ماعندج خدامة ؟ طرق عملية لتسريع وتسهيل عمل المنزل

[بساطه]

ماشالله الموضوع تطور بفضل الله ثم بفضلكم بنات تسلمون حبايبى والله قاعدين نستفيد
بس تصدقون ما احب انى اطبخ الاكل وارد اخليه جم يوم
صج صعبه وعبالة الاكل يكون فريش بس شنسوى فى اشياء نسويها نسهل فيها على انفسنا الشغل
بس بخصوص سؤالج اختى حلم الامومة انا احطهم باجياس واقطع حق يوم او يومين كلش بلكثير 3 ايام واحيانا اقطع الليلة كمية تكفى حق غداء باجر بس

كل البنات للى شاركوا من غير حصر اسامى ماشالله عليكم وانا اقرا استانست لانى حسيت انى صج استفيد
اشكركم شكر جزيل واتمنى الكل يستفيد

 

[miss_uk]

لما اطبخ احط سفرة نايلون على الطاوله واقصص واتبل وازهب كل شي لما اخلص كل اللي ماابيه قشور جياس الفها بالسفرة واقطها

 

[" أضـــــوى "]

افكاااااااااااااااار رووووووووووووووعه

يعطيكم الف عافيه
يالسنعات

 

[ام يويو2005]

موضوع ممتاز يزاج الله خير يا صاحبة الموضوع والبنات اللي شاركوا حدي محتاجه لأشيا تسهل وتسرع علي تنظيف البيت
حبيت أأكد على نقطه قالتها وحده من الخوات الشغل وقت متابعة مسلسل مثلاً صج الوحده ماتحس بملل وفي نفس الوقت تلاقي روحها افتكت من شغله ولاشغلتين

 

[Al shaikha 1]

مشكوره موضوع بوقته لان خدامتي منحاشه
وريلي رافض اييب غيرها يقول احسن مابي خدامه
وعندي ياهل اسم الله عليه يحبي ومايقعد مشالله
وحماتي عايشه عندي ماتسوي ولاشي غير مره بالاسبوع تغسل جم صحن عشان ابري ذمتي
وحتى ولدي ماتمسكه تقول موذي وبيتي كبير وانا صحتي مش ولابد
فحييل مضايقه ومادري شسوي
وحبيبتي ان شالله تفيديني جزاج الله الف خير

 

[فراولة فسفوريه]

خووووووش موضوووع والله


يعطيكم العافيه


اما انا حالتي حاله



المطبخ مااعرف ارتبه


عندي عقده بشي اسمه ترتييييب


مثلاااا الدفايات حقت الشتا لاخلص الشتا حطيناهم بكراتينهم
بس يضااايقوونه

لان شغلنا وايد والبيت صغييير


ابي حل


ابي اغراض تخزييين تنفعني


بيت صغير واغراض وايد


بليييز مليييت

 

[أم قمر]

أنا بالنسبة للغسيل كل يومين تقريباً أغسل يعني ما اكود الملابس
وغسالتي اوتوماتيكية

وغسل المواعين أول بأول ما اترك شي

كوايتي بخار سريعة وأكوي الملابس من أشيلهم من النشارة فيكون عددهم قليل

قفضت البيت كل شي ما ابيه قطيته ما قمت أجمع أشياء مو بحاجتها وصار المكان نظيف

وبالنسبة للمسح .. أمسح كل اسبوع أو 4 أيام او 5 يعتمد بفوطة جافة وبعدها بكلينكس رطب مال الأطفال يقلل تجمع الغبار ويعطي ريحة حلوة

ملابسنا أني و زوجي سويت الكبت كله تعليق والملابس الداخلية حطيتها بأدراج درج لي و درج له
صار أريح لي وتوفير مساحة صار يكفي أكثر .. الملابس الداخلية سويت الدرج مقسم مربعات والملابس أحطها بشكل اسطواني أسهل للبحث وتوفير للمساحة

وسلامتكم ومشكورين عالأفكار
حتى كبت ولدي سويته نفس الشي

 

[أم قمر]

فراولة فسفورية .. أنصحش كتبي بقوقل قسم الصور .. كتبي kitchen organization
بوووو تطلع لج أشياء اشكثر وأفكار حلوة

اني على طول أسوي جذي لترتيب البيت أو أي شي وأحصل أفكار حللوة وأطبقها وتنفعني

 

[! بــدويه وآآيــد !]

،

انا شقه بروحي وزوجي يبدل اكثر من مره باليوم
وانا بعد للنوم بجامه واذا طبخت الغدا تسبحت ولبست بدله واذا بنام بجامه بيومين تتكود سلة الملابس
صرت يوم بيومه اشوف اذا فيه ابيض اكثر من 3 او 4 قطع اقطعه بالغساله والاسود والملون نفس الشي
الاوتي اذا طلع زوجي اخذ طاولة الاوتي واحط على برنامج والا مسلسل واسوي اوتي ع الراحه ساعه ساعتين خالصه كل الاوتي واذا عندي طلعه والا شغل بسرعه بسرعه اقل من ساعتين وعلى قولة حبوبة الاطفال اذا اعلان بسرعه بسرعه لوووووووول
الغدا اسوي الريوق واطلع الدجاجه وانقعها بماي حار مواعين الريوق اترس الحنفيه ماي حااااار يطلع منه بخااار واحط المواعين لان تنظيفهم يصير سهل والي يابس فيهم يلينه الماي
على ما تطبخ الدجاجه ع النار ساعه الا ربع انظف البيت والحمامات عزكم الله ع السريع صرت اسوي الغدا ما اكود المواعين لا الي قصيت فيه السلطه اغسله بسرعه والي طبخت فيه الدجاجه ينغسل قبل يخلص العيش يخلص الغدا اكون خاااالصه كل شي وماعندي الا ماعون العيش والمرق والي اكلنا فيه لان يهدون الحيل اذا كودتيهم
المطبخ مو كل اغسله تعرفون الي فيها خيوط ماعرف اسمها امسح الارض فيها مو كل يوم اغسله
اوووف الشغل يغث والله مهما استعجلنا :/


