مطاعم او كافيهات تصلح للدراسه

[كتووته]

السلام عليكم

شلونكم كويتيات شخباركم ؟

والله انا كاتبه هالموضوع وبغيت منكم تفيدوني حسب خبرتكم وان شاء ماتقصرون معاي

انا طالبه بجامعه الكويت وطبيعه كليتي اربعه وعشرين ساعه دراسه ومع قروب ادرس

فبغيت اسال شنو احسن الكافيهات اللي ممكن الواحد يروح لها ويدرس فيها وتكون هاديه و

شنو المطاعم اللي مافيها ازعاج وممكن نقدر نتغدى وبنفس الوقت ندرس

بشرط الاماكن ماتكون على شارع الخليج او ع البحر لان هالاماكن ماتناسب لدراسه كللللش

 

[كتووته]

شدعوه مافي احد يعرف مطاعم
وينكم كويتيات

 

[بـ سـ كـ وتـ ة]

بحولي في مجمع الأيوب أو سندس مو متأكدة بس اثنينهم يم بعض في كافيه كاريبو

هااااااادي لأقصى الحدود ويناسب الدراسة

وهارديز الخالدية هم يونس وقريب عليكم بعد

 

[منو انت]

مااعتقد في مكان يصلح حتى لو مافي ناس يكفي اللي يشتغلون يلوعون الجبد يفترون فوق راسج

 

[دلوعة صلوح]

حبيبتى دار العوضى حيييل حلو هادى ويصلح حقج كافيهات ومطاعم امس كنت مع ريلى هناك قعد اهو يشتغل وانا اشتغل عالاب توب هدوء على كيف كيفج وشفت بعد طلاب هناك قاعدين يدرسون يحليلهم الله يوفقهم ويوفقج معاهم امييييييين.

 

[كتووته]

حبيبتى دار العوضى حيييل حلو هادى ويصلح حقج كافيهات ومطاعم امس كنت مع ريلى هناك قعد اهو يشتغل وانا اشتغل عالاب توب هدوء على كيف كيفج وشفت بعد طلاب هناك قاعدين يدرسون يحليلهم الله يوفقهم ويوفقج معاهم امييييييين.

ممكن اعرف وين دار العوضي

 

[كتووته]

بحولي في مجمع الأيوب أو سندس مو متأكدة بس اثنينهم يم بعض في كافيه كاريبو

هااااااادي لأقصى الحدود ويناسب الدراسة

وهارديز الخالدية هم يونس وقريب عليكم بعد

مشكوره ماقصرتي وبالنسبه لسندس بعيد وتصادفني زحمه حولي
وهارديز حلو لدرسه بس مليت منه ابي شي غيره

 

[كتووته]

مااعتقد في مكان يصلح حتى لو مافي ناس يكفي اللي يشتغلون يلوعون الجبد يفترون فوق راسج

ع الاقل اهون من ازعاج البيت وانا اهلي من الناس اللي مايرضون نروح بيت وحده من البنات
ونضطر نجتمع مع بنات بسبب الشغل

 

[اريج الجوري]

ستاربكس الدعيه ,,, كاريبو جمعية الشعب ,,, ستاربكس الشعب البحري ,,,

كاريبو مجمع البحر ,,,

كافيهات 52 مجمع التلال بالشويخ ,,, بيانو بيانو جمعية المنصوريه ,,,

الرايه ,,, دار العوضي ,,,

ان شاء الله اكون افدتج ,,,

وموفقين بالدراسه ...

 

[blue lady]

انا ايام الجامعة كنت اروح ستاربكس الدعية وستاربكس العديلية فوق
وستاربكس السالمية اللي جبال الفنار وفي بعد جباله كافيه نسيت شسمه كاريبو او كوفي بين
وعندج كوفي بين كيفان اللي عند الاداب
هذيل اللي اذكرهم

 

[الدلال]

انا حاطه موضوع عن كافيه اسمه ثينك
حتى فيه كمبيوترات وطابعه وغرفة اجتماعات للقروبات اللي يدرسون او يجتمعون مع بعض
شوفي موضوعي عن الكافيه يمكن يعجبج

 

[الدلال]

هذا الكافيه اللي اقولج عنه

http://www.q8yat.com/t805327.html

 

[ترف بابا]

حبيتي بعد المغرب الجو عند هارديز اللي بجمعية الخالدية هادي وحلو
واذا الجو زين بعد تقدرين تطلعين برا على الطاولات - حتي السيارات تمر بس بهدووووووووووووء
ومحد يشوش عليج

 

[mazoon]

واااي يا كثرالكفيهاات في الكويت اخذي رفيجتج وطقي سيارتج زلف ورووحوا ....​

 

[*لبيه*]

اهم شي طقي زلف ..

البنات افادوتج الله يوفقج ياااااااارب ..~

بس انا افضل تتجمعون بيت وحده منكم وتفضونه على يوم وتحطون جدول بالدور طبعا إذا الاهل راضين إذا مايرضون مالج الا الكافيهات بس عجبني كافيه ثينك ..~

ان شاء الله تجيبين فلللللللل مارك بكل موادج وتتخرجين يارب ..~

 

[MisS *-* BMW]

عندج كاااااااااافيه فريندز بمنطقه الحره واااايد حلو وهاااااادي وماكو زحمه واكثر اللي اهنااااااااك يروحون يدرسوون :eh_s(15):

 

[kuwatiya]

اب

اب

اب

 

[كتووته]

ستاربكس الدعيه ,,, كاريبو جمعية الشعب ,,, ستاربكس الشعب البحري ,,,

كاريبو مجمع البحر ,,,

كافيهات 52 مجمع التلال بالشويخ ,,, بيانو بيانو جمعية المنصوريه ,,,

الرايه ,,, دار العوضي ,,,

ان شاء الله اكون افدتج ,,,

وموفقين بالدراسه ...

مشكوره وماتقصرين

 

[كتووته]

انا ايام الجامعة كنت اروح ستاربكس الدعية وستاربكس العديلية فوق
وستاربكس السالمية اللي جبال الفنار وفي بعد جباله كافيه نسيت شسمه كاريبو او كوفي بين
وعندج كوفي بين كيفان اللي عند الاداب
هذيل اللي اذكرهم

يعطيج العافيه ومشكوره
اي انا شفت ستاربكس العديليه ومكانه حلو عجبني وان شاء الله بجربه
وبالنسبه لكوفي بين كذا مره درست فيه بس مشكلته طاولاته صغيره وكراسيه مو مريحه كلش

 

[كتووته]

انا حاطه موضوع عن كافيه اسمه ثينك
حتى فيه كمبيوترات وطابعه وغرفة اجتماعات للقروبات اللي يدرسون او يجتمعون مع بعض
شوفي موضوعي عن الكافيه يمكن يعجبج

اي خوووش موضوع عجيييب
والكافيه فكرنه عجيبه
بس جنه مكان بين عماير شوي يخرع