مرحبا بنات اخباركم ان شاء الله مبسوطين وقلوبكم حديد
ماشاء الله القائمة كل يوم تزيد
اللهم زد وبارك
ستايلك
معناها مثل ماقلت لك عمليتك راح تكون تقديم للفك العلوي وترجيع للفك السفلي
التراجع اللي بالفك العلوي عندك وطبعا مع بروز الفك السفلي معطيك عمر اكبر من عمرك
والعظمة اللي تحت العيون هابطه فيبين دايما ان شكلك تعبان
بروز الفك العلوي يقصد يقدمه وماقصرت اسراء شرحت وحطت صور وفيديوهات الله يجزاها خير
شوفي كيف النتيجه الرائعه اللي حصلوا عليها اعطتهم ابتسامه بيرفكت وغير كذا عمر اصغر وامتلاء لمنطقة الخدود وتحت العين
مافي بنت راحت للدكتور بدر الا ومدحت فيه وانا من كثر ماسمعت عنه كنت اتمنى اسوي العمليه عنده وبغيت اكلم دكتوري بهالسالفه بس ماحبيت احرجه او احرج دكتور بدر لاني ماقدر اسافر وكنت ابي ارتب معه اذا جاء زيارة للرياض اسوي العمليه بأي مستشفى ,,
ستايلك استخيري وكملي مع دكتور بدر اكثر شي يعجبني فيه انه مايرسم لك شي فوق الخيال يعطي اسوء الاحتمالات عشان ما ترسمين ببالك كل شي بيرفكت وبعدها تنصدمين بشي كنتي حاطه امل انه بيكون 100%
اولا مادام قالك ان اشعة المفصل سليمه معناتها ان شاء الله ماعندك تاكل فيه ,, ومع المساج و الـ night gaurd << اللي هي بلاستيكه تحطينها بفمك وقت النوم عشان تمنع ماتعضين على اسنانك بقوه
راح تنحل المشكله لو جزئيا ممكن تطولين بس اصبري وتحملي عشان مصلحتك ,, يمكن غير المساج يعطيك كريمات وادوية معينه او يمكن يضرب لك بوتكس عشان يرخي العضلات المشدوده اللي بوجهك انتي عاينتي سنوات فلو طولتي الله يكون بعونك لازم تتحملين
بالنسبة هل ممكن يستمر الالم حتى لو بعد العمليه توقعي ايه لانه هالشي مايتحكمون فيه الدكاترة 100% بس ان شاء الله انه شي خفيف هو علاجك على مرحلتين اول شي مساج و تليين للعضلات المشدوده عشان باذن الله العضلات تاخذ وضع طبيعي بعد العمليه ومايستمر الالم
بالنسبة للاحساس هو احتمال وارد تفقدينه بس ان شاء الله مؤقت ولو لاقدر الله حصل وفقدتيه للابد فهو بيكون بمنطقة صغيره يعني مو كل شفايفك مثلا لا بيكون منطقة صغيره بالشفة السفلية او منطقة بالذقن ,, ممكن جزء بسيط باللسان طبعا مو التذوق لا الاحساس او جزء بسيط من اللثه
اي جزء بسيط من المنطقه السفليه بالوجه
بس ستايلك اول شي ثقي بالله سبحانه وتعالى ثم استخيري وتوكلي على الله ودايما ادعي ربك يسخر لك ويوفقك وخلي املك بالله كبير
لو قارنتي ايجابيات العملية بسلبياتها راح تلاحظين ان الايجابيات اكثر ,, 7 ساعات تحت البنج او تورم وعناية ونقل دم اشياء مو خطيره مادامك مع طاقم طبي مضمون
ووحده برضو من هالسلبيات ( فقدان الاحساس بمنطقة صغيره مقارنة بالام تعانين منها سنوات ومانعتك من ممارسة حياتك الطبيعيه )
ماحد بيدري انك فاقده احساس بمنطقة معينه وشي راح تتعودين عليه مع الوقت وماراح يمنعك من ممارسة حياتك
هذا احتمال وان شاء الله ماراح يصير تفائلي
قلبي معك ودعواتي لك بالتوفيق والتيسير وربي يكتب لك اللي فيه الخير :eh_s(7):
دموع منسية
هالتاريخ بالذات حالمه فيه انه يوافق يوم الاثنين وهذا يوم عمليتي هههههههههههههههههه
نشوف بعد اسبوعين راح اقابل دكتور التقويم وبعدها الجراح يمكن يتحقق الحلم ويحددونه بنفس اليوم
بالتوفيق عزيزتي وربي يتمم لك على خير ويسهل عليك :eh_s(17):