بنات الي تكييفها سنترال سؤال الطاولات والستاره تغبر بسرعه والا لا ؟ لان البيت بسرعه يغبر حتى الشغلات الي استخدمهم يوميا ليش مادري ​

 

[! بــدويه وآآيــد !]

،


اي ومشكلتي نفس فراوله غرفة الغسيل مو مرتبه فيها كذا كفر وجناط كبيره وخراااابيط مادري شلون ترتب ​

 

[أم قمر]

بدويه وايد>>
أنصحج كتبي بقوقل الصور .. غرفة الغسيل وشوفي الأفكار تهبل
أو كتبي بالانجليزي laundry room

 

[بساطه]

بنات انصحكم نصيحة اللى عندنا اغراض تحس انها خلاص ما تحتاجها تتبرع فيها واذا توقعتى انج بتحتاجينها فى يوم من الايام انصحج اذا فى بيت اهلج مكان للتخزين وديها عاد لانه اكثرنا بيوت اهالينا كبار فتقدرين تخزنين فيها عالاقل بغرفة نومج للى فبيت اهلج انا اسوى جذى اللى زايد عندى مثل الدفايات والكنابل الكبار وهدوم الشتا اوديهم لاهلى ولما يصير لشتاء اودى الصيفى ههههههه ماكو شغل مو ؟بس شسوى شقتى صغيرة وما تكفى يادوب نخزن فيها ولا اقدر اسوى خزاين ولا نطق شى بالطوفة لانها ايجار انشالله بهالفكرة عجبتكم

 

[بساطه]

بعد يا بنات للى عندها مساحه تحت سريها تقدرين تحطينلج كراتين لو عادية ملوت الماى او بسكوت اى شى انتى استخدمتيه وانتى حرة اذا تبين تزينينها ولا لا كيفج بس خزنى فى الكراتين وحطيها تحت سريرج فى غرفة النوم ونزلى الكفر وما راح تبين وبالتالى يصير عندج مساحة للتخزين

 

[بساطه]

بنات للى عندها كوى كثير وملابس وايد انصحكم بكواية البخار عملية حيل حق هدوم البيت وعلى قولة البنات وانتى تطالعين مسلسلج المفضل اشتغلى عليها وراح تدعون لى

 

[بساطه]

للى مطبخها ضيق حيل شوفى هالفكرة انشالله تعبجبج

ارفف تعلقينها واذا المكان عندج فول حطيها عالدريشة خوش فكرة

 

[بساطه]

بنات لا تنسون اكياس الضغط روعة حق ترتيب الكفرات والبطانيات وتوفر مساحة

 

[كويتيه عالي سماها]

بنات للى عندها كوى كثير وملابس وايد انصحكم بكواية البخار عملية حيل حق هدوم البيت وعلى قولة البنات وانتى تطالعين مسلسلج المفضل اشتغلى عليها وراح تدعون لى

الله يعطيكم العافيه
استفدت منكم ما شاء الله
اخت بساطه كواية البخار اي وحده اللي ع شكل مكنسه
ياريت صوره او اسمها والشركه
مشكورررره

 

[بساطه]

كويتيه سماها عالى
هلا فيج اختى كواية البخار شركات وماركات روحى عند يوريكا او الغانم بكيفج للى تحبين تتعاملين معاه وتلقين انواع وماركات وفيه سعتها اكبر وفيه اصغر انتى اختارى للى تبين حتى تقدرين تكوين فيها ستاير بيتج والكفرات وكل شغلج وانتى واقفه ماشالله سريعه وتريح وانتى واقفة تشتغلين ماشالله اهى ست البيت هههههه

 

[كويتيه عالي سماها]

كويتيه سماها عالى
هلا فيج اختى كواية البخار شركات وماركات روحى عند يوريكا او الغانم بكيفج للى تحبين تتعاملين معاه وتلقين انواع وماركات وفيه سعتها اكبر وفيه اصغر انتى اختارى للى تبين حتى تقدرين تكوين فيها ستاير بيتج والكفرات وكل شغلج وانتى واقفه ماشالله سريعه وتريح وانتى واقفة تشتغلين ماشالله اهى ست البيت هههههه

اي هذي اشكثر سمعت فيها
يبيلي وحده
مشكوره اخت بساطه كفيتي ووفيتي:eh_s(17):

 

[فراولة فسفوريه]

فراولة فسفورية .. أنصحش كتبي بقوقل قسم الصور .. كتبي kitchen organization
بوووو تطلع لج أشياء اشكثر وأفكار حلوة

اني على طول أسوي جذي لترتيب البيت أو أي شي وأحصل أفكار حللوة وأطبقها وتنفعني

يسلمووووو ام قمر فدييييتج


صراحه اعجبتني الافكااار وايد

الله يوفقج يارب