عطوني ارائكم في منطقه صباح الاحمد -- بليز

[الغيد]

حبيباتي ابي رايكم زوجي يقولي خلينا نقدم تخصيص في صباح :eh_s(22):الاحمد وانا رافضه اشرايكم انطر شويه ولا لا بليز رايكم واللي تعرف شي حلو ولا شين عن المنطقه تفيدني وثااانكس :eh_s(17):

​

 

[انوثة من حرير]

المنطقة بعيدة بس يقولون نموذجية و600 متر بس المنطقة بالبداية قالوا انها غير صالحة لسكن البشري لتلوث البيئة وبعدين اخفو الموضوع وزعو فيها اتوقع راح تصير مثل ام الهيمان والغازات الي تطلع منها انا وزوجي رافضينها هاذا رايي

 

[مـزيـااان]

والله حيل يمدحونها وشايفينها ناس عالطبيعة حلوة يكفى الحوش بروحة ٢٠٠متر وشوفيها بجوجل فيديو وصور

 

[حلم صعب المنال]

المثل يقول ابعد عن الشر وغنيله

اذا فيها غازات سامة وبلاوي وخري عنها لان المساحة الزيادة ما راح تفيدج بشي اذا لا قدر الله اثرت الغازات السامة فيكم

الله يكتبلكم اللي فيه الخير ان شاء الله

 

[ام عبدالله السا]

اختى يعطيج العافيه احنا خذينه اهناك الحين انا اخترعت ياويلى الله يستر بقول حق زوجى

 

[ياسمينووو]

بالعكس مدينه صباح الاحمد وايد زينه وما فيها اي شي
كله اشاعات
يكفي مساحة البيت 600 متر ومن غير مساحه جدام البيت
وبعدين انتي ما شفتي نموذج للمدينه
دخلي على الرابط
http://www.housing.gov.kw/Others/index.asp

كل شي فيه جامعات وكليات واسواق وارض المعارض
احنا خصصنا مكان قطاع D

بس الحين ما في قسايم خلصوا
بس فيه بيوت حكومه لي الحين ما وزعوا وانشاءالله على بدايه سنه 2012
والمدينه اقرب من خيران لان بعد مدينه صباح راح يبلشون يوزعون الخيران
ولا اتفكرين انه بعيد عن المدينه الكويت
لان راح يبنون جسر بكون قريب على
مدينه الكويت

 

[الغيد]

مشكوره حبيبتي وانا بعد راى جذيه

 

[الغيد]

اختى يعطيج العافيه احنا خذينه اهناك الحين انا اخترعت ياويلى الله يستر بقول حق زوجى

لا تخافين ربي بيقدم اللي فيه خير:eh_s(17):