نزول دم بعد الاشعه الصبغه

[لبااابه]

بسم الله الرحمن الرحيم
السلام عليكم ورحمة الله وبركاته
خواتي حبيت اسألكم انا مسويه الاشعه الصبغه يوم السبت ولين الان ينزل دم متى يوقف زهقت
الله يعافيكم بنات الي سوت الاشعه الصبغه تقولي جم ظل معاها الدم وبعدين وقف والله خايفه حتى تحسفت اني سويتها​

 

[@محروسه@]

اختي انا عملت الاشعه وطلع دم بسيط كم شاعه ووقف
انتي اي يوم دوره عملتيها وكم يوم تنزفين وهل اللي عمل لج الاشعه عورج

 

[لبااابه]

اختي انا سويتها يوم 11من الدوره
انا لي اليوم ثالث من سويتها انشاءالله بكره يوقف والله زهقت كاني في دوره

 

[يا عيون سمي]

حبيبتي عادي بس روحي اخذي دوا حق التهاب البول لي مدت 3 ايام انا عطتني الدكتوره

 

[@ بنت النـور @]

الحمدلله على سلامتج

اتوقع في ناس جذي يعني لا تحاتين ,, وسألي دكتورتج اكيد بتفيدج

انا لمن سويتها الحمدلله ماطلع مني دم

الله يسهل عليج ويرزقج يارب

 

[دلوعة صلوح]

الله يرزقج ويرزقنا حبيبتى بس انا سويت هالاشعة ونزل من عندى دم بس اقل من ساعة ووقف مادرى انتى غير

روحى حق نفس الدكتور وستفسرى من عندة احسن.. ماتشوفين شر حياتى.

 

[جديده 1]

اختي روحي افحصي اخاف لاسمح الله فيج نزيف من داخل بسبتهم .. و اهم شي اخذي مضاد حيوي عشان مايصير فيج التهاب

 

[زينب محجوب]

عادى حبيبتى انا سويتها مثلك فى اليوم ال11 ونزل منى دم لمدة ثلاث ايام ووقف
ماتاخذى هم

 

[لبااابه]

اليوم لي رابع والدم مستمر بعد ماجلست من النوم نزل بكميه كثيره مع قطع
بروح لدكتوره اليوم بشوف شنو تقولي
مشكورين حبايبي على مروركم

 

[MzOoOn 22]

حبيتبي الله يكون بعونج ويشافيج يارب

عند منو سويتي الاششعه وبجم كلفتج ؟!

 

[قمر واحب زوجى]

عادى حبيبتى انا سويتها

ونزل دم بسيط هذا الشى طبيعى

 

[لبااابه]

حبيتبي الله يكون بعونج ويشافيج يارب

عند منو سويتي الاششعه وبجم كلفتج ؟!

اختي انا من السعوديه سويتها في مستوصف 350ريال

 

[لبااابه]

عادى حبيبتى انا سويتها

ونزل دم بسيط هذا الشى طبيعى

انا ادري لازم ينزل دم بسيط مثل ماقلتي
بس انا اول يومين نزل اشوي امس واليوم اكثر الدم احمر كانه دم دوره
بستنه العصر بروح لدكتوره بشوف شنو تقولي

 

[كل الحلا فحبيبي]

بنات بجم الاشعه المصبغيه ولازم تكون علي الدوره والا لما انظف

 

[مناوووي]

من 3 الي 4 ايااااااامم ينزل

 

[يا عيون سمي]

غريبه حبيبتي ضروري روحي لان ماينزل دم قوي وكتل

 

[So MuCh PaIn]

طمنينا عنج حبيبتي

 

[لبااابه]

من 3 الي 4 ايااااااامم ينزل

مشيت على كلامج وترددت اروح بنتظر لبكره وان شاءالله يوقف
يعطيج العافيه اختي

 

[لبااابه]

طمنينا عنج حبيبتي

بنتظر لبكره اذا ماوقف بروح بس ان شاءالله يوفق مالي خلق لروحت المستشفيات
مشكوره عزيزتي على الطله

 

[تل السكر]

عادي انا سويتها ونزل الدم خمس ايام واختفى عادي يظل اسبوع على كلام الدكتوره
وسلامتج ماتشوفين شر والاهم ارتاحي ولاتشيلين شي ثقيل