<<خطيبي فشلني وطلب مني العنايه بنفسي >>

[سارة ة]

ااااااااااااااااااااااااااااب

 

[eva beach]

اذا مشكلتج بلونج فانا اقوووول هذي مو مشكله كل وحده حلووة بلونها سواء بيضه او سمره

هذي خلقة ربنا بس المههههههههههههههههم الثقــــــــــــــــــــــــــة والرضـــــــــــــــــــــــــا

انتي حبي نفسج وحبي لونج وصدقيني كل الناس بتشوفج حلوة

اما اذا عندج مشاكل 2 البنات ماقصروا

وان شالله افيييييدج بالي اعرفه بس حددي شنو تبين بالضبط غير سالفه اللون لاني مو معاج

 

[المزن هتان]

السلام عليكم

ابي ادخل في الموضوع علا طول بنات انا انخطبت من واحد وشافني وخلاص قعدت ثلاث اسابيع او اكثر محد اتصل
اوك بعدين اتصلو وقالت امه والله بنتكم ماعليها قاصر بس ولدي يقول خليها تعتني بنفسها اشوي طبعاً انا حزت بخاطري ودخلت غرفتي اصيح حسيته جرح كبير لي طبعاً انا مانسيت هذا الكلمه ترن في ذاكرتي دايم حاولت اهتم واهتم مافي الا نتيجه بسيطه جداً الحمدالله علا كل حال احياانن اذا امه وخواته قامو يسيرون علينا ياخذون اختهم الصغيره لانها دايم تفشلني وعووووبه وكل ماشافتني انقدت وتحب تتكلم وتعلق وخواته مستانسات وانا صرت كل مايجون اتردد اطلع لهم
اتمنى الي يشوفني يقول واااو ماشالله هذي البنت باين عليها الاهتمام
ابي جسمي يصير قطنه وابيض وابي وجهي ولوني ينقلب ابي كل شي فيني يطلع يجننن فيه زواج قريب الي هو زواج اخته طبعاً انا لازم احضر وابي اطلع اجننن في الزواج بس ابي مساعده بسيطه منكم
ابي احد يساعدني وامي جاهله اشوي في امور الجمال لجئت الا الله ثم لكم والي تساعدني وتبي لي الخير وتنفعني ربي ماراح ينسااااه ابد وراح ادعي لها من قلب صادق لأني مستحيل انسا الي يتمنى لي الخير * مسسستحيل

تبين الصراحه لالالالالالالالالالا توافقين على هالزواج شاللى حادج
وصدقينى الله بيرزقج بواحد أحسن منه وتصيرين بعينه حلوه وبقلبه حبيبه
كل هذا يسوونه فيج وبتوافقين عالزواج من ولدهم

وكل هالمسخره اللى سووها وفوق هذا كله جايبين أصغر ياهل عندهم تتطنز عليج وأنتى ساكتت لهم !!!
لا وبعد بتروحين زواج إخته الله يهديج بس
والله لو إنى منج ما أتشرف آخذ ولدهم الحمد لله الرزق على الله
ليش إشفيج الحمد لله منتى ناقصه
ومن ناحية الإهتمام سوى لج برنامج يومى لمدة شهر وشوفى نتايجه إذا ضبط إستمرى عليه
وشوفى خلطات الخوات :
1 - الخلطة الصابونية للجسم للأخت مزيونه وشقرا
2 - خلطة أنل اللى سوتها لإختها
3 - خلطة التفتيح للأخت داهية مطير
4 - الخلطة الصابونية الوردية للجسم للأخت وردة سلفر
ماقصروا الخوات حاطين بمواضيعهم المقادير وطريقة الإستعمال تقدرين تشترين المقادير وتسوينها بإيدج أحسن وأضمن
والله يوفقج​

 

[رشيديه كووول]

الصراحة اسلوب اهل خطيبج ينرفزززززززز

اشلون امه تدق علي امج وتقول خلي بنتج تعدل من نفسها ؟؟؟؟؟؟؟؟؟؟ وانتي تقولين انه ما عليج قاصر بالزين ؟؟

