قضيت اذني وتحسفت من العوار :(

[L a w y e R]

السلام عليكم

.

انا من 3 اسابيع تقريبا قضيت اذوني بـ بوتس ( شحمة الاذن ) مو الغضروف

اذني اليسار الحمدلله مافيها شي بس العوار كله باذني اليمين

يوميا احط فيسودين بس مافي فايده ، لين قامت تدمم واضطريت اليوم اطلّع الترجيه من اذني

الحين اذني اليمين محومره ومتفوخه وحيل تعورني .. نصحوني شسوي ؟

مادري شنهو سبب هالالم .. لايطاق

انا فكرت احط عليها مخدر وارد بوتس واخليهم يقضونها بعد مره جود الفتحه اتوسع

تالي هونت قلت اخليها اتسكر وبعد مايخف العوار ارد لهم يقضولي بنفس المكان

شوروا علي شسوي ؟

وهل في دوا معين يخفف الالم ؟

منو صار معاها جذي ؟ وشسوت ؟

.

ادعولي بنات آنا بفترة امتحانات الفاينل ، ادعولي الله يشافيني ويعافيني

ويوفقني وينولني اللي فـ بالي انشالله

ولكم مثل دعواتكم واحسن . يارب

 

[L a w y e R]

Up
Up
Up

 

[law love]

ردي حق بوتس و قوليلهم اللي صار اخاف التهاب

او روحي المستوصف

لا تهملين عمرج

و احسن انج شلتي الترجيه

والله يوفقج بامتحاناتج يااارب

 

[زلابيا]

انا صارت فيني من زماااااان وشلت الترجيه وتسكرت

وودي الحين ارد اقضها بس خايفه ترد الماساة !!

ودي اساعدج بس ما اعرف

ما تشوفين شر لوووير

 

[قطــرات مطــر]

نقعي مرًه بماي دافي ومسحيها باليوم جم مره وحطي عليها ثلجه

وإذا ماكو فايده لاتهدين روحج حبيبتي روحي المستوصف

ماتشوفين شر والله يوفقج بــ امتحاناتج

 

[قطوة@@]

اختي صارلها شهر و نص من قضه اذونها و للحين تعورها لمن فصخت الترجيه و خلتها الفتحه تتسكر بروحها ياله ارتاحت

 

[Q 8 Y A t]

روحي المستوصف

 

[L a w y e R]

ردي حق بوتس و قوليلهم اللي صار اخاف التهاب

او روحي المستوصف

لا تهملين عمرج

و احسن انج شلتي الترجيه

والله يوفقج بامتحاناتج يااارب

اهو التهاب للاسف والحمدلله اخذت بروفين عشان يطخ العوار وحطيت عليه مرهم وشوية ديتول والحمدلله خف العوار

مشكوره حبيبتي ، ادعيلنا الله يسهل علينا دولي العله

.

انا صارت فيني من زماااااان وشلت الترجيه وتسكرت

وودي الحين ارد اقضها بس خايفه ترد الماساة !!

ودي اساعدج بس ما اعرف

ما تشوفين شر لوووير

حياتي زلوب الشر ماييج مشكوره
شوفي انا من 4 سنين قضيت قضه ثانيه باذني عند فوزيه القطان
واللي قضت لي ايدها ثقيييله ، اذني تمت شهرين تعورني لين قطيت التراجي وتسكرت الفتحات
وتوني بعد هالفتره رحت بوتس وقضيت بمكان ثاني بس سبحان الله صوب فيه عوار والصوب الثاني لا
لاتحاتين بس شوفي لج مكان ثقه وايدهم خفيفه

.

نقعي مرًه بماي دافي ومسحيها باليوم جم مره وحطي عليها ثلجه

وإذا ماكو فايده لاتهدين روحج حبيبتي روحي المستوصف

ماتشوفين شر والله يوفقج بــ امتحاناتج

حبيبتي مشكور والشر ماييج انشالله :**

.

اختي صارلها شهر و نص من قضه اذونها و للحين تعورها لمن فصخت الترجيه و خلتها الفتحه تتسكر بروحها ياله ارتاحت

ويي ماتشوف شر انشالله

سبحان الله ترى حظوظ في ناس يقضون وماشالله مايصير لهم شي
وفي ناس اذونهم تلتهب ، حتى لو رايحين نفس المكان ​

.​

خرعتوني عاد بغيت اسويهاااا


الله يشافيج حبوبه ويوفقج بامتحاناتج وروحي للدكتور احسن

حبيبتي مشكوره واجمعين يارب
لاتحاتين ماكو شي بس روحي مكان ثقه ومضمون

.

روحي المستوصف

مشكوره حبيبتي :*

 

[*sweetgirl*]

عادي انا قضييت اذووني من شهرين تقريبا كبداايه عوار لا نوم عدل ولا اقدر البس ملفعي ولا احد يلمسها وكانت تطلع ماي ودم بس خليييتها وكان صج صووب وصووب وحده عاادي والثانيه عوااار

كانت تتورم عندي ولمن اضغط عليها يطلع ماي وسخ ودم بس قلت يا انا يا اهي لوووول كنت احط لها فازلين بين فتره وفتره

وبعد شهر غيرت الترجيه مالت الصيدليه وبدلتها بترجيه من بو اميه بلاستك الي يكون فيها فص مؤقتا علشان تريحني وتطيب بسرعه وصج سبوع وصااارت تهبل ولا جنه فيني شي


انتي بس بين يومين ثلاث بطليها ونضفيها وحطي فازلين ورجعيها او وانتي لابستها حطي فازلين

سوري طولت قرقت واايد خخخخخخخ بس حبيت اقول لج تجربتي

 

[بحر الذكريات]

انا قبل صارلي نفسج وبالموت شلت الترجيه وخليت اذني جذي جم شهر بعدين لبست التراجي والا اذني مقضوضه

 

[UNICORNA]

عادى ببدايه الامر لازم تطلع وصخ شوى وتحومر وتوجعك وجع فضيع ومفروض لا تلمسينها ابدا

انا مسويه 3 تراجى بكل اذن

ومع كل مره كانت تورم وتطلع وصخ وتضل فتره ثم تهدى وكان مفروض ماتلمسينها ابدا

 

[سنتر الزين]

انا نفس حالتج بالضبط مارتحت ليما شلتها وتسكرت وودي اقظها مره ثانيه

 

[L a w y e R]

حياكم الله بنات

 

[مس لولو~]

ما تشوفين شر

انا امى الله يخليها سوتها لي بيدها

بابره وهمن كان صوب يعور وصوب لا

​

 

[L a w y e R]

الشر ماييج حبيبتي

 

[روز بآريس]

انا ثلاث قضات بكل اذن واذني اليمين ثنتين فوق:eh_s(17): عجيبين وكلللششش ماكو عواار