اكثر من مشكله متكدسين على بعض .. ابيكم تساعدوني بليز

[A7La Shaii]

السلاااااام عليكم ورحمة الله وبركاته



بنات صايرلنا فتره انا وزوجي مو قادرين نتحمل بعض ... يعني عادي اقول سالفه عاديه يقلبها علي و ساعات يقول سالفه عاديه اقلبها عليه

الحمدالله ريلي زين بس احس قام يزهق مني ...

دايما يقول عني اني حنانه واايد وقرقه انا مووو عن شي خل افسرلكم شنو الحنه بالنسبه له
الحنه لمن اطلب منه شغله وأكد عليه ان ماينساها ولمن استفسر عن اشياء بنظري مهمه يقول قاعده تحنين

والقرقه شنو بالنسبه له لمن اسوولف عاادي باكثر من سالفه واذا سكت وماسولفت اينفس علي يقول ويع شفيييج منفسه علي اقوله مو منفسه ساكته يقوووول لا منفسه اقول والله عادي يقول انزين انزين ويلف ويها وينفس بعد اهوا

يعني مااادري شيبي بالضبط !!!!!!!!!!!!!!!!!!!!!!!!!!!!!!!!!!!!!

وخل اقولكم اليوووم شنوو صار

ريلي قعد يسوولف جان يقولي ببشرج شلي؟ قلت الي تبيه
قال ماراح يدزوني الدوام بره فرحت حييل جان يقول بس بسافر مع ربعي 3 او 4 ايام
:eh_s(14):
يافرحه ماتمت عصبت قلت شدعوه يعني الا تسافر !!!!!!!!!!!!!!
سافر معاي قال اسافر معاج وبعدها اسافر انا مع ربعي !! انزين يعني شنو السفره معاي ماتعتبر سفره وتغيير جوو بالنسبه لك ؟؟ جان يقول وييع انتي شفيج تحبين المشااكل يعني الحين اقولج شي عبالي بفرحج انتي هم تنفسين !!!!!! يعني ايحقلي بصراحه اعصب عليه صح؟

عقبها سكر السالفه وفتح سالفه ثانيه

جان يقول عن رفيجه مقبل على الزواج وقاعد ينصحه ان من اول شي علم مرتك على طبعك وعيش حياتك مثل ماكانت لاتعشم بنت الناس باول شهرين ثلاثه 24 ساعه مجابلها بعدين تقلب وترد حياتك طبيعيه وقتها مرتك راح تقول عنك متغيير ما متغيير وبتصير مشاكل فا من البدايه خلك معتدل ساعه لمرتك وساعه لعمرك وساعه لربعك !!!!!!!!

يماااااال اللااااقف حرني اهوا شكوو بريال ايشيشه انه مايدلل مرته اول شي ؟؟:eh_s(14):

جان يحرني زياده يقول كا انا ثاني يوم ملجه رايح عند ربعي اشوف مبارات شنو فيها ؟

كا انا بشهر العسل اروح الدوانيه كل فتره وفتره اشووف ربعي

بس انا ماقصرت معاج وحياتي نفسها من اول ماتزوجتيني لي الحين

بنااااااات هنيييي حيل غورقت عيني وضااق خلقي على نفسي حسيت اني مظلومه فجأه

مع انه مو مقصر معاي وقام يضحك يقول والله انا فلم

جان احتررر واسكت جان يقول انشالله ماتعصبين على شي فااااااااااات صارله سنه !!!!!!!!

جان يعصب واعصب وبس سكتنا ردينا البيت منفس علي ونمنا وبس وبعدها بطريج بيقطني بيت اهلي وبيطلع المهم فا مو متحمل مني اييييي شييي ولا كلمه وقالي لاتدقين علي كلش انا ادق كل شوي قلت انا من متى ادق عليك !!!!!! صج بنات انا مو من النوع الي لي طلع اقعد ادق دق عليه ...

مو متحملني ويغثني ويخليني ما اتحمله ...