انا لو منج اقول لا بوك لابو من جابك نصيبي مو واقف عليك ,, شالمصخرة ؟؟ والله الناس ما قامو يستحون الصراحة

 

[المزن هتان]

الصراحة اسلوب اهل خطيبج ينرفزززززززز

اشلون امه تدق علي امج وتقول خلي بنتج تعدل من نفسها ؟؟؟؟؟؟؟؟؟؟ وانتي تقولين انه ما عليج قاصر بالزين ؟؟

انا لو منج اقول لا بوك لابو من جابك نصيبي مو واقف عليك ,, شالمصخرة ؟؟ والله الناس ما قامو يستحون الصراحة

رشيدية كووول يا لبييييييييه يا حبى للرشايده

والله إنج صاجه
بس الإخت شكلهاااا موافقه عليه
الله يوفقها ويزينها بعيونه​

 

[مـوعــوده]

لحظه لحظه !!!
وشلون ترضين على نفسك هالاهانه اللي عيني عينك؟؟
لهدرجه نفسك رخيصه عندك؟؟؟ لهدرجه احساسك ميت؟؟
ترى ربي خلقك انسانه مو حيوان ولا جماد يعني كرمك عن باقي الخلق
على اي اساس تسمحيلهم يقولون عنك هالكلام وراضيه بعد؟؟؟؟ امرك غريب يابنتي
تبغين البياض وانتي سمراء؟؟تبغين الجمال وهو اصلا ماأحترمك ولا اهله قدروك؟؟
اللي هذا اوله ينعاف تاااااااااااااليه

 

[beeebooo]

حبيبتي ترى ماتوقع ابدا الرجال اللي قاله يمكن خواته الرجال ناااااادرا يدقق بها الاشياء وهو قبلك كأصلك مو بعد التعديل...

تعرفين سوالف الحريم يع هذي شينه وهذي احلى وكذا.. يمكن يبونك مثلهم تلطخين نفسك بها المكياج والحوسه اللي مالها سنع اذا كان شي اساسي...

خليك على طبيعة بشرتك بس مايمنع انك تهتمين بشكلك بشعرك بصبغات بمكياج ترى الزين مايبيله معجزه هو حلو الواحد يعرف لكن اذا ماعرفتي للمكياج الرجال يعجبه الطبيعه حطي قلوس وايلاينر فوق العين ومسكره خفيفه وحمرة خدود الرجال يموت على كذا ...

الله يسهل عليك ويبعدك من كل شر

 

[beeebooo]

اهم شي حبيبتي خليك واااااااااااااااااااثقه من شغلك ولا تفكرين ابدا ابدا تفكرين انك تقلدين احد.. لاتحطين هذا ببالك لو درى زوجك ودك تقلدين او ماتعرفين او او ... راح يحطه في باله ...

وعند المنتدى هذا فيه كل اللي تبينه ... خذي منهم وتعلمي من المنتدى لاتسألين احد بس اسألي المنتدى...

 

[Noor AlQ8]

ماكو شي يقلب السمره بيضه بس العناية يمكن تفتح اللون شوي وتوحده


بس ترا اهم شي ثقتج بنفسج .. اللي يبيج مثل ما انتي ولا لا تتحملين تجريح

 

[الغنج والدلع]

تدرين شنو احلي شي الثقه بالنفس وانتي شعليج منهم المهم نظرتج لنفسج ولا اذا بيهمونج الناس بتتعبين والله بالنسبه للسمار يمدحون الخلطه الصابونيه واهم شي رشاقتج اذا انتي متينه ضعفي واذا ضغيفه حاولي تسمنين شوي والله يوفقج حبيبتي وماعليج منهم اللي مايطول العنب يقول حامض

 

[ام يوسف الكويت]

تكفون ساعدوني نفسي اقهرهم تعبت من التجريح بنات ساعدوني تكفوووون غيروني خلوني اصير بيضه وناااعمه انا سمره حيل وملامحي تهبل بس السمار مخربني حيل

