي بتتحسفين
حوور : اوكي عارفه
ريم :اوكي يلا الساعه صارت 3 ونص باجر صلاه اليمعه
حوور : انزين لا تقعديني انا علي الدوره وحاسه بتعب الاسبوع كله بيطلع الحين خلوني انام
ريم : كااك اوكي يالنوامة
حوور: عيني بعينج
ريم واهيا تخزها : اي كيفي يلا تصبحين على خير
ناموا ريم وحور
__
عند فهد
وصل البيت ودش لقا امه قاعده
فهد : قوه يما
ام فهد : هلا وليدي فهود ها شلونك مع الكويت
فهد : يازينها ويازين ريحتها واللي فيها
ام فهد : الله يخليك لي
فهد : شعندج قاعده لي هالحزه
ام فهد : كنت قاعده انطر الاذان , انت وين كنت
فهد : ماكو كنت رايح السوق عقب رحت بيت خلود ورديت ببدل واتوضا عشان اروح المسجد
ام فهد : الله يصلحك
__
ثاني يوم دشت ام بدر على ريم
ام بدر : رييم رييم يما قومي مابقا شي عالاذان رييم
حوور ريم قوووموا يماا !!
حوور : خالتي انا علي الدورة وماوراي صلاه خليني نايمه
ام بدر : خلاص نقعدج عالغدا ,, رييييييم قووومي
ريم : اووف انزين شنو هذا بس يقعدون وقعدت تتحلطم لين دشت الحمام
غسلت وبدلت وقعدت تقرا سوره الكهف
وراحت ام بدر تقعد بدر وطلال حق الصلاه قاموا وراحوا
__
قام فهد من النوم وراح مع ابوه حق الصلاه واهما نوعهم كل يمعه كل الاهل الرياييل يروحون المسجد الكبير وعقب كل اسبوع بيت واحد منهم مره بوبدر ومره بوفهد ومره بواحمد
خل اقولكم بيت بو احمد اخو بوفهد وام بدر
الكبير : احمد عمره 30 متزوج من منار 27 عنده محمد 4 سنين وغنيمه 2ونص احمد يشتغل بالشرطه
ناصر : عمره 26 يحب وحده ويبي يتزوجها لكن الى الان موعارف الطريقه اللي يبي يفاتح اهله فيها وناصر يشتغل دكتور اسنان
منصور : عمره 23 توه يتوظف يشتغل محاسبة
هذي عايله ابواحمد وامهم توفت يوم كان عمر احمد 20 يعني قبل 10 سنين اثر حادث
___
قامت حور وريم بدلوا ولبسوا لانه كان اليوم الدوور ببيت ام فهد بمناسبة فهد رد من السفر ولازم العزيمة ببيتهم
ام بدر : يلاا رييم حوور شووووق يلاا خلصوا الساعه 12 ونص
ريم : ان شالله يما كا بس البس الكعب
نزلوا وراحوا حق بيت ام فهد
دشوا وقعدوا دشوا الرياييل وحطوا الغدا طبعا فهد عينه على ريم والعكس صحيح
ريم حدها مستحيه ولما يكلمونها جنها المسبهه
وتاكل بطريقه ذربه خلت حوور تتطنز عليها
حوور : رييم يرحم امج شهالذرابه !!
ريم : نعم ليش اختي احد قالج اني دفشه @@
حوور : لا بس مو متعوده عليج جذي
بدر : اقول حوور حدج على ريوومه ترا ماارضى
ريم : فديت اخووووي انااا <3
دق تليفون بدر وقام صار هدووء
___
قراءه ممتعه :* توقعاتكم حبايبي ​

 

[سارووونه22]

مشكووووورة حبوبة عى بارت للحين ماقدر اعلق على بارت خلينه نتعمق شوي في الروايه بعدين
ناطرينج قلبوش واحلى اب لاحلى عيون اب اب اب اب اب اب اب اب اب اب

 

[دلوعتي حصوص]

رووووووووووعه كملي كملييييييييييي لاتوقفين عفيه ........!!

 

[Mono]

Up
up :$