شسوووووووووووووووووووووووووووووووووووي :eh_s(16):​

 

[A7La Shaii]

up up

وين الردود شدعوه

 

[أحلا اثنين]

الله يهديكو يارب
انتو من اول زوجكو ما بتتحملو بعض ولا جديد؟

 

[A7La Shaii]

جديد

 

[coca^cola]

الرياييل فيهم عقدة الحرية كلهم جذي
حبيبتي وسعي صدرج انا ريلي نفس ريلج
السوالف العادية يعتبرها قرقه
و الحرص على امور البيت و المهام المطلوبة منه يعتبرة حنه
اكتشفت ان الحل انني اعطيه على مايته اخليه يطلع و يجابل ربعه فترة ما ابوز ولا اتحلطم
بس لي يا الويكند قلتله يالله نبي نطلع و نشتري و نودي و نركب و نسنع و نسهر و نتعشى و كل اللي بخاطرنا نسويه
انا و عيالي
ساعات الحياة الزوجية يحوشها فتور و ملل قاتل .. لدرجة انني اتحسف انني تزوجت .. بس بعدين اطخ
و احس بالنعم اللي الله عطاني اياها و احمد ربي عليها
فكري تغيرين جو شوي شيليه من بالج حاليا و خليه على راحتة لههي نفسج بنادي ولا بزوارات و طلعات و جمعات
لحد ما ترتاحون شوي و تهدون ساعات كثرة الاحتكاك ماتكون بصالحكم
و الله الهادي انشالله

 

[omsalman87]

شي طبيعي اللي قاعد يسير عادي هذي بهارات الحياة الزوجيه ههههههه لاتضايقين عمرج عادي تيك ات ايزي
ههههه عاد تدرين بالضبط نفس مشكلتي:eh_s(22):

 

[نفهمها صح]

خليه مسسسوي فيها سبع
هوو عارف نفسه
طنشيه

 

[وحش سعود]

هدي بالج هذي مشاكل عاديه
لا تعلقين وفعلا طنشي ولاتدقين واذا سال قولي انت طلبت
مره زوجي قالها لي كان معصب وحط الحره فيني قلت انشالله مراح تشوف رقمي وانا اضحك ولا يعصب ويقعد يزف
وسكت وخلص كل الي عنده وبعد ما رد البيت اعتذر
وتصرفي معاه على طبيعتج سواء انتقد ولا علق وموعاجبه هذي شخصيتج وخليج مرحه

 

[انا لحبيبي .]

حبيبتي حاولي ماتعملي مشاكل على شغلات صغيره ، لانه بكره هالمشاكل بتكبر معك وبتتعودي على انه يصير بينكم مشاكل ونكد ، هادي صح بهارات حياه زوجيه ، بس مو منيح تزيد عن حده ، انتو بعدكم صغار وهييك ، كيف ع كبر؟؟ وحاولي مشي

شغلات عشان زوااجك ، مافي انسان كامل ، انتي متل ما انتي شايفه زوجك في

نقاط غلط هو كمان شايف فيكي نقاط غلط وموضوع السفر حكالك بسافر معك وبس

ارجع بسافر مع ااصحابي ، وين الغلط؟؟ زوجك مش مقصر معك حكالك رح نسافر ،

مين حكى انه معك ما رح يغير جو؟؟ بس كمان انتي مو متل اصحابه ، جوك غير جو

اصحابه ، انتي شي واصحابه شي تاني ، لاتدمجي الامور ببعض لانك رح تتعبي حبيبتي

هلأ انتي قعدت صحباتك متل قعدت زوجك معك؟؟

 

[معلمة شيسمونه]

انا اشوف الوضع عادي
اهتمي انتي ب عد بنفسج ودلعيهاااااااا
سوي نفسه وعلى قولة البنات حبي نفسج

بعدين خليه يسافر مع ربعه مو قالج بيوديج ويسفرج
في غيرج يسافر ويكشت فيها حتى ما يوديها زوجج مو مقصر معاج

ليش تدورين الاشياء الصغيره
بعدين تقولين قاعد يحرني
يعني ترى قاصد علشان تحترين ويقعد يضحك

فالاحسن انج ما تحترين ولا تقهرين روحج

هدي نفسج وسمي بالرحمن وماكو الا كل خير ان شاء الله

 

[أتراب]

يمكن توكم معاريس
ومن جدي الاخ يبي يثبت رجولته
وجوده ويحاول يمشي كلمته
سايريه بعدين بطخ بروحه
​

 

[كتكات احمر]

انا مع coca^cola

 

[أحلا اثنين]

جديد

يمكن عين
اتصرفي من هالمنطلق ,,, حاولي لا تدقي كتير
وان شاء الله هو بسير زيك
والله لا يجيب مشاكل

 

[Maryam]

شوفي انتي حساسة
يعني لما سولف مع رفيجه يعني ناصح الاخ
ما يقصد ان يشيشة بس كلام فاضي مثلنا يالحريم لا تزوجت وحدة قمنا تنفلسف عليها و نحاول نطبق اللي ما طبقناه
انتي تحسستي جنج توج تذكرتي او جنه حسسج ان ما دلعج بس من كلمته انتي تحسستي