في تان ذهبي
حطيه عشان يصير لونج نفس نجوى كرم
شحلات لونها
ترى مو سمره يعني جيكره
ياما *ميامي* غنو عن السمر

يعني انتي سمرى من سابع المستحيلات تقلبين بيضا ليش نضحك على نفسنا ونعطيج امل كاذب

فا انتي صيري ذكيه وسخري ادوات الجمال لصالحج
سوي نفس ما قلت لج

صبغي شعرج بني مع عسلي لو لايت
وحطي تان ذهبي تصيرين جنج مكسيكيه


وقهريهم انج متزينه حق نفسج مو عشانهم وولدهم خليه يولي اللي هذا اوله ينعاف تاليه
باجر يقعد يفصل عيوبج وحده وحده حق امه


بعد ريال شفهمه بسوالف العنايه ما عنايه حمدلله والشكر:eh_s(1):

 

[لمسه حزن]

شوفي حبيبتي

السماار مو عيب

بس الحلو توحدين لون بشرتج

اول شي

نبلش البشره:

- اشتري خيمه بخار واسبوعيا حمام بخار مع مغربي وسنفره

وتفركي عدل .. وبس تخلصين دهني جسمج بكريم فازلين زبده الككاو

- يوم من الاسبوع ادهني جسمج بزيت زيتون مخلوط بليمون

وقعدي ساعتين واخذي بعده شور ..

- يوميا بليل ادهني جسمج بلخطه من كريم الجلسلوليد + عصير ليمون

والصبح غسليه

- ريولج دهني يوميا بفازلين ولبسي دلاغات والصبح فركيهم ولاتنسين

بس تطلعين من الحمام وانتي بكرامه حطي لهم كريم وسوي مساج خفيف ..

واهم شي تمسحينها باسكنول عشان يروح السواد ..

- الركب + الاكواع يوميا تمسحينهم باسكنول وتدهنينهم بزيت زيتون وتفركينهم وقت الشور

وبعدها ترطيب بجلسلوليد ..

ثانيا: الوجه :

- خلطي روب + ليمون + نشا يوميا للوجه

- حطي سنفره ومن تنشف سوي مساج بشكل دائري للوجه

- استخدمي صابونه البابايا بالقطع احسن شي للوجه

- مسج لوجه يوميا باسكنول البابايا ..

- ترطيب الوجه بماي ورد ..

ثالثا : الشعر :

- يوميا زيتي شعرج بدابر املا افضل شي للشعر

على الاقل ساعتين او 3 وغسليه

وحاولي تبعدين فتره عن المجفف لحد ما يتحسن شعرج

- بعد فتره يعني قبل المناسبه الي تكون عندج قصي شعرج

قصه تناسبج وصبغيه ..

استخدمي حمام زيت ..

- وفي فيتامينات خاصه بالشعر ..

رابعا : الجسم :

- اخذي حبوب فيتامينات من الصيدليه واحرصي على اكلها يوميا ..

- شربي ماي معدني مخلوط بماي ورد يوميا .

- لعبي رياضه واهم شي المشي

وهذا كل الي قدر اقوله لج

وربي يوفقج

لاتحرميني دعائج

 

[لمسه حزن]

اهم شي حبيبتي

خليج واثقه من نفسج

وتعلمي هالشي وتدربي عليه

لاتتوترين من اي انتقاد او كلمه تضايقج

بالعكس اخذيها برحابه صدر

وضحكي واهم شي تكونين حلوه من الداخل

حاولي تتدربين على حركات الدلع

واذا احتجتي اي شي

لايردج الا الخاص

بالتوفيق

 

[Tom ♥ Jerry]

,،


و عليكم السلام و رحمه الله و بركآته (= !


يا قلبي رآح آعطيج عنايه كآمله من شعرج ليه ريولج
آن شاء الله اذا مشيتي عليها رآح يبين الآهتمام و رآح تلاحظين الفرق
بس يبيلها استمرار و صبر عشان تكون النتيجه حلوة
و من اليوم ليه يوم الملجه أو العرس تكونين توب (=

أول شي .، روحي صالون كل اسبوع مره سوي حمآم مغربي
سوي هالخلطه حق شعرج حطيها مرتين بالاسبوع لمده ساعتين بعدين غسليها
و اهيه عباره عن " زيت خروع / زيت زيتون / زيت طبخ / روب / مآيونيز / عسل : زيت نآرجيل " من الحواي "
زيت كشمير " من الحواي / اي نوع حمام زيت "
و حطي مره وحده حنه بـ شعرج (=

عندج بوكس نوآعم تطلبينه من العضوة مزيونه و شقره
وآيد حلو و اييلج معآه ورقه عن شلون تستخدمينه مو صج " فيه سنفرات / صآبون / لوشن / كريم "
كل شي و وآيد حلو آنه العروسه تاخذه (=
و هم عندج العضوة grass تبيع اشياء وآيد حلوة و نتيجتهآ وآو حق الشعر
و البشره و الجسم ؛*

بالنسبه لجسمج " سوي هالـ خلطه حطيها قبل لا تسبحين بـ ساعتين "
2 قرص فيتامين سي الفوار
عصير 4 ليمونآت
1 علبه كريم جيلوسيد الأحمر
1 فنجآن زيت اللوز المر

و هالخلطه سويها و تفكري فيها بالحمام لمآ تسبحين " فركيها بآيدج بعدين خليها 10 دقايق "
و ردي فركيها بـ الليفه المغربيه من الحواي ؛) .،
و اهيه عباره عن " صابون البابايا ، صابون الفلبيني ، صابون الكركم ( بشريهم كلهم ) ، و حطي عليهم
زيت اللوز المر ، زيت الجلسرين ، زيت جنين القمح ، زبده الكآكآو ، قفشتين كريم جيلوسيد الأحمر > كلا تلقينه بالحواي "

بعد مآ تآخذين الحمآم .، اهتمي بالترطيب على طول !
الترطيب وآيد مهم حق البشره والجسم ؛***

لا تنسين تشربين حليب مرتين باليوم و باديه سلطه مره على الاقل باليوم ؛*
لانه وآيد مهم حق البشره :**

قبل لا تنآمين حطي زيت الخروع على رموشج
و فازلين على ريولج
و حطي كريم سودو على المناطق الحساسه > لانه يفتح " بس بدون لا تلبسين الأندروير " !

وحق الآظآفر حطي زيت زيتون (=
عندج حبوب hair vit وآيد حلوة حق الشعر تقويه و تطوله
آكليها مره وحده باليوم قبل لا تنآمين /

حق ويهج حطي روب و عسل بالاسبوع 3 مرات على الاقل
حطيه نص ساعه بعدين غسليه يعطي نظآره :*


موفقه و الله يتمم عليج و اي سؤال انا حآظره دزيلي ع الخاص اخاف مآ آرد اشوف الموضوع

 

[đeɱɛɼɑ™]

:
.
البَنات ما قصروُا . .
بَسس صَراحة اهل خَطيبِج فيهِم قِلة سَنع الله يعينِج عَليهُم
اذا خَلاص انتي مقررَة تدخلين بيتهُم نصيييييييييحَة كُوني واااااااااااااثقة من عُمرج
وشفيه لونِج ؟ صَحيح ساعات نشتهي البِياض او تغيير اللون بَس مو معناته ان السِمار عيب !!!
كاهي اميرَة الطويل زوجة الوَليد بن طَلال سَمرررررره تهبِل وماخذَه امير وِلد امير ماعابهَا سِمارها
حِبي نفسسِج عَشان الناس تحبِج وتشوفِج ملكَه
والله يوفقِج ان شاء الله ويهنيِج
​

 

[رحيييييييييل]

ماااااااااااااااااااااااااعليك منهم مدام اخذوك فانتي عاجبتهم ولا مارضوا فيك الظاهرانتي مو محتاجه الا ثقه ........وربي الزواج خص مالشكل دخل فيه........ توافيق من ربي ياكثر ماشفت بنات مافيهم شي يذكر من الحلا وسعيدات بزواجهم.. ادعي ربك يوفقك والاهتمام لابد منه حتى بعد الزواج والولاده يعني الاهتمام لايوووووقف
ربي يوفقك ياعسوله