اذا استمريتي على جذيه و على هالتفكير بملج
عبالج الريال لا زعلنا ولا تحسسنا بنهمهم
لا يا قلبي لا نفسنا عليه نفس اكثر
لا زعلنا زعل اكثر
فاخذية بالسياسة يوم قالج عن صاحبة كان يبي منج كلمة حلوة يعني اي و الله يوم اول زواجنا كنت و كنت و مع ذلك ما تغيرت على ربعك
الرياييل جذي يبي من يعلي جوهم

 

[Nicki Minaj]

دلعييييييييييه دلعيييييييييييه دلعيييييييه وهم دلعييييييييه
كل كلمه يقولج واهوا معصب حلاتها من حلجك ,, وشحلاتك ونت معصب ,, ومن هالموال ومشي الوضع عادي حتى لو ثقيل عليج .. وشوي شوي شوي خلاص تحسين انه يطخ وما يعصب من اي شي .. رافجي ريلج لا تحسسينه الحيآة بينكم بس عمليه انتي زوجته واهو ريلج !!
لا يعني سوي اكشنات حركات .. زهبيله هدومه يبيله قبلها عصير عساس اذا يبي يطلع اصلا بعدين بيهون ويقعد معآج ,, والحمدالله كا بيسفرج ؟ يعني خوش
يعني هم انا لو بقول حق ريلي انا بطلع وياك وعندي عزيمه ويا رفيجاتي الاسبوع الياي مو معقوله بيقولي لا بس انا لوول كبري عقلج والله في رياييل يطقون حريمهم بالطوفه .. والله يهينيج حبيبتي

 

[ام الدرر]

حبيبتي حاولي ماتعملي مشاكل على شغلات صغيره ، لانه بكره هالمشاكل بتكبر معك وبتتعودي على انه يصير بينكم مشاكل ونكد ، هادي صح بهارات حياه زوجيه ، بس مو منيح تزيد عن حده ، انتو بعدكم صغار وهييك ، كيف ع كبر؟؟ وحاولي مشي

شغلات عشان زوااجك ، مافي انسان كامل ، انتي متل ما انتي شايفه زوجك في

نقاط غلط هو كمان شايف فيكي نقاط غلط وموضوع السفر حكالك بسافر معك وبس

ارجع بسافر مع ااصحابي ، وين الغلط؟؟ زوجك مش مقصر معك حكالك رح نسافر ،

مين حكى انه معك ما رح يغير جو؟؟ بس كمان انتي مو متل اصحابه ، جوك غير جو

اصحابه ، انتي شي واصحابه شي تاني ، لاتدمجي الامور ببعض لانك رح تتعبي حبيبتي

هلأ انتي قعدت صحباتك متل قعدت زوجك معك؟؟

:eh_s(15):

 

[njoom1]

خليه يسافر مع ربعه
بعد قال بيسفرج استانسي وخليه بعد يستانس
وتمشي الامور

 

[بقــآيآ جـروح]

مصــدق عمره ويعطي نصآآيــح بعد ههههههههههههههههه
آول شي لاتدقين عليه مو كنتي تدقين الحين آكشتي فيه خليه يندم ويحس انه موب مهم
وآنج تنسينه اذا كنتي عند آهلج نفس مآآهو ينسآآج عند ربعه
ثـــآآني شي بين تآآكدين ع الشي دزي مسج بطريقه حلوه يعني بدلع حبيت آذكركـ
آو قبل لايطلع عطيه ورقه
سولفي بموآآضيع فرفشه مو كله جد نآآقشيه بمشكله معينه شوفي رآآيه
اثني عليه لو بالجذب حبيبه بالقعده معآآج نآآقشيه بالسياسه او الريآآضه
سئليه عن السيآآرآآت وشنو آحسن وحده واللي قطع غيآآرهآآ رخيصه
آذآ خربت ترى هذي سوالفهم وبين وقت وقت قولي قصه دنيه فيهآآ العظ والعبره
وتذكره بربه وبالاخره حطي قرآآن تعودو ع صوت شيخ صوته عذب ويشرح الصدر
وحطي سور تذكر وترهب عشآآن مآآيلعب اذا سآآفر وقصر الصوت صدقيني
يآآلف بين قلوبكم وتحسون نفس االآحسآآس وصلي قيآآم واستغفري
والحمدالله ع كل حـــآآل مآآفي مشآآكل ولا شي​

 

[A7La Shaii]

مشكووووووورييييييييييين بنااااااااات على النصااايح عسى الله يحفظكم ويوفقكم ويحقق كل امانيكم الي ردوا ولي ماردوا