 

[noor qlby]

اله يوفقكم يارب بنات الثقه ماتجي مني والطريق انا مهمله نفسي دايم اشتغل واكرف في البيت
اولاً انا جسمي اسمر واكواعي مره سمر يارب لك الحمد. وجهي فيه كلف ودي يروح واصابع ايديني فيها اسمرار
وشعري يبغالها اهتمام بعد يارب لك الحمد بنات انا بغيت مساعده منكم انكم تغيروني والزواج اخته بشهر ٨ ابي اعتني بنفسي طول هالفتره

 

[EmMy]

مبروووك اولاً
تانياً البنات ماشاء الله عليهم كفوو و فوو
موفقه حبوبه

 

[Čut!e Quèéи]

راح احاول اتكلم بختصار
تبين حيل تتغيرين بس مافي تغيير بيوم وليله
اكيد اقل شي راح ياخذ منج شهر كامل

اذا وزنج زايد سوي رجيم صكي حلجـج لا تاكلين حلويات و دسم
لاتسوين دايت من كيفج لان ماراح يعطي نتيجه انتي ماتعرفين شنو الي يناسب جسمج ودمج
روحي طبيب تغذيه او سجلي في شركه دايت كير واذا ماعندج فلوس خلي غداج صدر دياي واحد مسلوق او بالفرق
العشا و الفطور ممنوع فيه الخبر والتوست والمقالي اكلي سلطات او بيض مسلوق او فواكه بدون موز و مانجا + مشي كل يوم

هذا بالنسبه للوزن اذا كنتي سمينه

الحين نتكلم عن الشكل

الابتسامه الساحره اسنانج سوي لهم تبيض واهتمي فيهم كل يوم فرشي اسنانج 3 مرات
قبل النوم و اول وماتقعدين وبعد الغدا والعلج معاج بكل مكان نكهات الفراوله او النعناع
روحي الطبيب سوي لهم تنظيف

هالله هالله بالعطور الحلوه الي تبخ بببببخ

اذا شعرج طويل ومافيه حركه روحي الصالون سوي له قصه 7 او طبقات او قذله
صبغي شعرج بس لا تسويييين اشقر لانه يطيح الشعر سوي بني او عسلي او زيتوني

استخدمي حمامات زيت للشعر او حمام كريم راح يعطي لمعه و نعومه وصحه للشعر
حواجبج غيري شكلهم روحي حق وحده شاطره خل ترسم لج الحواجب الي تناسبج




لا تستغنين عن كريمات الترطيب للجسم والوجه
هذا

للأيد

للشفايف لا تخلينها ناشفه يصير شكلهم كأنج عطشانه
وغير جذي اذا صارو ناشفين يصير فيهم تشققات

مرطب شفايف لابيلو

كل هذيل تلقينهم بالجمعيه
كل ما تسبحتي طيري المطبخ شبي لج فحم وبخري شعرج واهو رطب
اذا شعرج رطب فيه ماي راح تلصق فيه ريحه البخور يومين بس ها مو تشترين بخور بوطقه
التوله على دينارين لااااااا هذا بسرعه تصير ريحته خايسه بالشعر اشتري الي تكون التوله الوحده بـ 10 او 15 دينار

روحي سوي بديكير ومنيكير خلي اصابع ايدج شكلها حلو وكله حطي الوان فاتحه تفتح الايد
مثل البيج المورد والالوان الفاتحه الي قريبه من لون بشرتج

اذا عندج مشاكل بالشعر استخدمي فيتامين هيرفيت حلوين للشعر

واذا تبين عنايه اكثر بالخلطات روحي قسم العنايه بالجسم والشعر تلقين كله خلطات صابونيه وكريمات

 

[• JoJo •]

قسم العنايه بالبشرة فيه كوووووم خلطات طبي وتخيري اللي يناسبك ويحل مشكلتك


وربي يوفقك